Մարդիկ միշտ փնտրում են համախոհներ, ովքեր երբեմն դառնում են ընկերներ: Մտերիմ ընկերներ Մայիս Մխիթարյանը և Գրիգոր Մովսիսյանը հանդիպել են մի գրքի շնորհանդեսին: Երգահան Վահան Արծրունու և «Նարեկացի» արվեստի միության հիմնադիր Նարեկ Հարությունյանի ընկերության շնորհիվ ծնվել են մի շարք ստեղծագործություններ ...
Մեծ ընկերության մի պատմություն «Երկու ընկեր» հաղորդաշարում:
Պարբերականությունը՝ ուրբաթ օրը, ժամը 22:20-ին
Կրկնությունը՝ շաբաթ օրը, ժամը  12:40-ին

Վիգեն Ավետիս, Վահագն Հայրապետյան


Քանդակագործ Վիգեն Ավետիսի ու երաժիշտ Վահագն Հայրապետյանի ընկերությունը  սկսվել է, երբ ընդամենը երրորդ դասարանի տղաներ էին: Քառասուն տարիների հեռվից ոգևորությամբ ու հաճույքով են հիշում իրենց անհավանական արկածներով լի ընկերության ճանապարհը:

Ավագ Հարությունյան, Արտաշես Էմին


Թարգմանիչ Արտաշես Էմինի և գինեգործ Ավագ Հարությունյանի հանդիպումը շատ պատահական ու հետաքրքիր է եղել: Արտաշեսը, որ երկար տարիներ փնտրում էր հայկական լավ գինի, մի օր համտեսում ու գտնում է: «Մտածեցի, որ էս տեսակ գինի պատրաստողը կարգին մարդ կլինի, գտա, համոզվեցի ու արդեն երկու տասնամյակից ավելի է՝ ընկերություն ենք անում»:
 

Արմեն Սաֆարյան, Շահե քահանա Հայրապետյան


Բեմադրիչ Արմեն Սաֆարյանը ու Շահե քահանա Հայրապետյանն առաջին անգամ հանդիպել են Գեղարվեստաթատերական ինստիտուտում: Նրանց ծանոթությունը սկսվում է միջադեպով, տարիներ հետո նրանք միմյանց տեսնում են եկեղեցում: Այդ հանդիպումը փոխում է ամեն ինչ…

Վրեժ Հակոբյան, Երվանդ Ղազանչյան


«Ընկերության համար 60 տարին շա՞տ է, թե՞ քիչ». կատակում, վերհիշում ու պատմում են Երվանդ Ղազանչյանն ու Վրեժ Հակոբյանը: 

Վարդանուշ Պետրոսյան, Լուսիկ Գալստյան


Բժիշկ-սննդաբան Վարդանուշ Պետրոսյանն ու բանասեր Լուսիկ Գալստյանը մանկության ընկերներ են: Հետաքրքիր ու արկածներով լի ճանապար են անցել միասին:

Աղասի Միքայելյան, Հարություն Մնացականյան


Ֆիզմաթ գիտությունների թեկնածու Աղասի Միքայելյանի ու «Արգրեյն» ՍՊԸ տնօրեն Հարություն Մնացականյանի ընկերությունը մի քանի փորձություն է անցել: Ասում են, որ միմյանցից դեռ շատ բան ունեն սովորելու: Մեր տեսախցիկի առջև հիշում են, պատմում և կատակում:

Լուսինե Ազարյան, Գագիկ Գինոսյան


Լուսինե Ազարյանը և Գագիկ Գինոսյանը հաճախ էին ելույթ ունենում նույն բեմում: Թե ինչպես ընկերացան, արդեն չեն հիշում: Նրանք իրեց ընկերությունը նմանեցնում են մեր սարերին ու մեր պարերին՝ ուս-ուսի և շիտակ: 

Արտակ Համբարձունյան, Սևադա Սարգսյան


Խաչքարագործ Արտակ Համբարձումյանը և նկարիչ Սևադա Սարգսյանը հանդիպել են մանկավարժական ինստիտուտում: Դասախոս- ուսանող հարաբերությունը վերածվում են ջերմ ընկերության: Թե ինչ արկածային ճանապարհ է անցել նրանց ընկերությունը, հիշում են երկու ընկերները:

Մամիկոն Մխիթարյան, Պայծառ Ավետիսյան


ՀՀ ժող. վարպետ Մամիկոն Մխիթարյանն ու նկարչուհի Պայծառ Ավետիսյանը  հանդիպել են Պետերբուրգում՝ ուսանողական տարիներին: Թե ինչ արկածներով ու  փորձություններով կյանք են ապրել, վերհիշում են քառասուն տարվա ընկերները:

Արև Պետրոսյան, Անահիտ Մարկոսյան


Նկարիչ Արև Պետրոսյանը և «Նաիրյան» ընկերության գիտական ղեկավար Անահիտ Մարկոսյանն արդեն չեն հիշում ինչպես ընկերացան: Հիշում են միայն առաջին հանդիպման տպավորությունը՝ այնքան հարազատություն կար, կարծես վաղեմի բարեկամներ լինեին: 

Վանո Դադոյան, Հենրիկ Սոլախյան


ՀՀ ժողովրդական վարպետ Վանո Դադոյանի և ճարտարապետ Հենրիկ Սոլախյանի ընկերությունը անցել է բուռն ու ստեղծագործական ճանապարհ: Համոզված են, որ ինքնաճանաչման ու ինքնահաստատման ամենամեծ խթանը ընկերներությունն է: Նրանց ամենամեծ երազանքը միասին որևէ խոնարհված եկեղեցի վերականգնելն է: Քառասուն տարվա ընկերները մեզ հետ կիսվում են իրենց երազանքներով ու մտորումներով: 

Սևակ քահանա Սարիբեկյան, Նարեկ Մելքոնյան, Նաիրի Մելքոնյան


Սևակ քահանա Սարիբեկյանը ոգևորվում է՝ հիշելով Նարեկ և Նաիրի Մելքոնյան եղբայրների հետ անցկացրած մանկության տարիները: Այսօր էլ ընդհանրությունները շատ են, ընկերությունը՝ ամուր: Եթե կա տեր Սևակի պատրաստած իտալական կոկտեյլն ու Նաիրիի կիթառի նվագակցությունը, ուրեմն հանդիպումը գունագեղ է ու հաճելի: