Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Երիտասարդական նվագախմբի 10 տարիները


2006 թվականի հունվարի 25-ին տեղի ունեցավ Հայաստանի պետական երիտասարդական նվագախմբի առաջին համերգը։ Անցնող 10 տարիների ընթացքում նվագախումբը հանդես է եկել բազմաթիվ համերգներով՝ Հայաստանում ու արտերկրում, ներկայացել հետաքրքիր նախագծերով, հայտնի երաժիշտների հետ համագործակցություններով։ Նվագախմբի կայացման տասնամյակի, ձեռքբերումների ու բացթողումների մասին Հայկ Համբարձումյանը զրուցել է Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի հետ:

Հայ ազնվականության պատմության անհայտ էջերը


Հայ ազնվականության պատմության նկատմամբ հետաքրրքությունը մեծ է, սակայն շատ քիչ կան այդ խնդրին նվիրված պատմագիտական ուսումնասիրություններ: Թեև հայ 5-րդ դարի պատմագրությունը, նաև հետագա շրջանի մատենագրությունը հնարա¬վորություն ու նյութ տալիս է նման ուսումնասիրությունների համար, սակայն խորհրդային պատմագիտությունը գաղափարական պատճառներով խուսափում էր ազնվականության հետ կապված թեմաներից: Արդի հայ պատմագիտության մեջ արդեն հայտնվում են այդպիսի ուսումնասիրություններ: Անիի և Կիլիկիայի հայ ազնվականության մասին Հայկ Համբարձումյանը զրուցել է պատմ. գիտ.

Ամանոր և Սուրբ Ծնունդ


Ինչպե՞ս ենք նշում տոները և ինչպես կարող ենք նշել: Ինչպե՞ս պետք է ընկալել Նոր Տարվա ու Սուրբ Ծննդյան խորհուրդները: Ի՞նչ սպասելիքներ կան նոր` 2016 թվականից: Այս հարցերի, ինչպես նաև եկեղեցական տոների անցկացման կերպի, առանձնահատկությունների, խորհրդի ու նշանակության մասին այս տարվա առաջին «Թեմայի» շրջանակում Հայկ Համբարձումյանը զրուցել է Տ. Նշան քահանա Ալավերդյանի հետ:

Պատկեր և տեքստ. նկարազարդումների արվեստը


Նկարազարդումները  գեղարվեստական ու հատկապես մանկական գրքերի կարևոր բաղադրիչն են: Տեքստերն ուղեկցող պատկերները երբեմն նույնիսկ առավել քան տեքստը տպավորվում են ընթերցողի գիտակցության մեջ և արդեն առանց նկարազարդուների անհնար է պատկերացնել այս կամ այն ստեղծագործությունը: Տեքստի, պատկերի, ընթերցողի երևակայության այս կապը մեծացնում է նկարազարդողի  պատասխանատվությունն ու բարդացնում նրա աշխատանքը: Ինչպե՞ս համապատասխանեցնել պատկերը տեքստին, ի՞նչ կապեր կան անիամացիայի ու նկարազարդումների միջև: Այս հարցերի մասին Հայկ Համբարձումյանը զրուցել է  նկարչուհի, անիմացիոն ռեժիսոր Նաիրա Մուրադյան

Alt

Հայաստանն ու քրիստոնյա Կովկասը


Երևանում անցկացվեց «Հայաստանը և քրիստոնյա Կովկասը» խորագրով գիտաժողով՝ նվիրված Վրաստանում, Աղվանքում և ընդհանրապես Կովկասում քրիստոնեության տարածման ժամանակագրությանը, հայ-վրաց-աղվանական մատենագրական-մշակութային կապերին, քրիստոնեության դերին ու նշակությանը: Այս խնդիրները կարևոր են հատկապես աշխարհաքաղաքական արդի զարգացումների համատեքստում` հաշվի առնելով մեր հարևանների տարածքային ու մշակութային նկրտումուներն ու դրանց հետ կապված զեղծարարությունները:
Հայկ Համբարձումյանը զրուցել է ՀՀ ԳԱԱ Արևելագիտության ինստիտուտի Քրիստոնյա Արևելքի բաժնի վարիչ, պ.գ.դ. Ալեքսան Հակոբյանի հետ:

Alt

Զարեհ Խրախունին և պոլսահայ գրական կյանքը


Վախճանվեց պոլսահայ գրական-մշակութային կյանքի վերջին կես դարի ամենանշանավոր դեմքերից մեկը՝ Զարեհ Խրախունին: Բանաստեղծը շուրջ երեք տասնյակ գրքերի հեղինակ էր և իր ստեղծագործության մեջ զարմանալի կերպով համադրում էր արևմտահայ բանաստեղծության ավանդույթներն ու նորարարությունը: Զարեհ Խրախունու ստեղծագործության ու պոլսահայ գրական-մշակութային կյանքի մասին Հայկ Համբարձումյանը զրուցել է վերլուծաբան Սարգիս Հացպանյանի հետ:

Alt

Բանաստեղծությունն ընդդեմ պատերազմի


Ցեղասպանության՝ ազգային ու անձնական ողբերգության, պատերազմի ու հոգևոր ճգնաժամի պատկերները Սոնա Վանի պոեզիայում հաճախ են արտահայտվում: Վերջին՝ Լիբրետո անապատի համար» գրքում բանաստեղծուհին ընթերցողին զգոնության, աղոթքի, գուցե և ընդվզման կոչ է անում: Ինչո՞ւ և ինչպե՞ս են այս մոտիվները պոեզիայի նյութ դառնում, կարո՞ղ է արդյոք գրականությունը կանխել ապագայի մեծ աղետները: Այս հարցերի մասին Հայկ Համբարձումյանը զրուցել բանաստեղծուհի Սոնա Վանի հետ:

Alt

Տիկնիկային թատրոնի ութ տասնամյակը


Շուրջ 400 անուն նոր ներկայացում, 350 ներկայացում յուրաքանչյուր տարի, երեխաների ու մեծահասակների տարբեր սերունդներ, մշտական պրեմիերաներ, մշակութային ակտիվ ներկայություն արդեն ութ տասնամյակ: Լրացավ Երևանի Հովհ․ Թումանյանի անվան տիկնիկային թատրոնի 80-ամյակը: Հայկ Համբարձումյանը զրուցել է թատրոնի գեղարվեստական ղեկավար Ռուբեն Բաբայանի հետ:

Alt

«Հայ գրատպության և գրքարվեստի» հանրագիտարան


Հայկական հանրագիտարան» հրատարակչությունը լուս է ընծայել Հայ գրատպության և գրքարվեստի» հանրագիտարանը, որն ընդգրում է հայ գրատպութան 500-ամյա պատմությունը, և ինչպես վկայում է վերնագրի երկրորդ մասը, անդրադարձ է կատարվում նաև գրքարվեստին: Այս հանրագիտարանի անհրաժեշտութան, կազմութան սկզբունքների մասին Հայկ Համբարձումյանը զրուցել է Հայկական հանրագիտարան» հրատարակչության գլխավոր խմբագիր, տնօրեն Հովհաննես Այվազյանի հետ:

Alt

Խաչքարագործություն. ավանդույթ և նորարարություն


Այսօր մեծ ծավալներով զարգանում է խաչքարագործությունը: Ստեղծվում են ամենատարբեր հորինվածքներով խաչքարեր և տեղադրվում ինչպես Հայաստանում, այնպես էլ աշխարհի ամենահեռավոր երկրներում, որտեղ հայեր են ապրում: Ինչպե՞ս է ժամանակի ընթաքցում փոխվել խաչքարի նշանակությունն ու խորհուրդը, ժամանակակից խաչքարագործ վարպետների արվեստում ինչպե՞ս են համադրվում ավանդութն ու նարարարությունը: Այս հարցերի մասին Հայկ Համբարձումյանը զրուցել է պատմական գիտությունների դոկտոր, պրոֆեսոր Համլետ Պետրոսյանի հետ:

Alt

Խաչքարի խորհրդաբանությունն ու գաղտնիքները


Պաշտամունքային յուրօրինակ կոթողներ, ազգային մշակույթի ինքնահատուկ դրսևորումներ, որոնք կանգնեցվում էին շինարարության, հասարակական, ընտանեկան, եկեղեցական կարևոր իրադարձությունների, ռազմական հաղթանակների առիթով: Այս  կոթողներից օգնություն ու պաշտպանություն էին հայցում, խնդրում հաղթանակներ ու բարեխոսություն: Խաչքարը հայ միջնադարյան մշակույթի ամենահետաքրքիր, շատ ուսումնասիրված, միաժամանակ խորհրդավոր դրսևորումներից է, որի նշանակության, խորհրդաբանության ու կիրառության մասին Հայկ Համբարձումյանը զրուցել է պատմական գիտությունների դոկտոր, պրոֆեսոր Համլետ Պետրոսյաի հետ:

Alt

Ժամանակակից անիմացիա


Այս շաբաթ արդեն 7-րդ անգամ Երևանում բացվեց Ռեանիմանիա» միջազգային անիմացիոն կինոյի և պատկերապատման արվեստի փառատոնը: Փառատոնի օրերին մայրաքաղաքի կինոթատրոններում հնարավոր կլինի դիտել շուրջ 200 անիմացիոն ֆիլմ, մասնակցել տարբեր միջոցառումների և վարպետության դասերի: Փառատոնի և ժամանակակից անիմացիայի առանձնահատկությունների մասին Հայկ Համբարձումյանը զրուցել է անիմացիոն ռեժիսոր Շառլի Սանսոնետտիի հետ: