Նոր սերնդի սպասելիքները թավշյա հեղափոխության արդյունքներից


Ի՞նչ հույսերով և դրդապատճառներով մասնակցեց նոր սերունդը թավշյա հեղափոխությանը և ի՞նչ սպասելիքներ ունի երիտասարդությունը հեղափոխության արդյունքում ձևավորված կառավարությունից: Քննարկում են պատմագետներ Աննա Խաչյանը և Գոռ Մադոյանը: Զրույցը վարում է Աննա Սարգսյանը: 

Մեդիան և Հայաստանի նոր իրականությունը


Մեդիան և Հայաստանի նոր իրականությունը
Օրերս ԶԼՄ որոշ ներկայացուցիչներ հայտարարություն տարածեցին և լրատվամիջոցների գործունեության հետ կապված մտահոգիչ միտումներ արտահայտեցին: Հայտարարությունն ուղղված էր կառավարությանը: Սակայն քննարկումների առիթ բացեց հենց մեդիադաշտի փոփոխությունների մասին: Արդյո՞ք փոխվում են մեր պատկերացումները մեդիայի մասին: Արդյո՞ք մեդիա դաշտում խաղի կանոնները սահմանողը կառավարությունն է: Ի՞նչ է հանրությունն ակնկալում ԶԼՄ-ներից և ի՞նչ են լրատվամիջոցներն ակնկալում կառավարությունից: Քննարկում են «Ռեգիոն» հետազոտական կենտրոնի տնօրեն Լաուրա Բաղդասարյանը և մեդիա փորձագետ Հարություն Ծատրյանը: Զրույցը վարում է Աննա Սարգսյանը: 
 

Հետհեղափոխական Հայաստանի արտաքին քաղաքականության վեկտորները և անխուսափելի խնդիրները


Ի՞նչ է փոխվել ՀՀ արտաքին քաղաքականության օրակարգում թավշյա հեղափոխությունից հետո: Փոխվել են վեկտորները, թե՞ ուղերձները: Փոխվե՞լ է արդյոք Հայաստանի նկատմամբ աշխարհաքաղաքական կենտրոնների վերաբերմունքը: Քննարկում են միջազգայնագետ Անահիտ Շիրինյանը և քաղաքագետ Էդգար Վարդանյանը: Զրույցը վարում է Աննա Սարգսյանը: 

Եկեղեցին և հասարակությունը. հին կապեր և նոր ակնկալիքներ


Քրիսոտնեական եկեղեցիները պատմության ընթացքում հաճախ են անցել հասարակական-քաղաքական խմորումների, հեղաբեկումների ու հեղափոխությունների միջով: Հայ եկեղեցին նույնպես: Եկեղեցի-հասարակություն, եկեղեցի-պետություն հարաբերությունները երբեմն եղել են համերաշխության, երբեմն` համագործակցության, երբեմն էլ` բացահայտ մերժման մեջ, 20-րդ դարում բոլշևիկ հասարակությունն, օրինակ, այրում էր եկեղեցիներ ու գնդակահարում հոգևորականներին: Մի քանի տասնամյակ անց նույն հասարակությունը, հասարակական-քաղաքական համակարգի փոփոխության հետ բացահայտեց, որ ոչ միայն եկեղեցու հետևորդ է, այլև` եկեղեցին իր ինքնության առանցքային մաս է և ազգային հարստություն: 
Ի՞նչ ընթացք ունեն եկեղեցի-հասարակություն հարաբերությունները 21-րդ դարում: Ի՞նչ է ակնկալում հայաստանյան հասարակությունը Հայ եկեղեցուց մեր օրերում: Թեման քննարկում են Մայր Աթոռի միաբան Շահե ծայրագույն վարդապետ Անանյանը և արևելագետ Վարուժան Գեղամյանը: Զրույցը վարում է Աննա Սարգսյանը: 
 

Արդարադատության ու վենդետայի միջև


Ինչպե՞ս հաստատել օրենքի գերակայություն և չոտնահարել իրավունքը: Ինչպե՞ս համատարած պատժել օրինախախտներին և ձևավորել համերաշխ հասարակություն: 
Քննարկում են Քաղաքացիական հասարակության ինստիտուտի տնօրեն Արտակ Կիրակոսյանը և քաղաքագետ Գոռ Հակոբյանը: Զրույցը վարում է Աննա Սարգսյանը: 
 

Մշակութային քաղաքականություն և հանրություն


Հեղափոխությունից հետո մենք ապրում ենք բաց ու թափանցիկ ժամանակներ: Բոլորը հնարավորություն ունեն արտահայտելու իրենց մտքերը՝ լավ ու վատ, իմաստային և ոչ այնքան: Ինչպե՞ս է իրեն զգում մշակույթը մեծ աղմուկի մեջ՝ լուսարձակների տակ: 
Մշակութային քաղաքականություն և հանրություն թեման քննարկում են ճարտարապետ Միսաք Խոստիկյանը և կոմպոզիտոր Վաչե Շարաֆյանը: Զրույցը վարում է Աննա Սարգսյանը: 
 

Քաղաքական-իրավական համակարգը՝ թավշյա հեղափոխությունից հետո


Թավշյա հեղափոխությունը հանրային խոսույթ բերեց օրինականության ու իրավունքի թեմաները: Որքանո՞վ կիրագործվի այս պոտենցիալը և երկրում կստեղծվի քաղաքական, իրավական համակարգ ու իրավահարգության մշակույթ: Թեման քննարկում են փաստաբան Նորայր Նորիկյանը և քաղաքագետ Ստյոպա Սաֆարյանը: Զրույցը վարում է Աննա Սարգսյանը: 

Հայ եկեղեցին և «նոր» ազգը


Որքան ներդաշնակ ու կանոնավոր են աշխատում ազգային մարմինները, այնքան կենսունակ է ազգը, որպես օրգանիզմ: Որո՞նք են մեր ազգային ինստիուտները, ի՞նչ առանձնահատկություններ ունեն նրանք: Ո՞ր դեպքում մենք կարող ենք ունենալ համերաշխ հասարակություն, երբ երեկ չէ առաջին օրը կատարված թավշյա հեղափոխության ալիքի տակ փորձ է արվում նույն՝ փողոցային ցույցերով իրավիճակ փոխել ոչ թե արդեն պետական կառավարման համակարգում, այլ, օրինակ, Հայ եկեղեցում: Թեման քննարկում են պատմաբան Վահե Թորոսյանը և անկախ մեկնաբան Հայկ Բալանյանը: Զրույցը վարում է Աննա Սարգսյանը: 

Հեղափոխությունը և Արցախը


Հայաստանում թավշյա հեղափոխությունից հետո Արցախի հարցի նկատմամբ վերաբերմունք փոխվեց. բանակցությունների սեղանի շուրջ որպես հակամարտութան լիարժեք կողմ նրան վերադարձնելը բուռն արձագանք ստացավ:
ՀՀ-ԼՂՀ որպես երկու սուվերեն պետություններ հարաբերությունները նոր շեշտադրումներ են ստանում: Արցախ է հասել նաև հայաստանյան հեղափոխության ալիքը: Որո՞նք են այս գործընթացների դրդապատճառները: Թեման քննարկում են Ստեփանակերտում լույս տեսնող «Անալիտիկոն» ամսագրի գլխավոր խմբագիր Գեղամ Բաղդասարյանը և «Ռազմավարական և ազգային հետազոտությունների հայկական կենտրոնի» տնօրեն Մանվել Սարգսյանը: Զրույցը վարում է Աննա Սարգսյանը: 
 

Հեղափոխության շոկը և հետհեղափոխական կրքերը


Շուրջ մեկ ամիս հայ հանրությունն իր հույսերն ու մտքերը հավաքեց հեղափոխության առանցքի շուրջ: Թավշյա հեղափոխությունը հաղթեց և փողոցներում հավաքված բազմահազար մարդիկ գնացին: Ո՞ւր տեղափոխվեցին հանրային պահանջն ու սպասելիքները: Ինչպե՞ս են կառավարվում հետհեղափոխական կրքերը: Ինչպե՞ս է փորձում հանրությունը հաղթահարել հեղափոխության հուզական շոկը: 
Թեման քննարկում են ազգագրագետ Սաթենիկ Մկրտչյանը և «Թրանսփարենսի ինթերնեյշընըլ» հակակոռուպցիոն կենտրոնի հաղորդակցության համակարգող Հայկակ Արշամյանը: Զրույցը վարում է Աննա Սարգսյանը: 
 

Թավշյա հեղափոխության փիլիսոփայությունը


Փիլիսոփայական մտքերը, որոնք հանրությունը կիրառում է ինտելետկտուալ ժամանցի համար, ժամանակ առ ժամանակ իրականացվելու սովորություն ունեն: Ինչպե՞ս ժողովրդի հավաքական ինտելեկտը Հայաստանում հաղթեց իշխանական ինտելեկտին: Թավշյա հեղափոխության և պետության փիլիսոփայության մասին զրուցում են փիլիսոփայական գիտությունների թեկնածուներ Կարինե Յարալյանը և Մովսես Դեմիրճյանը: Զրույցը վարում է Աննա Սարգսյանը: 

Հեղափոխության վաղվա օրը


Հայկական ժողովրդական հեղափոխության արդյունքը լեգիտիմացված է: Արագ և լիակատար բարեկեցիկ կյանքի սպասումը թթվածնի պես պահանջված է: Ինչպե՞ս կառավարել ժամանակն ու սպասելիքները: Պետական կառավարման ի՞նչ մոդել ընտրել: Թեման քննարկում են ազգագրագետ Նիկոլ Մարգարյանը և Մարդկային կայուն զարգացման միջազգային կենտրոնի փորձագետ Աշոտ Խուշուդյանը: Զրույցը վարում է Աննա Սարգսյանը: