Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Սուրբ Ծննդյան ու ձմեռային հեքիաթների ժամանակը


Տարեմուտն ու Սուրբ Ծնունդը հիանալի առիթ է խոսելու սուրբծննդյան ու ձմեռային հեքիաթների ջերմ ու տոնական մթնոլորտի, բարեգործության, համերաշխության ու սիրո տրամադրություններ մասին: Գրականության ու բանահյուսության մեջ հանդիպող այս մոտիվների, ինչպես նաև տոների խորհուրդների ու նշանակության մասին Հայկ Համբարձումյանը զրուցել է հեքիաթագետ, թարգմանիչ Ալվարդ Ջիվանյանի հետ:  

Անկախության չամբողջացող կինոժամանակը


Անկախության երկուս ու կես տասնամյակ՝ բարդ ու հակասական տարիներ, վերելքներ, անկումներ, հաղթանակներ ու պարտություններ: Հատվածական ու գաղափարապես չամբողջացող մի ժամանակ: Ինչպե՞ս է անկախության շրջանն իր գեղարվեստական արտահայտությունը գտել գրականության մեջ, կինոյում: Արդյո՞ք մեր արվեստագետները քառորդ դար ընդգրկող այս շրջանը ընկալում և ներկայացնում են որպես մեր պետության ու ժողովրդի կյանքի ամբողջական, ավարտուն մի փուլ: Այս հարցերի մասին Հայկ Համբարձումյանը զրուցել է ռեժիսոր Դավիթ Սաֆարյանի հետ:

Ավետիս Ահարոնյան գրողն ու գործիչը


Գրող, հրապարակախոս, հասարակական-քաղաքական գործիչ, Հայաստանի առաջին հանրապետության Ազգային ժողովի նախագահ: Մարդ, ով մասնակցել է հայ ժողովրդի համար ճակատագրական նշանակություն ունեցած քաղաքական կոնֆերանսների, Հայաստանի Հանրապետության անունից ստորագրել Սևրի պայմանագիրը: Այս տարի լրացավ Ավետիս Ահարոնյանի ծննդյան 150-ամյակը: Ավետիս Ահարոնյանի կյանքի ու  գործունեության մասին Հայկ Համբարձումյանը զրուցել է Տիգրան Ջինբաշյանի հետ:
 

Արդի պոեզիան և իրականության արձակը


Ինչպե՞ս է ժամանակակից գրականությունը տեսնում և պատկերում իրականությունը, ինչպե՞ս պետք է արդի պոեզիան արձագանքի մեր բազում խնդիրներին ու հարցերին: Ի՞նչ մեխանիզմներով է հասարակությունը բարձրացնում և լսելի դարձնում գրողին, ինչո՞ւ այսօր այդ մեխանիզմները չեն գործում: Այս հարցերի մասին Հայկ Համբարձումյանը  զրուցել է բանաստեղծ Հուսիկ Արայի հետ:

Էլեկտրոնային գրահրատարակչությունը Հայաստանում


Թեև չարդարացան ավանդական գրքի մահվան մասին մռայլ կանխատեսումները, սակայն ամբողջ աշխարհում ընթերցողների ստվար մասը գիրք ընթերցում է հենց թվային ձևաչափով՝ տարբեր ընթերցիչներով: Ի՞նչ վիճակում է էլեկտրոնային գրահրատարակչությունը Հայաստանում, ինչպե՞ս են կարգավորվում հարաբերություններն այս ոլորտում: Այս հարցերի մասին Հայկ Համբարձումյանը զրուցել է «Յավրուհրատ» էլէկտրոնային հրատարակչության  հիմնադիր Մարատ Յավրումյանի հետ:  

Գրահրատարակչությունն առանց պետական աջակցության


Գրահրատարակչական դաշտը կանգնած է մեծ փոփոխությունների առջև. պետք է վերանայվեն գրքերի հրատարակությանն ուղղված պետական աջակցության ծրագրերը, իսկ եղած միջոցները տրամադրվեն գրքի հանրայնացման ծրագրերին, գրադարաններին և հայ գրականության՝ այլ լեզուներով թարգմանություններին: Ի՞նչ կարող են տալ այս փոփոխությունները հրատարակչական ոլորտի զարգացմանը, ի՞նչ ազդեցություն կունենան հայ ժամանակակից գրականության հրատարակության ու հանրայնացման վրա: Այս հարցերի շուրջ Հայկ Համբարձումյանը զրուցել է «Բուկինիստ» ընկերության տնօրեն Խաչիկ Վարդանյանի հետ:

Սայաթ-Նովայի բանաստեղծական ժառանգությունը


Սև, սպիտակ, եռագույն


Ի՞նչ է լուսանկարը՝ վավերագրություն, թե «գոյության հավերժ կրկնվող ծեսի» պատկեր, ինչպե՞ս է վավերագրվում պատմությունը, լուսանկարչի հայացքը ինչպե՞ս և ի՞նչ չափով է փոխանցում ժամանակի նշանները, իրականությո՞ւնն է պատկերում, թե առասպել ստեղծում: Եվ, վերջապես, ի՞նչ գույն ունի անկախությունը: Հայկ Համբարձումյանի հյուրը լուսանկարիչ Զավեն Խաչիկյանն է: 

Ազգային ինքնությունը Սփյուռքում


Ազգային ինքնությանը վերաբերող հարցերը ժամանակակից ազգագրության ամենաքննարկվող թեմաներից են: Հատկապես մեծ սփյուռք ունեցող ժողովորդների դեպքում այս հարցերը մշտապես արդիական են: Ո՞վ է հայը սփյուռքում, ի՞նչ տարրերով է բաղադրված նրա ազգային ինքնությունը, ինչպե՞ս է հնարավոր պահպանել այն ժամանակակից աշխարհում: Այս հարցերի մասին Հայկ Համբարձումյանը զրուցել է ազգագրագետ Հարություն Մարությանի հետ:

Գրականությունն՝ ըստ Նոբելի


Հայտնի դարձավ 2016 թվականի Նոբելյան գրական մրցանակի դափնեկրի անունը` ամերիկացի հեղինակ-կատարող Բոբ Դիլան: Նոբելյան հանձնաժողովի այս որոշման առիթով շատերը տարակուսանք հայտնեցին: 
Ի՞նչ է տալիս Նոբելյան մրցանակը գրողին, ինչո՞վ է այն նպաստում գրականութան զարգացմանն ու հանրայնացմանը, ինչպե՞ս են այդ մրցանակին վերաբերվում հայ հրատարակիչները: Այս հարցերի մասին Հայկ Համբարձումյանը զրուցել է «Զանգակ» հրատարակչության  թարգմանական ծրագրերի համակարգող Արթուր Մեսրոպյանի հետ:
 

Գրիգոր Նարեկացու գանձարանը


Շատերն են խոսում Սուրբ Գրիգոր Նարեկացու մասին, հպարտնում նրա  ստեղծագործությամբ՝ «Նարեկով» ու տաղերով, սակայն քչերը կարող են հպարտանալ, որ կարողացել են կարդալ այս ստեղծագործությունները, հասու դարձել դրանց խորհուրդներին:  Նարեկացու ստեղծագործությունների ընթերցման ու ընկալման դժվարությունները պայմանավորված են դրանց լեզվաոճական ու բովանդակային բարդությամբ, ինչն ընթերողից համապատասխան հոգեմտավոր կարողություններ ու պատրաստվածություն է պահանջում: Ինչպե՞ս է հնարավոր ժամանակակից ընթերցողին հասանելի դարձնել Նարեկացու տաղերի խորհուրդները, ինչպե՞ս մատուցել միջնադարյան հանճարի ստեղծագործությո

Ճարտարապետական բիենալե. ավանդույթ և նոր միտումներ


Ալ. Թամանյանի անվան ճարտարապետության ազգային թանգարան-ինստիտուտում բացվեց «Երևանյան ճարտարապետական բիենալե-2016»-ը: Արդի հայ ճարտարապետության ու քաղաքաշինության հետ առնչվող հարցերը մշտապես հանրության ուշադրության կենտրոնում են, գրեթե ամեն օր հաղորդումներ են լինում քանդվող պատմական շենքերի, դրանց փոխարեն բարձրացող, հաճախ միջավայրին անհամապատասխան, մայրաքաղաքի տեսքն աղճատող նոր կառույցների մասին: