Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

«Գարունը» նոր ժամանակներում


1967 թվականից հրատարակվող, գրական-գեղարվեստական, հասարակական-քաղաքական «Գարուն» ամսագիրը վերջին կես դարում հայալեզու ամենահայտնի ու թերևս նաև ազդեցիկ ամսագիրն էր: Խորհրդային շրջանում, շնորհիվ հասարակական կյանքին, մշակույթին և գրականությանն անդրադարձող ամենաբազմազան, հաճախ բանավիճային նյութերի, «Գարունը» ճանաչելի ու սիրված դարձավ, սակայն վերջին երկու տասնամյակում տարբեր պատճառներով ամսագիրն աստիճանաբար կորցրեց դիմագիծը: Ինչպե՞ս է հնարավոր և հնարավո՞ր է արդյոք վերականգնել «Գարուն» ամսագրի նախկին նշանակությունը, ընդհանրապես, գրական-հասարակական ամսագրերի ձևաչափը կարո՞ղ է կենսունակ լինել այսօր:

«Գրեթերթն» ու երիտասարդական գրականությունը


Պաշտոնապես՝ «Գրական-երիտասարդական թերթ», այլ մեկնաբանություններով՝ «գրերի թերթ», ավելի խաղացկուն ու անմիջական՝ «գրեթե թերթ»: «Գրեթերթ» պարբերականի անվան տարբեր մեկնաբանություները մատնանշում են թերթի ուղղվածությունն ու նաև մեծ հավակնությունների բացակայությունը: Թերևս նաև այս պատճառով է, որ արդեն 10 տարի «Գրեթերթը» գրական երիտասարդության սիրելի միջավայրն ու հարթակն է, որտեղից իրենց ընթացքն են սկսել վերջին տասնամյակի հայ գրականության այսօր արդեն հայտնի շատ անուններ: «Գրեթերթի» անցյալի ու ներկայի, նաև  արդի երիտասարդական գրականության խնդիրների մասին Հայկ Համբարձումյանը զրուցել է թերթի գլխա

Արվեստի ապրեցնող ուժը


Մանրաքանդակ, մոնումենտալ և հաստոցային քանդակ, դրվագում, ձուլածո և կոփածո աշխատանքներ, կերամիկա, ձևավորում գեղանկարչություն և գրաֆիկա. ավելի քան 1000 աշխատանք Հայաստանում և արտերկրում: Քանդակագործ Բենիկ Պետրոսյանը մեզ հետ չէ արդեն երկու տասնամյակ, սակայն նրա աշխատանքները շարունակում են ապրել ինքնուրույն կյանքով, հիացնել մարդկանց, մտածել տալ դրանց  բազմաշնորհ հեղինակի մասին: Բենիկ Պետրոսյանի արվեստի մասին Հայկ Համբարձումյանը զրուցել է նկարչուհի Արև Պետրոսյանի հետ:

Գրականագիտական «գործարանն» ու գրականության հանրայնացումը


Գրականության պատշաճ ներկայացման, ընթերցողական հետաքրքրության խթանման, գրական ու գրականագիտական արտադրանքի հանրայնացման գործում կարևոր դերակատարություն ունեն ոչ միայն գրականագետները, այլև դաշտն ամբողջացնող գրականագիտական «գործարանը»: Ի՞նչ ենք հասկանում գրականագիտական «գործարան» ասելով,  ի՞նչ է անհրաժեշտ այդ «գործարանի» անխափան աշխատանքի համար, ինչպե՞ս կարելի է վերականգնել գրող-հրատարակիչ-գնորդ-գրականագետ-հանրություն շղթան: Այս հարցերի մասին Հայկ Համբարձումյանը զրուցել է գրականագետ, բանասիրության դոկտոր Տիգրան Սիմյանի հետ:

Հայկական մշակույթը ՅՈՒՆԵՍԿՕ-ի մշակութային ժառանգության ցանկերում


Հուլիսի 10-ից Ստամբուլում ընթացող ՅՈՒՆԵՍԿՕ-ի Մշակութային ժառանգության կոմիտեի 40-րդ նիստում Բագրատունյաց թագավորության մայրաքաղաք Անին ընդգրկվել է այդ կազմակերպության համաշխարհային մշակութային ժառանգության ցանկում: Ի՞նչ ձևակերպումներով և ինչպե՞ս Անին ներկայացվեց հայտում: Ինչո՞վ են կարևոր նյութական կամ ոչ նյութական մշակութային ժառանգության հայտերի ընդգրկումները ՅՈՒՆԵՍԿՕ-ի ցանկերում: Այս հարցերի մասին  Հայկ Համբարձումյանը զրուցել է ՀՀ մշակույթի փոխնախարար Ներսես Տեր-Վարդանյանի հետ: 

Պատերազմի ու խաղաղության լուսանկարներ


Ինչպիսի՞ն էր Արցախը լուսանկարներում ապրիլյան պատերազմից առաջ և ինչպե՞ս է ներկայացվում պատերազմից հետո: Ինչպե՞ս է ընդհանրապես հնարավոր լուսանկարել պատերազմն ու խաղաղությունը, ի՞նչ լուսանկարներ են նախընտրում արևմտյան առաջատար լրատվամիջոցները և ինչպե՞ս է դրանցում արտացոլվում իրականությունը: Այս հարցերի մասին Հայկ Համբարձումյանը զրուցել է լուսանկարիչ Անահիտ Հայրապետյանի հետ: 

Մշակութային համագործակցությունն ու հայ ժամանակակից գեղանկարչությունն արտերկրում


Նոր միջավայրը, տպավորությունները ոչ միայն նոր ստեղծագործություններ են ծնում, այլ նաև նպաստում դրանց ներկայացմանը, մշակութային համագործակցության ձևավորմանը: Ի՞նչ է տալիս հայ նկարչին միջավայրի փոփոխությունը, ստեղծվում են արդյոք կապեր արտերկրի արվեստագետների հետ և այդ ամենն ինչպե՞ս է նպաստում  մեր ժամանակակից արվեստի ճանաչմանն արտերկրում: Այս հարցերի մասին Հայկ Համբարձումյանը զրուցել է նկարիչ Արման Վահանյանի հետ: 

Գրող, լեզու և իրականություն


Ինչպե՞ս է լեզվի ընտրության խնդիրը լուծում սփյուռքահայ գրողը, ի՞նչ իրականություն է արտացոլում իր ստեղծագործություններում: Ինչպե՞ս է հարաբերվում գրականությունը, մասնավորարպես, վեպի ժանրը արդիականության հետ: Այս հարցերի մասին Հայկ Համբարձումյանը զրուցել է գրականագետ, գրող Գրիգոր Պըլտյանի հետ:

Արևելքից՝ Արևմուտք, զգացական աշխարհից դեպի կոնցեպտ


2016 թվականը հոբելյանական է սփյուռքահայ մտավորական Գրիգոր Պըլտյանի համար: Այս տարի լրացավ նրա գրական գործունեության 50-ամյակը: Գրիգոր Պըլտյանը Երևանում ներկայացրեց «Ինչ որ չես տեսներ» նոր գիրքը: Ի՞նչ խոհերով է մոտենում մտավորականը ստեղծագործական կեսդարյա հոբելյանին, ինչպե՞ս է գնահատում սփյուռքահայ գրականության արդի վիճակը  և ի՞նչ հեռանկաներ է տեսնում արևմտահայերենի ներկա դրության պայմաններում: Այս հարցերի մասին Հայկ Համբարձումյանը զրուցել է գրականագետ, գրող Գրիգոր Պըլտյանի հետ:
 

Գյուղական համայնքների զարգացումը՝ բարեկեցիկ ապագայի երաշխիք


«Երեխաները մեր ապագան են». հայտնի արտահայտություն, որ հաճախ կարելի է լսել երկրի զարգացման մասին տարբեր քննարկումներում և այլուր: Հարց է, թե ի՞նչ է իրապես արվում երեխաների կրթության ու դաստիարակության պայմանների ու հնարավորությունների ստեղծման համար: Հատկապես մարզերում, որտեղ երեխաների կյանքը շատ ավելի դժվար է, իսկ՝ հնարավորությունները քիչ: Ի՞նչ ծրագրերով է հնարավոր նպաստել երեխաների ներուժի բացահայտմանը: 
Հայկ Համբարձումյանը զրուցել է «Հայաստանի մանուկներ հիմնադրամի» հիմնադիր, ատենապետ Կարո Արմենի հետ: 
 

Սուրբ Էջմիածինը արվեստում


Հայոց հոգևոր կենտրոն սուրբ Էջմիածնի նկատմամբ պաշտամունքն իր գեղարվեստական արտահայտությունն է գտել ոչ միայն  միջնադարյան բանավոր ու գրական ավանդույթներում, այլ նաև արվեստում: Տարբեր վայրերում ստեղծվել են մանրանկարներ, քանդակներ, վարագույրներ, արծաթյա կազմեր և շատ այլ առարկաներ, որոնց վրա կարող ենք հանդիպել Ս. Էջմիածնի թեման ու խորհրդաբանությունը: Ինչպե՞ս և ե՞րբ է ձևավորվել Սուրբ Էջմիածնի պատկերագրությունը, ի՞նչ հիմնական մոտիվներով է այն ներկայանում և ինչպե՞ս է հարաբերվում միջնադարյան գրականության հետ: Այս հարցերի մասին Հայկ Համբարձումյանը զրուցել է բանասիրության դոկտոր, ԳԱԱ Մ.

Արամ Խաչատրյանի անվան մրցույթն ու հայ երաժշտական իրականությունը


Այս շաբաթ արդեն 12-րդ անգամ մեկնարկեց Արամ Խաչատրյանի անվան միջազգային մրցույթը: Ի՞նչ դեր և ազդեցություն ունի մրցույթը ակադեմիական երաժշտության բնագավառում, ինչպե՞ս է նպաստում նոր տաղանդների բացահայտմանն ու հայկական դասական երաժշտության հանրահռչակմանը: Այս հարցերի մասին Հայկ Համբարձումյանը զրուցել է «Արամ Խաչատրյան մրցույթ» մշակութային հիմնադրամի գործադիր տնօրեն Աննա Տեր-Հովակիմյանի հետ: