Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Alt

Կոնֆլիկտ. խնդիր և հնարավորություն


Ի՞նչ է կոնֆլիկտը, ինչպե՞ս է իրավիճակը աշխտորոշվում որպես կոնֆլիկտային: Որքանո՞վ է կոնֆլիկտակայություն արդի հայ հասարակությունը: Կոնֆլիկտ. խնդիր և հնարավորություն» թեմայի շուրջ զրուցում են կոնֆլիկտաբան Արտակ Այունցը և քաղաքագետ Իրինա Ղափլանյանը: Զրույցը վարում է Աննա Սարգսյանը:

Alt

Կոնֆլիկտ և կրթություն


Ո՞րն է արդի կրթական համակարգի կոնֆլիկտը: Ինչպե՞ս է մեր կրթական համակարգը վերաբերվում կոնֆլիկտներին: Կրթության և կյանքի կոնֆլիկտների ու դրանց հնարավոր լուծումների մասին զրուցում են ազգագրագետ Սաթենիկ Մկրտչյանը և կրթության փորձագետ Սերոբ Խաչատրյանը: Զրույցը վարում է Աննա Սարգսյանը:

Alt

Կոնֆլիկտ և մեդիա


Մեդիան կոնֆլիկտի կենտրոնում է, մեդիան կոնֆլիկտը լուսաբանողն է, մեդիան ինքը երբեմն կոնֆլիկտ հրահրողն է, երբեմն էլ՝ կոնֆլիկտ լուծողը: Կոնֆլիկտ և մեդիա» թեմայի շուրջ զրուցում են Մեդիա նախաձեռնությունների կենտրոնի տնօրեն Նունե Սարգսյանը և
Եվրասիա-համագործակցություն» հիմնադրամի տնօրեն Գևորգ Տեր-Գաբրիելյանը: Զրույցը վարում է Աննա Սարգսյանը:

Alt

Կոնֆլիկտ և արվեստ


Կոնֆլիկտը ստեղծագործության ամենամեծ մոտիվատորն է՝ խթանիչը: Ինչպե՞ս է արվեստը վերաբերվում սոցիալական կոնֆլիկտներին, ի՞նչն է կոնֆլիկտային հենց արվեստում: Թեման քննարկում են Ժամանակակից արվեստի ինստիտուտի տնօրեն, արվեստաբան Նազարեթ Կարոյանը և նկարիչ Ստեփան Վերանյանը: Զրույցը վարում է Աննա Սարգսյանը:

Alt

Առաջին հանարպետություն. պատմության վերաիմաստավորման փորձ


Ի՞նչ պայմաններում հռչակվեց Հայաստանի առաջին հանրապետությունը: Արտաքին ու ներքին ի՞նչ գործոններ նպաստեցին պետության կործանմանը: Արդյո՞ք բոլշևիկյան Կարմիր բանակը փրկեց Հայաստանը: Խորհրդային և արդի պատմագիտության հակասությունները վերլուծում են Մոդուս վիվենդի» վերլուծական կենտրոնի ղեկավար Արա Պապյանը և պատմ. գիտ. դոկտոր Հարություն Մարությանը:
Զրույցը վարում է Աննա Սարգսյանը:

Alt

Քաղաքակրթություններ և կայսրություններ. մաս 6-րդ


Ազգային-պետական ո՞ր հատկանիշերն են ստեղծում քաղաքակրթություններ: Ո՞ր քաղաքակրթություններ են կարողանում ստեղծել կայսրություններ: Ինչպե՞ս օգտագործել քաղաքակրթական բարիքը և կուլ չգնալ մեծապետական շահերին: Քաղաքակրթություններ և կայսրություններ» թեմայի շրջանակում զրուցում են ազգագրագետ, մշակութաբան Նիկոլ Մարգարյանը և բանասիրական գիտ. դոկտոր Արմեն Պետրոսյանը: Զրույցը վարում է Աննա Սարգսյանը:

Alt

Ընտանիք. խնդիրներ և ձևափոխումներ


Մայիսի 15-ը ՄԱԿ-ը հռչակում է ընտանիքնի միջազգային օր: Դրա նպատակը առաջին հերթին ընտանիքի խնդիրների վրա միջազգային հանրության ուշադրության բևեռումն է: Ի՞նչ խնդիրներ կարող ենք առանձնացնել մենք ընտանիքի՝ որպես ինստիտուտի և որպես կենսամիջավայրի գործունեության վերաբերյալ: Թեման քննարկում են ազգագրագետ Ռուզաննա Ծատուրյանը և հոգեբան Խաչատուր Գասպարյանը:
Զրույցը վարում է Աննա Սարգսյանը:

Alt

Ազատամարտի գրականություն


Ի՞նչ մեկնաբանություն է ստացել արցախյան ազատամարտն ու հաղթանակը մեր գրական տեքստերում: Ո՞վ է հետանկախության շրջանի մեր գրական հերոսը՝ հաղթության ոգին կրող ազատամարտիկը, թե՞ պատերազմի ու անարդարության ծանր կացության մեջ տառապող մարդը: Թեման քննարկում են արձակագիր Հովհաննես Երանյանը և գրականագետ Արքմենիկ Նիկողոսյանը: Զրույցը վարում է Աննա Սարգսյանը:

Alt

Աշխատանքի իմաստավորումը ազգային-պետական մշակույթում


Աշխատանքով պայմանավորված անհատի ստեղծագործական երջանկության և ազնիվ վաստակի գաղափարի դեֆիցիտը առկա է անգամ աշխատանքային պատշաճ օրենսդրություն ունեցող հասարակություններում:
Ինչպե՞ս է իմաստավորվում աշխատանքը մեր ազգային-պետական մշակությում և ի՞նչ է հավելում դրան քրիստոնեական էթիկան: Թեման քննարկում են Տ. Բագրատ եպիսկոպոս Գալստանյանը և փիլ. գիտ. թեկնածու, կրթության փորձագետ Սերոբ Խաչատրյանը:
Զրույցը վարում է Աննա Սարգսյանը:

Alt

Հայոց ցեղասպանություն. ճանաչում և հատուցում


Օսմանյան Թուրքիայի տարածքում՝ պատմական Հայաստանում ապրող հայ ժողովրդի զանգվածային բնաջնջումը 20-րդ դարի առաջին ցեղասպանությունն էր: Որքան էլ 1915թ. Մեծ եղեռնը վավերագրերի ու ապացույցների պակաս չունի, որքան էլ ակնհայտ է հայոց ցեղասպանության ազդեցությունը աշխարհի քաղաքական ու բարոյական պատկերի վրա, այնուհանդերձ, հայ ժողովրդի պայքարը ցեղասպանության ճանաչման և հատուցման համար շարունակվում է: Թեման քննարկում են ԳԱԱ պատմության ինստիտուտի տնօրեն Աշոտ Մելքոնյանը և պատմ. գիտ. դոկտոր Արսեն Ավագյանը: Զրույցը վարում է Աննա Սարգսյանը:

Alt

Խոստովանություն և հաշտություն


Խոստովանությունն ու հաշտությունը քրիստոնեական հավատքի առանցքային երևույթներ են: Դրանք էականորեն ներծծված են քրիստոնեական մշակույթի մեջ: Ժամանակի ընթացքում խոստովանության և հաշտության ֆենոմենը սկսեց կարգավորիչ դեր խաղալ նաև միջանձնային հարաբերություններում՝ դառնալով սոցիալական հարաբերությունների նորմ: Ինչու՞ է անհատական հոգևոր կյանքը ենթադրում խոստովանության ակտը և ինչպե՞ս է այն աշխատում որպես հասարակական կյանքի կարգավորման մեխանիզմ: Թեմայի շուրջ զրուցում են Հայաստանի Աստվածաշնչային ընկերության ծրագրերի տնօրեն Արշավիր Գաբուճյանը և իրավաբան, նախկին դատավոր Պարգև Օհանյանը: Զրույցը վարում է Աննա Սարգսյանը:

Alt

Քաղաքակրթություններ և կայսրություններ. մաս 5-րդ


Քաղաքակրթական համակարգում ներգրավվելը կամ պարզապես քաղաքակիրթ լինելը ընկալվում է դրական և զարգամանը միտված երևույթ: Մինչև այն պահը, երբ հայտնվում է քաղաքակրթության քաղաքական սուբյեկտը՝ կայսրությունը, որի կենսունակության գլխավոր երաշխիքը իշխանության գերկենտրոնացումն ու կյանքի ստանդարտացումն է: Քաղաքակրթություններ, կայսրություններ» թեմայի շրջանակում զրուցում են քաղաքագետ Աղասի Ենոքյանն ու արևելագետ Միքայել Հովհաննիսյանը:
Զրույցը վարում է Աննա Սարգսյանը: