Մայրավանքի շինությունները


Տեսախցիկը հետևում է Մայր Աթոռ Ս. Էջմիածնի տարածքում քայլող Արարատ քահանա Պողոսյանին, որը ներկայացնում է  Մայրավանքի տարածքում գտնվող պատմական կառույցները և նոր շինությունները:
Հրաշալի տեսաուղեցույց նրանց համար, ովքեր ծանոթ են, բայց վաղուց չեն եղել Մայրավանքի տարածքում, կամ անծանոթ են և ուզում են իմանալ՝ ինչու է Ս. Էջմիածինը համարվում թանգարան բաց երկնքի տակ:  
 

Տեր Աբել քահանա Քարտաշյան


Տեր Աբելը սահմանապահ յոթ գյուղի քահանա է: Սպասավորում է Տավուշի թեմում:  Սահմանը պահող ամեն մի զինվորի ու գյուղացու դժվարություն և ուրախություն իրենն է համարում: Մարդուն ինչ է պետք՝ պարզ ու սրտացավ ընկեր: 

Հայ բարերար. Թրբանճյաններ


Հառիճավանքի Թրբանճյան ընծայարանի կառուցում, հոգևոր և աշխարհիկ կրթության ապահովում, գյուղական համայնքների զարգացում. Ջերալդ և Փաթրիշա Թրբանճյանների հայաստանյան ծրագրերի մասին պատմում են մարդիկ, որոնց կյանքում բարերարների ներդրումը շրջադարձային է եղել: 

«Միքայել Ոսկանյան և ընկերներ»


2011թվականին ստեղծված «Միքայել Ոսկանյան և ընկերներ» էթնո-ջազ խումբը ամենաինքնատիպ երաժշտական խմբերից է: Երկացանկում ընդգրկված են հայտնի ստեղծագործությունների մշակումներ ու հեղինակային գործեր: Այս խմբում թառը մենակատար գործիք է: Երաժշտության մեջ միախառնված են ջազի, հայկական ֆոլկի, ռոքի և ֆյուժեն երաժշտության տարրեր: Մեր տեսախցիկը «Միքայել Ոսկանյան և ընկերներ» խմբի փորձասենյակում է: 

Մուրադ Հասրաթյան


Մուրադ Հասրաթյանը ուսումնասիրել և հայերեն, ռուսերեն, ֆրանսերեն շարադրել է հայկական ճարտարապետության ամբողջական պատմությունը: Հասրաթյանը դասախոսել է հեղինակավոր գիտաժողովներում ու արտերկրի համալսարաններում:  Այսօր էլ գիտնականը երիտասարդական եռանդով շարունակում է գիտական և մանկավարժական գործունեությունը: ԳԱԱ արվեստի ինստիտուտում նրա ղեկավարությամբ շարունակում է լույս տեսնել հայկական ճարտարապետությանը նվիրված վեցհատորյակը: 

Մովսես գյուղ


Սահմանամերձ Մովսես գյուղի առօրյան փոխվեց եկեղեցու վերակառուցումից հետո: «Մեր գյուղի եկեղեցին շա՜տ զորավոր է»,-ասում են գյուղի երեխաները: Մեր նկարահանող խմբին նրանք եռանդով պատմում են իրենց հարազատ Մովսեսի, եկեղեցու, և իհարկե,  սահմանապահ զինվորի մասին:

Արվեստը՝ բիզնես գաղափարի հիմքում


Հայաստանյան երկու՝ «Արտույտ» և «Արդեան» ընկերությունները արտերկրում հայտնի museum shop-ի օրինակով բիզնես են սկսել: Վզկապների և կիրառական նշանակության այլ իրերի վրա արտապատկերվում են հայտնի գեղանկարներ, հայ մշակույթի նմուշներ՝ դիզայներական լուծումներով և նոր տեխնոլոգիաների կիրառությամբ:  

«Հովեր» պետական կամերային երգչախումբը 25 տարեկան է


Սեպտեմբերի 25-ին «Հովեր» պետական կամերային երգչախումբը նշեց ստեղծման 25-ամյակը: Հոբելյանական համերգին երգչախմբային արվեստի սիրահարները Օպերային թատրոնում ունկնդրեցին հայ և օտարազգի կոմպոզիտորների դասական և ժամանակակից ստեղծագործություններ: Նոր ու հետաքրքիր մատուցմամբ հնչեցին «Բիթլզի» և Սթիվի Ուանդերի գործերից: Երևանյան պրեմիերայով ներկայացվեց կոմպոզիտոր Դյերդ Լիգեթիի՝ «Ժամացույցներ և ամպեր» ստեղծագործությունը:

Հառիճավանքում կազմակերպվել է հոգևոր երաժշտության փառատոն՝ նվիրված Կոմիտասի ծննդյան 148-ամյակին


Սեպտեմբերի 26-ը Կոմիտաս վարդապետի ծննդյան օրն է: Հայ ազգային կոմպոզիտորական դպրոցի հիմնադիր, երաժշտագետ վարդապետի 148-ամյակը նշվեց Հառիճավանքում, հոգևոր երաժշտության փառատոնով: Նախաձեռնությունը «Հայ փոքրիկ երգիչներ» միջազգային ասոցիացիայինն է՝ Մայր Աթոռ Սուրբ Էջմիածնի հովանավորությամբ:

«Էօրնեկյան» հանրակրթական դպրոցի նոր մասնաշենքի հանդիսավոր բացումը


Սուրբ Գայանե վանքի հարևանությամբ բացվեց Մայր Աթոռի հովանու ներքո գործող «Էօրնեկյան» հանրակրթական դպրոցի նոր մասնաշենքը: Գարեգին Բ Ամենայն հայոց կաթողիկոսի նախագահությամբ կատարվեց դպրոցի նորակառույց շենքի օրհնության կարգը: Նորին Սրբությունը օրհնեց բարերար Էդուարդո Էօրնեկյանին, ապա՝ Վեհափառը և բարերարը հատեցին դպրոցի մուտքի ժապավենը:
 

Տեր Աբել քահանա Քարտաշյան


«Հասուն տարիքում եկա քահանայական ծառայության: Սկզբում դժվար էր: Ջութակահարի համար բոլորովին նոր ու չբացահայտված աշխարհ էր հոգևոր երաժշտությունը: Հետո հասկացա՝ ինչ պարգև եմ ստացել...»:

Անծուխ Երևան


#Անծուխ Երևան հեշթեգը հայտնվել է Երևանի փողոցային նկարազարդումներում: Ծխելու դեմ ակցիային և պասիվ ծխողներին պաշտպանելու գործին միացել են ազատ ոճի երիտասարդ նկարիչները: