Հեղինակ Կարինե Հարությունյան

1 2 3 4

	Ճրագալույցի պատարագ Մայր Տաճարում Սուրբ Ծննդյան տոնն սկսվում է հունվարի 5-ի երեկոյան: Երեկոյան ժամերգությանը հաջորդում է Ճրագալույցի պատարագը: Ս. Էջմիածնում, Վեհափառ Հայրապետի հանդիսապետությամբ, կատարվեց Ս. Ծննդյան Ճրագալույցի պատարագ, այս տարի պատարագիչը Փառեն արքեպիսկոպոս Ավետիքյանն էր: Հավատացյալները համայն հայության հոգևոր կենտրոնից` Միածնաէջ մայր տաճարից, իրենց օջախներ են տանում Հիսուսի Ծննդյան բարի լուրը, եկեղեցու լույսն ու ջերմությունը:
	Ընծայում սարկավագական ձեռնադրությունից առաջ Մայր Տաճարում տեղի ունեցավ ընծայման արարողություն: Այն նախորդում է սարկավագական ձեռնադրությանը, որին ներկայացվել են 40 դպիր` Գևորգյան հոգևոր ճեմարանից, քահանայից լսարանից և Սյունյաց թեմից: Նրանք այսօր ստացան կիսասարկավագության աստիճան, իսկ ճեմարանի 2-րդ և 4-րդ լսարանի սաները` դպրության:
	Ակունք գյուղի հոգևոր-մշակութային կենտրոնի բացումը Հատիս լեռան լանջին փռված Ակունք գյուղը հիմնել են Մուշից եւ Բայազետից գաղթած հայերը` 19-րդ դարի սկզբին: Սուրբ Կարապետ եկեղեցին գյուղի կենտրոնում է: Եկեղեցուն կից այսուհետ կգործի նաև հոգևոր-մշակութային կենտրոնը: Հանդիսավոր բացումը կատարվեց կիրակի՝ Պատարագի ավարտին:
	Գործում է Զինված ուժերի հոգևոր առաջնորդության կայքը www.armchaplain.com/am հասցեով գործող Զինված ուժերի հոգևոր առաջնորդության կայքէջում հատուկ տեղ են հատկացված լուրերին, հոգևոր գրականությանը, բանակի հոգևոր սպասավորության մասին ռադիո և հեռուստատեսային թողարկումներին, քարոզներին: Տեղադրված են նաև աղոթքներ զինվորի համար:
	Ավանդական Ջրօրհնեք Ռումինիայի հայոց Հաճկատար վանքում Ռումինիայի հայոց Հաճկատար վանքը համաքրիստոնեական սրբավայր է ավելի քան 500 տարի: Ամեն ուրբաթ, ավանդույթի համաձայն, այստեղ Ջրօրհնեք է կատարվում: Քահանաներն ու հավատացյալներն աղոթում են համայնքի առողջության համար: Արարողությունը հանդիսապետում է Ռումինահայոց թեմի առաջնորդ Տաթև եպիսկոպոս Հակոբյանը:
	Իսպանացի ուխտավորները Ս. Էջմիածնում Հայաստան ժամանած իսպանացի ուխտավորներին Մար Աթոռ Սուրբ Էջմիածնում ընդունեց Վեհափառ Հայրապետը: Նրանք Իսպանիայում գործող մի շարք համալսարանների և դպրոցների ղեկավարներ են և հոգևորականներ: Խմբին ուղեկցում էր Իսպանիայում Հայաստանի պատվո հյուպատոս Արմինե Ադամյանը: Այցի հիմնական նպատակը եկեղեցական տուրիզմի զարգացումն է:
	Կոնստանցիայի հայ համայքնը Ռումինիայի Կոնստանցիա ծովափնյա քաղաքում հայերը հաստատվել են 18-րդ դարի կեսից: Ժամանակին այստեղ գրեթե 4000 հայ է ապրել, այսօր` կա ընդամենը 200 հայ: Սուրբ Մարիամ եկեղեցին տեղակայված է նախկին հայկական դպրոցի շենքում: Տեսանյութ Կոնստանցիայից:
	Թադեի վանքի վերաբերյալ դասախոսություն Գևորգյան հոգևոր ճեմարանում 2014թ.-ին լրանում է Իրանի Ս. Թադեի վանքի ուխտագնացության 60 տարին: Իրանահայ մտավորական Շահեն Հովսեփյանը Թադեի վաքի պատմության ու ճարտարապետության վերաբերյալ դասախոսություն է կարդացել Գևորգյան հոգևոր ճեմարանում:
	«Հայ-ռումինական մշակութային ժառանգությունը» խորագրով միջազգային գիտաժողով Բուխարեստում Բուխարեստում անց է կացվել ռումինահայ մշակութային ժառանգությանը նվիրված հնգօրյա միջազգային գիտաժողով` Հայաստանից, Ֆրանսիայից, Հունգարիայից, Մոլդովայից, Ուկրաինայից ժամանած գիտնականների մասնակցությամբ: Գիտաժողովը կազմակերպել էին Հայաստանի և Ռումինիայի մշակույթի նախարարությունները, Ռումինիայում Հայաստանի դեսպանությունն ու Ռումինական ակադեմիան` Ռումինիայի հայոց թեմի և Հայոց միության աջակցությամբ:
	Բուխարեստի Ս. Հրեշտակապետաց եկեղեցու ուխտի օրը Այսօր Ռումինիայում պաշտոնական տվյալներով գրեթե 3000, ոչ պաշտոնականով` մոտ 5000 հայ է ապրում: Նոյեմբերի 10-ին, ռումինահայությունը նշում էր Բուխարեստի Սուրբ Հրեշտակապետաց առաջնորդանիստ եկեղեցու ուխտի օրը:
	Հայ եկեղեցական մշակույթը ներկայացվել է Բուխարեստի միջազգային գիտաժողովում Բուխարեստում տեղի ունեցած ռումինահայ մշակութային ժառանգությանը նվիրված միջազգային գիտաժողովում առանձնահատուկ տեղ էր հատկացված հայ եկեղեցական մշակույթին: Թեմի առաջնորդ Տաթեւ եպիսկոպոս Հակոբյանն ու Հայաստանից, Ռումինիայից, Մոլդովայից, Ֆրանսիայից և Ուկրաինայից ժամանած գիտնականները զեկույցներ ներկայացրեցին Հայ եկեղեցու հոգևոր-մշակութային հարուստ ժառանգության անցյալի ու ներկայի մասին:
	Հաղարծնի վանական համալիրի վերաբացումը Հաղարծնի վանական համալիրի նորոգումն ավարտված է: Այսօր Վեհափառ Հայրապետի հանդիսապետությամբ տեղի ունեցավ վանական համալիրի վերաբացումը: Արարողությանը մասնակցեու համար Արաբական Միացյալ Էմիրություններից Հայաստան էր ժամանել Շարժայի կառավարիչ, Շեյխ Դոկտոր Սուլթան Բեն Մոհհամադ Ալ-Քասսիմիի ներկայացուցիչ Համիդ Դիա Ջաֆարը` տիկնոջ հետ: Համալիրի վերականգնման ամբողջական ծրագիրը` հինգ մլն. դոլար արժողությամբ, հովանավորել է Շեյխ Մոհհամադ Ալ-Քասսիմին: Հաղարծնում էին պաշտոնյաներ ու դիվանագետներ Հայաստանից եւ Արաբական Էմիրություններից, բազմաթիվ հյուրեր ու հավատացյալներ: Հայոց հայրապետն օրհնեց ներկաներին եւ առանձնահատուկ գնահատանքի խոսք ասաց` ուղղված Շարժայի Շեյխին:

« ‹ 1 2 3 4 › »