«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Եկեղեցական կյանք 26.03.2018


Մարտի 25-ին, Ծաղկազարդի երեկոյան ժամերգությյան ավարտին Մայր Աթոռ Սուրբ Էջմիածնում տեղի է ունեցել Դռնբացեքի արարողություն: Փակ խորանի առջև ծնկած և վարագույրի մյուս կողմում գտնվող հոգևորականների միջև խորհրդավոր երկխոսություն է տեղի ուեննում, որը վերաբերում է Հիսուս Քրիստոսի երկրորդ գալստյանը, իսկ խորանի վարագույրը երկնքի արքայության դռներն է խորհրդնշում:
Մարտի 25-ին Ամենայն հայոց կաթողիկոսն ընդունեց նորընծա վարդապետ Երեմիա Աբգարյանին, օրհնություն բաշխեց նրան և նվիրեց վարդապետական լանջախաչ:
Մարտի 25-ին, Ծաղկազարդի պատարագի ավարտին Երևանի Ս. Գրիգոր Լուսավորիչ մայր եկեղեցու երգչախմբի ղեկավար Կարեն Սարգսյանը պարգևատրվեց «Ս. Սահակ, Ս. Մեսրոպ» շքանշանով: 
Մայր Աթոռ Սուրբ Էջմիածնի Գևորգյան ճեմարանում մարտի 25-ին բացվեց «Արարող ձեռքեր» նախագծի 4-րդ ցուցահանդեսը: Ստեղծագործություններ էին ներկայացրել արվեստագետներ՝ Ալիսա Գևորգյանը, Վահե Բաղումյանը, Գրիգոր Դարբինյանն ու Արսեն Գրիգորյանը:
Մարտի 24-ին, Ծաղկազարդի նախօրեին Հեծանվորդների ֆեդերացիան հեծանվային ուխտագնացություն էր նախաձեռնել: Հանրապետության հրապարակից ուխտավոր հեծանվորդները, նրանց հետ նաև Նշան քահանա Ալավերդյանը, հասան մինչև Մայր Աթոռ Սուրբ Էջմիածին: 
Մայր Աթոռի հրատարակչությունը լույս է ընծայել պատմաբան Ավագ Հարությունյանի «Մայր Աթոռ Ս. Էջմիածնի հասարակական և դիվանագիտական գործունեությունը (1918-1920թթ)» գիրքը:
 

Եկեղեցական կյանք 25.03.2018 Ծաղկազարդի տոնական թողարկում


Հայ առաքելական բոլոր եկեղեցիներում Ծաղկազարդի տոնական պատարագ է մատուցվել, կատարվել անդաստանի և մանուկների օրհնության կարգ: Մայր Աթոռում տոնական արարողություններին մասնակցել է Գարեգին Բ Ամենայն հայոց հայրապետը:
Արաբկիրի եկեղեցում Ծաղկազարդի տոնական պատարագը մատուցեց Հրանտ քահանա Մանուկյանը: Դա Արաբկիրի եկեղեցու առաջին Ծաղկազարդն էր: 
Ծաղկազարդի տոնին մայրաքաղաքի Սուրբ Աննան նույնպես լեցուն էր հավատացյալներով և բազմաթիվ մանուկներով: Այստեղ տոնական պատարագը մատուցեց Զաքարիա ծայրագույն վարդապետ Բաղումյանը:
Արմավիրի Սուրբ Գրիգոր Նարեկացի եկեղեցում Ծաղկազարդի տոնական պատարագը մատուցեց Տաճատ քահանա Ինջիղուլյանը: Պատարագի ավարտին մանուկների օրհնության կարգ կատարեց Արմավիրի թեմի առաջնորդ Սիոն եպիսկոպոս Ադամյանը:
Ծաղկազարդը նշվեց նաև ժողովրդական ավանդույթներով: «Իլիկ» սրճարանում Ծաղկազարդի տոնին նվիրված բանահյուսական երգեր, պարեր ու խաղեր ներկայացրեց «Ոստան» համույթը: 
 

Եկեղեցական կյանք 23.03.2018


Հայոց եկեղեցու տոնացույցում Քրիստոսի Հարությանը նախորդող շաբաթը կոչվում է Ավագ, այդ շաբաթվա յուրաքանչյուր օրը նշանավոր է և պատմում է Քրիստոսի երկրային կյանքի վերջին օրերի մասին: Ավագ շաբաթվա հիմնական ծեսերն ու դրանց խորհուրդը:
Մայր Աթոռ Սուրբ էջմիածնում տեղի ունեցավ «Ավանդական արժեքներն ու արդի մարտահրավերները» ամենամյա երրորդ համաժողովը, որին մասնակցում էին հայկական և ռուսական հասարակական կազմակերպությունների ներկայացուցիչներ, փորձագետներ, հոգևորականներ, հանրային ու պետական գործիչներ:
Հայ առաքելական եկեղեցու վարդապետական դասը մարտի 21-ին համալրվեց երիտասարդ նորընծա վարդապետով՝ Երեմիա աբեղա Աբգարյանը վարդապետական աստիճան ստացավ: Օշականի Սուրբ Մեսրոպ Մաշտոց եկեղեցում տեղի ունեցավ աբեղայի մասնավոր վարդապետության չորս աստիճանների տվչության արարողություն:
Այս տարի լրանում է Երևանի հիմնադրման 2800-ամյակը: Տոնական միջոցառումներին միացել է Մայր Աթոռի քրիստոնեական դաստիարակության կենտրոնը: Երևանցի դպրոցականները բաց դասեր կունենան Երևանի գործող և խոնարհված եկեղեցիների մասին: 
Ավետիք Իսահակյանի տուն-թանգարանում տեղի ունեցավ Ծաղկազարդին նվիրված միջոցառում: Դպրոցականները վարպետի տանը մասնակցեցին բաց դասի՝ նվիրված Մեծ Զատկի հայոց ծիսական ավանդույթներին: 
 

Եկեղեցական կյանք 19.03.2018


Գարեգին Բ Ամենայն հայոց կաթողիկոսը երկօրյա հայրապետական այցով գտնվում էր Ուկրաինայի հայոց թեմում: Այցի առաջին օրը Վեհափառ հայրապետը կատարեց Կիևում կառուցվող եկեղեցու հիմնարկեքը: Իսկ մարտի 17-ին օծվեց Դնեպր քաղաքի Սուրբ Գրիգոր Լուսավորիչ նորակառույց եկեղեցին: 
Մարտի 17-ին նշվեց Սուրբ Գրիգոր Լուսավորչին նվիրված հիշատակության օրերից առաջինը՝ Մուտն ի վիրապը: 
Մեծ Պահքի վեցերորդ կիրակին կոչվում է Գալստյան: Մարտի18-ին Սուրբ Էջմիածնի Մայր Տաճարում մատուցված պատարագի ժամանակ հավատացյալների համար օրվա պատգամը մեկնեց Վարդան եպիսկոպոս Նավասարդյանը:
Գալստյան կիրակիի նախորդ օրը Հաղարծնի վանքում Վանաձորի թիվ 13 ավագ և Տավուշի մարզի Ծաղկավան համայնքի դպրոցների սովորողները մասնակցեցին համատեղ բաց դասի: 
 

Եկեղեցական կյանք 16.03.2018


Մարտի 17-ին, շաբաթ օրը կնշվի Սուրբ Գրիգոր Լուսավորչին նվիրված 3 տոներից առաջինը՝ Մուտն ի վիրապը: Հոգևորականները հրավիրում են Խոր Վիրապ` մասնակցելու տոնական պատարագին, սրբի բարեխոսությունը հայցելու և արժանանալու մասունքից բխող օրհնությանն ու զորությանը:
Ոստիկանական ակադեմիայում տեղի է ունեցել ուսանողների և Գևորգյան հոգևոր ճեմարանի սաների հանդիպումը: Քննարկվել են բազմաբնույթ հարցեր:
Տավուշի թեմի առաջնորդ Բագրատ եպիսկոպոս Գալստանյանի գլխավորությամբ հոգևոր դասը շարունակում է համատեղ աղոթքներով շրջել թեմապատկան եկեղեցիներում: Չորեքշաբթի օրը, մարտի 14-ին արևագալի ժամերգություն է տեղի ունեցել:
Քարվաճառի լեռներում տնօրհնեքի կարգ է կատարվել զինվորների կառուցված նոր մատուռում: Մատուռին կից տեղադրվել են երկու խաչքարեր, որոնցից մեկը նվիրված է 2016 թ. ապրիլյան քառօրյա պատերազմի ընթացքում 4-րդ հատուկ գումարտակի զոհված զինծառայողների հիշատակին:
Միջազգային լրահոս. Եգիպտոսի իշխանությունները օրինականացրել են 53 քրիստոնեական եկեղեցի: Պետերբուրգի ազգագրական թանգարանում բացվել է Իսահակի տաճարի կառուցմանը նվիրված ցուցադրություն: Միացյալ Նահանգների Տեխաս նահանգում խոհերի և ուրախ զգացողությունների աշխարհիկ մատուռ է բացվել: Վատիկանյան առաջին հաքաթոնին՝ ծրագրային ապահովման մշակումների ոլորտի մասնագետների ինքնատիպ ֆորումին, մասնակցել են հինգ աշխարհամասերից եկած ծրագրավորողներ: 
Լրահոս թեմերից. Պոլսի պատրիարքության հոգևորականների նախաձեռնությամբ Պահոց շրջանի ավանդական եռօրյա ուխտագնացությունը մեկնարկել է պատմական Կեսարիայում: Կանադահայոց թեմի նախաձեռնությամբ մեկնարկած երիտասարդական միջկրոնական հավաքները շարունակվում են, հերթական հանդիպումը եղել է Վանքուվեր քաղաքում:  
 

Եկեղեցական կյանք 12.03.2018


Ավարտվեց Անտիոքի և համայն Արևելքի պատրիարք Եփրեմ Երկրորդի այցը Սուրբ Էջմիածին: 
Երուսաղեմի ժառանգավորաց վարժարանը պատրաստվում է ուսանողների ընդունելության. ովքե՞ր կարող են դիմել: 
Գևորգյան հոգևոր ճեմարանում բացվեց «Արարող ձեռքեր» ցուցահանդեսների շարքի երրորդ ցուցադրությունը: 
Վիրահայոց թեմում նշվել է Մեծ պահքի կիսվելը խորհրդանշող Միջինքի տոնը: 
Հայ օգնության ֆոնդի «Այո» հարթակն ու GOALS Armenia-ն այս տարի Կոտայքի մարզում նախատեսում են ստեղծել աղջիկների ֆուտբոլային լիգա: 
Շախմատի մրցաշար՝ հայորդյաց տների և Արաբկիրի շախմատի դպրոցի սաների մասնակցությամբ: 
 

Եկեղեցական կյանք 09.03.2018


Գարգեին Բ Ամենայն հայոց հայրապետի հրավերով Մայր Աթոռ Սուրբ Էջմիածնում է Անտիոքի և համայն արևելքի պատրիարք Մոր Իգնատիուս Եփրեմ Երկրորդը: Սա պատրիարքի երրորդ այցելությունն է մեր երկիր:
Մեծ պահքի 24-րդ օրը կոչվում է Միջինք: Այս տարի այն նշվեց մարտի 7-ին: 
Միջինքի օրվա առիթով, Նորք Մարաշի Ս. Աստվածածին եկեղեցու երիտասարդաց միության անդամները այցելել են «Մուրացան» հիվանդանոցում բուժվող երեխաներին:
Մայր Աթոռի հրատարակչությունը լույս է ընծայել Վագեն Ա հայրապետի «Քարոզներ և խոսքեր» ժողովածուի երկրորդ հատորը:
ԱՄՆ Մասաչուսեթս նահանգի Հայ Փոյնթ քաղաքում հայ առաքելական եկեղեցի է կառուցվում: 
Տարեցտարի հայաստանյան սննդի հաստատությունները ճաշացուցակում ավելացնում են պասուց կերակրատեսակներ: 
 

Եկեղեցական կյանք 05.03.2018


Մեծ պահքի հերթական շաբաթվա՝ Դատավորի կիրակիի խորհուրդը. մեկնաբանում է հոգևորականը:
Մայր Աթոռի հրատարակչությունը լույս է ընծայել Շահե ծայրագույն վարդապետ Անանյանի «Քարոզներ և ակնարկներ» ժողովածուն:
Տավուշի թեմի առաջնորդի գլխավորությամբ հոգևոր դասը ուխտի պատարագ է մատուցել Օձունի Սուրբ Հովհաննես եկեղեցում: 
Դատավորի կիրակին՝ նախկին դատավորի մեկնաբանությամբ. Պարգև Օհանյանը խոսում է Մեծ պահքի նշանակության մասին:
Լուրեր թեմերից.  Անցյալ շաբաթ աշխարհի հայոց եկեղեցիներում հիշատակվել են 1988թ.-ին Ադրբեջանում զոհված հայ խաղաղ բնակիչները: Վիրահայոց թեմի առաջնորդն այցելել է Նինոծմինդայի հայկական կենտրոններ: Ֆրանսիայի վարչապետի մասնակցությամբ Տուրկուա քաղաքում բացվել է «Արևելքի քրիստոնյաները» խորագրով ցուցահանդեսը: Թուրքիայի գերագույն դատարանը բեկանել է Դիարբեքիրի Սուրբ Կիրակոս եկեղեցու պետականացման որոշումը:
Միջազգային լուրեր. Աստվածամորը նվիրված նոր տոն՝ Կաթոլիկ եկեղեցու տոնացույցում: Տուգանք՝ մահմեդական կանանց իրավունքները ոտնահարելու պատճառով: Երուսաղեմում բացվել է Տիրոջ Հարության տաճարը, որ փակվել էր ի նշան բողոքի: Ռուս եկեղեցու պատրիարքը դժգոհել է Բուլղարիայի նախագահից:
 

Եկեղեցական կյանք 02.03.2018


Եկեղեցիների համաշխարհային խորհրդի հայաստանյան Կլոր սեղան հիմնադրամի հրավիրած հանդիպման ընթացքում քննարկվել է ՄԱԿ-ի կայուն զարգացման նպատակների և Հայ եկեղեցու համագործակցության հնարավորությունը:
Մարտի 1-ին Մայր Աթոռ Սուրբ Էջմիածնում տեղի ունեցավ Տ. Երեմիա աբեղա Աբգարյանի վարդապետական թեզի պաշտպանությունը: 
Սումգայիթի ջարդերի 30-րդ տարելիցի օրը Մոսկվայի Սուրբ Հարության տաճարի բակում տեղի է ունեցել հիշատակման արարողություն, որին մասնակցել են Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանը, ՌԴ-ում ՀՀ արտակարգ և լիազոր դեսպան Վարդան Տողանյանը, հայ համայնքի բազմաթիվ ներկայացուցիչներ:
Էստոնիայի մայրաքաղաք Տալինում հրատարակվել է Գրիգոր Նարեկացու «Մատյան ողբերգության» պոեմի էստոներեն թարգմանությունը, արագորեն սպառվել և հրատարակվել երկրորդ տպաքանակով:
Փետրվարի 26-ից մեկնարկեց Աստվածաշնչային գիտելիքների մրցույթի առաջին փուլը: Մրցույթը կազմակերպում են Մայր Աթոռի քրիստոնեական դաստիարակության կենտրոնը, Աստվածաշնչային ընկերությունը և Երևանի քաղաքապետարանի հանրակրթության բաժիը:
Լրահոս. Կանադայի գլխավոր նահանգապետը պարգևատրել է «Հայաստանի երեխաների հիմնադրամի» ատենապետուհի տիկին Մարգարիտ Գազարյանին: 
Կանադայում շարունակվում են հայոց թեմի ձեռնարկած միջկրոնական երիտասարդական հավաքները:
Վատիկանում տեղադրվելու է Ս. Գրիգոր Նարեկացու արձանը: Հանդիսավոր բացումը տեղի կունենա ապրիլի 5-ին, Հռոմի Ֆրանցիսկոս պապի, Հայոց հայրապետի և ՀՀ նախագահի մասնակցությամբ:
 

Եկեղեցական կյանք 26.02.2018


Միայն Հայ եկեղեցին է Մեծ պահքի շաբաթների համար անուներ սահմանել: Ի՞նչու է չորրորդ կիրակին կոչվում Տնտեսի կիրակի և ի՞նչ խորհուրդ ունի. պարզաբանում է հոգևորականը:
Երուսաղեմում անժամկետ փակվել է ամենանշանավոր քրիստոնեական ուխտատեղին՝ Սուրբ Հարության տաճարը: 
Մայր Աթոռի Գևորգյան ճեմարանում բացվել է «Արարող ձեռքեր» նախագծի երկորդ ցուցահանդեսը:
Վրաստանում նույնպես նշվել է Հովհաննես Թումանյանի ծննդյան օրը: Այդ օրը Թբիլիսիի նրա տանը տիկնիկային թատրոն է բացվել: 
Վանաձորի Սուրբ Աստվածածին եկեղեցու երգչախմբում համալսարանական ուսանողներ ու շրջանավարտներ են: Նրանք այլևս չեն պատկերացնում իրենց կյանքն առանց հոգևոր երգեցողության:
Մակար Եկմալյանի «Երգեցողությունք Սրբո Պատարագի» մեծածավալ աշխատությունը համալրեց Հայաստանի ազգային գրադարանի գրական ֆոնդը:  
Միջազգային լրահոս. Իսպանիայում դիմակահանդեսի ընթացքում սրբապատկերներ են ծաղրվել: Լյուքսեմբուրգում դադարեցվել է Կրոնի պատմություն առարկայի դասավանդումը: Գերմանիայի կաթոլիկ եկեղեցիներում հաղորդություն ստանալ կկարողանան նաև բողոքականները: 99 տարեկանում վախճանվել է ավետարանական եկեղեցու ֆենոմենալ գործիչ Բիլլի Գրեհեմը:
 

Եկեղեցական կյանք 23.02.2018


Մայր Աթոռ Սուրբ Էջմիածնում աշխատանքն ավարտեց Գերագույն հոգևոր խորհրդի հերթական քառօրյա ժողովը: Ամփոփվեց անցած տարում կատարված աշխատանքն ու որոշակիացվեցին անելիքները:
Գերագույն հոգևոր խորհուրդը հանդես է եկել Պոլսի հայոց պատրիարքության վերջին շրջանի իրադարձություններին վերաբերող հայտարարությամբ:
Մեծ պահքի ամեն չորեքշաբթի և ուրբաթ եկեղեցում Արևագալի ժամերգություն է տեղի ուենում: Ի՞նչ է այն խորհրդանշում, ինչո՞ւ են հավատացյալներն այն ամենահոգեթովը համարում:
ՀՕՖ-ը հերթական դրամաշնորհները հանձնեց հայ գիտնականներին: Ներկայացված 250 հայտերից կֆինանսավորվի 27 գիտական նախագիծ:
«Վիկտորիա» միջազգային բարեգործական հիմնադրամի նախաձեռնությամբ լույս է տեսել «Դադիվանք. Վերածնված հրաշալիք» գիրքը:
Արմավիրի թեմի առաջնորդարանում կազմակերպել էր սեմինար Հայոց եկեղեցու պատմություն առարկան դասավանդող ուսուցիչների համար: 
 

Եկեղեցական կյանք 19.02.2018


ՀՀԿ նախագահի թեկնածու Արմեն Սարգսյանը հյուրընկալվել է Մայր Աթոռում և ստացել Գարեգին Բ Ամենայն հայոց կաթողիկոսի օրհնությունը:
Մեծ պահքի առաջին ժամերգությանը մասնակցել են «Էօրնեկյան» դպրոցի սաները, ստացել Հայոց հայրապետի օրհնությունն ու Մայրավանքում ընթերցել Ներսես Շնորհալու «Հավատով խոստովանիմ» աղոթքը: 
Մեծ պահքի երկրորդ կիրակին կոչվում է Արտաքսման՝ նկատի ունենալով Ադամի և Եվայի վտարումը դրախտից: Մայրավանքում մատուցված պատարագի ընթացքում մեծաթիվ հավատացյալներ հաղորդակից դարձան Արտաքսման կիրակիի խորհրդին:
Հայ եկեղեցին ամփոփեց Մեծ պահքի առաջին շաբաթը: Ո՞րն է Մեծ պահքի շաբաթներից յուրաքանչյուրի խորհուրդը. պարզաբանում է քահանան:
Միջազգային լուրեր. Եգիպտոսում եկեղեցի է կառուցվել ի հշատակ իսլամիստ ծայրահեղականների կողմից գլխատված 20 քրիստոնյա ղպտիների: Սաուդյան Արաբիայում հիմնահատակ քանդել են քրիստոնեական եկեղեցի, ծրագրում են վերացնել ևս 25 եկեղեցի: Կաթոլիկ եկեղեցին պաշտոնապես նոր հրաշք է ճանաչել: