Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Անկախության իրացում. օրենք և իրավունք


Ի՞նչ է իրավական պետությունը: Ո՞րն է օրենքի գերակայությունը: Ինչո՞ւ է ազատ և թափանցիկ ընտրության իրավունքը համարվում հիմնարար: Իրացնո՞ւմ է այսօր ՀՀ քաղաքացին իր այդ իրավունքը: Թեման քննարկում են իրավապաշտպան Արտակ Զեյնալյանը և փաստաբան Տիգրան Եգորյանը: Զրույցը վարում է Աննա Սարգսյանը: 

Անկախության իրացում. ճարտարապետություն և քաղաքաշինություն


Ի՞նչ ուղերձ է պարունակում անկախության շրջանի ճարտարապետությունը: Ի՞նչ արժեքներ են իրացվում արդի ճարտարապետության և քաղաքաշինության մեջ: Թեման քննարկում են ճարտարապետ Գարեգին Եղոյանը և քաղաքաշինարար Սարհատ Պետրոսյանը: Զրույցը վարում է Աննա Սարգսյանը: 

Անկախության իրացում. կոնֆլիկտ և անվտանգություն


Անկախությունը դա նաև սեփական իրավունքների ճանաչմանը հասնելն է, սեփական տարածքի սահմանների գծումը: Այս գործընթացները ենթադրում են կոնֆլիկտներ: Կոնֆլիկտներն իրենց հերթին սրում են անվտանգության խնդիրը: Ինչպե՞ս ենք այսօր նայում Ղարաբաղյան կոնֆլիկտի հաղթահարմանը և անվտանգության ի՞նչ երաշխիքներ ենք փնտրում: Թեման քննարկում են քաղաքագետ Ալեն Ղևոնդյանը և կոնֆլիկտաբան Արտակ Այունցը: Զրույցը վարում է Աննա Սարգսյանը: 

Անկախության իրացում. միտք և կազմակերպում


Ինպե՞ս է ձևավորվում անկախության հասնելու հավաքական ձգտումը: Ինչո՞ւ է դժվարանում մեր անկախ պետության արդյունավետ կազմակերպումը և զարգացումը, մտածողության և արժեբանական ի՞նչ խնդիրների հետ է դա կապված: Քննարկում են փիլիսոփայական գիտությունների թեկնածուներ Հենրիկ Գրիգորյանը և Կարինե Յարալյանը: Զրույցը վարում է Աննա Սարգսյանը: 

Անկախության իրացում. լեզու


Անկախության իրացում թեմայի շրջանակում լեզվի դերի մասին զրուցում են լեզվաբան Դավիթ Գյուրջինյանը և բանաստեղծ, թարգմանիչ Գևորգ Գիլանցը: Ինչպե՞ս է պետական լեզուն ծառայում անկախության հաստատմանը: Մյուս կողմից՝ ինչպե՞ս է անկախ պետությունը ծառայում լեզվի զարգացմանը: Զրույցը վարում է Աննա Սարգսյանը: 

Անկախության իրացում. սովորել լինել անկախ


Ինչպե՞ս սովորել լինել անկախ: Ի՞նչ պատկերացումներ ունեինք անկախության մասին 1990-ականներին, ինչպե՞ս ենք նայում դրան այսօր: Քննարկում են ազգագրագետներ Լուսինե Խառատյանը և Արսեն Հակոբյանը: Զրույցը վարում է Աննա Սարգսյանը: 

Անկախության իրացում. հանրակրթություն


Հանրակրթության բովանդակությունից և կազմակերպումից միանշանակ երևու՞մ է, որ մենք ունենք անկախ, ինքնիշխան, ժողովրդավարական և սոցիալական պետության դպրոց: Թեման քննարկում են մշակութային մարդաբան Սաթենիկ Մկրտչյանը և ուսուցիչ Արսեն Վարդանյանը: Զրույցը վարում է Աննա Սարգսյանը:

Անկախության իրացում. փոփոխությունների սպասումը


Անկախությունը՝ որպես նոր կապերի, նոր գաղափարների ու նոր կենսակերպի իրացում թեման քննարկում են արձակագիր, լրագրող Մեսրոպ Հարությունյանը և «Գրական տապան» փառատոնի կազմակերպիչ Դավիթ Մաթևոսյանը: Զրույցը վարում է Աննա Սարգսյանը: 

Անկախության իրացում. արտագաղթ


Հայաստանի անվտանգության թիվ մեկ սպառնալիքը արտագաղթն է. այս միտքը վերջին տարիներին չեն կարողանում շրջանցել ոչ մամուլը, ոչ վերլուծաբանները, ոչ էլ նույնիսկ էլիտան: Բայց առաջին հերթին արտագաղթի միտքը չի կարողանում շրջանցել ՀՀ քաղաքացին ամենօրյա կյանքում: «Անի» հայկական ուսումնասիրությունների կենտրնի տվյալներով Հայաստանից միջին հաշվով ամեն օր 100 մարդ հեռանում է: Արտագաղթի հիմնական պատճառը քաղաքակա՞ն է, թե՞ մշակութային: Արդյո՞ք իրականում մենք այդքան հեշտ արտագաղթող ազգ ենք: Քննարկում են մշակութային մարդաբան Աղասի Թադևոսյանը և քաղաքագետ Արմեն Ղազարյանը: Զրույցը վարում է Աննա Սարգսյանը: 

Անկախության իրացում. ինքնորոշում


Իրավապաշտպաններ Արտակ Կիրակոսյանը և Վարդան Հարությունյանը քննարկում են ինքնորոշման իրավունքի արտահայտման հիմնախնդիրները անկախության 25 տարիների ընթացքում: Զրույցը վարում է Աննա Սարգսյանը: 

Անկախության իրացում


Անկախությունը կարգավիճակ է, թե՞ ապրելու ձև, միգուցե ավելի՞ն՝ բարեկեցիկ ապրելու հնարավորություն: Ո՞վ պետք է իրագործի հռչակված անկախությունը՝ ամեն ոք ամեն օր, օրվա իշխանությունը, թե՞ վերպետական որևէ համակարգ, երաշխավոր: Թեման քննարկում են մշակութաբան Նիկոլ Մարգարյանը և  վերլուծաբան Հայկ Բալանյանը:

Անկախության իրացում. կրթություն


Հայաստանի անկախության մասին հանրության մեջ տարածված երկու հիմնական ու հակասական կարծիք կա՝ մենք անկախություն ձեռք ենք բերել մեզանից անկախ հանգամանքների բերումով և՝ մենք անկախությունը վաստակել ենք մեր տևական ձգտումների և ջանքերի շնորհիվ: Որ կարծիքն էլ, որ գերակա և ճշմարտացի լինի, ակնհայտ է, որ փաստացի անկախ լինելու համար անհատը պետք է այն իրացնելու հնարավորություն ունենա առօրյայում: Իսկ միգուցե անկախությունը մի բան է, որ հռչակելուց հետո էլ հանապազօրյա հացի պես պետք է վաստակել ամեն օր: Իսկ վաստակելու համար մարդը որպես կանոն սովորում է: Անկախության իրացում թեմայի շրջանակում կրթության մասին են