Օծվել է Նոր Գեղի համայնքի նորակառույց եկեղեցին


Կոտայքի թեմի Նոր Գեղի համայնքն այժմ եկեղեցի ունի: Թեմակալ առաջնորդ Առաքել արքեպիսկոպոս Քարամյանի ձեռամբ և թեմի քահանաների մասնակցությամբ օգոստոսի 22-ին նորաշեն եկեղեցին օծվել է և կոչվել Հովհաննես Ավետարանչի անվամբ: Եկեղեցու ճարտարապետը Վաչագան Թադևոսյաննն է:

Լրանում է Վազգեն Ա Ամենայն հայոց կաթողիկոսի 110-րդ տարեդարձը


2018թ.-ի սեպտեմբերի 20-ին լրանում է Վազգեն Ա Ամենայն հայոց կաթողիկոսի 110-րդ տարեդարձը: Հայոց 130-րդ կաթողիկոսի գահակալությունը տևել է շուրջ չորս տասնամյակ: «Եթե մեր ազգին վիճակված է տակավին բաժանյալ և ցրվյալ ապրիլ ի սփյուռս աշխարհի, ապա ուրեմն մեր հոգևոր առաջնորդներն ու մշակները, մեր դաստիարակներն ու գրչի մարդիկ իրենց սեպուհ պարտքը պետք է համարեն մեր բաժանյալ հոտի մարմինը հոգեպես միավորյալ պահելու, ի մի ձուլելու զայն մեր սրբության սրբոց Ս. Էջմիածնի և Մայր Հայաստանի սիրո կրակով», - ասված է Վազգեն վեհափառի անդրանիկ կոնդակում: 

Գերմանիայի հայ գործարարների միության նախագահն ու վարչականները հանդիպել են Վեհափառ հայրապետի հետ


Մայր Աթոռ Ս. Էջմիածնում Ամենայն հայոց կաթողիկոսն ընդունեց Գերմանիայի հայ գործարարների միության նախագահին և վարչականներին: Պարոն Մուրադ Աքյուզը և նրա գործընկերները Քյոլնում դեռ տարիներ առաջ հիմնել են Գերմանահայ գործարարների միությունը, որի նպատակն է օգնել օտարության մեջ հաստատված հայերին, ինչպես նաև Հայաստանին: Գերմանիայի հայ գործարարները մշտապես պահպանում են կապը Մայր Աթոռի և Հայոց հայրապետի հետ: 

Քըրք Քըրքորյանի մասին «Խաղացողը» գրքի երևանյան շնորհանդեսը


Ուիլյամ Ռեմփելի «Խաղացողը» Ամերիկայի ֆինանսական աշխարհի ամենահարուստ մարդկանցից մեկի` Քըրք Քըրքորյանի մասին է: Գրքի բնագիրը լույս է տեսել այս տարի հունվարին, հրատարակությունից հետո Քըրքորյանի մասին պատմող գրքով հետաքրքրվել է հայաստանյան «Էդիթ պրինտ» հրատարակչությունը:

Հովհաննես Զարդարյանի 100-ամյա հոբելյանին նվիրված ցուցահանդես` Ազգային պատկերասրահում


Ազգային պատկերասրահում ներկայացվեցին Հովհաննես Զարդարյանի բազմաթիվ չցուցադրված կտավներ: Նկարչի 100-ամյակի` հոբելյանական տարվա առիթով, բերվել էր նաև Զարդարյանի «Կոմիտասը»: 

Ազգային գրադարանը և Մայր Աթոռի մատենադարանը գրքեր են տրամադրում Կալկաթայի հայոց ճեմարանին


Ազգային գրադարանը և Մայր Աթոռի մատենադարանը գրքեր են տրամադրում Կալկաթայի հայոց մարդասիրական ճեմարանին:

Լիբանանի «Սուրբ Էջմիածնի կրոնասեր տիկնանց» հրաժեշտի հանդիսությունը Մայրավանքում


Մայր Աթոռ Սուրբ Էջմիածնի Գևորգյան հոգևոր ճեմարանի դահլիճում տեղի ունեցած հանդիսությունը նվիրված էր Լիբանանի «Սուրբ Էջմիածնի կրոնասեր տիկնանց համախմբմանը»: Ուղիղ մեկ շաբաթ լիբանանահայ 75 ուխտավոր հյուրընկալվել էր մայր վանքում, ուխտի գնացել հայաստանյան սրբավայրեր, մասնակցել եկեղեցական, ծիսական կյանքին: Լիբանանի կրոնասեր տիկնանց հրաժեշտի հանդիսությունը կայացավ սեպտեմբերի յոթին:

Գերմանիայի բողոքական եկեղեցիների խորհրդի պատվիրակությունը Մայր Աթոռում է


Գերմանիայի բողոքական եկեղեցիների խորհրդի պատվիրակությունը, նախագահ Հայնրիխ եպիսկոպոս Բեդֆորդ-Շտրոմի ղեկավարությամբ, Մայր Աթոռ Ս. Էջմիածնում է: Սեպտեմբերի 9-ին Գարեգին Բ հայրապետի հետ բարձրաստիճան հյուրը մասնակցեց կիրակնօրյա պատարագի: Պատարագից հետո Գարեգին Բ հայրապետը եպիսկոպոս Բեդֆորդ-Շտրոմին ընդունեց դիվանատանը: Զրույցի ընթացքում վերահաստատվեց պատրաստակամությունը՝ խթանելու Հայ առաքելական եկեղեցու և Գերմանիայի բողոքական եկեղեցիների խորհրդի միջև առկա կապերը և զարգացնելու հետագա գործակցությունը:
Պատվիրակությունը, Մայր Աթոռի միաբանների ուղեկցությամբ եղավ նաև Գեղարդավանքում:
 

«Դոգման» վերադարձել է լեհաստանյան հյուրախաղերից


«Դոգմա» ռոք խումբը վերադարձել է Լեհաստան կատարած  համերգային շրջագայությունից: «Մշակութային արևելք կամ ուրիշ չափումներ» փառատոնին «Դոգման»  ֆոլկ ռոք ժանրում ելույթ ունեցող միակ խումբն է եղել:

Աշուղական երգի տոն՝ Գուսան Հավասու ծննդավայրում


Սեպտեմբերի 2-ին, Ծալկայի շրջանի Այազմա գյուղում աշուղական երգի տոն էր՝ նվիրված այստեղ ծնված աշուղ Հավասուն: Արմենակ Մարկոսյանը կամ  Գուսան Հավասին  գրել է 2000 երգ և 1500 քառյակ, հորինել հարյուրից ավելի մեղեդիներ: Գրել է խրատական, խոհափիլիսոփայական, կենցաղային, սատիրիկ և լիրիկական  գործեր: 

Արտասահմանյան բժիշկների անվճար խորհրդատվություն` հայոդյաց տների սաներին և աշխատակիցներին


Բժիշկ-քայրոպրակտիկներ Քաթինա Մենինգը՝ Միացյալ Նահանգներից, Անա Սալյարեսը՝ Իսպանիայից և Թերեզա Փերթեջյանը՝ Ավստրալիայից արդեն երրորդ անգամ Հայաստան են գալիս՝ օգնելու ողնաշարի առողջական խնդիրներ ունեցող մարդկանց: Այս տարի նրանք հետազոտել ու խորհրդատավական աջակցություն են ցույց տվել Մայր Աթոռի հովանու ներքո գործող հայրոդյաց տների սաներին և աշխատակիցներին:

Բեյրութից շուրջ 70 ուխտավոր հյուրընկալվել է Մայր Աթոռ Ս. Էջմիածնում


Սեպտեմբերի մեկից որպես ուխտավորներ Մայր Աթոռ Ս. Էջմիածնում են Բեյրութի «Ս. Էջմիածնի կրոնասեր տիկնանց համախմբումի» 74 անդամներ: Ուխտավորներին ողջունեց Ամենայն հայոց կաթողիկոսը: