«Լուսավորչի կանթեղ» երիտասարդաց միություն


Լուսավորչի կանթեղ» եկեղեցասիրաց երիտասարդների միությունը գործում է արդեն երեք տարի: Լիդիան և Ծովինարը, որ միության հիմնադիր անդամներից են, պատմում են, թե ինչպես ստեղծվեց միությունը: Ազադիգը երիտասարադներին վերջերս է միացել: Նա Սիրիայից է եկել և միության կազմում մանուկների համար նոր ծրագիր է իրականացնում:

Alt

Իրեր թափոններից


Մի քանի պոլիէթիլենային տոպրակ, վարժ մատներ և լավ երևակայություն՝ և դուք կնպաստեք բնության պահպանմանը: Պոլիէթիլենային թափոններից կենցաղային օգտակար իրեր պատրաստելը միջավայրի աղտոտվածության խնդիրը լուծելու հնարավոր և հետաքրքիր տարբերակներից է:
Հաղորդումը ներկայացնում է թափոններից օգտակար կենցաղային իրեր պատրաստելու ԵՀԽ Հայաստանյան միջեկեղեցական բարեգործական Կլոր սեղան հիմնադրամի ծրագրերից մեկը: Դիտեք և կսովորեք նաև պատրաստել ինքներդ:

Alt

Էմման ու Սամվելը


Սամվելը բանակային ծառայության ընթացքում ստացած հրազենային վնասվածքի հետևանքով կորցրել է քայլելու ունակությունը: Բուժման ընթացքում ծանոթացել է Էմմայի հետ… Նորապսակներն այս տարի առաջին անգամ միասին նշում են Սուրբ Սարգսի տոնը:

Տաթևի ձայները


Մի աշնանային օր եկանք եկեղեցի, հայր սուրբն առաջակեց երգչախմբում երգել: Դժվարությամբ համաձայնեցինք, հետո՝ գնացինք փորձը դիտելու և հիմա առանց երգչախմբի չենք կարող, դա մեր կյանքն է»: 
Տաթևի վանքի մանկական երգչախմբի մասին արդեն գիտեն ոչ միայն Տաթևում, այլև նրա սահմաններից դուրս: Դեռևս 2007 թվականից գործող մանկական երգչախումբը հոգածության կարիք ուներ և ընդգրկվեց  IDEA հիմնադրամի Տաթևի վերածնունդ» ծրագրի շրջանակում: Երեխայի երգեցողությունը աղոթք է՝ անաղարտ և ազդեցիկ»,-ասում է Տաթևի վանահայր Միքայել վարդապետը: 

 

Ես վազում եմ


1988 թվականի երկրաշարժից հետո ոչ ոք չէր հավատում, որ տասնչորսամյա Նելլին ողջ կմնա: Բայց իր համառ և պայքարող բնավորության շնորհիվ ոչ միայն ողջ մնաց, այլև երբեք չկորցրեց ունեցածով գոհանալու և շնորհակալ լինելու կարողությունը: Նելլի Չարչյանն այսօր աշխատում է ԱԻՆ ճգնաժամային կառավարման կենտրոնում, երգում է Փարոս» երգչախմբում և խնամում է իր նորածին որդուն` Նարեկին:

Վենետիկի ճարտարապետական Բիենալեն. 2014թ


Վենետիկի ճարտարապետական Բիենալեն առաջին անգամ անցկացվել է դեռևս 1980 թվականին: Այս տարի այն կրում է Հիմքեր» խորագիրը և նվիրված է վերջին հարյուրամյակի ճարտարապետական և քաղաքաշինական ուսումնասիրություններին: Հայաստանն արդեն վեցերորդ անգամ է մասնակցում Վենետիկի միջազգային ճարտարապետական Բիենալեին: Այս տարի Հայաստանի ազգային տաղավարի հանձնակատարը ՀՀ մշակույթի նախարարությունն է:

 

Alt

Ջրահարսը


Ջրում ինձ ավելի ազատ եմ զգում, քան ցամաքում»,-ասում է լողորդ Մարգարիտա Հովակիմյանը: Վերականգնողական նպատակով լողի հաճախող Մարգարիտան երբեք չէր մտածում, որ լողորդ կդառնա. 2010 թ. Ռուսաստանի Տյումեն քաղաքում տեղի ունեցած լողի՝ սահմանափակ հնարավորություններով մարզիկների ՌԴ առաջնությունում նվաճել է երկու արծաթե մեդալ` լրացնելով Ռուսաստանի լողի առաջին նորման: Այնուհետև մասնակցել է Լոնդոնի պարալիմպիկ խաղերին: Այսօր ֆինանսական խնդիրների պատճառով Մարգարիտան այլևս լողի մարզումներին չի հաճախում…

Մարիամ Դիլբանդյան


Կույրերի աչքերը չեն տեսնում, բայց նրանց ձեռքերն են տեսնում». համոզված էր Մարիամ Դիլբանդյանը, երբ հիմնադրեց Տեսնող ձեռքեր» մերսման սրահը: Այսօր այդ համոզմանն են նաև սրահի այցելուները:
Երկարատև ջանքերից հետո Մարիամ Դիլբանդյանն այսօր հպարտությամբ փաստում է, որ կարողացել է լուծել Հայաստանում ապրող հաշմանդամների բազմաթիվ խնդիրներից մի քանիսը:

Երիտասարդ լրագրողների «Առցանց» ակումբ


Երիտասարդ լրագրողների Առցանց» ակումբի շնորհիվ Հայաստանի հեռավոր մարզերի պատանիներն իրենց խնդիրները բարձրաձայնելու և լուծելու հմտություններ են սովորել: Պարզվում է, որ քաղաքացիական առցանց լրագրության միջոցով կարող ես դուրս գալ մեծ աշխարհ, լուծել բնապահպանական, կրթական շատ խնդիրներ, ձեռք բերել նոր ընկերներ, ճանաչել քեզ ու աշխարհը:

Alt

Ամանորի խոհանոց


Հայ միասնության խաչը» նորանկախ Հայաստանի առաջին հասարակական կազմակերպություններից մեկն է: Խոցելի խմբի երեխաներին և երիտասարդներին հնարավորություն է տալիս անվճար սովորել տարբեր արհեստներ և արվեստներ` բացահայտելով և զարգացնելով նրանց հմտությունները: Կազմակերպությունը հատկապես հպարտ է իր ազգային խոհանոցի խմբակով: Ամանորին խոհանոցի դասերին հաճախող երեխաները հին հայկական ճաշեր են պատրաստում և նշում Ամանորն այնպես, ինչպես նախկինում է նշվել:

Alt

Ամանորը Նագաշյանների ընտանիքում


Մայր Աթոռի հովանու ներքո գործող Նագաշյան մանուկների տուն» խնամքի կենտրոնում ապրող 15 աղջիկներն արդեն երկրորդ տարին է Ամանորը նշում են իրենց նոր ընտանիքում: Տոնին պատրաստվելիս Նագաշյան ընտանիքում յուրաքանչյուրն իր հաճելի պարտականությունն ունի: Երբ արդեն տոնական սեղանը պատրաստ է, սկսում են երազանքներ պահել...

Գոռ Բաղդասարյան


Գոռ Բաղդասարյանն առաջին ֆիլմը նկարել է 12 տարեկանում: Այդ օրվանից բոլոր խնդիրների լուծումը Գոռը գտնում է ֆիլմերի օգնությամբ: Նրա նպատակը ոչ միայն լավ ֆիլմ նկարահանելն է, այլև` դրանց միջոցով մարդկանց օգնելը: Եղբոր` Մուշեղ Բաղդասարյանի հետ միասին ստեղծել է Մանանա ֆիլմս» ընկերությունը: Գոռը հպարտ է, որ իրենց ընկերությունը գործում է Հայաստանում, վստահ է, որ Հայաստանում ֆիլմարտադրությունն ապագա ունի: