Աստուած ասաց. «Մարդ ստեղծենք մեր կերպարանքով ու նմանութեամբ, նա թող իշխի ծովի ձկների, երկնքի թռչունների, ողջ երկրի անասունների եւ երկրի վրայ սողացող բոլոր սողունների վրայ»:  Աստուած տեսաւ, որ այն ամէնը, ինչ ստեղծել էր, շատ լաւ է։ Եւ եղաւ երեկոյ, եւ եղաւ առաւօտ՝ օր վեցերորդ։
«Օր 6-րդ» հաղորդաշարի հեղինակը և վարողը հոգևորական է: Նրան հետաքրքիր է ժամանակակից հայ մարդու վերաբերմունքը կյանքի, քրիստոնեական բարոյականության, համամարդկային արժեքների նկատմամբ: Տաղավարի հյուրերը արվեստի, գիտության, քաղաքականության, տնտեսության, կրթության ու մեդիայի ոլորտի մարդիկ են, ովքեր նախանձախնդիր են Հայ եկեղեցու, քրիստոնեական հավատքի նկատմամբ և  հասարակական կյանքի կազմակերպման բարդ ու խնդրահարույց հարցերի մասին իրենց մտահոգությունները կիսում են հյուրընկալ հոգևորականի հետ: 
 
Պարբերականությունը՝  ամեն շաբաթ օր, ժամը 22:00-ին
Կրկնությունը` երկուշաբթի օրը, ժամը 13:30-ին

Alt

հյուրը՝ Տ. Մեսրոպ վարդապետ Պարսամյան


Դավթի քաղաքում ծնվեց Փրկիչը: Քրիստոնյա աշխարհը այս ավետիսն է հնչեցնում Սուրբ Ծննդի ժամանակ: Ո՞րն է Քրիստոսի ծննդյան խորհուրդը, ինչպե՞ս է այն ընկալվում այսօր՝ 21-րդ դարի իրողությունների համատեքստում, երբ մարդը հավակնում է ինքը դառնալու իր ճակատագրի կերտողը:  
Տ. Ռուբեն աբեղա Զարգարյանի հյուրն է Մայր Աթոռի միաբան Տ. Մեսրոպ վարդապետ Պարսամյանը: 

 

Alt

հյուրը՝ Հովիկ Հովեյան


Ռուբեն աբեղա Զարգարյանի հյուրն է բանաստեղծ, Հ. Շարամբեյանի անվան ժողովրդական արվեստի ստեղծագործության կենտրոնի տնօրեն Հովիկ Հովեյանը: Նա մեր երկրի առաջընթացը պայմանավորում է մշակութային ոլորտի կայացմամբ ու հասարակական, քաղաքական գործիչների հոգածու վերաբերմունքով ազգային արժեքների նկատմամբ:

Alt

հյուրը՝ Սագօ Արյան


Ռուբեն աբեղա Զարգարյանի հյուրն է սփյուռքահայ բանաստեղծ, հրապարակախոս Սագօ Արյանը: Չնայած կենցաղային անհարմարություններին՝ Սագօ Արյանը շուրջ 2 տարի է՝ ընտանիքով ապրում է Հայստանում, ապագայի պլանները հայրենիքում է կառուցում: Աշխարհաքաղաքական մարտահրավերներին դիմակայելու համար այսօր մեզ, ավելի քան երբևէ, պետք է վստահել մեր մարդկային ներուժին, վստահեցնում է գրողը: 

Alt

հյուրը՝ Արմինե Հովհաննիսյան


Ռուբեն աբեղա Զարգարյանի հյուրն է Օրրան» բարեգործական կազմակերպության նախագահ Արմինե Հովհաննիսյանը: Բանախոսի կարծիքով՝ աշխարհի կանանց միավորում է ընտանիքի նկատմամբ հոգածությունը: 

Alt

հյուրը՝ Հռիփսիմե Կիրակոսյան


Ռուբեն աբեղա Զարգարյանի հյուրն է Առաքելություն Հայաստան» ՀԿ հիմնադիր նախագահ Հռիփսիմե Կիրակոսյանը:   

Alt

հյուրը՝ Տ. Բագրատ եպիսկոպոս Գալստանյան


2015 թվականին՝ Հայոց Ցեղասպանության 100-ամյակին, Հայ առաքելական եկեղեցին կսրբադասի Եղեռնի նահատակներին: Տ. Ռուբեն աբեղա Զարգարյանի հյուրը Մայր Աթոռի հայեցակարգային գրասենյակի ղեկավար Տ. Բագրատ եպիսկոպոս Գալստանյանն է: Սրբազանն անդրադառնում է Հայ եկեղեցու սրբադասման կարգին և դրա վերականգնման հետ կապված խնդիրներին:  

Alt

հյուրը՝ Հռիփսիմե Գրիգորյան


Սուրբ Գիրքն առաջին էջերից մարդու արարաումը ներկայացնում է ընտանիքի կայացմամբ, կնոջ և տղամարդու միությամբ: Անմիջապես հետևում է Տիրոջ օրհնությունը` աճեք և բազմացեք: Այսօր, սակայն, աշխարհում, այդ թվում նաև՝ մեր երկրում, լուրջ խնդիր է անպտղությունը:
Ռուբեն աբեղա Զարգարյանի հյուրն է մանկաբարձ-գինեկոլոգ, ռեպրոդուկտոլոգ Հռիփսիմե Գրիգորյանը, ով անդրադառնում է անպտղության պատճառներին, կանխարգելման և բուժման եղանակներին:    

 

Alt

հյուրը՝ Մանուկ Մկրտչյան


Հանրակրթության ոլորտի բարեփոխումների մասին Ռուբեն աբեղա Զարգարյանը զրուցում է ՀՀ կրթության և գիտության փոխնախարար Մանուկ Մկրտչյանի հետ:  

Alt

հյուրը՝ Արմաշ եպիսկոպոս Նալբանդյան


Ռուբեն աբեղա Զարգարյանը հյուրընկալել է Դամասկոսի հայոց թեմի առաջնորդ Արմաշ եպիսկոպոս Նալբանդյանին: Զրուցակիցներն անդրադառնում են Մերձավոր Արևելքի երկրներում վերջին տարիների քաղաքական ճգնաժամերի արդյունքում հայ համայնքի կյանքին, Հայաստանում ապաստան գտած հայրենադարձների նյութական և բարոյահոգեբանական խնդիրներին և հեռանկարներին:

Alt

հյուրը՝ Ռուբեն Մելիքյան


Արդյո՞ք մարդու կյանքի դեմ ոտնձգության համար օրենսդրական պատիժ սահմանելը բավարար է, որ պաշտպանված լինի կյանքի իրավունքը: 
Օր 6-րդ» հաղորդաշարի հյուրն է Արդարադատության ակադեմիայի ռեկտոր, ՀՀ արդարադատության նախկին փոխնախարար Ռուբեն Մելիքյանը: 

 

Alt

հյուրը՝ Մոր Իգնատիուս Եփրեմ Բ


Հոկտեմբերի 10-ին Գարեգին Բ Ամենայն հայոց կաթողիկոսի հրավերով եռօրյա այցով Հայաստան էր ժամանել Անտիոքի և Համայն Արևելքի նորընտիր պատրիարք Մոր Իգնատիուս Եփրեմ Երկրորդը: Գահակալությունից հետո  հովվապետական առաջին այցը  Ասորի Ուղղափառ եկեղեցու հոգևոր պետը դեպի Հայաստան է կատարել: Նորին Սրբությունը հյուրընկալվեց նաև Շողակաթ» հեռուստաընկերությունում` Օր 6-րդ» հաղորդաշարի տաղավարում:

Alt

հյուրը՝ Զարուհի Մեժլումյան


Տ. Ռուբեն աբեղա Զարգարյանի հյուրն է Հետք» ինտերնետային թերթի լրագրող, Խեղված ճակատագրեր» հոդվածաշարի հեղինակ Զարուհի Մեժլումյանը: Նա վերջին տարիներին զբաղված է Հայաստանում ցմահ դատապարտյալների գործերի քննությամբ և լուսաբանմամբ: Դեռևս սպասում է կյանքի ամենատպավորիչ իրադարձությանը, երբ իր լուսաբանումների օգնությամբ կվերնայավի որևէ քրեական գործ և կարդարացվի առաջին դատապարտյալը: