Նունե Չուխաջյան


Թաղիքագործությունն այսօր Հայաստանում լայն տարածում ունի: Նունե Չուխաջյանն արհեստի այս տեսակի մեջ արվեստային աշխատանք է անում: Աշխատում է տարբեր մեթոդներով՝ նունոֆելթինգ, թաղիքե նկարչություն, էկոփրինթ: Պատրաստում է բաճկոններ, շարֆեր, պայուսակներ, գլխարկներ, աքսեսուարներ: 
 

Վիգեն Հովսեփյան


Վիգենը 2001 թ.-ին ընտանիքի հետ տեղափոխվել է Իսպանիա, այնտեղ ավարտել է դպրոցը ու սկսել զբաղվել երաժշտությամբ: Նվագել է «Բարսելոնա էթնիք» խմբում: Հետո ծանոթացել է ապագա կնոջ հետ և վերադարձել Հայաստան: «Այսօր Երևանը շատ է փոխվել, հույս ունեմ, որ շուտով կկառուցենք այնպիսի Հայաստան, որ բոլորին դուխով կանչենք հայրենիք»:  

Արամ Մուրադյան


Արամը մասնագիտությամբ անիմատոր է: Բացի այդ, կահույք է պատրաստում ձեռքն ընկած ամեն նյութից՝ հին կահույքից, երկաթի հին կտորներից, հեռուստացույցի էկրաններից, հին մահճակալներից: «Նյութը կապ չունի, կարևորը՝ տեսնես, թե ինչ կարող է այն դառնալ, իսկ ես դա տեսնում եմ»: Արամի և եղբոր՝ Հայկի համար հաղթանակի զգացողության պես է, երբ ոչնչից ինչ-որ բան է ստացվում: 

Արթուր Գույումջյան, Րաֆֆի Գույումջյան


Սիրիայից Հայստան տեղափոխված Գույումջյանների ընտանիքը ստիպված էր հայաստանյան կյանքը սկսել զրոյից: Այսօր նրանք Հայաստանը համարում են միակ տեղը, որտեղ կարելի է լիարժեք ապրել: Ուրախ են, որ այսօրվա Հայստանի մաս են կազմում և ոչ ոք երբևէ չի կարող նրանց դուրս հանել իրենց տնից: 

Տ. Ներսես քահանա Ռուշանյան


«Քահանան թագակիր, օծյալ հոգևորական է, բայց նա պետք է շրջապատված լինի հավատցյալների վստահությամբ, սիրով ու հավատքով»: 
«Իմ հովիվը» հաղորդաշարը հյուրընկալվել է Արտիմեդ գյուղի Սուրբ Աստվածածին եկեղեցու հոգևոր հովիվ Տ. Ներսես քահանա Ռուշանյանին:
 

Մամիկոն Միքայելյան, Աշոտ Միքայելյան


Մամիկոն և Աշոտ Միքայելյանները նկարիչ, քանդակագործներ են, էքսպերիմենտների սիրահարներ: Աշխատում են տարբեր նյութերով՝ պղինձ, արծաթ, քար, փայտ: Նույնիսկ զարդերին են մոտենում ինչպես քանդակի: Երկվորյակ եղբայրները միասին են աշխատում՝ քննարկում են, վիճում, համաձայնվում, արդյունքում ստեղծվում են գործեր, որոնք երկուսին էլ գոհացնում են: 
 

Նարե Բեջանյան


Լեռնագնացությամբ զբաղվող Նարե Բեջանյանը Դոնի Ռոստովից վերադարձել է Հայաստան: Խոստովանում է, որ Հայաստանում ապրելը հեշտ չէ, հաճախ անկումային պահեր է ունենում: Երբ ետ գնալու համար ճամպրուկն է հավաքում, օգնության են գալիս լեռները...  

Արմեն Խաչատրյան, Արփի Կոջայան


Արմենն ու Արփին Հայաստան են տեղափոխվել Լոնդոնից: Արփին իրականացրել է իր երազանքը՝ պարում է պարի պետական անսամբլում:
Նրանց համար Հայաստանում ապրելու առավելությունները շատ են: «Ուզում ենք վստահեցնել բոլոր զարմացողներին, որ Հայաստանում ևս կարելի է ապրել, աշխատել և երջանիկ լինել»:  
 

Տատյանա Ֆետիսովա


Տիկնիկագործ Տատյանա Ֆետիսովան տեքստիլից տիկնիկներ է պատրաստում, որոնք մուլտերի հերոսներ են հիշեցնում: Տատյանան տիկնիկները չի վաճառում, իր խոսքով՝ որդեգրում է:

Արամ Հունանյան


Կավագործ Արամ Հունանյանը հրեշտակներ է պատրաստում, ընթացքում նրանց հետ լուռ զրուցում է: Վարպետը վստահ է, որ հրեշտակներ ծեփելիս պետք է խաղաղ լինել և հուշանվերի հետ այդ խաղաղությունը կհասնի ու կջերմացնի մարդկանց: 

Տիգրան Եգանյան


Տիգրան Եգանյանը բանակում ծառայելիս ծանր հիվանդանում է: Վախը և տագնապը ավելի են ծանրացնում նրա վիճակը, բայց մի օր տեսիլք է ունենում: «Երազիս մեջ Տերը ժպտալով ձեռքն ինձ էր մեկնել, և ես ընտրեցի կյանքը»:

Սպարտակ Գևորգյան


Սպարտակ Գևորգյանի պղնձե մանրաքանդակներում հիմնականում պատկերված են կանայք: «Արվեստում կեղծել չի կարելի, մանրաքանդակում հատկապես պետք է զգույշ լինել, իսկ կնոջ կերպար ստեղծելիս՝ առավել ազնիվ». համոզված է մեր հերոսը: