Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Alt

Ամբողջատիրական համակարգը և մարդը. Լեզու և գրականություն


Ինչպե՞ս է ձևափոխվում տոտալիտար համակարգում գրական տեքստի լեզուն, ինչպե՞ս է ընթանում, առհասարակ, լեզվի զարգացման գործընթացը ամբողջատիրական ռեժիմի պայմաններում և հետամբողջատիրության շրջանում: Թեման քննարկում են բանաստեղծ Արմեն Դավթյանը և արձակագիր Հովհաննես Երանյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Դասագիրք և կրթություն


Ի՞նչ դեր է կատարում դասագիրքը ամբողջատիրական համակարգում, ի՞նչ սկզբունքներով է կազմվում: Ինչու՞ է այսօր հրապուրիչ թվում ոչ դասագրքային կրթությունը: Թեման քննարկում են լեզվաբան Դավիթ Գյուրջինյանը և քաղաքագետ Նվարդ Մանասյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Գրականություն և գրաքննություն


Գրականություն և գրաքննություն երևույթներն անբաժանելի են, երբ խոսվում է տոտալիտարիզմից: Ի՞նչ դեր է վերապահվում գրականությանն ու գրողին տոտալիտար համակարգում, ինչպե՞ս է խմբագրվում գրական տեքստը: Թեման քննարկում են արձակագիր, սցենարիստ Վահրամ Մարտիրոսյանը և Անտարես» հոլդինգի ղեկավար Արմեն Մարտիրոսյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Պատմության դասագիրք


Հայտնի է, որ պատմության դասագիրքը համակարգի գաղափարախոսությունը տեղ հասցնելու լավագույն գործիքներից է: Ինչպե՞ս է ընթերցվում պատմությունը ամբողջատիրակա՛ն համակարգում, ինչպե՞ս է խմբագրվում և հանուն ինչի: Թեման քննարկում են պատմաբաններ Պետրոս Հովհաննիսյանը և Արտակ Գնունին: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Ազգային ինքնություն


Ձևով ազգային, բովանդակությամբ սոցիալիստական. սա խորհրդային ամբողջատիրության պարտադրանքն էր համակարգի և ազգայինի փոխհարաբերության վերաբերյալ: Ի՞նչ էր սա նշանակում ազգային ինքնության համար: Ինչպե՞ս տրանսֆորմացվեց մեր ազգային ինքնությունը ամբողջատիրության և հետամբողջատիրության շրջանում: Թեման քննարկում են ազգագրագետ Մխիթար Գաբրիելյանը և Տարածաշրջանային հետազոտությունների կենտրոնի փորձագետ Հայկակ Արշամյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Ինքնահրատ


Այսօր, երբ նույնիսկ անչափահաս մարդն իր մեդիան ունի, ինքնահրատը՝ սամիզդատը դժվար պատկերացնելի է թվում: Ի՞նչ սողանցք էր սա, որով մարդկային միքտն ու կամքը ճեղքում էին ամբողջատիրական համակարգի բռնության պատը: Թեման քննարկում են խորհրդային տարիների քաղբանտարկյալ Ազատ Արշակյանը և լրագրող Արման Գալոյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Մեդիա


Մեդիան պետք է տեղեկացնի, ապահովի ժամանց և կրթություն: Սա այսօրվա մեդիայի գործառույթների դասական ձևակերպումն է: Իսկ ի՞նչ գործառույթ է իրականացնում մեդիան ամբողջատիրական համակարգում: Ինչու՞ և ինչպե՞ս պետք է առողջացնել մեդիան հետամբողջատիրական երկրում: Թեման քննարկում են լրագրող Մեսրոպ Հարությունյանը և Անալիտիկոն» ամսագրի գլխավոր խմբագիր Գեղամ Բաղդասարյանը: Զրույցը վարում է Աննա Սարգսյանը:

Alt

Գրականությունը՝ սոցիալական համերաշխության գործոն


Թարգմանիչ Սամվել Մկրտչյանը և գրող, թարգմանիչ Հակոբ Մովսեսը վերլուծում են գրականության՝ որպես սոցիալական համերաշխության, մարդու ինքնաճանաչման և ինքնամաքրման գործոնի թեման: Կարո՞ղ է արդյոք մեր մշակույթն այսօր ստեղծել ու պահել պետություն: 
Զրույցը վարում է Աննա Սարգսյանը:

 

Alt

Ամբողջատիրական համակարգը և մարդը. Կրթություն


Ինչի՞ն է ծառայում կրթությունը ամբողջատիրական համակարգում, ինչպե՞ս առողջացնել կրթական համակարգը հետամոբղջատիրության ժամանակաշրջանում: Թեման քննարկում են Դի-Վի-Վի ինթերնեյշնալ գերմանական կազմակերպության հայաստանյան գարսենյակի տնօրեն Լուսինե Խառատյանը և հասարակագետ Սաթենիկ Մկրտչյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Ճարտարապետություն


Ասում են՝ փոքրը գեղեցիկ է, բայց մեծը՝ վսեմ: Կարելի՞ է սա համարել ամբողջատիրական համակարգի ճարտարապետության բնաբանը: Ի՞նչ առանձնահտկություններ ուներ տարածքի կազմակերպումը Խորհրդային Միությունում և Ֆաշիստական Իտալիայում: Թեման քննարկում են արվեստի քննադատ, համադրող Ռուբեն Արևշատյանը և ճարտարապետ, քաղաքաշինարար Սարհատ Պետրոսյանը: Զրույցը վարում է Աննա Սարգսյանը:

Alt

Ամբողջատիրական համակարգը և մարդը. Այլախոհություն


Ի՞նչ է այլախոհությունը՝ սոցիալական կարգավիճակ, հանրային պիտակու՞մ, թե՞ մտածելու և կարծիք հայտնելու բնական իրավունքի դրսևորում: Ո՞րն էր խորհրդային շրջանի այլախոհության առանձնահատկությունը: Թեման քննարկում են 
մշակութաբան Նիկոլ Մարգարյանը և իրավապաշտպան Վարդան Հարությունյանը: Զրույցը վարում է Աննա Սարգսյանը:

 

Alt

Ամբողջատիրական համակարգը և մարդը


Ո՞րն է ամբողջատիրական՝ տոտալիտար համակարգը, ինչպե՞ս է սահմանվում այն: Ինչու՞ են ամբողջատիրական համակարգերը համարվում անարադյունավետ: Թեման քննարկում են պատմական գիտությունների դոկտոր Հարություն Մարությանը և պատմական գիտությունների թեկնածու Գայանե Շագոյանը: Զրույցը վարում է Աննա Սարգսյանը: