Նեապոլի Սուրբ Գրիգոր Հայ եկեղեցում մատուցվել է սուրբ պատարագ


Հայ ուխտավորները Արևմտյան Եվրոպայի հայրապետական պատվիրակության երկրներից` Իտալիայի և Բելգիայի համայնքներից, ինչպես նաև Լեհաստանից, ուխտագնացության են գնացել Նեապոլ՝ Սուրբ Գրիգոր Հայ եկեղեցում խոնարհվելու Հայոց առաջին Հայրապետի մասունքներին և միասին մասնակցելու տոնական Սուրբ Պատարագի։ Ուխտավորները եղել են նաև Հռոմում, Սուրբ Պետրոսի հրապարակում խոնարհվել Լուսավորչի արձանի առջև, խնդրել սրբի բարեխոսությունը:

 

Ամփոփ լրահոս 15․03․2024


Մեծ Բրիտանիայի և Իռլանդիայի հայոց թեմի հրավերով Օքսֆորդի համալսարանում ելույթ է ունեցել Արման Թաթոյանը։ Մեսրոպ եպիսկոպոս Պարսամյանը Նյուջերսիի Սենտ Ալֆոնսո կենտրոնում մասնակցել է թեմի հոգևոր հայրերի հավաքին: Երուսաղեմի հայոց պատրիարքությունում նշել են Վարդանանց զորավարների և 1036 վկաների հիշատակի տոնը։

 

Գևորգյան հոգեւոր ճեմարանում ավարտական թեզեր են պաշտպանել


Գեւորգյան հոգեւոր ճեմարանում մագիստրոսական ավարտաճառերի համար հեղինակները ընտրել են խիստ կարեւոր թեմաներ։ Աշխատանքներից մեկը նվիրված է եղել Հակոբոս Տյառնեղբոր ընդհանրական թղթում արտահայտված սոցիալական թեմաներին: Մեկ ուրիշ սան ուսումնասիրել է Հովհաննու ավետարանի 21-րդ գլուխը, հետազոտել՝ Հովհաննեսի և համատես ավետարանների ընդհանրություններն ու տարբերությունները։ Մեկ այլ սան ուսումնասիրել է յոթերորդ օրվա ադվենտիստների դավանանքն և ցույց տվել շեղումները ուղղափառ հավատից:

 

Ամփոփ լրահոս 11․03․2024


Տեղի է ունեցել Բելգիայում, Հոլանդիայում, Իտալիայում և Իսպանիայում  ծառայող հոգևորականների հավաք:
Անտվերպենի հայ երիտասարդները ուխտավորաբար այցելել են Գերարդսբերգենի Հայ Առաքելական Եկեղեցու Համայնք:
Հայ Առաքելական Սուրբ Եկեղեցու տոնացույցով մարտի 6-ին Մեծ Պահքը կիսվել է
Միջինքի օրը հանդիսավորությամբ նշվել է Սամցխե-Ջավախքի և Ծալկայի ընդհանուր առաջնորդական փոխանորդությունում:

«Լուսավորիչ» երգչախմբի 95 ամյակի առիթով կայացել է համերգ


Պոլսում կայացել է «Լուսավորիչ» դպրաց դաս երգչախմբի 95-ամյակին նվիրված համերգ։ «Լուսավորիչ» բազմաձայն երգչախումբը երգում է պատարագների և կարևոր եկեղեցական տոների ժամանակ։ 95 տարի առաջ ստեղծված Լուսավորիչ երգչախմբում անընդհատ սերնդափոխություն է կատարվել, երիտասարդ երգիչներից շատերի ծնողները կամ նույնիսկ պապերն են ելույթ ունեցել Պոլսի եկեղեցիների հայտնի երգչախմբում։

 

Մաշտոցյան Մատենադարանում բացվել է բացառիկ ցուցահանդես


Ցուցահանդեսը նվիրված է Մատենադարանի 65-ամյակին և նվիրատուներին, որոնց շնորհիվ համալրվում է աշխարհում հայերեն ձեռագրերի ամենախոշոր հավաքածուն։ Մատենադարանը գիտահետազոտական ինստիտուտի կարգավիճակ է ստացել 65 տարի առաջ։ Ցուցադրության նմուշներից մեկը հենց այդ փաստաթուղթն է, որի կողքին` կառույցի առաջին տնօրեն Լևոն Խաչիկյանի բացման ելույթի գրառումները:

Էջմիածնի միաբանությունը մասնակցել է հանգստյան ժամերգության


Մայր Աթոռ սուրբ Էջմիածնի միաբանությունը Սուրբ Գայանե վանքում մասնակցել է հանգստյան ժամերգության։ Մեծ Պահքի ժամանակ Հանգստյան ժամերգությունը տեղի է ունենում ամեն ուրբաթ՝ երեկոյան: Ժամանակին եկեղեցու հայրերը սահմանել են այն որպես օրվա վերջին ժամերգություն, դրա համար էլ կոչվել է հանգստյան:

 

Ամփոփ լրահոս 01․03․2024


Վատիկանում նշվել է Սուրբ Գրիգոր Նարեկացի տիեզերական վարդապետի տոնը Երուսաղեմի սրբոց Հակոբյանց միաբանությունում հին տոմարով նշվել է Տեառնընդառաջի տոնը Ամստերդամի «Սուրբ Հոգի» Առաքելական եկեղեցին նախաձեռնել է Սուրբ Գրքի սերտողության դասընթաց

 

Կատարվել է հոգեհանգստի կարգ Սումգայիթում նահատակվածների հիշատակին


Արեւագալի ժամերգության ավարտին հոգեհանգստյան կարգ է կատարվել: Այս օրերին եկեղեցին խնկարկում է 1988 թվականին Սումգայիթում տեղի ունեցած հայկական ջարդերի ժամանակ նահատակված անմեղ հայերի հիշատակը: Սումգայիթում կազմակերպված հայերի տեղահանության ու կոտորածի զոհերի ստույգ թիվը հայտնի չէ: Հարյուրավոր հայեր ենթարկվել են կտտանքների, սպանվել են, ողջ մնացածները թալանվել ու տեղահանվել են:

 

Թբիլիսիում ոգեկոչել են Սումգայիթի ջարդերի անմեղ զոհերի հիշատակը


Հավլաբարի Սուրբ Էջմիածին եկեղեցու հարակից տարածքից վիրահայ համայնքի երիտասարդները Վրաստանի, Հայաստանի և Արցախի դրոշներով հիշատակի քայլերթով գնացել են դեպի Սուրբ Գևորգ առաջնորդանիստ եկեղեցի և միացել կիրակնօրյա Պատարագին: Ավելի ուշ կատարվել է հոգեհանգստյան կարգ՝ 36 տարի առաջ 1988 թվականի փետրվարի 27-29-ին Սումգայիթում հայ բնակչության դեմ կազմակերպված, զանգվածային ջարդերի անմեղ զոհերի հոգիների խաղաղության համար:

 

Օշականում Պոլսի հայոց պատրիարքության միաբանը վարդապետական աստիճան է ստացել


Օշականի Սուրբ Մեսրոպ Մաշտոցի գերեզմանին կառուցված սրբավայրում Պոլսի հայոց պատրիարքության միաբան Հովակիմ աբեղա Սերովբյանը վարդապետական աստիճան է ստացել: Վարդապետական մասնավոր իշխանության չորս աստիճանները հանձնել է Շիրակի թեմի առաջնորդ Միքայել արքեպիսկոպոս Աջապահյանը: Նորաօծ վարդապետին հայոց վեհարանում ընդունել է Գարեգին Բ Ամենայն Հայոց Կաթողիկոսը։
 

Գերագույն հոգեւոր խորհրդի ժողովը քննարկել է Հայաստանի անվտանգության հարցը


Մայր Աթոռ Սուրբ Էջմիածնում կայացած Գերագույն հոգեւոր խորհրդի ընդլայնված կազմով ժողովի օրակարգում քննարկվել է Հայաստանին և Արցախին նետված մարտահրավերները, արցախահայության իրավունքների պաշտպանությունը, սոցիալական աջակցությունը և Արցախի հոգեւոր-մշակութային ժառանգության պահպանության համար իրականացված նախաձեռնությունները: Գերագույն հոգևոր խորհուրդը դատապարտել է Հայաստանի նկատմամբ ադրբեջանական զինված ուժերի ոտնձգությունները, թշնամանքի ու հայատյացության քարոզչությունը։