Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Հայկական ռոք. ներշնչանքի աղբյուրներ և ուղերձներ


«Զգացեք երաժշտությունը, զգացեք դրայվը». այս կարգախոսով Երևանում մեկնարկեց Music Drive Festival եռօրյա միջազգային փառատոնը, որի ընթացքում երաժշտասերին կներկայանան ժամանակակից երաժշտության տարբեր ժանրերում ստեղծագործող արտասահմանյան և հայաստանյան երկու տասնյակ խմբեր: Փառատոնի, ինչպես նաև հայաստանյան ռոք երաժշտության ներկայի, խնդիների և ուղերձների մասին Հայկ Համբարձումյանը զրուցել է Հայկական ռոք ասոցիացիայի նախագահ Վարդան Գրիգորյանի հետ:

Չարենց՝ թանգարանային


Ժամանակակից տուն-թանգարանը ոչ միայն ցուցանմուշների պահպանության ու ցուցադրության վայր է, այլև բազմապրոֆիլ մշակութային միջավայր՝ թանգարանային, գիտական, հրատարակչական, ճանաչողական ու ժամանցային գործառույթներով: Այս շաբաթ լրացավ Եղիշե Չարենցի ծննդյան 120-ամյակը: Բանաստեղծի ստեղծագործության ներկայացման ու հանրահռչակման հարցերի շուրջ Հայկ Համբարձումյանը զրուցել է Եղիշե Չարենցի տուն-թանգարանի տնօրեն Անահիտ Ասատրյանի հետ:

Դասագրքերն ու ժամանակակից կրթությունը


Կրթական համակարգի խնդիրների մասին խոսելիս հաճախ է անդարադարձ կատարվում դպրոցական դասագրքերի որակին: Ովքե՞ր և ինչպե՞ս են ստեղծում դասագրքերը, ի՞նչ չափորոշիչների հիման վրա, որքանո՞վ են այդ չափորոշիչները համապատասխանում ժամանակակակից կրթական չափանիշ¬ներին, ո՞վ է վերահսկում դասագրքերի բովանդակային ու հրատարակչական որակը, ինչպե՞ս է հնարավոր ուսուցիչներին, աշակերտներին, ծնողներին և կրթության պատասխանատուներին բավարարող դասագիրք ստեղծել: Այս հարցերի մասին  Հայկ Համբարձումյանը զրուցել է «Զանգակ» հրատարակչության գլխավոր տնօրեն Սոկրատ Մկրտչյանի հետ:

Առաջին տպագիր Աստվածաշնչից մինչև Հրանտ Մաթևոսյան. հայ-հոլանդկան գրական կապեր


1666 թվականինին Ամստերդամում տպագրվեց առաջին հայերեն Աստվածաշունչը: Անցյալ տարեվերջին հայ գրատպության համար շրջադարձային այս հոբելյանին նվիված միջոցառումներ եղան Հայաստանում և Հոլանդիայում: Ինչպե՞ս հնարավոր դարձավ հայերեն Աստվածաշնչի հրատարակությունը, ինչպե՞ս անդրադարձան կարևոր հոբելյանին Ամստերդամում: Այս հարցերի, ինչպես նաև հայ-հոլանդական գրական-թարգմանական նոր նախագծերի մասին Հայկ Համբարձումյանը զրուցել է թարգմանիչ Աննա Մարիա Մատարի հետ:
 

Մայրենիի օր. վտանգներ և հոգատարություն


Ումի՞ց և ինչպե՞ս պետք է պաշտպանենք հայերենը, որքանո՞վ է այն վտանգված այսօր Հայաստանում և Սփյուռքում: Հայկ Համբարձումյանը զրուցել է լեզվաբան Դավիթ Գյուրջինյանի հետ:

Գոյության խաղն ու Աստծո անվան փնտրտուքը


Ի՞նչ դեր ունեն բանաստեղծությունն ու բանաստեղծը գոյության հավերժ շրջապտույտում, ի՞նչ պատասխանատվություն` իրականության նկատմամբ: Ո՞ւմ է ուղղված և ինչո՞ւ է ստեղծվում բանաստեղծություն մեր ժամանակներում: Այս հարցերի մասին Հայկ Համբարձումյանը զրուցել է  բանաստեղծ Ավագ Եփրեմյանի հետ: 

Հայ միջնադարյան արվեստի նորովի ներկայացումը. լրագրության և գիտության միջև


Հայ միջնադարյան հարուստ մշակույթը ժամանակակից՝ ագրեսիվ տեղեկատվությամբ ու գովազդով լցված աշխարհում ներկայացնելու և հասանելի դարձնելու համար արդեն ավանդական գործիքները՝ գիտական մամուլ, գրքերի հրատարակություններ և այլն,  բավարար չեն: Անհրաժեշտ են համացանցային կայքեր, թվային շտեմարաններ, իհարկե մասնագիտական նոր մոտեցում: Արդյունավետ կարո՞ղ են լինել այս միջոցները, ինչպե՞ս   ընդհանրապես պետք է ներկայացվի մեր արվեստը և ներկայացվում է արդյո՞ք: Այս հարցերի մասին Հայկ Համբարձումյանը զրուցել է պատմական գիտությունների դոկտոր Կարեն Մաթևոսյանի հետ:

Հայ ժամանակակից կերպարվեստը միջազգային բիենալեներում


2016 թ. դեկտեմբերի 15-ին Իտալիայի Բարի քաղաքում մեկնարկեց և շուրջ մեկ ամիս տևեց կերպարվեստի «Bibart bienalle» միջազգային բիենալեն, որին Հայաստանից մասնակցեց նկարիչ Արթուր Հովհաննիսյանը և արժանացավ միանգամից երկու մրցանակի: Ի՞նչն է բարձր գնահատվում միջազգային բիենալեներում, ինչպե՞ս է ժամանակակից արվեստը արժևորվում ու ներկայացվում Հայաստանում: Այս հարցերի մասին Հայկ Համբարձումյանը զրուցել է գեղանկարիչ Արթուր Հովհաննիսյանի հետ:
 

Հայ երաժշտարվեստն ու աշխարհը


Հայկական երաժշտարվեստի` երկրի ներսում ներկայացման ու արտերկրում հանրահռչակմանն ուղղված պետական ու մասնավոր բազմաթիվ ծրագրեր են իրականացվում, կազմակերպվում են համերգներ ու փառատոններ: Որքանո՞վ են արդյունավետ այս քայլերը, ինչպե՞ս է հնարավոր ժամանակակից աշխարհում ցածրաճաշակ երաժշտության հաղթարշավի պայմաններում գրավիչ կերպով ներկայացնել բարձրարվեստ երաժշտությունը: Այս հարցերի մասին Հայկ Համբարձումյանը զրուցել է Music of Armenia կազմակերպության հիմնադիր տնօրեն Հասմիկ Մովսիսյանի հետ:
 

Գեղանկարչությունից՝ անիմացիա


Հայկական ամենամեծ ձեռագրի՝ «Մշո Ճառընտիրի» փրկության հայտնի պատմությունն արդեն ներկայանում է անիմացիայի միջոցով: «Մշո Գեղեն» վերնագրով անիմացիոն ֆիլմը տարեվերջին հայկական կինոակադեմիայի կողմից ճանաչվեց տարվա լավագույն անիմացիոն ֆիլմ: «Մշո Ճառընտիրի» պատմության վիզուալացման առանձնահատկությունների, գեղանկարչության և անիմացիայի հարաբերության մասին Հայկ Համբարձումյանը զրուցել է նկարիչ Արարատ Մինասյանի հետ:

Ինտելեկտուալների խաղերն ու իրականությունն ըստ Հեսսեի


Աշխարհի ամենահայտնի ու խորհրդավոր, դժվարամարս ու դժվար մեկնելի գրքերից, գերմանական փիլիսոփայական վեպի գագաթներից մեկն արդեն հայերեն է: Լույս է տեսել Հերման Հեսսեի «Հուլունքախաղը»: Վեպի առանձնահատկությունների, թարգմանության անհրաժեշտության, ինչպես նաև ինտելեկտուալների ու աշխարհի հարաբերության մասին  Հայկ Համբարձումյանը զրուցել է վեպի թարգմանիչ, ԵՊՀ արտասահմանյան գրականության ամբիոնի վարիչ Արա Առաքելյանի հետ:

Սուրբ Ծննդյան խորհուրդն ու մարդը


Ինչո՞ւ է Հայ առաքելական եկեղեցին Սուրբ Ծնունդն ու Աստվածահայտնությունը նշում միասին, ի՞նչ խորհուրդ ունեն այս տոները ժամանակակից մարդու համար, հե՞շտ է արդյոք ընկալել դրանք։ Այս հարցերի մասին Հայկ Համբարձումյանը զրուցել է  Տ. Առնակ քահանա Հարությունյանի հետ: