Աստուած ասաց. «Մարդ ստեղծենք մեր կերպարանքով ու նմանութեամբ, նա թող իշխի ծովի ձկների, երկնքի թռչունների, ողջ երկրի անասունների եւ երկրի վրայ սողացող բոլոր սողունների վրայ»:  Աստուած տեսաւ, որ այն ամէնը, ինչ ստեղծել էր, շատ լաւ է։ Եւ եղաւ երեկոյ, եւ եղաւ առաւօտ՝ օր վեցերորդ։
«Օր 6-րդ» հաղորդաշարի հեղինակը և վարողը հոգևորական է: Նրան հետաքրքիր է ժամանակակից հայ մարդու վերաբերմունքը կյանքի, քրիստոնեական բարոյականության, համամարդկային արժեքների նկատմամբ: Տաղավարի հյուրերը արվեստի, գիտության, քաղաքականության, տնտեսության, կրթության ու մեդիայի ոլորտի մարդիկ են, ովքեր նախանձախնդիր են Հայ եկեղեցու, քրիստոնեական հավատքի նկատմամբ և  հասարակական կյանքի կազմակերպման բարդ ու խնդրահարույց հարցերի մասին իրենց մտահոգությունները կիսում են հյուրընկալ հոգևորականի հետ: 
 
Պարբերականությունը՝  ամեն շաբաթ օր, ժամը 22:00-ին
Կրկնությունը` երկուշաբթի օրը, ժամը 13:30-ին

Alt

Հարություն Խաչատրյան


Շուտով կմեկնարկի հոբելյանական 10-րդ Ոսկե ծիրան» կինոփառատոնը: Կինոռեժիսոր, կինոփառատոնի տնօրեն Հարություն Խաչատրյանը վստահ է, որ Ոսկե Ծիրանի» միջոցով հերթական անգամ հնարավորություն կունենանք պատմելու մեր մասին, հրավիրելու տարբեր մարդկանց և ներկայանալու աշխարհին: Փառատոնը հրաշալի առիթ է նաև ծանոթանալու համաշխարհային կինոյին: Տ. Ռուբեն աբեղա Զարգարյանի հետ զրույցում կինոռեժիսորն անդրադարձավ նաև Հայաստանում կինոարտադրության զարգացման հեռանկարներին, մեր մշակութային սահմանները պահապնելու հարցում կինոյի ունեցած դերին:

Alt

Պարգև Օհանյան


Եթե մարդն արդարամիտ չէ, դատապարտված է: Իրավագիտության թեկնածու, նախկին դատավոր Պարգև Օհանյանն այս կարծքին բոլորովին վերջերս է հանգել: Կարծում է` նախևռաջ դատավորը պիտի առքինի լինի: Դրա շնորհիվ միայն կվերականգնվի հասարակության վստահությունն ու սերը դատաիրավական համակարգի նկատմամբ, կկանխվեն ցավալի միջադեպերը, որոնց թիվը գնալով մեծանում է: Ռուբեն աբեղա Զարգարյանի հետ նրանք անդրադարձան նաև ՀՀ-ում քրեակատարողական հիմնարկների առաքելությանը, հատկապես դատապարտյալին վերափոխելու և օգնելու` մեզանում քիչ քննարկվող խնդրին:

Alt

Գագիկ Գինոսյան


Կարին» ավանդական երգի-պարի խմբի գեղ. ղեկավար, մշակութաբան Գագիկ Գինոսյանը վստահ է, որ ինքնաճանաչողության դեպքում է միայն հնարավոր դիմագրավել արդի մարտահրավերները, դա է օգնում ճիշտ կողմոնրոշվել ու զարգանալ: Ինքնաճանաչողության բացակայությունն է, որ հաճախ խթանում է արտագաղթը: Տ. Ռուբեն աբեղա Զարգարյանի հետ զրույցում մշակութաբանն անդրադարձավ նաև ազգային հերոսների օրինակով դաստիարակության կարևորությանը, ազգային պարարվեստի կիրառությանն ու տարածմանը:

Alt

Աշոտ Մելքոնյան


Պատմաբան Աշոտ Մելքոնյանն Առաջին հարնարպետության ստեղծման հերոսներին համարում է հիանալի օրինակ այսօրվա երիտասարդության համար: Մայիսյան հաղթանակները, պատմաբանի կարծիքով, հաստատեցին ինքնիշխանության մեր իրավունքն ու կամքը: Հայաստանի Առաջին Հանրապետության ստեղծման գործում փոքր չէ եղել նաև հայ հոգևոր դասի ու Ս. Էջմիածնի դերը:

Alt

Ալեք Ենիգոմշյան


Արցախյան հերոսամարտի մասնակից Ալեք Ենիգոմշյանը բազում դժվարությունների հետ զգացել է նաև հաղթանակի բերկրանքը: Նրա կարծիքով այսօր մենք հարկ եղած չափով չենք կարողանում պահպանել մեր անկախություն ու հաղթանակները: Բարոյական անկման հետ միասին օրեցօր ծավալվող արտագաղթն իրական սպառնալիք է դարձել Հայաստանի համար: Սակայն ազատամարտիկը վստահ է ու լավատես, նոր Հայաստան ունենալու ենք` կիրթ ու դաստիարակված հասարակությամբ:

Alt

Ժիրայր Սեֆիլյան


Արցախյան հերոսամարտն ու Շուշիի ազատագրումը հայ ժողովրդի մեծագույն հաղթանակներից էր: Այդ օրերի դժվարությունների, ազատամարտիկների ոգու և հավատքի մասին է պատմում Շուշիի առանձնակի գումարտակի նախկին հրամանատար Ժիրայր Սեֆիլյանը: Ինչպե՞ս պահպանել հաղթանակը, արժանի վերաբերմունք ցուցաբերել կռվի մասնակից հերոսներին՝ այսօր նաև սա է հերոսամարտի մասնակից Ժիրայր Սեֆիլյանի մտահոգությունը:

Alt

Հայկ Ղազարյան


Պատմական գիտությունների դոկտոր Հայկ Ղազարյանը 1957 թվականից զբաղվում է Հայկական հարցի քննությամբ: Տ. Ռուբեն աբեղա Զարգարյանի հետ պատմաբանը զրուցում է Հայոց ցեղասպանության միջազգային ճանաչման, փոխհատուցման և Եղեռնի հետևանքների վերացման հնարավոր տարբերակների մասին: Հ. Ղազարյանն անդրադառնում է նաև Սևրի պայմանագրի, Վիլսոնի իրավարար վճռի, ինչպես նաև հայ-թուրքական սահմանի հարցերին: