Համազասպ Համբարձումյան


Համբարձումյանների տոհմի պատմությունը նկարագրված չէ պատմական քրոնիկոններում: Գերդաստանի մասին լեգենդներն ու առասպելները սերնդեսերունդ փոխանցել են ընտանիքի անդամները: Տոհմի առաջին մտավորականը Համազասպ Համբարձումյանն էր: Նա տեսել է Բյուրականի աստղադիտարանի բացումը, որդու` այդ տարիներին աշխարհում ամենանշանավոր հայ գիտնականի փառքն ու ճանաչումը և ինքն էլ հետք թողել հայ մշակույթում:

Երկուսը քաղաքում. Ազնվություն


Կոմպոզիտոր Անդրանիկ Բերբերյանը և դերասան Սամվել Թադևոսյանը շրջում են քաղաքում և կիսում իրենց մտքերը ազնվության մասին: 

Աղոթող զինվոր, աննկուն զինվոր


Արդեն երկու տասնամյակ Հայ եկեղեցու գնդերեցները ծառայում են հայկական բանակի զորամասերում ու ստորաբաժանումներում, զինվորի կողքին են նաև դիրքերում ու հոսպիտալներում: Հայ եկեղեցու սպասավորների հետ կողք կողքի ապրելու, պաշտպանվելու, աղոթելու, մխիթարվելու և ոգեշնչվելու մասին են պատմում հայկական բանակի զինվորն ու բուժակը, մայորն ու գնդապետը: 
Ֆիլմը նվիրվում է ՀՀ ԶՈւ հոգևոր առաջնորդության 20-ամյակին: 
 

Գրեթերթ. գիր անկախության


Տեսաֆիլմը պատմում է «Գրեթերթ» գրական-երիտասարդական թերթի գործունեության տասը տարիների, գրական նոր սերնդի` իրականության նկատմամբ վերաբերմունքի, գրական հայացքների, հայ արդի գրականության զարգացման խնդիրների ու առանձնահատկությունների մասին: 

Հայրը


Լուսագյուղի դպրոցի տնօրեն, 37 տարվա մանկավարժ Էդուարդ Բաղդասարյանը պատմում է իր ապրած կյանքի մասին ու փոխանցում է հայրենիքի, ազատության, հավատքի, եկեղեցու, ուսման և ընտանիքի մասին մտորումները։ Իր ընտանիքի կյանքում պատահած ամենամեծ երջանկությունը համարում է որդու քահանայական ձեռնադրությունը: 

Նվեր Սաֆարյան. խաղաղություն երազող գեներալը


1945թվականի գարնանը խորհրդային զորքերը գրավեցին Բեռլինը և ավարտվեց Երկրորդ աշխարհամարտը: Բեռլինի գրավմանը Խորհրդային բանակի ազգային դիվիզիաներից մասնակցեց միայն հայկականը՝ 89-րդ Թամանյան դիվիզիան: Հրամանատարը գեներալ-մայոր Նվեր Սաֆարյանն էր: Հայկական դիվիզիայի հրամանատարը, որը քսաներորդ դարի երկու աշխարհամարտերի աղետները սեփական մաշկի վրա էր զգացել, մի երազանք ուներ՝ տեսնել Հայաստանը միավորված:

Անծուխ Երևան


#Անծուխ Երևան հեշթեգը հայտնվել է Երևանի փողոցային նկարազարդումներում: Ծխելու դեմ ակցիային և պասիվ ծխողներին պաշտպանելու գործին միացել են ազատ ոճի երիտասարդ նկարիչները: 

Հոգու աշխատանք


Երիտասարդ գրաֆիկ դիզայներ Սոնա Թովմասյանը անընդհատ շարժման մեջ է: Սոնայի կարծիքով արագ փոփոխվող իրականությունը կյանքը դարձնում է դինամիկ, բայց հաճախ էլ` աններդաշնակ: 
Նրան հաջողվել է գտնել ներդաշնակ ապրելու արվեստը: Սոնան երգում է Երևանի Սուրբ Երրորդություն եկեղեցու երգչախմբում: Հոգևոր իրականությունն օգնում է հերոսին հակառակ ժամանակակից կյանքի պահանջներին՝ լիցքաթափվել բացասական մտքերից ու լիցքավորվել դրական էներգիայով: 
 

Երեխայի լավագույն շահը


Անահիտ Սարգսյանի և նախկին ամուսնու՝ Վանանդ Անդրեասյանի դատական վեճը երեք տարեկան երեխայի բնակության վայրի և խնամակալության հարցերով, ընթանում է արդեն երկու տարի: Դատական գործընթացում կան օրենքի կոպիտ խախտումներ:
Ի՞նչ օրենսդրությամբ է ամրագրված երեխայի լավագույն շահը, ի՞նչ պահանջներ է առաջադրում օրենքը և ծնողներից ո՞վ է ապահովում փոքրիկ Արեգի իրավունքների իրացումը:    
 

Սիրո պարգև


Արարատյան հայրապետական թեմի երիտասարդաց միության անդամներ Սարգսի և Դիանայի սիրո պատմությունը սկսվել է 2015 թ. Սուրբ Սարգսի տոնի ժամանակ: Այդ օրը Դիանան խորհրդանշական երազ չէր տեսել, սակայն դիմել էր սրբի բարեխոսությանը և հավատով սպասում էր:
Սարգիսը շուտով կավարտի Գևորգյան հոգևոր ճեմարանի քահանայից լսարանը և ետևում կմնան սիրահար զույգի տևական բաժանումների երկար ու ձիգ օրերը:
 

Սպասված և մերժված


Ըստ վիճակագրության, յուրաքանչյուր 100 աղջկա դիմաց 104-106 տղայի ծնունդ պիտի արձանագրվի: 2011-ին 100 աղջկա հաշվարկով ծնվել է 114 տղա: Այս ցուցանիշով Հայաստանը հայտնվել է սեռով պայմանավորված հղիության արհեստական ընդհատման վատագույն ցուցանիշներ ունեցող երկրների շարքում՝ Չինաստան, Հարավային Կորեա, Ադրբեջան: Սեռով պայմանավորված հղիության ընդհատումների թիվը բարձր է հատկապես մարզերում:

Կորած զինվորի հայրը


Երվանդ Գեղամյանը Արցախյան ազատամարտի առաջին օրերից մեկնում է ճակատ: 1993 թվականի սեպտեմբերի 4-ին շրջափակման մեջ է ընկնում Կուբաթլուի տարածքում և անհայտ կորչում: 23 տարի է անցել, սակայն հայրը՝ շատինցի մանկավարժ Կարլեն Գեղամյանը, սպասում է...