Մատնոցների «Ծանոթ-անծանոթ աշխարհը»


Նկարիչների միության ցուցասրահում բացվեց «Ծանոթ-անծանոթ աշխարհ» խորագրով յուրօրինակ ցուցահանդեսը, որտեղ առաջին անգամ ներկայացվեցին մատնոցների 1700 բազմատեսակ նմուշներ: Մասնագիտությամբ տնտեսագետ Ռուզաննա Անդրեասյանը հավաքածուն ի մի է բերել երեք տարվա ընթացքում: 

ՀԲԸՄ նախագահ Պերճ Սեդրակյանին ընդունեց Ամենայն հայոց կաթողիկոսը


Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնում ընդունեց Հայկական բարեգործական ընդհանուր միության նախագահ Պերճ Սեդրակյանին:

Թանգարանային շաբաթ՝ Երևանում


Նոյեմբերի 8-ից 14-ը Երևանում անցկացվում է «Թանգարանային շաբաթ. վերանայելով մշակութային տարածքները» խորագիրը կրող միջոցառումների շարքը:

ՀՀ-ում Շվեդիայի թագավորության նորանշանակ դեսպանի այցը Ս. Էջմիածին


Նոյեմբերի 6-ին Ամենայն հայոց կաթողիկոս Գարեգին Երկրորդը Մայր Աթոռում ընդունեց Հայաստանում Շվեդիայի թագավորության նորանշանակ արտակարգ և լիազոր դեսպան Ուլրիկ Թիդեստրոմին:

ԵՊՀ Արևելագիտության ֆակուլտետի դասախոսներն ու ուսանողները Ամենայն հայոց կաթողիկոսի մոտ էին


Երևանի պետական համալսարանի Արևելագիտության ֆակուլտետը 50 տարեկան է: Հոբելյանը կնշվի նոյեմբերի 9-ին: Մինչ այդ, նոյեմբերի 6-ին ֆակուլտետի դասախոսներն ու ուսանողները դեկան Ռուբեն Մելքոնյանի հետ, հյուրընկալվել էին Ամենայն հայոց կաթողիկոս Գարեգին Երկրորդին՝ հայրապետի օրհնությունն ստանալու:

Նոյեմբերի 4-ին նշվեց Գարեգին Բ Ամենայն հայոց կաթողիկոսի օծման և գահակալության 19-րդ տարեդարձը


Նոյեմբերի 4-ին նշվեց հայ եկեղեցու գահակալի` Գարեգին Բ Ամենայն հայոց կաթողիկոսի օծման և գահակալության 19-րդ տարեդարձը: Հոգևորականների հանդիսավոր թափորն առաջնորդեց հայոց հայրապետին դեպի Մայր ատաճար, որտեղ հավաքվել էր հավատացյալների բազմություն` շնորհավորանքի և հոգևոր պետի օրհնությունն ստանալու համար: Տոնական օրվա առիթով մատուցվեց պատարագ: Պատարագի ավարտին հայոց բոլոր եկեղեցիներում կատարվել է հայրապետական մաղթանք:

Տիգրան Համասյանի և Բեն Ուենդելի համերգը՝ Երևանում


Նոյեմբերի 1-ին Տիգրան Համասյանը «Արամ Խաչատրյան» համերգասրահի բեմում էր: Հնչեցին գործեր նախորդ տարիներին թողարկված և, իհարկե, այս տարվա՝ «Գյումրու համար» ալբոմից։ Համերգի ընթացքում Համասյանին միացավ կանադացի սաքսոֆոնահար Բեն Ուենդելը։ 

Էջմիածնի հայորդյաց տան կարուձևի դասարան


Էջմիածնի հայորդյաց տան կարուձևի դասարանի աշակերտները պատմում են, թե ինչու ընտրեցին հենց այս մասնագիտությունը: Նրանցից ոմանք ուզում են հագուստի մոդելավորողներ դառնալ, ոմանք էլ կարուձևն ընտրել են զուտ իրենց համար յուրահատուկ հագուստներ կարելու նպատակով:

Լերմոնտովյան օրերի շրջանակում բացվել է «Լերմոնտով և Վրուբել» ցուցահանդեսը


Ռուսական արվեստի թանգարանի համար վրուբելյան տարի էր: Գարնան սկզբին թանգարանին վերադարձվեց Վրուբելի` 22 տարի հետախուզման մեջ գտնվող գողացված նկարը: «Դևը և Հրեշտակը Թամարի հոգու հետ» գործը լերմոնտովյան նկարազարդումների շարքից էր: Այս վերադարձը ոգեշնչեց մշակութային երկու  կենտրոնների` Հայաստանի ռուսական արվեստի թանգարանը և Ռուսաստանի «Թարխանի» կոչվող լերմոնտովյան թանգարանը նոր ցուցադրություն նախապատրաստեցին: Ցուցահանդեսը բացվել է Հայաստանում լերմոնտովյան օրերի շրջանակում: Ցուցադրության մեջ վրուբելյան նկարազարդումների վերատպություններն են: 

Թենգիզ Միկոյանցի անհատական ցուցադրությունը` «Սարգիս Մուրադյան» պատկերասրահում


«Սարգիս Մուրադյան» պատկերասրահում բացվել է վիրահայ նկարիչ Թենգիզ Միկոյանցի «Թիֆլիս, իմ փոքրիկ Փարիզ» խորագրով անհատական ցուցահանդեսը:

Հայոց կաթողիկոսն անդրադարձել է Հռոմի Ֆրանցիսկոս պապի հետ հանդիպման մանրամասներին


Հոկտեմբերի 20-ին Գարեգին Երկրորդ Ամենայն հայոց կաթողիկոսը մեկնել էր Իտալիայի Հանրապետություն` հանդիսապետելու Միլանի Սուրբ Քառասուն մանկանց հայկական եկեղեցու կառուցման 60-ամյակին նվիրված արարողությունները: Այցի ընթացքում տեղի ունեցավ Հայաստանյայց առաքելական եկեղեցու և Հռոմի կաթոլիկ եկեղեցու հովվապետերի հանդիպումը: Վերադարձին Վեհափառ հայրապետը պատմեց Ֆրանցիսկոս Պապի հետ հանդիպման մանրամասների մասին. քննարկվել են երկու եկեղեցիներին հուզող հրատապ հարցերը, Մերձավոր Արևելքում տիրող իրավիճակը, Երուսաղեմի կալվածքների հարցերը,  ինչպես նաև  անդրադարձ է կատարվել կաթոլիկ և առաքելական եկեղեցիների համագործակցության հեռանկարներին:   

Էջմիածնի հայորդյաց տան ուլունքագործության դասարան


Ուլունքի հետ աշխատելը Էջմիածնի հայորդյաց տան ուլունքագործության դասարանի սաներին սովորեցրել է կյանքում ուշադրություն դարձնել մանրուքներին: Բացի այդ, նրանք ցանկացած անպետք առարկայի՝ քար, չոր ճյուղեր և այլն, կարող են ուլունքով նոր տեսք ու նոր շունչ հաղորդել: