Սուրբ Գայանե վանքում մատուցվել է պատարագ և հիշատակվել գալստյան կիրակին


Ամենայն Հայոց կաթողիկոսի հանդիսապետությամբ Սուրբ Գայանե վանքում մատուցվել է փակ պատարագ։ Մեծ պահքի 6-րդ կիրակին կոչվում է գալստյան, որովհետեւ հավատացյալին հիշեցնում է Քրիստոսի առաջին գալուստը և խորհրդանշում տիրոջ երկրորդ գալուստը։

 

Վեհափառ Հայրապետը ընդունել է Նորաօծ քահանաներին. քահանաները ծառայության նոր վայրեր ունեն


Ամենայն Հայոց կաթողիկոսն ընդունել է քահանայական օծում ստացած տասնմեկ հոգևորականներին: Նրանք Մայր Աթոռում քառասնօրյա պահեցողության շրջան են անցել: Նորաօծ հինգ քահանաները կուսակրոնության երդում են տվել: Նախորդ օրը՝ Մուտն ի Վիրապի տոնին, քահանաները մատուցել են իրենց անդրանիկ Պատարագը:

Գրիգոր Լուսավորչի մասունքները բերվել են Խոր Վիրապ վանական համալիր


Հայ Առաքելական սուրբ եկեղեցին նշել է Գրիգոր Լուսավորչին Խոր Վիրապի մահաբեր գուբն իջեցնելու հիշատակության օրը: Հայաստանի տարբեր անկյուններից բազմաթիվ հավատացյալներ իրենց թեմերի հոգևորականների առաջնորդությամբ գնացել են Խոր Վիրապ:

 

Գևորգյան հոգեւոր ճեմարանում ավարտական թեզեր են պաշտպանել


Գեւորգյան հոգեւոր ճեմարանում մագիստրոսական ավարտաճառերի համար հեղինակները ընտրել են խիստ կարեւոր թեմաներ։ Աշխատանքներից մեկը նվիրված է եղել Հակոբոս Տյառնեղբոր ընդհանրական թղթում արտահայտված սոցիալական թեմաներին: Մեկ ուրիշ սան ուսումնասիրել է Հովհաննու ավետարանի 21-րդ գլուխը, հետազոտել՝ Հովհաննեսի և համատես ավետարանների ընդհանրություններն ու տարբերությունները։ Մեկ այլ սան ուսումնասիրել է յոթերորդ օրվա ադվենտիստների դավանանքն և ցույց տվել շեղումները ուղղափառ հավատից:

 

ՀԵՀԵՄ գրասենյակը կազմակերպել է դասընթաց երիտասրդների համար


Հայ եկեղեցու համաշխարհային երիտասարդական միության գրասենյակում կազմակերպված մեկօրյա դասընթացին բանախոսները ներկայացրել են Փափուկ հմտությունների, թիմային աշխատանքի, հաղորդակցման կարողությունների, առաջնորդության քրիստոնեական ակունքները։

 

«Հայկական համալսարան» կրթական ծրագրի մասնակիցները այցելել են Սաղմոսավանք


«Հայկական համալսարան» կրթական ծրագրի ուսանողները և դասախոսները ճանաչողական այցով հյուրընկալվել են Արագածոտնի թեմում։ «Հայկական համալսարանի» շուրջ 150 մասնակիցներ ստացել են ամենայն հայոց կաթողիկոսի օրհնությունը։ «Հայկական համալսարանը» «Հայկական նախագիծ» գիտակրթական ՀԿ-ի ծրագիրն է, որի նպատակը ակտիվ քաղաքացիական հասարակության ձևավորումն է:

 

Սուրբ Գայանե Վանքում մատուցվել է Սբ Պատարագ, հիշատակվել՝ Անիրավ դատավորի և այրի կնոջ առակը


Մայր Աթոռ Սուրբ Էջմիածնի Սուրբ Գայանե վանքում կիրակնօրյա Պատարագը մատուցվել է Գարեգին Բ Ամենայն Հայոց կաթողիկոսի հանդիսապետությամբ, որի ընթացքում ընթերցել են անիրավ դատավորի և այրի կնոջ առակը: Քրիստոնյաների համար այս կիրակին չընկրկելու, չհուսահատվելու, աղոթքով արդար դատավորին ապավինելու մասին կարևոր հիշեցում է: Հոգևորականները հորդորում են՝ աղոթելիս կարգի բերել մարմինը, մաքրել միտքը, բացել սիրտը՝ պատրաստել հոգին Արարչի հետ երկխոսության:

Մասիսի Սուրբ Թադեոս եկեղեցում կատարվել է խաղաղական ժամերգություն


Դատավորի կիրակիին նախորդող ուրբաթ Մասիսի Սուրբ Թադեոս եկեղեցում կատարվել է խաղաղական ժամերգություն։ Մասյացոտնի թեմի քահանաներն ու համայնքի անդամները հավաքվել են միասնական աղոթքի։ Արդեն երկրորդ տարին է, որ Պահքի շրջանում Մասյացոտնի թեմում կազմակերպվում են միասնական աղոթքի օրեր:

 

Տեղի է ունեցել «Ախթալայի Սուրբ Աստվածածին վանքի որմնանկարները» գրքի շնորհանդեսը


Կոմիտաս թանգարան ինստիտուտում տեղի է ունեցել Տ. Հեթում քահանա Թարվերդյանի «Ախթալայի Սուրբ Աստվածածին վանքի որմնանկարները» գրքի շնորհանդեսը: Տեր Հեթումը Գուգարաց թեմի Ախթալայի և հարակից գյուղերի հոգևոր հովիվն է: Տարիներ շարունակ ծառայելով Պղնձահանքի՝ Ախթալայի Սուրբ Աստվածածին եկեղեցում, նկատել է, որ անհրաժեշտություն կա մարդկանց ներկայացնել սրբավայրի հարուստ որմնանկարների սյուժեները, մեկնել դրանց աստվածաբանական ու ծիսական իմաստները:

Մաշտոցյան Մատենադարանում բացվել է բացառիկ ցուցահանդես


Ցուցահանդեսը նվիրված է Մատենադարանի 65-ամյակին և նվիրատուներին, որոնց շնորհիվ համալրվում է աշխարհում հայերեն ձեռագրերի ամենախոշոր հավաքածուն։ Մատենադարանը գիտահետազոտական ինստիտուտի կարգավիճակ է ստացել 65 տարի առաջ։ Ցուցադրության նմուշներից մեկը հենց այդ փաստաթուղթն է, որի կողքին` կառույցի առաջին տնօրեն Լևոն Խաչիկյանի բացման ելույթի գրառումները:

Ստորագրվել է եռակողմ հուշագիր, որով կնորոգվի ՀՕՖ-ի մասնաշենքերից մեկը


Հայ Առաքելական եկեղեցու Հայ օգնության ֆոնդի Երեխաների պաշտպանության կենտրոն հիմնադրամն ու ՀՀ-ում Ճապոնիայի դեսպանատունը համագործակցության հուշագիր են ստորագրել, որով նորոգվելու ու բարեկարգվելու է ՀՕՖ-ի մասնաշենքերից մեկը։ Հատկացվել է 150 հազար դոլարին համարժեք դրամ, որից 65 հազարը տրամադրում է Ճապոնիայի դեսպանատունը, մյուս մասը՝ Հայ օգնության ֆոնդի դոնորներները: Աշխատանքը կտևի 4 ամիս:

Երիտասարդները ՀԵՀԵՄ-ի գրասենյակում քննարկել են Աստվածաշունչը


ՀԵՀԵՄ կենտրոնական գրասենյակում կայացել է Աստվածաշնչի վերաբերյալ բանախոսություն, որին մասնակցել է ավելի քան 70 երիտասարդ։ Նրանց սոցցանցի էջով հրավիրել է Մայր Աթոռի սոցիալական ծառայությունների գրասենյակի պատասխանատու տեր Մարկոս քահանա Մանգասարյանը։ Նա տարեսկզբից սկսել է «Սուրբ գիրքը մեկ տարում» նախաձեռնությունը, որով օրական տրամադրելով ընդամենը 25 րոպե, մարդը հնարավորություն ունի կարդալ Ավետարանը մեկ տարում: