Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Alt

11-րդ «Ոսկե Ծիրանին» ընդառաջ


Մոտենում է Ոսկե Ծիրան» 11-րդ կինոփառատոնի մեկնարկը: Ճիշտ ժամանակն է ետ նայել, ամփոփել փառատոնային տասնամյակը, գնահատել նվաճումներն ու խորհել բացթողումների մասին: Ի՞նչ արդյունքների է հասել փառատոնը անցնող տասնամյակում, ի՞նչ նշանակություն ու վարկ ունի կինոաշխարհում, ի՞նչ ազդեցություն է ունեցել հայ կինոարտադրության զարգացման վրա և 11-րդ փառատոնը նոր սկի՞զբ է, թե՞ տրամաբանական շարունակություն: Այս հարցերի մասին Հայկ Համբարձումյանը զրուցել է Ոսկե Ծիրան» միջազգային կինոփառատոնի տնօրեն Հարություն Խաչատրյանի հետ:

Alt

Ֆուտբոլը որպես մշակութային ֆենոմեն


Մեկնարկեց ֆուտբոլի աշխարհի 20-րդ առաջնությունը: Մեկ ամիս շարունակ ամբողջ աշխարհի ուշադրությունը կենտրոնացած է լինելու Բրազիլիայի խաղադաշտերին, որտեղ իր ամբողջ գեղեցկությամբ ծավալվելու է ամենամասսայական մարզաձևը: Ֆուտբոլը համեմատվում է կյանքի, փիլիսոփայության հետ, համարվում յուրօրինակ աշխարհայացք ու կենսաձև: Ինչպե՞ս ֆուտբոլը մարզաձևից վերաճեց մշակութային ֆենոմենի, ի՞նչ տարրերով են ստեղծվում ֆուտբոլային հիանալի ներկայացումները և ի՞նչ սպասել մեկնարկող առաջնությունից: Այս հարցերի մասին Հայկ Համբարձումյանը զրուցել է մարզական մեկնաբան Էդուարդ Քալանթարյանի հետ:

Alt

Հուշարձանների պահպանություն և վերականգնում


Երևանում անցկացվեց Հայաստանում և արտերկրում հուշարձանների պահպանության հիմնահարցերին նվիրված Պատմամշակութային ժառանգության պահպանություն» խորագրով միջազգային գիտաժողով: Խնդիրն առավել քան արդիական է մեր երկրի համար: Գրեթե ամենօր հնչում են քանդվող կամ ոչ այնքան լավ վերականգնվող հուշարձանների մասին ահազանգեր: Ինչո՞վ են նմանատիպ ծրագրերն ու գիտաժողովները գործնականում նպաստում մեր հուշարձանների պահպանությանը, ի՞նչ դժվարությունների հետ է կապված հուշարձանների որակյալ վերականգնումը: Այս հարցերի մասին Հայկ Համբարձումյանը զրուցել է ՀՀ մշակույթի փոխնախարար Արև Սամուելյանի հետ:

Alt

Չսկսված և չավարտված պատերազմի տարեգրությունը


Լրացավ Արցախյան պատերազմի զինադադարի 20-ամյակը, սակայն վերջնական խաղաղությունը, ցավոք, դեռևս տեսանելի չէ:
Ի՞նչ է փոխվել տարիների ընթացքում, ինչպե՞ս ենք մենք այսօր ընկալում հաղթանակն ու զինադադարը, ի՞նչ դեր ունեն հասարակական տրամադրությունների ձևավորման գործում մտավորականները: Այս հարցերի մասին Հայկ Համբարձումյանը զրուցել է բան. գիտ. դոկտոր, Մ. Աբեղյանի անվ. գրակ. ինստիտուտի փոխտնօրեն Վարդան Դևրիկյանի հետ:

Alt

Թանգարանային գիշերներ և ցերեկներ


Թանգարանները միավորում են մեզ»: Այս խորագրով արդեն 10-րդ անգամ անցկացվեց Թանգարանային գիշեր» ակցիան: Միջոցառումը տարեցտարի մեծացնում է ընդգրկումը, ընդլայնվում է մասնակից թանգարանների ցանկը: Թանգարանները, սակայն, բազմաթիվ այլ գործառույթներ և դրանց իրացկանացման հետ կապված խնդիրներ ունեն, որոնք չեն լուծվում մեկ ակցիայի ընթացքում, չեն լուծվում նաև ամիսների ու տարիների ընթացքում: Թանգարանային տոնական գիշերների և ոչ տոնական ցերեկների մասին Հայկ Համբարձումյանը զրուցել է Թանգարանների միջազգային խորհրդի (ԻԿՕՄ) Հայաստանի ազգային կոմիտեի նախագահ Մարինե Հարոյանի հետ:

Alt

Հեքիաթի արդիականությունը


Լինում է, չի լինում», երկնքից երեք խնձոր ընկավ» հեքիաթի բանաձևերը ծանոթ են բոլորիս: Հեքիաթի զարմանահրաշ աշխարհի միջով է անցնում մանուկ ունկնդիրը մեծ աշխարհ հասնելու, կայանալու ճանապարհին: Այս տեսանկյունից շատ կարևոր է, թե ինչ հեքիաթներ են լսում ու կարդում մեր մանուկները:
Մանկական ու պատանեկան ընթերցանության յուրահատկությունների, հեքիաթների հրատարակության, թարգմանության ու հեքիաթագիտության մասին Հայկ Համբարձումյանը զրուցել է բանասիրական գիտ. դոկտոր, հեքիաթագետ Ալվարդ Ջիվանյանի հետ:

Alt

Տոնի և սգի հարաբերությունը հիշողության մշակույթում


Հայ ժողովրդի պատմության մի շարք շրջադարձային իրադարձություններ տեղի են ունեցել ապրիլ, մայիս ամիսներին: Ցեղասպանության հիշատակի օրվան հաջորդում է հաղթանակների մայիսը՝ Շուշի ազատագրում, Հայրենական մեծ պատերազմում հաղթանակի օր, Ավարայրի հերոսամարտի, ապա՝ Հայաստանի առաջին հանրապետության հռչակման օրեր: Ինչպե՞ս են մեր կոլեկտիվ հիշողության մեջ հերթագայվում հաղթանակներն ու կորուստները, ինչպե՞ս են հարաբերվում տոներն ու հիշատակի արարողությունները: Այս հարցերի մասին Հայկ Համբարձումյանը զրուցել է ազգագրագետ, պատմ. գիտ. դոկտոր Հարություն Մարությանի հետ:

Alt

Ամերիկյան հայագիտություն. անցյալ և ներկա


1974թ. պրոֆեսոր Ռիչարդ Հովհաննիսյանի նախաձեռնությամբ ամերիկյան հայտնի համալսարաններում աշխատող մի խումբ գիտնականներ հիմնեցին Հայագիտական ուսումնասիրությունների ընկերակցությունը» (Soceiety for Armenian Studies, SAS)։
265 անդամ ունեցող ընկերակցությունն այս տարի նշում է ստեղծման 40-ամյակը: Ի՞նչ խնդիրների առջև է կանգնած այսօր ամերիկյան հայագիտությունը, զարգացման ի՞նչ հեռանկարներ կան: Այս հարցերի շուրջ Հայկ Համբարձումյանը զրուցել է Միչիգանի համալսարանի պրոֆեսոր, Հայագիտական ուսումնասիրությունների ընկերակցության» նախագահ Գևորգ Բարդաքչյանի հետ:

Alt

Ցեղասպանագիտություն. հեռանկարներ ու խնդիրներ


Մոտենում է Հայոց ցեղասպանության 100-ամյակը, այն շրջադարձային կարող է լինել հայ ժողովրդի մեծ ողբերգության՝ միջազգայնորեն ճանաչման գործընթացում, եթե իհարկե հիշատակի արարողությունները չսահամանափակվեն ցուցահանդեսներով, բողոքի ակցիաներով ու ֆիլմերի նկարահա¬նումներով: Հայոց ցեղասպանության վերաբերյալ գիտական հիմնարար ուսումնասիրութ¬յունների սակավության, մեր գիտնականների՝ միջազգային ակադեմիական շրջանակներում պասիվության մասին շատերն են բարձրաձայնում:
Հայոց ցեղասպանության ուսումնասիրության խնդիրների ու հեռանկարների մասին Հայկ Համբարձումյանը զրուցել է պատմական գիտ. դոկտոր, պրոֆեսոր Արսեն Ավագյանի հետ:

Համո Սահյանի ծննդյան 100-ամյակը


1944 թվականին Սովետական գրականություն և արվեստ» ամսագրում հրատարակվում է Նաիրյան դալար բարդի բանաստեղծությունը», որով հայ իրականության մեջ ազդարարվում է նոր բանաստեղծի՝ Համո Սահյանի ծնունդը:
Սահյանի քնարական բանաստեղծություները հարազատ են ընթերցողական բոլոր սերնդներին: Այս տարի լրացավ սիրված բանաստեղծի ծննդյան 100-ամյակը: Սահյանի ստեղծագործության ու կենսագրության մասին Հայկ Համբարձումյանը զրուցել է բանաստեղծի ընկեր, Համո Սահյան» գիտամշակութային կենտրոնի տնօրեն, գրականագետ Շչորս Դավթյանի հետ:

 

Alt

Թատրոնը մրցանակների ու անտարբերության միջև


Մշակութային գարունն ուղեկցվում է թատերական բազմաբնույթ իրադարձություններով: Թատրոնի օր, Արտավազդ» մրցանակա¬բաշխություն, նոր ներկայացումներ և Թատրոն X» թատերական փառատոն: Այս աշխուժությամբ հանդերձ, կան նաև մտահոգիչ երևույթներ. թատերական ինստիտուտը դեռևս չունի ռեկտոր, թատերարվեստի ոլորտում 2013-ի համար չհանձնվեց պետական մրցանակ և այլն: Թատերաշխարհի զարգացումների և խնդիրների մասին Հայկ Համբարձումյանը զրուցել է Ազգային թատերական ստեղծագործական միավորման» և Թատրոն X» փառատոնի նախագահ Արա Խզմալյանի հետ:

Alt

Քեսապ. իրականություն և տեղեկատվական պատերազմ


Անցնող շաբաթվա ընթացքում իրարամերժ տեղեկություններ էին տարածվում Սիրիայի հայաբնակ Քեսապ ավանի բնակչության կորուստների, ունեցվածքի ոչնչացման ու եկեղեցիների պղծման վերաբերյալ: Համացանցում քեսապահայության փրկությանն ուղղված մեծ շարժում ծավալվեց, խնդրին անդրադարձան նաև օտարերկրյա լրատվամիջոցներն ու իշխանությունների ներկայացուցիչները: Որքանո՞վ էր ճիշտ ու ստուգված Քեսապի իրավիճակի մասին լրատվությունը: Ո՞վ և ի՞նչ խնդիրներ է լուծում ապատեղեկատվություն տարածելով: Այս հարցերի մասին Հայկ Համբարձումյանը զրուցել է վերլուծաբան Սարգիս Հացպանյանի հետ: