Աշխատանքի և սոցիալական հարցերի նախարար Մանե Թանդիլյանը հանդիպել է Ամենայն հայոց կաթողիկոսի հետ


Հուլիսի 31-ին Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնում ընդունեց Աշխատանքի և սոցիալական հարցերի նախարար Մանե Թանդիլյանին: Վեհափառ հայրապետը, շնորհավորելով նախարարին նշանակման առիթով, բարեմաղթեց արդյունավետ աշխատանք: Զրույցի ընթացքում անդրադարձ կատարվեց սոցիալական ոլորտում Մայր Աթոռ Սուրբ Էջմիածնի կողմից իրականացվող ծրագրերին: Մասնավորապես, դիտարկվեցին երեխաների պաշտպանությանն ուղղված խնամքի կենտրոնները: 

Իտալիայի Հանրապետության նախագահն այցելեց Մայր Աթոռ Սուրբ Էջմիածին


Այսօր Մայր Աթոռ Սուրբ Էջմիածին այցելեց Իտալիայի հանրապետության նախագահ Սերջիո Մատարելլան: Դիվանատանը բարձրաստիճան հյուրին և նրան ուղեկցող պատվիրակությանը ողջունեց Գարեգին Բ Ամենայն հայոց կաթողիկոսը: Իտալիայի նախագահի գլխավորած պատվիրակությունն այցելեց նաև Մայր Աթոռի «Ալեք և Մարի Մանուկյան» գանձատուն:

ՀԵՀԵՄ 2018. չորս հարյուրից՝ մեկը


Գարեգին Բ Ամենայն հայոց կաթողիկոսը 2018 թվականը հռչակել է երիտասարդության տարի: Տարվա առաջին կեսը լի էր երիտասարդական բազմաթիվ ծրագրերով, դրանցից գլխավորը «Դեպի հայրենիք, դեպի սուրբ Էջմիածին» Հայ եկեղեցու համաշխարհային երիտասարդաց միավորման ծրագիրն էր: Հուլիսի 4-ից հայ եկեղեցու աշխարհասփյուռ թեմերից 400 երիտասարդ էր հայրենիքում: Ավստրալիայի հայոց թեմից ժամանած Ջորջ Նաջարյանը այդ երիտասարդներից մեկն է: 

Կենտավր


«Կենտավր»-ում մարդիկ և կենդանիները օգնում են իրար ու միասին հաղթահարում են առողջական և հոգեբանական խնդիրները: Այստեղ ապրում են ձիեր, շներ, կատուներ: Թերապիստներն ու աշխատակիցները կամավոր են աշխատում: Ուշիում գտնվող այս կենտրոնը Հայաստանում առաջին և միակ կենդանաթերապիայի վայրն է: 

Այգու խնամակալը վստահ է, որ օրհնությամբ կկրկնապատկվի բարիքն ու ավելի շատ կարիքավոր մարդկանց կհասնի


«Տնկիների հողը ձեռքերով եմ լցրել, չեմ սեղմել ոտքով, ամեն տնկին դնելով մեծ ցավ եմ ապրել, մտածել եմ, որ յույրաքնաչյուր երիտասարդ իր կյանքը զոհեց մեզ՝ ապրողներիս համար»: Գագիկ Սուքիասյանի այգում շուրջ 300 ծառ կա, որից 200-ը՝ անվանական: Տ. Մարկոս քահանա Մանգասարյանն այգու, բերք ու բարիքի օրհնության կարգ կատարեց:

Սուրբ Էջմիածնի մայր տաճարը 6-րդ տարին է՝ գտնվում է նորոգության մեջ


Վեցերորդ տարին է`  Սուրբ Էջմիածնի մայր տաճարը գտնվում է նորոգության մեջ: Ամեն ինչ սկսվեց տանիքների ու պատերի առանձին հատվածներում խոտածածկույթի ի հայտ գալու շուրջ անհանգստությունից հետո: 2012 թ. Մայր տաճարի գլխավոր գմբեթի շուրջ տեղադրվել է մետաղյա կմախք: Վեհափառ հայրապետի հանձնարարականով  Իտալիայից մասնագետներ էին հրավիրվել: Մայր տաճարն իրականում կարիք ունի հիմնանորոգության, սեյսմիկ առումով վտանգված է, իսկ հարավային գմբեթը փլուզման վտանգի տակ է: Այսպիսին էր մասնագիտական եզրակացությունը:

Պապական նվիրակ և Աեոմոնայի տիտղոսակիր արքեպիսկոպոսը՝ Մայր Աթոռ Ս. Էջմիածնում


Հուլիսի 11-ին Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնում հյուրընկալեց պապական նվիրակ և Աեոմոնայի տիտղոսակիր արքեպիսկոպոս Խոսե Ավելինո Բետտանկուռին: 

Կորյուն աբեղա Առաքելյանին կարգալույծ անելու որոշումը ներկայացվեց Վեհափառ հայրապետին և ԳՀԽ անդամներին


Մի քանի տասնյակ միաբաններ նամակով դիմել են Գարեգին Բ Ամենայն հայոց հայրապետին` խնդրելով միաբանական ժողով հրավիրել և եկեղեցական բանադրանքի ենթարկել հակականոնական կեցվածք ունեցող Կորյուն աբեղա Առաքելյանին: Հայր Կորյունին կարգալույծ անելու որոշում է ընդունել Սուրբ Էջմիածնի կարգապահական հանձնախումբը: Որոշումն ընդունվել է դեռ հուլիսի 6-ին: Հուլիսի 10-ին այն ներկայացվեց Վեհափառ հայրապետին և Գերագույն հոգևոր խորհրդի անդամներին: 

Վեհափառն ընդունեց րաբբի Դեյվիդ Ռոզենին


Գարեգին Բ ամենայն հայոց կաթողիկոսը Մայր Աթոռ Սուրբ Էջմիածնում ընդունեց րաբբի Դեյվիդ Շլոմո Ռոզենին: Նա Միացյալ Նահանգների հրեական կոմիտեի միջկրոնական գործերի բաժնի ղեկավարն է: Րաբբի Ռոզենը նաև Իսրայելի գլխավոր րաբբունատի անդամ է: Նա է զբաղվում համաշխարհային կրոնների հետ կապված հարցերով: 

Հայ եկեղեցու համաշխարհային երիտասարդաց միավորման անդամները հանդիպել են նախագահ Արմեն Սարգսյանի հետ


Հուլիսի 7-ին Հայ եկեղեցու համաշխարհային երիտասարդաց միավորումն իր աշխտանանքերը կրկին Ծաղկաձորում էր շարունակում: Օրվա երկրորդ հատվածում 400 երիտասարդներ հոգևորականների հետ երգելով՝ ոտքով հասան Կեչառիս վանական համալիր: Երեկոյան հավաքի մասնակիցները հանդիպեցին ՀՀ նախագահ Արմեն Սարգսյանի հետ:

Մոցարտի «Կախարդական սրինգը»՝ շուտով Ազգային ակադեմիական թատրոնի բեմում


Շուտով Ալ. Սպենդիարյանի անվան օպերայի և բալետի ակադեմիական թատրոնի խաղացանկը կհարստանա ևս մեկ օպերայով: Գրեթե պատրաստ է Մոցարտի «Կախարդական սրինգ» օպերայի բեմադրությունը: Իտալացի ռեժիսոր Պաոլո Միչիկեի բեմադրած ներկայացումը նախ կցուցադրվի Արաբական Էմիրություններում, Քաթարում, հյուրախաղերից հետո՝ Երևանում:  

«Դեպի հայրենիք, դեպի Սուրբ էջմիածին» երիտասարդական հավաքի 4-րդ օրը


Ծաղկաձորում շարունակվում է աշխարհի 20 երկրից ժամանած 400 երիտասարդների «Դեպի հայրենիք, դեպի Սուրբ Էջմիածին» խորագրով հավաքը: 
Մինչ հավաքի 4-րդ օրվա հյուրերին հանդիպելը, Մաղաքիա աբեղա Պէսքիսիզեանը հավատացյալ երիտասարդներին փոխանցվեց Պոլսո պատրիարքության ընդհանուր փոխանորդ Արամ արքեպիսկոպոս Աթեշյանի ողջույնի խոսքը: