Հայրենիքից հեռու ծնված հայերը շատ են: Նրանք դեպի տուն՝ Հայաստան է եկել կամ դեպքերի բերումով, կամ հատուկ մտադրությամբ՝ իրականացնելով պապերի կամ իրենց երազանքը: «Դեպի տուն» հաղորդաշարի յուրաքանչյուր հաղորդում մի վերադարձի պատմություն է:
 
Պարբերականությունը՝ ամեն կիրակի, ժամը 22:05-ին
Կրկնությունը՝ երեքշաբթի, ժամը 16:20-ին

Alt

Ավետիս Գասպարյան


Ավետիս Գասպարյանը Հայաստան է տեղափոխվել սովորելու նպատակով: Ֆրանսիական համալսարանում ուսանող էր, երբ հասկացավ, որ չի ուզում վերադառնալ: Հերթական անգամ Հալեպ այցելելիս ամեն ինչ օտար էր թվում. Մի քանի ամիս պահանջվեց ինձանից, որ գտնեմ ինքնությունս: Հայաստանում հասկացա, որ իմ հայրենասիրությունը ոչինչ է այստեղ բնակվող ու աշխատող մարդկանց համեմատ: Ես ուզում եմ նրանց կողքին ապրել՝ իրականության մեջ»:

Alt

Հրանտ Միքայելյան


Հրանտը և Ամալյան Հայաստան են տեղափոխվել Վրաստանից: Հրանտ Միքայելյանը Կովկասի ինստիտուտն ավարտելուց հետո նույն ինստիտուտում աշխատանքի է անցել: Կինը՝ Ամալյան, միաժամանակ սովորում է և աշխատում: Արդեն 7 տարի է՝ Հայաստանում են, շատ խնդիրներ ունեն, սակայն իրենց համարում են հաջողակ: Հեշտ չենք ապրում, դեռ մեր տունը չունենք, բայց ուզում ենք դժվարությունները մեր հայրենիքում հաղթահարել»,- լավատեսորեն պնդում են մեր հերոսները:

Alt

Տ. Առէն վարդապետ Շահինյան


Տ. Առէն վարդապետ Շահինյանը Մուղնու Ս. Գևորգ եկեղեցին իր տունն է համարում, գյուղի բնակիչները նրան վերաբերում են ընտանիքի անդամի պես: Վարդապետը Հայաստան է եկել Իտալիայից, ծառայությունը հայրենի հողում մեծ երջանկություն է համարում:

Alt

Րաֆի Վարդանյան


Րաֆի Վարդանյանը Հայաստան է տեղափոխվել ԱՄՆ-ից: Դժվար է մեկ-երկու բառով ձևակերպել նրա գործը` դասավանդում է Թումո» կենտրոնում, նվագում Երևանի ակումբներում, երաժշտութուն է գրում, ֆլամինգո և ուդ նվագել է սովորում, գյուղերում համերգներ է տալիս, բանաստեղծություններ ու սցենարներ է գրում: Աշխատասիրությունն այստեղ եմ սովորել, այստեղ շատ բան կա անելու»,-խոստովանում է մեր հերոսը:

Alt

Վարդգես Ավագյան


Վարդգես Ավագյանը ծնվել է Հայաստանում, մասնագիտությամբ բժիշկ է: Սովորելու և աշխատելու նպատակով երկար տարիներ է անցկացրել արտերկրում` Հոլանդիա, Ավստրիա, Անգլիա, Կանադա: Վերջապես վերադարձել է Հայաստան: ՈՒզում եմ երեխաներս հայ մեծանան, միաժամանակ փորձեմ օգնել հայրենիքիս»,- ասում է Վարդգեսը: Նա հիմնել է հայ-կանադական ընտանեկան բժշկության կլինիկա, որտեղ հաճախորդները իրենց զգում են ինչպես տանը: Տան զգացողությունը ամենակարևորն է...

Alt

Սաքօ Արյան


Սփյուռքահայ գրող Սաքօ Արյանն ընտանիքով տեղափոխվել և ապրում է Հայաստանում: Գրողի կարծիքով հայրենիքի մասին հայրենի հողում գրելն այլ գրավչություն ունի, իսկ օտարության մեջ ինքնությունը պահելը ստեղծագործողից ավելորդ ճիգ է պահանջում: Սաքօ Արյանը արտագաղթի ևս մեկ պատճառ է համարում այն, որ սփյուռքահայը Հայաստանում իրեն ոչ թե շարքային հայ է զգում, այլ շարունակում է զգալ սփյուռքահայ:

Alt

Պատրիկ Վերնոյ Մալաքյան


Պատրիկ Վերնոյ Մալաքյանն Անրի Վերնոյի որդին է: Մանկության տարիներին Պատրիկը գիտեր միայն, որ ընտանիքը տարբերվում է իր ընկերների ընտանիքներից՝ տարբեր են ազգանունները, մեկ-մեկ էլ տատը տանն ուրիշ լեզվով է խոսում: Մայրիկ» ֆիմը փոխեց ամեն ինչ, այսինքն՝ ամեն ինչ գցեց իր տեղը...
2010թ. Պատրիկն ու քույրը՝ Սոֆին, Հայաստանում էին: Սոֆիի փոքրիկ տղան, ով առաջին անգամ էր Հայաստանում, շրջագայության ընթացքում ասում է՝ բայց ես արդեն եղել եմ այստեղ...

Alt

Շահե Քեշիշյան


Սիրիահայ Շահե Քեշիշյանը մշտական բնակություն հաստատելու նպատակով տեղափոխվել է Հայաստան: Շահեն դասավանդում է Բարսեղ Կանաչյանի անվան երաժշտական դպրոցում, ղեկավարում է Զանգակներ» համույթը: Դեռ շատ նպատակներ ունեմ, բայց որոշումս հաստատ է. թեկուզ ոչ այնքան լավ ֆինանսական պայմաններով, բայց ապրել միայն Հայաստանում: Ես երաժիշտ եմ, իմ հոգևոր տարածքն այստեղ է, որովհետև իմ ականջում մշտապես Նարեկացի է հնչում »,-ասում է հաղորդման հերոսը:

Alt

Մերուժան Մինասյան


Մերուժան Մինասյանը Հայաստան է տեղափոխվել Իրանից, մասնագիտությամբ ճարտարագետ է, բազմաթիվ մրցույթների հաղթող: Սովորել և աշխատել է ԱՄՆ-ում:
Հայաստան վերադառնալուց հետո Մերուժան Մինասյանը հիմնել Ստորակետ» դիզայներական ընկերությունը: Վստահ է, որ ցանկացած այլ երկրում չէր կարող այդքան կարճ ժամանակահատվածում հաջողության հասնել, քանի որ աշխարհագրական տեղանքը շատ կարևոր է ստեղծագործական ուժերի խթանման համար:

Alt

Մարիա Արապաճյան


Մարիա Արապաճյանը Հալեպից Հայաստան է տեղափոխվել սովորելու նպատակով: Կոնսերվատորիան ավարտելուց հետո մտադիր է մնալ Հայաստանում: Սփյուռքահային մշտապես տանջող կիսվածության վիճակը Մարիան որոշել է վերջնականապես հաղթահարել: Օրինակ է բերում հորը, ով, ցավոք, այլևս չունի տուն վերադառնալու» հնարավորություն: Ես այնտեղ եմ, որտեղ պետք է լինեի, որովհետև Հայաստանում հայերեն երգելը հատուկ զգացողություն է, սա միայն սփյուռքահայը կարող է հասկանալ»:

Alt

Մարգար Շարապխանյան


Կանդահայ ամուսիններ Մարգար և Էլիզ Շարապխանյաններն արդեն 5 տարի է՝ ապրում են Արագածոտնի մարզի Ուշի գյուղում: Սեփական միջոցներով վերանորոգել են գյուղի դպրոցը, այժմ վերակառուցում են Մշակույթի տունը: Շատ ծրագրեր ունեն գյուղի հետ կապված, գտնում են, որ սիրուց բացի հայրենիքին ու մարդկանց պետք է օգնել նաև գործով: Կանադա վերադառնալու մտադրություն չունեն, Ուշիով հիացած են և համարում են իրենց միակ տունը:

Alt

Հայկ Բոյաջյան


Հայկ Բոյաջյանը Հայաստան է տեղափոխվել ԱՄՆ-ից, աշխատում է COAF-ում` Հայաստանի մանուկներ» հիմնադրամում` որպես կոորդինատոր: Խոստովանում է, որ օրը ծանր է անցնում. աշխատում են Արմավիրի շրջանի սոցիալապես անապահով ընտանիքների հետ: Սակայն երջանիկ է, քանի որ երեխաներին օգնելու հնարավորություն ունի: Ուզում եմ հույս, լավատեսություն փոխանցել երեխաներին, իսկ ամենակարևորը՝ ուզում եմ հպարտ լինեն իրենց հայրենիքով: Ու դա կլինի իմ ներդրումը Հայաստանում»: