Դավիթ սարկավագ Չեթինքայա


Գևորգյան հոգևոր ճեմարանում քահանաների պատրաստման չորրորդ լսարանն է ձևավորվում: Այն հնարավորություն է տալիս բարձրագույն կրթությամբ անձանց քահանայական ծառայություն իրականացնելու: Դավիթ սարկավագ Չեթինքայան Ստամբուլից է: Մայր Աթոռ Սուրբ Էջմիածին է եկել իրագործելու երազանքը: Կրթությանը զուգահեռ Դավիթ սարկավագը հոգևորականների զգեստներ է կարում:

Հավատքի վկաները


Ֆիլմը Ռուսաստանի և Նոր Նախիջևանի հայոց թեմի պատմության, ռուս-հայկական պատմական եկեղեցական հարաբերությունների և Մոսկվայի առաջնորդանիստ եկեղեցական համալիրի կառուցման մասին է:

Խազերի առեղծվածը


Պատմությունը գրեթե լռում է հայոց եկեղեցական հին եղանակների, ինչպես նաև` խազերի մասին: Թե ինչպես են նոտագրվել, կամ նոտագրվե՞լ են արդյոք հայոց հոգևոր երգերը մինչև 8-րդ դար, անհայտ է: 8-րդ դարում ստեղծվում են խազերը և, որպես ձայնագրության միջոց, գոյատևում մինչև 16-րդ դար, ապա` մոռացվում: Մեծագույն ներդրումը գտնելու խազերի բանալին Կոմիտաս վարդապետինն է: Խազագիր մատյանների մի զգալի մաս մինչ օրս մնում է անընթեռնելի:

Սուրբ Գրքի ճանապարհը


1710թ.-ին Պոլսում տպագրված Ավետարանը ժողովուրդն ավանդաբար անվանել է Պապեյ Նարեկ»: Հաճախ այն շփոթել են Նարեկացու Մատյանի» հետ: Շատերը զարմանքով են բացահայտել, որ գիրքն Ավետարան է: Հրաշագործ գիրքը երկար ու հետաքրքիր ճանապարհ է անցել, մինչև վերջնական վայրում հանգրվանելը: Հաղորդման մասնակիցները պատմում են Պոլսի Ավետարանի անցած ճանապարհի ու հրաշագործությունների մասին: Ներկայացված են նաև այն բնակավայրերն ու ընտանիքները, որտեղ եղել է Ավետարանը:

 

Գավազանակիր


Ամենայն հայոց կաթողիկոսի կողքին գրեթե ամենուր մենք տեսնում ենք սպասավոր հոգևորականի, որ պահում է հայրապետական գավազանը: Ո՞վ է գավազանակիրը, ինչպե՞ս է ընտրվում, ինչ իրավունքներ ու պարտավորություններ ունի: Պատմում են Մայր Աթոռում գավազանակրի ծառայություն իրականացրած հոգևորականները:

Պատուհան դեպի երկինք


Հաղորդումը Հայ եկեղեցու միանձնուհիներից մեկի դիմանկարն է: Նելլի Հարությունյանն ապրում է Հառիճավանքում: Իր ապրումների ու կենսակերպի մասին Նելլին մեզ պատմում է՝ շարունակելով իր սիրելի զբաղմունքը՝ սրբանկարչությունը:

Զոհաբերություն


Ո՞րն է զոհաբերության քրիստոնեական իմաստը: Ի՞նչ կարելի է զոհաբերել և հանուն ինչի՞: Զոհաբերության ի՞նչ ընկալումներ կան մեզանում: Մեկնաբանում է Կոստանդնուպոլսի հայոց պատրիարքության միաբան Տեր Զակքեոս ծայրագույն վարդապետ Օհանյանը:

Մարդն Աստծո


Ապարան քաղաքի ծխական համայնքն անկախ Հայաստանի ամենահին և ամենազորավոր հոգևոր համայնքներից է: 1990-ականներին այն հիմնադրել է Էդվարդ սարկավագ Ֆրանգուլյանը: Նա մասնագիտությամբ ճարտարապետ էր, կնոջն ու երեխաներին թողնելով Երևանում` Էդվարդ Ֆրանգուլյանը տեղափոխվում է ծննդավայր` Ապարան, և շուրջ տասը տարի նվիրվում տեղի համայնքի կայացմանը: Նրա ջանքերով է նորոգվում Ապարանի 4-րդ դարի Սուրբ Խաչ եկեղեցին: Հաղորդման ընթացքում Էդվարդ սարկավագի մասին հիշում են աշակերտները, Ապարանի ներկայի հոգևոր հովիվը, Ֆրանգուլյանի այրին:

Հոգևոր Արարատ


Արարատյան հայրապետական թեմի Արարատ» հոգևոր միությունը հիմնադրվել է 1989թ-ին, երբ ներկայիս Վեհափառ Հայրապետը՝ այդ տարիների ԱՀԹ առաջնորդական փոխանորդը, երիտասարդաց միություն հիմնեց: Այժմ Արարատը» հոգևոր ու սոցիալական տարբեր ծրագրեր է իրականացնում: Միությունը նախաձեռնում է պարբերական ուխտագնացություններ Հայաստանի սրբավայրեր, ինչպես նաև Ավետյաց երկիր` Երուսաղեմ, ունի համանուն երգչախումբ ու պարի խումբ: Միության հովվի` Տ. Հակոբ քահանա Խաչատրյանի առաջնորդությամբ ամեն երեքշաբթի հավատացյալները Ս. Սարգիս եկեղեցում խոկման արարողության են մասնակցում: Արարատի» անդամներին պարբերաբար կարելի է տեսնել մանկատներում, հատուկ դպրոցներում, անապահով ընտանիքներին օգնելիս : 2013-ի հունվարին Երիտասարդության շրջանում հոգևոր դաստիարակությանն ուղղված ծրագրերի համար» հանրապետության նախագահ Սերժ Սարգսյանը Արարատ» հոգևոր միությանը հանձնել է Հայկյան» մրցանակ:
Արարատ» հոգևոր միությունում ինչպես ընտանիքում. պատմում է Հգևոր Արարատ» ֆիլմը:
Մասնակցում են՝
Տ. Հակոբ քահանա Խաչատրյան՝ Արարատ» հոգևոր միության հովիվ,
Տիգրան Սարգսյան՝ ՀՀ վարչապետ,
Ծովիկ Դավթյան՝ խնամակալների խորհրդի նախագահ,
Գևորգ Մկրտչյան՝ միության ատենապետ,
միության անդամներ, սաներ, աշխատակիցներ

 

Աղոթք նկարի մեջ


Մայր Աթոռի միաբան Տեր Ներսեհ վարդապետ Խալաթյանն իր կյանքն առանց նկարչության այլևս չի պատկերացնում: Նկարելն ինձ համար աղոթքի պես բան է,- ասում է վարդապետը, -ինքնակետրոնացման ու Բարձրյալի հետ կապի մի յուրօրինակ ձև, որ մտորելու, ստեղծելու առիթ է տալիս»: Հայր Ներսեհը ծնվել է Թիֆլիսում: Գևորգյան հոգևոր ճեմարանն ավարտելուց հետո նշանակվել է Մայր Աթոռի թանգարանների տնօրեն, ապա` Կենտրոնական եւ Հյուսիսային Եվրոպայի Հայրապետական պատվիրակ: Սակայն նրա կյանքում շրջադարձային է եղել Եվրոպայից հետո Հաղարծնի հինավուրց վանքում ծառայությունը: Հենց այստեղ է ծնվել նրա առաջին աղոթքը` նկարի մեջ:

Մասունք և գիտություն


Սրբերի և սրբազան մասունքների հանդեպ հավատացյալ մարդու վերաբերմունքը նույնքան հին է, որքան քրիստոնեությունը: Պատմական տարբեր ժամանակաշրջաններում, սակայն, եղել են իրադարձություններ, որոնք ստիպել են փոխել վերաբերմունքը մասունքի հանդեպ: Գիտությունն իր հերթին փորձել է վճռորոշ դեր ունենալ այդ հարցում` հաճախ առաջարկելով իր ծառայությունը` ստուգել մասունքների իսկությունը… Հավատի և գիտության հարաբերությունները սրբազան մասունքների շուրջ մեկնում և բացատրում են Մայր Աթոռի արխիվի ու թանգարանների տնօրեն Տ. Ասողիկ քահանա Կարապետյանը, հնագետներ Արտակ Գնունին և Իգիթ Ղարիբյանը:

 

Տաթևի հոգևոր զարթոնքը


Տ. Միքայել աբեղա Գևորգյանը ծառայում է Տաթևի վանքում: 1927թ-ից մինչև 2008թ. վանական համալիրը հոգևոր սպասավոր չի ունեցել, կրոնական ծեսերը մոռացվել էին, գյուղ մտնող հոգևորականի նկատմամբ էլ՝ մարդիկ թերահավատ, երբեմն՝ մերժողական վերաբերմունք ունեին: Հայր Միքայելին դժվար փորձություններ էին սպասում, միակ ապավենը հավատարմությունն էր ծառայական ուխտին...