Alt

Սիրո արահետով


Ճանաչված երաժիշտ Վահան Արծրունու և դրամատուրգ, թատերագետ Անուշ Ասլիբեկյանի սիրո պատմությունն սկսվել է 2010 թ. ARTEXPO» փառատոնից: Նկարիչների միության ցուցասրահը մի քանի օր շարունակ իր հարկի տակ էր հավաքել արվեստի տարբեր ճյուղերի ներկայացուցիչներին: Անուշ Ասլիբեկյանը ներկայացնում էր Թատրոն X- ի» տաղավարը և իր ժողովածուն` Գրապալատի» տաղավարում: Սուրբ Սարգսի տոնից մի քանի օր էր անցել, նա չէր մոռացել իր խորհրդանշկան երազը. սպիտակ ձիավորը սրընթաց անցել էր իր առջևով:
Իրադարձությունները շատ արագ զարգացան: Պսակադրությունը կատարվեց Ս. Զորավոր եկեղեցում: 2011-ին ծնվեց Անաիսը, 2012 -ին` Անդրեասը և նրանք արդեն չորսով են քայլում սիրո արահետով:

Alt

Նագաշյանների ընտանիքը


ՀՀ կառավարության որոշմամբ 2012թ.-ից սկսվել է մանկատների բեռանաթափման ծրագիրը: Ծրագրին ընդառաջ Մայր Աթոռ Ս. Էջմիածնի և Մեր հույս» կազմակերպության կողմից ստեղծվել է Նագաշյան մանուկների տուն» երեխաների աջակցության կենտրոնը, որտեղ հավաքվել են երեխաներ Հայաստանի տարբեր մանկատներից:
Մեր տունն աշխարհի ամենաջերմ տունն է»,- ասում են կենտրոնի երեխաները:

Alt

Հայերը Բուլղարիայում, մաս 2-րդ


Ֆիլմի 1-ին եւ 2-րդ մասերը պատմում են Բուլղարիայի հայ համայնքի, հայոց թեմի ու եկեղեցիների մասին: Պատմական վկայությունների համաձայն, հայերը Բուլղարիայում հաստատվել են սկսած 5-րդ դարից, սակայն մեր հայրենակիցների ավելի մեծ հոսք դեպի Բուլղարիա տեղի է ունեցել 19-րդ դարավերջին եւ 20-րդ դարի սկզբին` Օսմանյան Թուրքիայում զանգվածային կոտորածներից հետո: Այսօր Բուլղարիայում 12 գործող հայկական եկեղեցի կա, կառուցվում են նորերը: Ֆիլմն անդրադառնում է գրեթե բոլոր եկեղեցիներին ու քաղաքային համայնքներին` Սոֆիա, Պլովդիվ, Վարնա, Բուրգաս, Ռուսսե, Շումեն, Դոբրիչ:
Հայերը Բուլղարիայում» ֆիլմը նվիրված է Բուլղարիայի հայոց թեմի հռչակման 145-ամյակին: Նկարահանումերն իրականացվել են Բուլղարիայի հայոց թեմի առաջնորդական տեղապահ Տ. Աբգար վարդապետ Հովակիմյանի նախաձեռնությամբ:

Alt

Հայերը Բուլղարիայում, մաս 1-ին


Ֆիլմի 1-ին եւ 2-րդ մասերը պատմում են Բուլղարիայի հայ համայնքի, հայոց թեմի ու եկեղեցիների մասին: Պատմական վկայությունների համաձայն, հայերը Բուլղարիայում հաստատվել են սկսած 5-րդ դարից, սակայն մեր հայրենակիցների ավելի մեծ հոսք դեպի Բուլղարիա տեղի է ունեցել 19-րդ դարավերջին եւ 20-րդ դարի սկզբին` Օսմանյան Թուրքիայում զանգվածային կոտորածներից հետո: Այսօր Բուլղարիայում 12 գործող հայկական եկեղեցի կա, կառուցվում են նորերը: Ֆիլմն անդրադառնում է գրեթե բոլոր եկեղեցիներին ու քաղաքային համայնքներին` Սոֆիա, Պլովդիվ, Վարնա, Բուրգաս, Ռուսսե, Շումեն, Դոբրիչ:
Հայերը Բուլղարիայում» ֆիլմը նվիրված է Բուլղարիայի հայոց թեմի հռչակման 145-ամյակին: Նկարահանումերն իրականացվել են Բուլղարիայի հայոց թեմի առաջնորդական տեղապահ Տ. Աբգար վարդապետ Հովակիմյանի նախաձեռնությամբ:

Alt

Քսան տարի անց


1991 թվականի սեպտեմբերի 21-ի հանրաքվեով մենք այո» ասացինք անկախությանը: Անկախությունը բացարձակ արժեք է, ազգային ինքնության պահպանման միջոց: Որքանով է այն դարձել հայերի ինքնության երաշխավոր, ինչ խնդիրներ կան անկախությունից 20 տարի անց` ներկայացնում են անկախության ձեռք բերման ակունքներում կանգնած գործիչները:
Ֆիլմը պատրաստվել է ՀՀ է անկախության 20-ամյակի առիթով:

Alt

Կանաչ հյուրընկալություն


ԵՀԽ հայաստանյան Կլոր սեղան հիմնադրամը` Կրոնների և բնապահպանության դաշինք» (The Alliance of Religions and Conservation (ARC)) կազմակերպության գործակցությամբ Էջմիածին քաղաքում իրականացնում է Կանաչ ուխտագնացություն» համալիր ծրագիրը: Ծրագրի շրջանակում ներառված է նաև Կանաչ հյուրընկալություն» նախագիծը, որով Էջմիածին քաղաքում ստեղծվել է ուխտավորներին և զբոսաշրջիկներին առողջ, ավանդական ու մատչելի սնունդ մատուցող հյուրընկալության կենտրոն:

Alt

Ապրել լսելով


Երեխայի մոտ վաղ տարիքում խոր ծանրալսություն հայտնաբերելու դեպքում ընտանիքը երկընտրանքի առջև է կանգնում` հաղորդակցության ո՞ր ձևն ընտրել՝ ժեստերի, թե բանավոր խոսքի: Բանավոր խոսքի ընտրության դեպքում, մասնագետների հավաստմամաբ, առաջնային կարևորություն ունեն լսապրոթեզավորումն ու սուրդոմանկավարժական պարապմունքները:
Որքանո՞վ են հասանելի այսօր լսողական սարքերը Հայաստանի բնակիչներին: Կարողանու՞մ են ընտանիքները ձեռք բերել երեխաներին անհրաժեշտ լսողական սարքերը, կա՞ պետական մոտեցում այդ հարցին՝ տեսակետ են հայտնում ծնողները, բժիշկները, աուդիոմետրիստները, հասարակական ու պետական մարմինների ներկայացուցիչները:

Alt

Երեխաների դեսպանը Հայաստանում


Մարիո Մատուսը Հայաստան է եկել դեպքերի բերումով. կինը նշանակվել էր Հայաստանում Բրազիլիայի դեսպան: Ընկերներից մեկի խորհրդով Մատուսն այցելում է Խարբերդի մասնագիտացված մանկատուն, ծանոթանում երեխաների խնդիրներին ու սկսում դրանց լուծման ճանապարհներ փնտրել: Նրա ջանքերով երեխաներից շատերն այսօր սկսել են խոսել, տեսնել, ինքնուրույն տեղաշարժվել, անգամ սովորել են գրել ու կարդալ: Երեխաներն այս իրավիճակում են ոչ այն պատճառով, որ այդպես են ցանկացել, այլ ճակատագրի բերումով, և մենք պետք է անենք հնարավորն ու անհնարը նրանց կյանքը բարելավելու համար»:

Alt

Հեռու և մոտ վտանգը


Հայաստանի անկախացումից ի վեր աշխատանքային միգրացիան շարունակում է մնալ բազաթիվ հայ ընտանիքիների կենսապահովման հիմնական միջոցը: Արտագնա աշխատանքի մեկնում են հիմնականում 22-55 տարեկան տղամարդիկ: Նրանք և նրանց ընտանիքները դառնում են խոցելի ՄԻԱՎ վարակի նկատմամբ...
Ֆիլմի հերոսներն իրական մարդիկ են՝ իրական պատմություններով: Ինչից և ինչպես է փոխվել այդ մարդկանց ճակատագիրը, ինչ է կատարվել հերոսների կյանքում վարակը հայտնաբերելուց հետո, հնարավոր էր արդյոք խուսափել...
Ֆիլմում ներկայացված են նաև տեղեկություններ Հայաստանում ՄԻԱՎ վարակի վիճակագրական պատկերի վերաբերյալ:
Ֆիլմը պատրաստվել է Վորլդ Վիժն Հայաստան» կազմակերպության և Եվրամիության ֆինանսավորմամբ:

Alt

Կոնտրապունկտ


Ֆիլմը հեռակա զրույց է երկու հավատացյալի միջև: Հայ եկեղեցու անդամ, ճանաչված արվեստագետներ Դանիել Երաժիշտը և Միքայել Մկրտչյանը ներկայացնում են իրենց՝ էապես տարբեր անհատական ընկալումները և մոտեցումները կրոնական հանդուրժողականության խնդրին: Տեսաֆիլմը պատրաստվել է Կրոնական հանդուրժողականության խթանումը Հայաստանում» ծրագրի շրջանակում:

Նազարյաններ


Նազար և Արտեմիս Նազարյաններն Ազգային բարերար պատվանունն ունեն: Տասնամյակներ շարունակ Նազարյան ընտանիքը եղել են Հայ եկեղեցու կողքին, նպաստել Հայաստանի ու Սփյուռքի համայնքային, կրթական, սոցիալական ծրագրերին, եղել հայապահպանության ջատագովն ու քարոզիչը: Նազարյանների՝ հայաստանյան խոշոր ծրագրերից է Մայր Աթոռ Ս. Էջմիածնի դիվանատան շենքի կառուցումը, ԵՊԲՀ Ռադիոլոգիայի կենտրոնը, ՀԲԸՄ նոր գրասենյակի շենքը: Նազարյանների գործունեությունը բարձր գնահատանքի են արժանացրել անկախ Հայաստանի նախագահները, հոգևոր առաջնորդները: Բարեգործությունը քրիստոնեական ճշմարիտ հավատի արտահայտություն է: Այս գաղափարն է առաջնորդում Նազարյան տոհմիկ գերդաստանին: Նազարյանների մասին ֆիլմում գնահատանքի խոսք է հայտնում Գարեգին Բ Ամենայն Հայոց կաթողիկոսը, մասնակցում են նաև՝ ՀԲԸՄ տնօրեն (1991-2011) Աշոտ Ղազարյանը, Մայր Աթոռի դիվանապետ Արշակ եպիսկոպոս Խաչատրյանը, Մայր Աթոռի փոխդիվանապետ Տ. Պարթև աբեղա Բարսեղյանը, Նազարյանների անվան ռադիոլոգիայի կենտրոնի ռադիոլոգ Մարինա Մովսեսյանը, ՀԲԸՄ կենտրոնական վարչական ժողովի անդամ Վազգեն Յակուբյանը, ինչպես նաև Նազար և Արտեմիս Նազարյաններն ու նրանց թոռը՝ Մեթյու Նազարյանը:

Alt

Աջակցություն սիրիահայերին


2011-ի մարտին Սիրիայում բռնկված պատերազմը խաթարեց նաև այնտեղ ապրող հայերի բնականոն կյանքը: Սիրիայում մոտ 70 հազար հայ է ապում: Ապրում էր... մինչև քաղաքացիական պատերազմի բռնկումը: Երկու տարվա ընթացքում մոտ 7000 սիրիահայ ներգաղթեց Հայաստան, ավելի քան 90%-ը ապաստան գտավ մայրաքաղաք Երևանում: Նրանց հիմնական մասը բնակարանի, սննդի, առաջին անհրաժեշտության պարագաների, ուսման և աշխատանքի կարիք ուներ: Արձանագրելով ներգաղթածների կարիքները` Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը ձեռնարկեց Արագ արձագանքման ծրագիր սիրիահայ փախստականների համար» ծրագիրը: Ֆիլմը պատմում է Եկեղեցիների համատեղ գործողություն» ալյանսի աջակցությամբ իրականացված ծրագրի մասին:
Մասնկացում են՝
Ռուզաննա Դանիելյան. փախստական Սիրիայից,
Կարեն Նազարյան. ԵՀԽ Հայաստանյան Կլոր Սեղան հիմնադրամի տնօրեն,
Տ. Գրիգոր քահանա Գրիգորյան. Արագ արձագանքման ծրագրի պատասխանատու,
Րաֆի սարկավագ Կույումջյան. Արագ արձագանքման ծրագրի կամավոր,
Անի Մելքոնյան. փախստական Սիրիայից