Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Alt

Գիրք ցպահանջ


Նյութականի ու հոգևորի, իմացաբանականի ու գործառութայինի բացառիկ միասնություն, իրականության արտացոլման ու ճանաչողության միջոց: Առօրյա ու գիտական, էսթետիկ ու հոգևոր, կրոնական ու իրավական, քաղաքական ու տնտեսական գիտակցության ձևավորման գործիք: Այսպես, բավական ընդգրկուն սակայն ոչ ամբողջությամբ է սահմանում գիրքը ժամանակակից մշակութաբանությունը: Այս ամբողջ բազմագործառնությամբ հանդերձ գիրքը 20-րդ դարավերջին և 21-րդ դարասկզբին ճգնաժամ է ապրում, գնալով ավելի մշուշոտ է դառնում մշակութային այս ֆենոմենի ապագան: Գրքի օրվան ընդառաջ գրքի ճակատագրի մասին Հայկ Համբարձումյանը զրուցել է Սարգիս Խաչենց» հրատարակչության տնօրեն Սերգեյ Խաչիկօղլյանի հետ:

Alt

Տյառնընդառաջի և Սուրբ Սարգսի տոներ


Հայ առաքելական եկեղեցին նշում է մեր ազգային ու եկեղեցական կարևոր ու սիրված տոները` Տյառնընդառաջն ու Սուրբ Սարգիս զորավարի հիշատակության օրը: Հավատացյալները եկեղեցիներ են այցելում, Տյառնընդառաջի խարույկից լույս ու ջերմություն բերում իրենց տուն: Երիտասարդները, նորապսակները շտապում են ստանալ եկեղեցու օրհնությունն ու Սուրբ Սարգսի բարեխոսությունը: Տոների խորհրդի ու նշանակության մասին Հայկ Համբարձումյանը զրուցել Է Երևանի Նուբարաշեն համայքի հոգևոր հովիվ Տեր Նիկողոս քահանա Հովհաննիսյանի հետ:

Alt

Հայոց լեզուն թվային աշխարհում, հյուրը՝ Վաչագան Սարգսյան


Ակնկալվում էր, որ թվային տեխնոլոգիաների զարգացումը, համացանցում հայկական բովանդակության աճը կնպաստեն հայոց լեզվի տարածմանն ու կենսունակության պահպանությանը, կընդլայնեն լեզվի կիրառության սահմաններն ու ծավալները: Սակայն մասնագետները և մտահոգ մարդիկ բարձրաձայնում են համացանցային հայերենի աղետալի վիճակի, լեզվի նկատմամբ կատարվող ոտնձգությունների մասին: Ինչո՞ւ և ի՞նչ խնդիրների առջև է հայոց լեզուն այսօր համացանցում ու թվային աշխարհում: Այս մասին Հայկ Համբարձումյանը զրուցել է գրող, հրապարակախոս Վաչագան Սարգսյանի հետ:

Alt

Նոր «Համլետն» ու թարգմանական քաղաքականությունը


Շեքսպիրի ամենածավալուն պիեսը, աշխարհի թերևս ամենահայտնի դրամատիկական ստեղծագործությունը, որքան հայտնի, նույնքան էլ խորհրդավոր, առեղծվածներով լի:
Շեքսպիրի Համլետը» ստեղծումից 400 տարի անց էլ շարունակում է ուսումնասիրվել, բեմադրվել, էկրանավորվել և թարգմանվել: Համլետի» հայերեն նոր թարգմանության, ինչպես նաև թարգմանական քաղաքականության մասին Հայկ Համբարձումյանը զրուցել է թարգմանիչ, հայագետ Արամ Թոփչյանի հետ:

Alt

Սերգեյ Փարաջանովը կդառնար 90 տարեկան, հյուրը՝ Լևոն Աբրահամյան


Ռեժիսոր, սցենարիստ, նկարիչ: Հայաստանի և Ուկրաինայի ժողովրդական արտիստ: Արվեստագետ արվեստում ու կյանքում: Որքան հանրահայտ, նույնքան էլ չհասկացված: Իսկ բոլոր ավանդական ու հնչեղ կոչումներից ու բնութագրումներից զատ իր ֆիլմերի պես վառ ու հակասական մարդ, ով այս տարի կնշեր ծննդյան 90-ամյակը: Սերգեյ Փարաջանովի մասին Հայկ Համբարձումյանը զրուցել է ազգագրագետ Լևոն Աբրահամյանի հետ:

Alt

Լևոն Խեչոյան. կյանք և գիր, հյուրը՝ Արքմենիկ Նիկողոսյան


Կյանքից հեռացավ ետանկախության շրջանի հայ գրականության ամենանշանակալի դեմքերից մեկը` Լևոն Խեչոյանը: Արձակագիր, ում Հրանտ Մաթևոսյանը համարում էր մեր գրականության լավ ժամանակի ավետաբերը: Մտավորական, ում քաղաքացիական կեցվածքն ու սկզբունքայնությունը հարգանք էր առաջացնում նույնիսկ նրա ստեղծագործություններին անծանոթ մարդկանց մեջ: Գրող, ում խոսքին սպասում ու հավատում էին: Լևոն Խեչոյանի կյանքի ու ստեղծագործության մասին Հայկ Համբարձումյանը զրուցել է գրականագետ Արքմենիկ Նիկողոսյանի հետ:

Alt

Նոր Տարի և Սուրբ Ծնունդ


Ինչպիսի՞ն էր անցնող եկեղեցական տարին: Ի՞նչ կարևոր իրադարձություններ եղան: Ի՞նչ սպասելիքներ կան նոր` 2014 թվականից: Այս հարցերի, ինչպես նաև եկեղեցական տոների անցկացման կերպի, առանձնահատկությունների, խորհրդի ու նշանակության մասին այս տարվա առաջին Թեմայի» շրջանակում Հայկ Համբարձումյանը զրուցել է Տ. Զաքարիա վարդապետ Բաղումյանի հետ:

Alt

Մշակութային 2013-ը, հյուրը՝ Հասմիկ Պողոսյան


Հոբելյաններ, երաժշտական, թատերական, կինո և գրական փառատոններ, վիճահարույց հարցեր, մշակութային բազմաբնույթ նախագծեր, նաև մտահոգություններ ու կորուստներ: 2013 թվականի մշակութային անցուդարձին Թեմա» հաղորդաշարը անդրադարձել է ողջ տարվա ընթացքում: Իսկ նոր տարվան ընդառաջ մշակութային 2013-ի նվաճումների, բացթողումների և նոր տարվա ակնկալիքների մասին Հայկ Համբարձումյանը զրուցել է ՀՀ մշակույթի նախարար Հասմիկ Պողոսյանի հետ:

Alt

Բանաստեղծը` մարգարե, քաղաքացի, որսորդ


Ո՞րն է բանաստեղծության նշանակությունը, ինչպե՞ս է փոխվել բանաստեղծի առաքելության ընկալումը մեր ժամանակներում: Ի՞նչ լեզվով են գրում մեր բանաստեղծները և ո՞ր ընթերցողի համար: Ի՞նչ արտաքին և ներքին վտանգներ են սպառնում հայոց լեզվին: Այս հարցերի շուրջ Հայկ Համբարձումյանը զրուցել է բանաստեղծ, թարգմանիչ Հակոբ Մովսեսի հետ:

Alt

Օպերան ռաբիս միջավայրում, հյուրը՝ Բարսեղ Թումանյան


Կարո՞ղ են արդյոք օպերան և արվեստի դասական դրսևորումները գոյատևել ռաբիսի և գավառամտության պայմաններում: Ի՞նչ դեր, առաքելություն և գործառույթներ ունի դասական արվեստն այսօր: Արվեստագետը ցանկանո՞ւմ է, պե՞տք է պայքարի իր դավանած արժեքների կենսունակության համար, թե՞ պետք է սպասի իր ստեղծագործությունների ընկալման ավելի բարենպաստ ժամանակների: Այս հարցերի շուրջ Հայկ Համբարձումյանը զրուցել է ՀՀ ժողովրդական արտիստ Բարսեղ Թումանյանի հետ:

Alt

Թատրոնը և ներկան, հյուրը` Ռուբեն Բաբայան


Թատրոն և արդիականություն: Որքանո՞վ է մեր թատրոնը համապատասխանում ներկայի պահանջներին, արտացոլում մեր իրականությունը: Ինչպիսի՞ն է թատրոն-դրամատուրգ-հանդիսատես կապը և ինչպես է այն նպաստում թատրոնի զարգացմանը: Այս թեմաների շուրջ Հայկ Համբարձումյանը զրուցել է Հովհ. Թումանյանի անվ. պետական տիկնիկային թատրոնի տնօրեն Ռուբեն Բաբայանի հետ:

Alt

Եկեղեցին և հանրային դիսկուրսը


Կեղծ լուրեր, բամբասանքներ եկեղեցու կամ հոգևորականների մասին, անհարկի մեղադրանքներ ու պահանջներ: Ովքե՞ր և ինչո՞ւ են շահագրգռված եկեղեցու և հոգևորականների վարկաբեկմամբ: Ինչո՞ւ է փոխվել եկեղեցու հանրային ընկալումն ու ինչպե՞ս պետք է հասարակությունը տեղեկանա եկեղեցու առաքելության ու գործառույթների մասին: Այս հարցերի մասին Հայկ Համբարձումյանը զրուցել է Մայր Աթոռի հասարակական հայեցակարգային գրասենյակի տնօրեն Բագրատ եպիսկոպոս Գալստանյանի հետ: