Փոխնակ մայրության հարցը հայ եկեղեցու հայեցակարգում


Հայաստանում փոխնակ մայրությունն օրենքով հնարավոր է դարձել 2002թ.-ից: Փոխնակ մայրերի օգնությամբ արդեն լույս աշխարհ է եկել մի քանի հարյուր երեխա: Փոխնակ մայրության բժշկական ծրագիրը անպտուղ զույգերի համար երեխա ունենալու հնարավորություն է ստեղծում, սակայն առաջ է բերում բարոյաէթիկական մի շարք խնդիրներ: Այդ խնդիրների շուրջ զրուցում են Մայր Աթոռի հայեցակարգային հարցերի գրասենյակի ղեկավար, Տավուշի թեմի առաջնորդ Բագրատ եպիսկոպոս Գալստանյանն ու
Քրեակատարողական հիմնարկների հոգևոր պատասխանատու Ռուբեն վարդապետ Զարգարյանը:
 

Հայկական գովազդի լեզուն և էթիկան


Ի՞նչ լեզվով և ի՞նչ բովանդակությամբ գովազդներ են հեռարձակվում հայկական հեռուստաեթերով: Օրենքի, լեզվական կանոնների և էթիկական ու բարոյական նորմերի  ինչպիսի՞ խախտումներ են արձանագրվում: Քննարկում են Վահրամ քահանա Մելիքյանը և լեզվաբան Դավիթ Գյուրջինյանը:

Քաղցկեղի պալիատիվ կամ ամոքիչ բուժումը Հայաստանում


Քաղցկեղի բուժումը երկարատև է, թանկարժեք և հաճախ` ոչ արդյունավետ: Համաշխարհային փորձը ցույց է տալիս, որ նմանատիպ ախտորոշման դեպքում հիմնական նպատակը հիվանդի տառապանքների թեթևացումն է, նրա ու  ընտանիքի անդամների կյանքի որակի բարելավումը, հոգեբանական և հոգևոր աջակցություն ցուցաբերելը, որն ստացել է պալիատիվ կամ ամոքիչ բուժում անվանումը: Ի՞նչ է արվում Հայաստանում այդ ուղղությամբ: Քննարկում են ուռուցքաբան Դավիթ Զոհրաբյանը և Բագրատ եպիսկոպոս Գալստանյանը: 

Ընտանեկան բռնություն


Եթե երկու տասնամյակ առաջ Հայաստանում գրեթե չէր խոսվում ընտանեկան բռնության մասին, այսօր բռնությունների նվազեցմանն ուղղված բազմաթիվ ծրագրեր կան և տասնյակ հասարակական կազմակերպություններ են գործում: Իրազեկվածության մակարդակը բարձրացել է, իսկ նվազե՞լ է արդյոք բռնությունների թիվը: Ո՞րն է ընտանեկան բռնությունից խուսափելու ճանապարհը: 
Քննարկում են ՄԱԿ-ի բնակչության հիմնադրամի ծրագրերի ղեկավար Ծովինար Հարությունյանը և Ս. Գրիգոր Լուսավորիչ եկեղեցու հոգևոր սպասավոր Առնակ քահանա Հարությունյանը: 
 

Ավարայրի ժամանակակից դասերը


Ընդունված կարծիք կա՝ որքան հեռանում ենք իրադարձությունից, այնքան այն մեզ առասպելական է թվում: Վարդանանց պատերազմից անցել է ավելի քան 1600 տարի: Ի՞նչ գիտենք Ավարայրի ճակատամարտի ու դրա հերոսների մասին, վիճելի՞ են արդյոք ճակատամարտի նպատակներն ու ելքը, ո՞րն է Ավարայրի այժմեական ուղերձը: Քննարկում են պատմական գիտությունների թեկնածու Արմեն Ասրյանը և Արարատ քահանա Պողոսյանը:

Բանակի հոգևոր սպասավորությունը


Հայաստանի Հանրապետության և Հայ առաքելական եկեղեցու հարաբերությունների մասին 2007թ-ին ընդունված օրենքում նշվում է, որ Հայաստանյայց Առաքելական Եկեղեցին իրավունք ունի ունենալու մշտական հոգևոր ներկայացուցիչ հիվանդանոցներում, մանկատներում, տուն-ինտերնատներում, զորամասերում, ազատազրկման վայրերում: Ո՞րն է բանակում հոգևոր սպասավորի ծառայության նպատակը, ի՞նչ սկզբունքով է նշանակվում ԶՈՒ հոգևոր սպասավորը, ինչպե՞ս է ազդում հոգևորականի ներկայությունը զինվորների միջանձնային հարաբերությունների վրա: Քննարկում են ՀՀ ՊՆ Չորրորդ բանակային կորպուսի հրամանատար, գեներալ-մայոր Անդրանիկ Մակարյանը և ԶՈՒ հոգևոր սպաս

Քրիստոնեական դաստիարակություն


Ի՞նչ է  քրիստոնեական դաստիարակությունը, ի՞նչ մեթոդներով է այն իրակացվում ՀՀ կրթական համակարգում: Ինչպե՞ս են համատեղվում քրիստոնեական դաստիարակության և մարդու հիմնարար իրավունքների սկզբունքները: Ինչո՞ւ է նույնացվում մեր ազգային ու կրոնական ինքնությունը: Թեման քննարկում են «Մխիթար Սեբաստացի» կրթահամալիրի ուսուցիչ Նունե Մովսիսիյանը, Հայաստանի Աստվածաշնչային ընկերության ծրագրերի տնօրեն Արշավիր Գաբուջյանը և գրող Թադևոս Տոնոյանը: 

Խաղաղության տեսլական. Հայաստան և Թուրքիա


ԵՀԽ հայաստանյան Կլոր սեղան բարեգործական հիմնադրամի «Հայաստան և հարևաններ. խաղաղության փնտրտուք» ծրագրի շրջանակում իրականացվող հերթական մեդիաքննարկումը նվիրված է հայ-թուրքական հարաբերություններին: Կարո՞ղ են արդյոք հայ-թուրքական հարաբերությունները զարգանալ Հայոց ցեղասպանության ճանաչման և Ղարաբաղյան հակամարտության խնդիրներից դուրս: Կարո՞ղ է քաղաքացիական հասարակությունը նպաստել երկխոսության կայացմանը: Քննարկում են «Ակօս» թերթի հայկական բաժնի խմբագիր Բագրատ Էստուկյանը, թուրքագետ Անուշ Հովհաննիսյանը և ՀՀ ԱԺ արտաքին հարաբերությունների հանձնաժողովի նախագահ Արտակ Զաքարյանը:

Սուրբ Ծնունդ


Սուրբ Ծնունդը քրիստոնյա աշխարհի ամենասիրելի տոներից մեկն է: Ինչպե՞ս ենք մենք նշում Սուրբ Ծնունդը, ո՞րն է հոգևոր տոնի մեր ընկալումը, Սուրբ Ծնունդը տոնելու ի՞նչ մշակույթ ունենք: Քննարկում են ԵՊՀ սոցիոլոգիայի ամբիոնի դասախոս Նվարդ Մանասյանը, Տ. Մարկոս քահանա Մանգասարյանը և բանաստեղծ Վահե Արսենը:

Կրոնների երկխոսությունը հանուն խաղաղության


Ինչպե՞ս կարող է կրոնների երկխոսությունը նպաստել քաղաքական կոնֆլիկտների հաղթահարմանն ու խաղաղության վերահաստատմանը այսօր, մասնավորապես Մերձավոր Արևելքում: Քննարկում են քաղաքագետ Մանվել Սարգսյանը, կրոնագետ
Պարգև Բարսեղյանը և Մայր Աթոռի միջեկեղեցական հարաբերությունների բաժնի պատասխանատու Շահե վարդապետ Անանյանը:

 

Աղետների հետևանքների հոգեբանական հաղթահարումը


1988-ի երկրաշարժը Հայաստանի հյուսիսը վերածես աղետի գոտու: Դժբախտաբար, արդեն երեք տասնամյակ մեզ չի հաջողվում ձերբազատվել աղետյալի հոգեբանությունից, թեև փորձեր արվել են գնահատելու և վերլուծելու աղետի թողած ազդեցությունները մեր կյանքում: Ինչպե՞ս հաղթահարել աղետի հետևանքները, ինչպե՞ս է աղետը հեռանում մարդուց: Թեման քննարկում են հոգեբան Մելս Մկրտումյանը և Սմբատ քահանա Սարգսյանը:

Հաշմանդամություն ունեցողների վերասոցիալականացումը


Ըստ 2015թ-ի վիճակագրության աշխարհում ավելի քան մեկ միլիարդ մարդ, Հայաստանում` պաշտոնական տվյալով 195 000 հազար մարդ հաշմանդամություն ունի: Ամեն տարի դեկտեմբերի 3-ին նշվում է հաշմանդամների իրավունքների պաշտպանության միջազգային օրը: Սեյվ դը չիլդրեն» ՀԿ ծրագրի ղեկավար Ջինա Սարգիզովան, Հույսի կամուրջ» ՀԿ հաշմանդամություն ունեցող երիտասարդների իրավապաշտպան
Ռուդոլֆ Զաբրոդինն ու Տ. Եսայի քահանա Արթենյանը քննարկում են մեր երկրում հաշմանդամություն ունեցող մարդկանց իրավունքների, նրանց համար հավասար ու մատչելի պայմաններ ապահովելու գործընթացի թեման: