Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Դոստոևսկին և փիլիսոփայությունը


Ֆյոդոր Դոստոևսկին թեև չի ստեղծել փիլիսոփայական իր համակարգը, սակայն նրա ստեղծագործություններում արծարծվում են փիլիսոփայության հիմնախնդիրներ, որոնք հետագայում մեծ ազդեցություն են ունեցել համաշխարհային փիլիսոփայական մտքի պատմության վրա: Փիլիսոփայական ի՞նչ թեմաներ են ընկած Դոստոևսկու գրականության առանցքում, ո՞րն է դրանց ակունքը` գրողի կյա՞նքը, ռուսական իրականությու՞նը, թե՞ այլ բան: Այս հարցերի մասին Հայկ Համբարձումյանը զրուցել է փիլիսոփայական գիտությունների թեկնածու Դավիթ Մոսինյանի հետ:

Պատմության պաշտպանականը


«Ինչի՞ է պետք պատմությունը». այս հարցով է սկսվում 20-րդ դարի պատմագիտական մտքի ամենանշանակալի ուսումնասիրություններից մեկը՝ Մարկ Բլոկի «Պատմության պաշտպանական կամ պատմաբանի արհեստը» գիրքը: Ո՞վ է պատմագետը, ի՞նչ է անում նա և ի՞նչ նպատակով, ո՞ւմ է ուղղված պատմությունը և արդյո՞ք ճիշտ են եղել պատմության` անցալի ընկալումները: Այս հարցերի մասին Հայկ Համբարձումյանը զրուցել է պատմագետ Սմբատ Հովհաննիսյանի հետ:

Գրողը, իրականությունն ու ընթերցողը


Ի՞նչ ակնկալիքներ ունի գրականությունից ընթերցողն այսօր, գրականության ո՞ր գործառույթներն են իրացվում, ի՞նչ դեր ունեն հայ ժամանակակից գրականությունը և քննադատությունը գրականության մասին հասարակական պատկերացումների ձևավորման գործում: Այս հարցերի մասին Հայկ Համբարձումյանը զրուցել է գրող, գրականագետ Գրիգոր Պըլտեանի հետ:

Ի՞նչ գրել և ինչպե՞ս 21-րդ դարում


Բավարա՞ր է գրքասիրությունը, հայրենասիրությունը և շնորհը լավ գրականություն ստեղծելու համար: Ի՞նչն է գրականությունը ազգային դարձնում և ինչպե՞ս կարող է ազգայինը նաև համամարդկային դառնալ: Գրողի կայացման գործում ի՞նչ դեր ունեն միջավայրը, կրթությունն ու քննադատությունը: Այս հարցերի մասին Հայկ Համբարձումյանը զրուցել է գրող, գրականագետ Գրիգոր Պըլտեանի հետ:

Ֆրանկաֆոնիան և մենք


Երևանում անցկացվեց Ֆրանկոֆոնիայի կազմակերպության 17-րդ գագաթնաժողովը, որն իսկական մշակութային տոնի վերածվեց: Այդ միջոցառումներին իրենց մասնակցությունը բերեցին նաև հայ արվեստագետներ Սփյուռքից: Ի՞նչ տվեցին մեզ այդ միջոցառումները, մշակութային շփումների ի՞նչ նոր հնարավորություններ են տալիս դրանք Հայաստանում և Սփյուռքում ապրող հայ արվեստագետներին: Այս հարցերի մասին Հայկ Համբարձումյանը զրուցել է կոմպոզիտոր, դաշնակահար Արթուր Ահարոնյանի հետ:

Թարգմանական դրամատուրգիա. Շեքսպիրից՝ Արթուր Միլլեր


Ինչպե՞ս են թարգմանվում, ուսումնասիրվում և բեմադրվում Շեքսպիրի ստեղծագործությունները Հայաստանում: Շեքսպիրյան պիեսների հանրայնացման գործում ի՞նչ դեր ունի Վահրամ Փափազյանը: Որքանո՞վ և ինչպե՞ս են մեր թատրոնները բեմադրում համաշխարհային դրամատուրգիայի դասականների ստեղծագործությունները: Ինչո՞ւ չեն թարգմանվել և շատ քիչ են Հայաստանում բեմադրվել ամերիկյան ամենահայտնի դրամատուրգներից մեկի՝ Արթուր Միլլերի պիեսները: Այս հարցերի մասին Հայկ Համբարձումյանը զրուցել է թարգմանիչ, թատերագետ Հասմիկ Սեյմուրի հետ:

Մեր Ազնավուրը


Ո՞րն է Ազնավուրի ֆենոմենը: Ե՞րբ և ինչպե՞ս Շարլ Ազնավուրը դարձավ այն խոշոր երևույթը, որին ճանաչում և սիրում ենք: Նրան գնահատում ենք այն պատճառով, որ հայ էր, թե՞ մեծ արտիստ: Ինչպե՞ս նրան տեսավ կինոն. որպես հայ, թե՞ որպես ֆրանսիացի: 
Հայկ Համբարձումյանը զրուցել է հայագետ Արծվի Բախչինյանի հետ: 
 

Կոմիտասը և ազգային երաժշտության բանաձևը


Ինչպե՞ս է ուսումնասիրվում և հանրահռչակվում Կոմիտասի ժառանգությունը: Որքանո՞վ են Կոմիտաս մարդու մասին հանրային պատկերացումները համապատասխանում իրականությանը: Ի՞նչ ճանապարհներով է հնարավոր հասկանալ Կոմիտասի խազագրական ձեռագրերը և ուսումնասիրել Կոմիտասի գրառած ժողովրդական երգերը: Այս հարցերի մասին Հայկ Համբարձումյանը զրուցել է երաժշտագետ, Կոմիտասի թանգարան-ինստիտուտի գիտական բաժնի ղեկավար Տաթևիկ Շախկուլյանի հետ:

Ամերիկյան և հայաստանյան հայագիտություն. համագործակցություն և խնդիրներ


Համագործակցության ի՞նչ եզրեր և ծրագրեր կան ամերիկյան և հայաստանյան հայագետների միջև: Ի՞նչ խնդիրներ և վեճեր: Որքանո՞վ և ինչո՞ւ է արտասահմանյան համալսարաններում սովորող երիտասարդներին գրավում հայագիտությունը, հետագա աշխատանքի ի՞նչ հնարավորություններ կան: Ի՞նչ ձեռքբերումներ ունի Լոս Անջելեսի UCLA համալսարանի Նարեկացու անվան հայագիտական ամբիոնը: Այս հարցերի մասին Հայկ Համբարձումյանը զրուցել է UCLA համալսարանի Նարեկացու անվան հայագիտական ամբիոնի վարիչ Պիտեր Քաուիի հետ:

Նոր պեղումներ, հին վեճեր


Հնագիտական պեղումները Հայաստանում և այլուր հաճախ ուղեկցվում են տարբեր վեճերով ու մերձգիտական քննարկումներով: Այդպիսի տարակարծություններ կան նաև Հայաստանում Զորաց քարեր կոչվող հուշարձանի նշանակության, տարիքի, պեղելու անհրաժեշտության շուրջ: Ի՞նչ պեղումներ են այնտեղ իրականացվում, ո՞րն է հուշարձանի տարիքը, աստղադիտարա՞ն է այն, թե՞ դամբարան: Այս հարցեր մասին Հայկ Համբարձումյանը զրուցել է  հնագետ, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի գիտնական-քարտուղար Աշոտ Փիլիպոսյանի հետ:

Ճանաչո՞ւմ ենք մենք Սարոյանին


Լրացավ Վիլյամ Սարոյանի ծննդյան 110-ամյակը: Այս հոբելյանը հայ իրականության մեջ գրեթե չնշվեց: Արդյո՞ք մենք ճանաչում և գնահատում Վ. Սարոյանի գործերը, թե՞ միայն հպարտանում ենք նրա հայ լինելու հանգամանքով: Այս թեմաների շուրջ Հայկ Համբարձումյանը զրուցել է թարգմանիչ Զավեն Բոյաջյանի հետ:

Դասախոս ռեստարտ


Դեռևս գարնանը պարզ էր,  որ նոր ուսումնական տարում բուհերում դիմորդների փոքր թվի հետ կապված լուրջ խնդիրներ կլինեն, իսկ բուհական ընդունելության քննություններից հետո ակնահայտ դարձավ, որ առանց կառավարման, ժամաբաշխման, դրույքաչափերի հետ կապված փոփոխությունների բուհերը չեն կարող հաղթահարել ստեղծված իրավիճակը: Հաշվի առնելով նաև հեղափոխությունից հետո ստեղծված նոր իրադրությունը, կրթության փորձագետները, դասախոսները այս ամիսների ընթացքում կազմակերպել են քննարկումներ, առաջարկներով դիմել կրթության և գիտության նախարարությանը՝ ուղղված բուհական կրթության առողջացմանը  կամ ռեստարտին: Ինչպիսի՞ն է իրավիճակը նոր ուսումնական տարվա մեկնարկին, ռեստարտի ի՞նչ հնարավորություններ ու ճանապարհներ կան: Այս հարցերի մասին Հայկ Համբարձումյանը զրուցել է «Դասախոս ռեստարտ» նախաձեռնության անդամ, պատմ. գիտ. թեկնածու Դավիթ Թինոյանի հետ: