Երվանդ Քոչար


Նա եզակի արվեստագետներից է, որ համարժեք հզոր գործեր է ստեղծել կերպարվեստի բոլոր ժանրերում: Որքան ինքնատիպ են Երվանդ Քոչարի ստեղծագործությունները, նույնքան ինքնատիպ է նաև Քոչարն ինքը:
 

Ալ. Սպենդիարյանի անվան օպերայի և բալետի ակադեմիական թատրոն. մաս 2-րդ


Հաղորդումը շարունակում է անդրադառնալ Օպերային թատրոնի պատմությանը, երախտավորներին, ներկա գործունեությանը: Մեր տեսախցիկը հետաքրքիր կադրեր է որսացել կուլիսներում, համերգներից առաջ, փորձասենյակներում: 

Ալ. Սպենդիարյանի անվան օպերայի և բալետի ակադեմիական թատրոն. մաս 1-ին


Հաղորդումն անդրադառնում է Օպերային թատրոնի պատմությանը, երախտավորներին, ներկա գործունեությանը: Մեր տեսախցիկը հետաքրքիր կադրեր է որսացել կուլիսներում, համերգներից առաջ, փորձասենյակներում: 

Դեպի հայրենիք, դեպի Սուրբ Էջմիածին


Ամենայն հայոց կաթողիկոսը 2018 թվականը հռչակել է երիտասարդության տարի: Տարին լի էր երիտասարդական բազմաթիվ ծրագրերով. դրանցից գլխավորը  «Դեպի հայրենիք, դեպի Սուրբ Էջմիածին» համահայկական երիտասարդական հավաքն էր: Հայ եկեղեցու աշխարհասփյուռ թեմերից 400 երիտասարդ էր հայրենիքում: Ուխտագնացություններ, քննարկումներ, հանդիպումներ հոգևոր և պետական այրերի հետ, տպավորություններ և հույզեր, որոնք երիտասարդները ամբարեցին հայրենիքում և տարան իրենց հետ համայնքներ: 

ՀԵՀԵՄ 2018. չորս հարյուրից՝ մեկը


Գարեգին Բ Ամենայն հայոց կաթողիկոսը 2018 թվականը հռչակել է երիտասարդության տարի: Տարվա առաջին կեսը լի էր երիտասարդական բազմաթիվ ծրագրերով, դրանցից գլխավորը «Դեպի հայրենիք, դեպի սուրբ Էջմիածին» Հայ եկեղեցու համաշխարհային երիտասարդաց միավորման ծրագիրն էր: Հուլիսի 4-ից հայ եկեղեցու աշխարհասփյուռ թեմերից 400 երիտասարդ էր հայրենիքում: Ավստրալիայի հայոց թեմից ժամանած Ջորջ Նաջարյանը այդ երիտասարդներից մեկն է: 

Երևանի պարարվեստի պետական քոլեջ


Շուրջ մեկդարյա պատմություն ունեցող Երևանի պարարվեստի պետական քոլեջը դասական և ժողովրդական պարի պրոֆեսիոնալ միակ կրթօջախն է Հայաստանում: Այն Ալ. Սպենիդիարյանի անվան օպերայի և բալետի ազգային թատրոնի դարբնոցն է համարվում: Մեր տեսախցիկը շրջել է քոլեջի փորձասենյակներով: 

Արա Շիրազ


«Դիմաքանդակի վարպետ». այսպես են արվեստաբանները բնութագրում 20-րդ դարի հայ կերպարվեստի ամենավառ երևույթներց մեկին՝ Արա Շիրազին: Նրա նորարար հայացքների, ստեղծագործության շրջափուլերի ու կենսագրության հետաքրքիր դրվագների մասին է մեր հաղորդումը: 

«Որդան կարմիր» ռոք խումբ


Ղարաբաղցի տատիկի օժիտի 100 տարեկան կարպետների որդան կարմիրը դարձավ վանաձորցի տղաների խմբի անվանումը: 2004 ստեղծված «Որդան կարմիր» ռոք խումբը ստեղծագործում է հայրենի Վանաձորում, համերգներ ունենում Երևանում և նրա սահմաններից դուրս: Մեր ստեղծագործական խմուբը եղել է «Որդան կարմիր» ռոք խմբի տղաների ձեռքերով նորոգած և հարմարեցրած փորձասենյակում: 

«Վարորդի ընկեր»


Արդեն մի քանի տարի է, մեր վարորդները քաղաքացիական պաշտպաններ ունեն. «Վարորդի ընկեր» հասարակական կազմակերպությունը դիտարկում և վերլուծում է իրենց դիմած յուրաքանչյուր քաղաքացու բողոք: Եթե վարորդը համոզված է, որ անհարկի տուգանվել է, կազմակերպությունը օգնում է իրավաբանորեն ճիշտ հայց կազմել, բողոքարկել, տեր կանգնել սեփական իրավունքներին: Բանիմաց փորձագետներն արագ արձագանքում են երթևեկության ամեն նոր փոփոխության, հաղորդակցության տարբեր միջոցներով իրազեկում քաղաքացիներին՝ ապահովելով անվտանգ երթևեկություն: 

«Ոստան հայոց»


1980-ականների ազգային շարժման առաջամարտիկ «Ոստան հայոց» ռոք-խումբը հայ իրականության մեջ ամենաերկարակյացներից է: ՙ՚Բեմից մինչ ռազմի դաշտ ընդամեն է մեկ քայլ էր, - խոստովանում է խմբի հիմնադիր Արեգ Նազարյանը: Հիշելով այդ տաիների իրենց համերգները, հիշում է թե ինչպես Ստեփանակերտում ունեցած համերգից հետո երաժտական գործիքներն ու սարքավումներն այլևս անհնար եղան հետ բերել:  Փորձասենյակում «Ոստան հայոց» ռոք-խումբ անդամները պատմում են նաև իրենց ապագա ծրագրերի մասին: 

Վիքիմեդիա Հայաստան


«Վիքիմեդիա Հայաստան» հանրագիտարանային գիտելիքների տարածմանն աջակցող գիտակրթական հասարակական կազմակերպությունը համախմբել է տարբեր տարիքի ու մասնագիտության կամավորների, որոնք ջանք չեն խնայում հայերեն հոդվածներ գրել, խմբագրել արդեն եղածների սխալներն ու վրիպումները: Նրանց շնորհիվ հայերեն Վիքիպեդիան համաշխարհային մեծ ընտանիքի լիիրավ անդամներից է դարձել, հոդվածների թվով՝ 34-րդը: 

«Մեծամոր» պատմահնագիտական արգելոց-թանգարան


Մեծամորի պատմահնագիտական թանգարանը կառուցվել է 1968 թվականին, այստեղ ցուցադրված նմուշները ներկայացնում են տարբեր դարաշրջանների մշակութային շերտեր: Դրանք բոլորը հայտնաբերվել են բացառապես հնավայրի տարածքից: Ավելի քան կես դար ընթացող պեղումները 27 000-ից ավելի առարկա են հայտնաբերել, սակայն մինչև այսօր անհայտ է բնակավայրի պատմական անունը: