Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Անկախության իրացում. տնտեսական կյանք. մաս 2-րդ


Ի՞նչ ենք ստեղծում և ի՞նչ ենք սպառում, որքանո՞վ ենք օգտագործում ստեղծելու հնարավորությունները տնտեսական կյանքում: Թեման քննարկում են Հայաստանի արդյունաբերողների և գործարարների միության նախագահ Արսեն Ղազարյանը և տնտեսական մեկնաբան Բաբկեն Թունյանը: Զրույցը վարում է Աննա Սարգսյանը:

Անկախության իրացում. պետական ինքնություն


Ինչպե՞ս է ընթանում ազգային-պետական ինքնության ձևավորումը մեզանում: 
Կարելի՞ է ասել, որ անկախությունը նաև ինքնության ճգնաժամ է: Քննարկում են հայագետ Նազենի Ղարիբյանը և ազգագրագետ Մխիթար Գաբրիելյանը: Զրույցը վարում է Աննա Սարգսյանը: 
 

Անկախության իրացում. տնտեսական կյանք


Ի՞նչ է փոխել անկախությունը մեր տնտեսակերպի մեջ գործնականում: Ի՞նչ ենք ստեղծում և ի՞նչ ենք սպառում: Թեման քննարկում են ազգագրագետ Սուրեն Հոբոսյանը և տնտեսագետ Բագրատ Ասատրյանը: Զրույցը վարում է Աննա Սարգսյանը:

Անկախության իրացում. հաղորդակցություն


Ի՞նչ կապեր է խզել անկախությունը հանրության ներսում և ի՞նչ կապեր է ստեղծել: Ի՞նչ լեզվով ու հաղորդակցական գործիքներով են միմյանց հետ խոսում պետությունն ու քաղաքացին: Քննարկում են մեդիա փորձագետներ Սամվել Մարտիրոսյանն ու Վահրամ Միրաքյանը: Զրույցը վարում է Աննա Սարգսյանը:

Անկախության իրացում. հռչակվածը՝ փաստացի


Ինչպե՞ս է դե յուրե անկախությունը վերածվում անկախության դե ֆակտո, հռչակվածը դառնում փաստացի: Եվ հակառակը՝ ինչպե՞ս է որակազրկվում, կոռումպացվում ձեռք բերված անկախությունը: Անկախության իրացում թեման քննարկում են կրթության փորձագետ Նվարդ Մանասյանը և արևելագետ Միքայել Հովհաննիսյանը: Զրույցը վարում է Աննա Սարգսյանը:

Անկախության իրացում. թարգմանական գրականություն


Ի՞նչ հնարավորություն է տվել անկախությունը թարգմանական գրականության զարգացման համար, ի՞նչ և ինչպե՞ս է թարգմանվում, ի՞նչ խնդիրներ ունեն մեր թարգմանիչներն այսօր: Թեման քննարկում են թարգմանիչ Նունե Թորոսյանը և արձակագիր, թարգմանիչ Դիանա Համբարձումյանը: Զրույցը վարում է Աննա Սարգսյանը:

Անկախության իրացում. լեզվական քաղաքականություն


Ի՞նչ բառապաշար է բերել և ինչ բառապաշար է ջնջել անկախությունը: Ի՞նչ են փոխել անկախության տարիները մեր լեզվամտածողության ու լեզվի կիրառման մեջ: Թեման քննարկում են բանասերներ Երազիկ Գրիգորյանն ու Արմեն Դավթյանը: Զրույցը վարում է Աննա Սարգսյանը:

Անկախության իրացում. արվեստ


Ի՞նչ տվեց անկախությունը արվեստին և արվեստագետին: Թեման քննարկում են արվեստաբան Լիլիթ Սարգսյանը և արվեստագետ Արման Գրիգորյանը: Զրույցը վարում է Աննա Սարգսյանը:

 

 

Անկախության իրացում. եկեղեցի


Ինքնուրույնության ու անկախության խնդիրը դարերի ընթացքում չի շրջանցել նաև եկեղեցուն: Ի՞նչ է անկախությունը եկեղեցու համար, ինչո՞ւ է Հայ եկեղեցին պայքարել իր անկախության համար: Թեման քննարկում են Մայր Աթոռի միջեկեղեցական հարաբերությունների գրասենյակի տնօրեն Շահե ծայրագույն վարդապետ Անանյանը և պատմական գիտությունների թեկնածու Վահե Թորոսյանը: Զրույցը վարում է Աննա Սարգսյանը:

 

 

Անկախության իրացում. հանրակրթություն


Որքանո՞վ է պետությունն ապահովում համաչափ զարգացում և որակյալ կրթության հնարավորություն բոլորի համար: Ո՞ւր է տանում էլիտարիզմը հանրակրթության համակարգում: Թեման քննարկում են կրթության փորձագետներ Լուսինե Ալեքսանյանը և Սերոբ Խաչատրյանը: Զրույցը վարում է Աննա Սարգսյանը: 

Անկախության իրացում. հետխորհրդային մարդը


Որքանո՞վ են կենսունակ «սովետները» մեր հանրային կյանքում, ինչպե՞ս է վերադիրքավորվում խորհրդային մարդը ինքնիշխան, անկախ երկրում: Ի՞նչ են հետխորհրդայինը և ապախորհրդայինը: Թեման քննարկում են հասարակագետ Ժաննա Անդրեասյանը և ազգագրագետ Գայանե Շագոյանը: Զրույցը վարում է Աննա Սարգսյանը: 

Անկախության իրացում. մշակույթ


Անկախության շրջանի մշակութային միջավայրի ու մշակութային հարաբերությունների խնդիրները վերլուծում են հայագետ Արշակ Բանուչյանը և գրականագետ, թարգմանիչ Աշոտ Ալեքսանյանը: Զրույցը վարում է Աննա Սարգսյանը: