Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Հայ հոգևոր և ժողովրդական երաժշտություն. ակունքներ և ընդհանրություններ


Հայ հոգևոր և ժողովրդական երաժշտությունները մշակութային տարբեր համակարգեր ներկայացնելով հանդերձ, շատ ընդհանրություններ ունեն: Որո՞նք են այդ ընդհանրությունների ակունքները, ինչպե՞ս են դրանք արտահայտվել և ինչպե՞ս կարող ենք այսօր խթանել հետաքրքրությունը մեր ազգային երաժշտական գանձարանի նկատմամբ: Այս հարցերի մասին Հայկ Համբարձումյանը զրուցել է կոմպոզիտոր, կոմիտասագետ Արթուր Շահնազարյանի հետ:

Սուրբ Պատարագը նոր հրատարակություններում


Հայ հոգևոր երաժշտության գագաթնակետը Սուրբ Պատարագն է, այն հայկական քրիստոնեկան մշակույթի լավագույն ու համալիր դրսևորումն է: Մինչև վերջերս չկար Սուրբ Պատարագի գիտական հրատարակություն, ժամանակակից չափանիշներին համապատասխան նոտագրությամբ ու լատինատառ տառադարձությամբ: Այս բացը լրացնելու եկան այս տարի հրատարակված երկու մեծարժեք գրքերը՝ Մակար Եկմալյանի՝ երգչախմբի համար գրված Սուրբ Պատարագը և «Ժամագիրքը»: Այս հրատարակություների, ինչպես նաև հայ հոգևոր երաժշտության տարածման ու հանրահռչական խնդիրների մասին Հայկ Համբարձումյանը զրուցել է կոմպոզիտոր Արթուր Շահնազարյանի հետ:

Հայ քարտեզագրության պատմություն


Քարտեզը մշակութային հետաքրքիր երևույթ է` պատմական, քաղաքական, աշխարհագրական, ռազմական, նաև` գաղափարական ու հոգեբանական կարևոր նշանակությամբ: Աշխարհագրական քարտեզները, բացի երկրագնդի կամ որևէ տարածքի փոքրացրած մոդելը լինելուց, նաև իմաստային մեծ ծանրաբեռնվածություն ունեն այդ տարածքներում ապրող կամ ապրած հանրույթների համար: Ինչպիսի՞ն է եղել քարտեզների նկատմամբ հայերի վերաբերմունքը, ի՞նչ  գաղտնիքներ է բացահատում հայ քարտեզագրության պատմության ուսումնասիրությունը: Այս հարցերի մասին Հայկ Համբարձումյանը զրուցել է քարտեզագետ Ռուբեն Գալչյանի հետ:

Գրական-մշակութային կյանքը դրսից և ներսից


Շատ մտավորականներ հաստատվելով արտերկրում` չեն կտրում կապը հայրենիքի հետ, ստեղծում են մշակութային հիմնադրամներ, բարեգործական կառույցներ, կազմակերպում միջոցառումներ, կատարում թարգմանություններ` փորձելով մասնակցել նաև հայաստանյան մշակութային, հասարակական անցուդարձին: Ինչպիսի՞ն է մեր մշակութային-հասարակական կյանքը դրսից, ի՞նչ կարևոր խնդիրներ կան, որոնց լուծմանը կարող են մասնակցել արտերկում հաստատված մեր հայրենակիցները: Այս հարցերի մասին Հայկ Համբարձումյանը զրուցել է թարգմանիչ Մարո Մադոյան-Ալաջաջյանի հետ: 

Կինոմիությունն ու հայ կինոյի զարգացման հեռանկարները


Վերջին ամիսներին տեղաշարժեր են նկատվում հայաստանյան կինոհաստատություններում: Նախ փոխվեց Ազգային կինոկենտրոնի տնօրենը, ապա՝ «Ոսկե ծիրան» կինոփառատոնի և հայկական կինոակադեմիայի: Բուռն քննարկումներ ծավալվեցին Կինոմատոգրաֆիստների միության նոր նախագահի ընտության շուրջ: Ինչո՞վ են պայմանավորված այս տեղաշարժերը, ճգնաժամո՞վ, թե այլ հանգամանքներով և ի՞նչ կարող են դրանք բերել մեր կինոարտադրության զարգացմանը, ազգային կինոյի ստեղծմանը: Այս հարցերի մասին Հայկ Համբարձումյանը զրուցել է կինոռեժիսոր Հարություն Խաչատրյանի հետ:

Դասական երաժշտության հանրայնացում


Դասական երաժշտությունը նոր ու տարբեր ձևաչափերով ներկայացնող, այդ երաժշտության հանրայնացմանը միտված ծրագրերը գնալով մեծ տարածում են ստանում: Ինչո՞ւ է դասական երաժշտությունը փողոցներ դուրս բերվում, ի՞նչ է կորցնում և ստանում այն համերգասրահների պատերից դուրս, նոր նախագծերը նպաստո՞ւմ են դասական երաժշտության տարածմանն ու ճանաչմանը: Այս հարցերի մասին Հայկ Համբարձումյանը զրուցել է «Աշոտ Տիգրանյան» մշակութային երաժշտական հիմնադրամի հիմնադիր, ջութակահար Աշոտ Տիգրանյանի հետ։

Հայերենը արդի արձակում և թարգմանություններում


Որքանո՞վ ենք գնահատում, ի՞նչ չափով ենք օգտագործում հայերենը, ի՞նչ դեր ունեն հայոց լեզվի նկատմամբ վերաբերմունքի ձևավորման և ուսուցման գործում արդի հայ գրականությունն ու թարգմանությունները, ինչպե՞ս է ձևավորվում լեզվի մեր ընկալումը: Այս հարցերի մասին Հայկ Համբարձումյանը զրուցել է գրող, թարգմանիչ, գրականագետ Դիանա Համբարձումյանի հետ: 

«Վարանդա» երգչախումբն ու Շուշիի մշակութային կյանքը


1992թ.-ին Շուշիի ազատագրումից հետո խնդիր կար աշխուժացնել նաև մշակութային կյանքը Արցախում, զբաղվել նաև պատերազմ տեսած երեխաների երաժշտական դաստիարակությամբ: Այդ օրերին ստեղծվեց «Վարանդա» մանկապատանեկան երգչախումը, որն այս տարիների ընթացքում ավելի քան 200 համերգ է ունեցել Արցախում, Հայաստանում և արտերկրում: Այս տարի երգչախումբը նշում է հիմնադրման 25-ամյակը: Երգչախմբի գործունեության, Արցախի մշակութային-երաժշտական կյանքի մասին Հայկ Համբարձումյանը զրուցել է «Վարանդա» երգչախմբի խմբավար Զաքար Քեշիշյանի հետ:

Լինել դերասան Հայաստանում. պայմաններ ու ընտրության հնարավորություն


Հաճախ կարող ենք լսել դժգոհություններ, թե սիրված դերասանը նկարահանվել է վատ սերիալում կամ ցածրորակ կատակերգության մեջ, վարում է շոու հեռուստատեսությամբ կամ թամադայի պաշտոն ունի հարսանիքների ժամանակ: Հասկանալի է, որ հանդիսատեսը սիրված դերասանին ցանկանում է տեսնել միայն թատրոնի բեմում կամ լավ ֆիլմերում, սակայն որքանո՞վ է մեր ֆիլմարտադրությունն իր ներկա ծավալներով և թատրոնն իր հնարավորություններով պայմաններ ապահովում դերասանի ստեղծագործական ներուժի իրացման համար: Ընդհանրապես, դերասանը Հայաստանում ունի՞ ընտրության հնարավորություն: Այս հարցերի շուրջ Հայկ Համբարձումյանը զրուցել է դերասան Բաբկեն Չոբանյանի հետ:

ԲՈՒՀ և աշխատաշուկա


Ինչպե՞ս են հայաստանյան բուհերը արձագանքում աշխատաշուկայի պահանջներին, կա՞ն փոխադարձ կապեր համալսարանների ու գործատուների միջև, որքանո՞վ են մեր բուհերում տրվող մասնագիտությունները պահանջված Հայաստանում և արտերկրում: Այս հարցերի մասին Հայկ Համբարձումյանը զրուցել է կրթության փորձագետ Սերոբ Խաչատրյանի հետ: 

Նոր իրականություն, բուհական հին համակարգ


Աշխարհում արագ են փոխվում կրթական չափորոշիչներն ու դասավանդման մեթոդները: Փոխվել է բարձրագույն կրթության հայեցակարգն ընդհանրապես, իսկ Հայաստանում ավանդույթի ուժով շարունակվում են նույն մոտեցումները: Պատրա՞ստ է արդյոք մեր բուհական համակարգը փոփոխությունների, ովքե՞ր և ինչպե՞ս պետք է կատարեն փոփոխությունները: Այս հարցերի մասին Հայկ Համբարձումյանը զրուցել է կրթության փորձագետ Սերոբ Խաչատրյանի հետ: 

Հայ ժամանակակից կոմպոզիտորների ստեղծագործությունները Հայաստանում և արտերկրում


Երևանում քիչ չեն կազմակերպվում դասական համերգներ, կան նաև մի շարք երաժշտական փառատոններ: Որքանով են այդ համերգների ու փառատոնների ընթացքում կատարվում ժամանակակից հայ կոմպոզիտորների ստեղծագործություններ, սակայն, դժվար է ասել: Ավելի հաճախ լսում ենք արտերկում մեր կոմպոզիտորների ստեղծագործությունների կատարումների, դրսում աշխատանքի հրավերների և պատվերների մասին: Ինչո՞ւ է այդպես, ինչո՞ւ ժամանակակից հայ կոմպոզիտորների արվեստով ավելի շատ հետաքրքրված են արտասահմանում, ինչպե՞ս պետք է կարգավորվի ոլորտը: Այս հարցեր մասին Հայկ Համբարձումյանը զրուցել է կամպոզիտոր, դաշնակահար Արթուր Ավանեսովի հետ: