Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Alt

Պետություն և լեզու. մաս 6-րդ


Անկախության 22-րդ տարում մեզանում շրջանառվում է կարծիք, որ հայերենը փակուղում է: Ինչու՞ է լեզուն հայտնվել այս կարգի քննարկումների դաշտում: Ի՞նչ փակուղի է դա՝ քաղաքական, սոցիալական, թե՞ արժեբանական: Թեման քննարկում են արձակագիր Հովհաննես Երանյանը և բանասեր Լևոն Գալստյանը: Զրույցը վարում է Աննա Սարգսյանը:

Alt

Պետություն և լեզու, մաս 5-րդ


Լեզվի մասին տարածված կարծիք կա, որ այն, որպես անհատական և ազգային ինքություն խորքային բաղադրիչ, նպաստում է ազգային պետության կայացմանը: Իսկ ինչպե՞ս է պետությու՛նն ազդում լեզվի զագացման և կարգավիճակի վրա: Թեման քննարկում են բանասիրական գիտ. դոկտոր Արմեն Պետրոսյանը և պատմական գիտ. դոկտոր, մշակութաբան Համլետ Պետրոսյանը: Զրույցը վարում է Աննա Սարգսյանը:

Alt

Պետություն և լեզու, մաս 4-րդ


Պատմաբան Գևորգ Յազըճյանը և համակարգչային տառաստեղծ Ռուբեն Թառումյանը պետական լեզվի նկատմամբ վերաբերմունքն ուղղակիորեն կապում են ազգային ինքնության և ինքնագիտակցության հետ: Այլ երկրների կողմից իրականացվող լեզվական ու մշակութային ագրեսիան զրուցակիցները համարում են ոտնձգություն ՀՀ պետական անվտանգության նկատամամբ:
Զրույցը վարում է Աննա Սարգսյանը:

Alt

Պետություն և լեզու, մաս 3-րդ


ԳԱԱ Պատմության ինստիտուտի տնօրեն Աշոտ Մելքոնյանը և ԳԱԱ Լեզվի ինստիտուտի տնօրեն Վիկտոր Կատվալյանը վստահ են, որ հայերենը կարգավիճակ ունեցող միակ լեզուն պետք է լինի ՀՀ-ում: Այլ լեզվի կարգավիճակ տալը անհիմն է և անհեռանկար:
Զրույցը վարում է Աննա Սարգսյանը:

Alt

Պետություն և լեզու, մաս 2-րդ


Լեզուն պետական անվտանգության և ինքնիշխանության երաշխիք թեմայով զրուցում են բանաստեղծ, թարգմանիչ Գևորգ Գիլանցը և լրագրող Արմեն Հովհաննիսյանը: Զրույցը վարում է Աննա Սարգսյանը:

Alt

Պետություն և լեզու


Ինչու՞ է Սահմանադրությունը ամրագրում երկրի պետական լեզուն, պարտադի՞ր է պետական և մայրենի լեզուների նույնությունը, ինչու՞ է լեզվի կորուստն ընկալվում որպես պետականության կորուստ: Պետական լեզվի գործառույթների մասին են զրուցում ԳԱԱ թղթակից անդամ Հենրիկ Հովհաննիսյանը և բանասիրական գիտությունների թեկնածու, դոցենտ Դավիթ Գյուլզադյանը: Զրույցը վարում է Աննա Սարգսյանը:

Alt

Կամք, ինքնուրույնություն և կրթություն


Ո՞րն է կամքի ուժի և ազատ ստեղծագործականության միջև կապը, ինչպե՞ս կարող են դրանք ազդել ուսումնառության և ինքնակազմակերպման վրա: Որքանո՞վ են գործում այդ արժեքները մեր կրթական համակարգում: Կրություն և իրականություն» թեմայի շրջանակում զրուցում են ազգագրագետ, հասարակագետ Սաթենիկ Մկրտչյանը և մշակութային մարդաբան Տիգրան Մաթոսյանը: Զրույցը վարում է Աննա Սարգսյանը:

Alt

Մեդիա կրթություն


Ի՞նչ է մեդիա կրթությունը: Ինչպե՞ս կողմնորոշվել ինֆորմացիոն հոսքերում, ինչպե՞ս ստուգել տեղեկատվությունը: Որքանո՞վ է մեդիա կրթությունը ներդրված արդի կրթական համակարգում: Թեման քննարկում են ԵՊԼՀ միջազգային լրագրության գիտա-ուսումնական կենտրոնի ղեկավար Տատյանա Հովհաննիսյանը և Մեդիա նախաձեռնությունների (նախկին Ինտերնյուս) կենտրոնի արտադրության բաժնի ղեկավար Հարություն Մանսուրյանը: Զրույցը վարում է Աննա Սարգսյանը:

Alt

Կրթություն և ինքնավարություն


Եթե կրթական համակարգը պետական կառավարման համակարգի մաս է, և եթե ԲՈՒՀ-ն էլ կրթական համակարգի մաս է, ապա ինչ է նշանակում ԲՈՒՀ-ի ինքնավարություն: Ո՞րն է դրա նպատակը: Ուսանողը, որպես կրթության սուբյեկտ, կարո՞ղ է նպաստել բուհական ինքնավարության ձևավորմանը: Թեման քննարկում են բարձրագույն կրթության փորձագետ Նվարդ Մանասյանը և Մարդու իրավունքներ, ժողովրդավարության ինստիտուտի փոխնախագահ Գոռ Հակոբյանը:
Զրույցը վարում է Աննա Սարգսյանը:

Alt

Կրթություն և թարգմանություն


Ինչու՞ է թարգմանությունը համարվում կրթության կարևոր գործիք: Որքանո՞վ ենք մենք շարունակում 5-րդ դարում ստեղծված հայ թարգմանական դպրոցի գործունեությունը: Ի՞նչ ենք թարգմանում և ինչու: Սարգիս Խաչենց» հրատարակչության գլխ. խմբագիր Սերգեյ Խաչիկօղլյանը և փիլ. գիտ. թեկնածու, Բրյուսովի անվան լեզվաբանական համալսարանի դասախոս Հակոբ Մադոյանը վերլուծում են կրթության և թարգմանության փոխառնչության թեման: Զրույցը վարում է Աննա Սարգսյանը:

Alt

Կրթության մոդելներ


Կրթության փորձագետ Ռուբեն Տերտերյանը և ԵՊՀ դասախոս Արա Աթայանը վերլուծում են կրթության հաջողված մոդելների և դրանց տեղայնացման թեման: Ինչու՞ է ֆիննական կրթական մոդելը համարվում ամենահաջողվածն աշխարհում, ի՞նչ ճգնաժամ է ապրում ամերիկյան մոդելը, ի՞նչ մոդել կարող ենք ստեղծել մենք:
Զրույցը վարում է Աննա Սարգսյանը:

Alt

Կրթության և կյանքի կապը


Ինչպե՞ս է իրականությունն իր լավ և վատ կողմերով ազդում կրթության նպատակների և որակի վրա: Ինչպե՞ս կարող է կրթությու'նն ազդել կյանքի որակի վրա, ձևավորել իրականություն: Թեման քննարկում են մեծահասակների կրթության և վերապատրաստման մասնագետ Լուսինե Խառատյանը և բարձրագույն կրթության փորձագետ Սամվել Կարաբեկյանը: Զրույցը վարում է Աննա Սարգսյանը: