Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Հանրային կարծիք և հեռուստատեսություն


Ի՞նչ է ակնկալում այսօր հանրությունը հեռուստաեթերից, որքանո՞վ է հեռուսատատեսությունը բավարարում հանրային պահանջները: Ի՞նչ խնդիրների առջև է հեռուստատեսությունը մեդիայի զարգացման արդի փուլում: Թեման քննարկում են Մեդիա նախաձեռնությունների կենտրոնի տնօրեն Նունե Սարգսյանը և լրագրող Հարություն Հարությունյանին:

Հանրային կարծիք և բռնություն


Ի՞նչ ընկալում ունի հանրության մեծամասնությունը բռնության հանդեպ, ի՞նչ կապ կա բռնության, պատժի և ուժի միջև: Թեման քննարկում են Ռազմավարական և ազգային հետազոտությունների հայկական կենտրոնի տնօրեն, քաղաքագետ Մանվել Սարգսյանը և ազգագրագետ Մխիթար Գաբրիելյանը և: Զրույցը վարում է Աննա Սարգսյանը:

Հանրային կարծիք և երիտասարդություն


Ինչպե՞ս են երիտասարդներն ու նրանց պահանջներն ազդում հանրային կարծիքի ձևավորման վրա: Ի՞նչ է պարտադրում այսօր հանրային կարծիքը երիտասարդներին՝ կյանքի նորմերից մինչև անհատական կարողությունների դրսևորման ձևեր: Թեման քննարկում են մշակութաբան Լևոն Մարգարյանը և ԵՊՀ դասախոս, արևելագետ Արայիկ Հարությունյանը: Զրույցը վարում է Աննա Սարգսյանը:

Հանրային կարծիք և երեխա


Երեխան ամենաշատ կարծիքներ լսող և կարծիք հայտնելու ամենաքիչ հնարավորություն ունեցող մարդն է: Ե՞րբ են մեծահասակները լսում երեխայի կարծիքը, խրախուսվո՞ւմ է երեխայի՝ կարծիք կազմելու և արտահայտելու կարողությունը կրթական համակարգում: Թեման քննարկում են հոգեբան Անուշ Ալեքսանյանը և փիլիսոփայական գիտությունների թեկնածու Սերոբ Խաչատրյանը: Զրույցը վարում է Աննա Սարգսյանը: 

Հանրային կարծիք և հանրային տարածք


Հանրային տարածքն այսօր արդեն երկու չափում ունի՝ ֆիզիկական և վիրտուալ: 
Ի՞նչ է ենթադրում հանրային տարածքը, ինչո՞ւ է այն հակադրվում պետականի ու մասնավորի հետ: Թեման քննարկում են ճարտարապետ Արսեն Կարապետյանը և արվեստագետ Արման Գրիգորյանը: Զրույցը վարում է Աննա Սարգսյանը:
 

Հանրային կարծիք և պատմություն


Ի՞նչ է այսօր մեր հանրությունն ուզում լսել սեփական պատմության մասին: Ինչպե՞ս է ազդում հանրային կարծիքը պատմագիտության և պատմական դեպքերի մեկնաբանությունների վրա: Թեման քննարկում են պատմական գիտությունների դոկտոր Համլետ Պետրոսյանը և բանասիրական գիտությունների դոկտոր Արմեն Պետրոսյանը: Զրույցը վարում է Աննա Սարգսյանը:

Հանրային կարծիք և արդարադատություն


Ինչպե՞ս է հանրության մեջ կարծիք ձևավորվում սեփական իրավունքների և այդ իրավունքների երաշխավոր ինստիտուտների մասին: Ազդո՞ւմ է, մյուս կողմից, հանրային կարծիքն այդ ինստիտուտների, մասնավորապես, արդարադատության համակարգի գործունեության վրա: Թեման քննարկում են փաստաբան Տիգրան Եգորյանը և իրավապաշտպան Վարդան Հարությունյանը: Զրույցը վարում է Աննա Սարգսյանը:

Հանրային կարծիք և արվեստ


Որքանո՞վ է արվեստի ստեղծագործության գնահատականը պայմանավորված հանրային վերաբերմունքով: Որքանո՞վ է հանրային պահանջմունքը ազդում արվեստի որևէ բնագավառի, որևէ ստեղածգործության տարածման, զարգացման կամ մերժման վրա: Թեման քննարկում են ԳԱԱ թղթակից անդամ, արվեստագիտության դոկտոր Հենրիկ Հովհաննիսյանը և երաժշտագետ Մհեր Նավոյանը: Զրույցը վարում է Աննա Սարգսյանը:

Alt

Հանրային կարծիք և սոցիալական նորմեր


Փիլիսոփայական գիտությունների թեկնածու Հենրիկ Գրիգորյանը և մշակութային մարդաբան Աղասի Թադևոսյանը վերլուծում են հանրային կարծիքի ազդեցության մեխանիզմները սոցիալական վարքի նորմերի վրա: Ինչպե՞ս է հանրային կարծիքը ձևավորում սոցիալական վարքի նորմեր: Ինչո՞ւ և ինչպե՞ս են փոխվում կարծիքները հասարակության մեջ: Զրույցը վարում է Աննա Սարգսյանը:

Alt

Հանրային կարծիք և կարծրատիպեր


Ե՞րբ են նույնանում հանրային կարծիքն ու կարծրատիպերը: Ինչպե՞ս են փոխվում այդ կարծրատիպերը: Թեման քննարկում են ազգագրագետ, մշակութաբան Նիկոլ Մարգարյանը և արձակագիր, հրապարակախոս Գևորգ Տեր-Գաբրիելյանը: Զրույցը վարում է Աննա Սարգսյանը:

Alt

Հանրային կարծիք և քաղաքական օրակարգ


Որքանո՞վ է ազդում հանրային կարծիքը քաղաքական օրակարգի ձևավորման և կյանքի որակի բարելավման վրա: Ե՞րբ է հանրային կարծիքը առաջընթաց ապահովում: Թեման քննարկում են մեդիա կառավարման փորձագետ Տիգրան Հակոբյանը և Անալիտիկոն» ամսագրի գլխավոր խմբագիր Գեղամ Բաղդասարյանը: Զրույցը վարում է Աննա Սարգսյանը:

Alt

Հանրային կարծիք և լեզու


Ո՞րն է քաղաքական հրապարակախոսության լեզուն, ինչպե՞ս է այն ազդում հանրային կարծիքի վրա: Թեման քննարկում են բանաստեղծ Արմեն Դավթյանը և արձակագիր Մեսրոպ Հարությունյանը: Զրույցը վարում է Աննա Սարգսյանը: