Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Alt

Ազգային երաժշտական գանձարան


500-ից ավելի հայկական ժողովրդական, հոգևոր ու աշուղական երգեր: Համապատասխան նոտաներ ու խոսքեր ոչ միայն հայերեն, նաև այլ լեզուներով: Երաժշտագիտական գրքեր ու այլ օժանդակ նյութեր: Այս ամենը Հայկական ազգային երաժշտական գաձարան» նախագծում:  Բացառիկ նախագծի և հայ ազգային երաժշտության ներկայացման ու հանրահռչակման մասին Հայկ Համբարձումյանը զրուցել է կոմպոզիտոր, կոմիտասագետ Արթուր Շահնազարյանի հետ:

Alt

Մեծամորի գաղտնիքները


Մետաղաձուլական կենտրոն՝ Ք. ա. 4-2-րդ հազարամյակներում: Ք. ա.

Alt

Էթնոգրաֆիկ կինո


Ժողովրդական սովորույթներ ու ծեսեր, էկզոտիկ վայրեր ու մարդիկ, աշխատանք, կենցաղ, քաղաքային կյանք. այս ամենը կինոյի յուրահատուկ տեսակի՝ էթնոգրաֆիկ կինոյի հետաքրքրությունների շրջանակում է:
Երևանում անցկացվեց Ծիրանի ծառ» էթնոգրաֆիկ կինոյի փառատոն: Հայկ Համբարձումյանը զրուցել է փառատոնի պատասխանատու քարտուղար, կինոգետ Գարեգին Զաքոյանի հետ:

 

Alt

Պոեզիա. գործառույթներ, թե՞ առաքելություն


Ո՞ւր են նայում ժամանակակից արվեստն ու գրականությունը, ե՞րբ և ինչպե՞ս պոեզիան շեղվեց ճշմարիտ ճանապարհից, եթե այդպիսին կա: Ո՞ւմ համար է ստեղծվում բանաստեղծությունը, ո՞ւնի արդյոք պարտավորություններ լեզվի, ժողովրդի կամ իրականության առջև: Այս հարցերի մասին Հայկ Համբարձումյանը զրուցել է բանաստեղծ, թարգմանիչ Հակոբ Մովսեսի հետ:

Alt

Մյուռոն. շարունակվող զորություն


Սեպտեմբերի 27-ին Մայր Աթոռ Սուրբ Էջմիածնում տեղի կունենա մեր ազգային-եկեղեցական կյանքի կարևորագույն իրադարձություններից մեկը՝ մյուռոնօրհնությունը: Մյուռոնի դերի ու գործառույթների, պատրաստման ընթացքի, խորհրդաբանության ու մեր ազգային կյանքում ունեցած նշանակության մասին Հայկ Համբար¬ձում¬յանը զրուցել է Մայր Աթոռ Սուրբ Էջմիածնի միաբան՝ Տ. Զաքարի վարդապետ Բաղումյանի հետ:

Alt

Ապավինելով լեռանն ու Աստծուն. Մուսալեռ


2015 թվականին հիշում ենք ոչ միայն Հայոց ցեղասպանության 100-րդ տարելիցը, այլև անդրադառնում  100 տարի առաջ տեղի ունեցած ինքնապաշտպանական մարտերին: Լրացավ  Մուսա լեռան հերոսամարտի 100-ամյակը, որը նշանավորվեց Երևանում կայացած գիտաժողովով, տարբեր միջոցառումներով: Մուսալեռան հերոսական դրվագների, մուսալեռցիների ինքության ու  հետագա ճակատագրի մասին Հայկ Համբարձումյանը զրուցել է Հայաստանի Մուսալեռ» հայրենակցական միության նախագահ Պերճ Ղազարյանի հետ:

Alt

Համազգայինը՝ Սոս Սարգսյանի հետ և նրանից հետո


Մեկնարկում են նոր թատերաշրջաններ, տեղի են ունենում պրեմիերաներ, նորացվում են հին բեմադրություններ: Սակայն չեն փոխվում թատերաշխարհին հուզող խնդիրներն ու մտահոգությունները. ի՞նչ բեմադրել, ո՞ր հանդիսատեսի համար բեմադրել, ինչպե՞ս սուղ միջոցներով, երբեմն նույնիսկ մշտական բեմի բացակայությամբ կազմակերպել թատրոնի աշխատանքը: Այս հարցերի մասին Հայկ Համբարձումյանը զրուցել է  Համազգային պետական թատրոնի տնօրեն Վարդան Մկրտչյանի հետ:

Alt

Անցյալի փոշուց՝ ներկայի քաղաքակրթական մարտահրավերներ


Ինչպե՞ս է ընթացել հայ ժողովրդի կազմավորումը, բնիկ են հայերը, թե՞ եկվոր, ի՞նչ դեր են ունեցել Հայկական լեռնաշխարհում: Կարո՞ղ են այս հարցերի պատասխաններն օգնել դիմագրավելու արդի քաղաքակրթական մարտահրավերներին:
Հայկ Համբարձումյանը զրուցել է ՀՀ ԳԱԱ հնագիտության և ազգագրության ինստիտուտի տնօրեն, ԳԱԱ թղթակից անդամ Պավել Ավետիսյանի հետ:

 

Alt

Հայաստանյան հնագիտությունն ու միջազգային հնագիտական աշխարհը


Արենիում գտնված 5500-ամյա մաշիկ, Արցախի Տիգրանակերտի հաջող պեղումներ, Սյունիքի ժայռապատկերների, Տիրինկատարի վիշապ-քարակոթողների հետազոտություն: Չնայած Հայաստանում հումանիտար գիտության աղետալի վիճալի մասին հնչող մտահոգություններին, հնագիտության ոլորտը զարգանում է: Ո՞րն է գաղտնիքը: Ինչպե՞ս է մեր հնագետներին հաջողվում աշխատել ֆինանսական սուղ միջոցներով, կատարել նոր բացահայտումներ: Ի՞նչ են տալիս այդ բացահայտումները միջազգային հնագիտությանը: Այս հարցերի մասին Հայկ Համբարձումյանը զրուցել է ՀՀ ԳԱԱ հնագիտության և ազգագրության ինստիտուտի տնօրեն, ԳԱԱ թղթակից անդամ Պավել Ավետիսյանի հետ:

Alt

Ճիշտ խոսելու և գրելու արվեստը


Ինչպե՞ս վարպետորեն, այս կամ այն  իրավիճակին համապատասխան, կառուցել բանավոր ու գրավոր խոսքը, ինչպե՞ս արտահայտվել գեղեցիկ, բայց ոչ ճոռոմ, պարզ, սակայն ոչ պարզունակ: Ինչպե՞ս ավելի կանոնավոր արտահայտել մտքերը, շարահյուսական ու լեզվաարտահայտչական ի՞նչ միջոցներ ընտրել, որպեսզի խոսքը լինի հագեցած, տպավորիչ, տրամաբանական ու ազդեցիկ: Խոսքարվեստի առանձնահատկությունների մասին Հայկ Համբարձումյանը զրուցել է  լեզվաբան  Դավիթ Գյուրջին¬յանի հետ:  

Alt

Հայկական Փարիզ. 1915-1940թթ.


Երկու համաշխարհային պատերազմների միջև ընկած շրջանում Փարիզը համաշխարհային մշակույթի կենտրոն էր, որտեղ ապրելու, ստեղծագործելու, հայտնի դառնալու հնարավորություն էին ստանում բոլորը: Սակայն, այս հնարավորությամբ հանդերձ, շատ դժվար էր հաստատվել մշակութային խառնարանում, հայտնի դառնալ արվեստի մյուս մեծերի կողքին, ապահովել մշակութային ծանրակշիռ ներկայություն, ինչն էլ հաջողվեց մեր արվեստագետներին: Հայկական մշակութային Փարիզի, մեր արվեստի՝ համաշխարհային միտումներին արձագանքելու, ինքնակազմակերպվելու ունակության մասին Հայկ Համբարձումյանը զրուցել է մշակութաբան Ռուբեն Անգալադյանի հետ:

Alt

Գրական թարգմանության ներկան ու հեռանկարները


20-րդ դարի համաշխարհային գրականության հայտնի ստեղծագոր¬ծութ¬յունների հայերեն թարգմանությունների վերջին շրջանում նկատելի աճը ինչպես առանձին թարգմանիչների, այնպես էլ հրատարակչական ծրագրերի ու նախաձեռնությունների արդյունք է: Նոր թարգմանությունները նպաստում են ընթերցողական ուշադրության ու հետաքրքրության խթանմանը, անդրադառնում նաև ընդհանուր գրական դաշտի զարգացման վրա: Օրերս ընթերցողին ներկայացված ամերիկյան ու համաշխարհային գրականության ամենահայտնի վեպերից մեկի՝ Հարփըր Լիի Ծաղրասարյակ սպանելը» վեպի թարգմանության առանձնահատկությունների, ինչպես նաև գրական թարգմա¬նության խնդիրների