Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Alt

Թատրոնը մրցանակների ու անտարբերության միջև


Մշակութային գարունն ուղեկցվում է թատերական բազմաբնույթ իրադարձություններով: Թատրոնի օր, Արտավազդ» մրցանակա¬բաշխություն, նոր ներկայացումներ և Թատրոն X» թատերական փառատոն: Այս աշխուժությամբ հանդերձ, կան նաև մտահոգիչ երևույթներ. թատերական ինստիտուտը դեռևս չունի ռեկտոր, թատերարվեստի ոլորտում 2013-ի համար չհանձնվեց պետական մրցանակ և այլն: Թատերաշխարհի զարգացումների և խնդիրների մասին Հայկ Համբարձումյանը զրուցել է Ազգային թատերական ստեղծագործական միավորման» և Թատրոն X» փառատոնի նախագահ Արա Խզմալյանի հետ:

Alt

Քեսապ. իրականություն և տեղեկատվական պատերազմ


Անցնող շաբաթվա ընթացքում իրարամերժ տեղեկություններ էին տարածվում Սիրիայի հայաբնակ Քեսապ ավանի բնակչության կորուստների, ունեցվածքի ոչնչացման ու եկեղեցիների պղծման վերաբերյալ: Համացանցում քեսապահայության փրկությանն ուղղված մեծ շարժում ծավալվեց, խնդրին անդրադարձան նաև օտարերկրյա լրատվամիջոցներն ու իշխանությունների ներկայացուցիչները: Որքանո՞վ էր ճիշտ ու ստուգված Քեսապի իրավիճակի մասին լրատվությունը: Ո՞վ և ի՞նչ խնդիրներ է լուծում ապատեղեկատվություն տարածելով: Այս հարցերի մասին Հայկ Համբարձումյանը զրուցել է վերլուծաբան Սարգիս Հացպանյանի հետ:

Alt

Թորոս Թորամանյան


Ճարտարապետ, հնագետ, տեսաբան Թորոս Թորամանյանը համարվում է հայկական ճարտարապետության գիտական ուսումնասիրության հիմնադիր: Թորամանյանն առաջինն է դասակարգել ու բնութագրել հայկական ճարտարապետության զարգացման շրջանները, բացահայտել մեր ճարտարապետության յուրահատկությունն ու ոճական ինքնուրույնությունը: Լրացավ Թորոս Թորամանյանի ծննդյան 150-ամյակը: Թորոս Թորամանյանի կյանքի, գործունեության ու վաստակի մասին Հայկ Համբարձումյանը զրուցել է ճարտարապետ Դավիթ Քերթմենջյանի հետ:

Alt

Իրանական պոեզիա


Ժամանակակից իրանական պոեզիան յուրահատուկ ու հետաքրքիր երևույթ է: Այն նոր կողմից բացահայտում է բռնապետական համարվող երկրի արդի մշակույթը, մարդկանց աշխարհայացքն ու ներաշխարհը: Շնորհիվ նոր թարգմանությունների իրանցի ժամանակակից բանաստեղծների գործերը սիրված են նաև Հայաստանում: Ինչպիսի՞ն է իրանական պոեզիան այսօր, ինչպե՞ս է զարգանում փակ քաղաքական ու մշակութային համակարգում, ինչպե՞ս է թարգմանվում հայերեն:
Պոեզիայի միջազգային օրվան ընդառաջ Հայկ Համբարձումյանը զրուցել է նկարիչ-դիզայներ, թարգմանիչ Էդիկ Պօղոսեանի հետ:

Alt

Մոդեռնը և ավանգարդը Հայաստանում


Հայաստանն առաջինն էր Խորհրդային միությունում, որ ունեցավ ժամանակակից արվեստի թանգարան: Թանգարանը ստեղծվեց առանձին անհատների ջանքերով ու 1960-ականների մշակութային յուրահատուկ մթնոլորտի արդյունքում: Թանգարանի կայացման գործում և հայկական մոդեռնիզմի արվեստում կարևոր նշանակություն ունի Մինաս Ավետիսյանի ստեղծագործությունը: Մինասի արվեստն այսօր էլ չի կորցրել իր արդիականությունն ու հետաքրքրությունը: Ինչպե՞ս է ընկալվում Մինասն արտերկրում, ի՞նչ դեր ու նշանակություն ունի նրա ստեղծագործությունը ժամանակակից հայ արվեստում, ինչպե՞ս են հարաբերվում ազգային մոդեռնիզմն ու ավանգարդը: Այս հարցերի շուրջ Հայկ Համբարձումյանը զրուցել է նկարիչ Նարեկ Ավետիսյանի հետ:

Alt

Կինն արվեստում


Օրգանական ապակի, տաք գույներ, լույսի, ստվերի ու իրականության արտացոլման յուրահատուկ խաղ: Արև Պետրոսյանի ստեղծագործությունները ներկայացվում են Հայաստանում և արտերկրում, արժանանում արվեստաբանների գնահատականին ու արվեստասերների հիացմունքին: Կանանց ստեղծագործության յուրահատկությունների, կին արվեստագետի աշխարհընկալման, ներշնչման աղբյուրների ու արվեստի թեմաների մասին Հայկ Համբարձումյանը զրուցել է նկարիչ, դիզայներ Արև Պետրոսյանի հետ:

Alt

Հայ հոգևոր երգը մեծ բեմերում


Ձևավորվելով 4-5-րդ դարերում` մեր հոգևոր երգարվեստը զարգացել ու նոր շարականներով, տաղերով ու մեղեդիներով է համալրվել մինչև 15-րդ դար: Մեր հոգևոր երաժշտության պահպանության ու զարգացման համար կարևոր նշանակություն ունեցան բազմաձայնության ներմուծումը 19-րդ դարում ու երգերի մշակումները: Այսօր էլ մեր հոգևոր երգերը նոր մշակումների են ենթարկվում, հնչում մեծ բեմերից: Ի՞նչ է գտնում կամ կորցնում հոգևոր երգը նոր համերգային կատարումներում, ինչպե՞ս պետք է մշակել ու հարստացնել հոգևոր երգերը: Հայկ Համբարձումյանի զրուցակիցը կոմպոզիտոր, դիրիժոր Գրիգոր Առաքելյանն է:

Alt

Գիրք ցպահանջ


Նյութականի ու հոգևորի, իմացաբանականի ու գործառութայինի բացառիկ միասնություն, իրականության արտացոլման ու ճանաչողության միջոց: Առօրյա ու գիտական, էսթետիկ ու հոգևոր, կրոնական ու իրավական, քաղաքական ու տնտեսական գիտակցության ձևավորման գործիք: Այսպես, բավական ընդգրկուն սակայն ոչ ամբողջությամբ է սահմանում գիրքը ժամանակակից մշակութաբանությունը: Այս ամբողջ բազմագործառնությամբ հանդերձ գիրքը 20-րդ դարավերջին և 21-րդ դարասկզբին ճգնաժամ է ապրում, գնալով ավելի մշուշոտ է դառնում մշակութային այս ֆենոմենի ապագան: Գրքի օրվան ընդառաջ գրքի ճակատագրի մասին Հայկ Համբարձումյանը զրուցել է Սարգիս Խաչենց» հրատարակչության տնօրեն Սերգեյ Խաչիկօղլյանի հետ:

Alt

Տյառնընդառաջի և Սուրբ Սարգսի տոներ


Հայ առաքելական եկեղեցին նշում է մեր ազգային ու եկեղեցական կարևոր ու սիրված տոները` Տյառնընդառաջն ու Սուրբ Սարգիս զորավարի հիշատակության օրը: Հավատացյալները եկեղեցիներ են այցելում, Տյառնընդառաջի խարույկից լույս ու ջերմություն բերում իրենց տուն: Երիտասարդները, նորապսակները շտապում են ստանալ եկեղեցու օրհնությունն ու Սուրբ Սարգսի բարեխոսությունը: Տոների խորհրդի ու նշանակության մասին Հայկ Համբարձումյանը զրուցել Է Երևանի Նուբարաշեն համայքի հոգևոր հովիվ Տեր Նիկողոս քահանա Հովհաննիսյանի հետ:

Alt

Հայոց լեզուն թվային աշխարհում, հյուրը՝ Վաչագան Սարգսյան


Ակնկալվում էր, որ թվային տեխնոլոգիաների զարգացումը, համացանցում հայկական բովանդակության աճը կնպաստեն հայոց լեզվի տարածմանն ու կենսունակության պահպանությանը, կընդլայնեն լեզվի կիրառության սահմաններն ու ծավալները: Սակայն մասնագետները և մտահոգ մարդիկ բարձրաձայնում են համացանցային հայերենի աղետալի վիճակի, լեզվի նկատմամբ կատարվող ոտնձգությունների մասին: Ինչո՞ւ և ի՞նչ խնդիրների առջև է հայոց լեզուն այսօր համացանցում ու թվային աշխարհում: Այս մասին Հայկ Համբարձումյանը զրուցել է գրող, հրապարակախոս Վաչագան Սարգսյանի հետ:

Alt

Նոր «Համլետն» ու թարգմանական քաղաքականությունը


Շեքսպիրի ամենածավալուն պիեսը, աշխարհի թերևս ամենահայտնի դրամատիկական ստեղծագործությունը, որքան հայտնի, նույնքան էլ խորհրդավոր, առեղծվածներով լի:
Շեքսպիրի Համլետը» ստեղծումից 400 տարի անց էլ շարունակում է ուսումնասիրվել, բեմադրվել, էկրանավորվել և թարգմանվել: Համլետի» հայերեն նոր թարգմանության, ինչպես նաև թարգմանական քաղաքականության մասին Հայկ Համբարձումյանը զրուցել է թարգմանիչ, հայագետ Արամ Թոփչյանի հետ:

Alt

Սերգեյ Փարաջանովը կդառնար 90 տարեկան, հյուրը՝ Լևոն Աբրահամյան


Ռեժիսոր, սցենարիստ, նկարիչ: Հայաստանի և Ուկրաինայի ժողովրդական արտիստ: Արվեստագետ արվեստում ու կյանքում: Որքան հանրահայտ, նույնքան էլ չհասկացված: Իսկ բոլոր ավանդական ու հնչեղ կոչումներից ու բնութագրումներից զատ իր ֆիլմերի պես վառ ու հակասական մարդ, ով այս տարի կնշեր ծննդյան 90-ամյակը: Սերգեյ Փարաջանովի մասին Հայկ Համբարձումյանը զրուցել է ազգագրագետ Լևոն Աբրահամյանի հետ: