Ջերոնիմո Ստիլտոնը հանդիպեց երեխաներին


Լույս է տեսել Ջերոնիմո Ստիլտոնի «Նոստրամկնուսի խորհրդավոր ձեռագիրը» գիրքը: Ջերոնիմո Ստիլտոնը երեխաների հետ հանդիպեց ՝ «Զանգակ» հրատարակչության հրավերով՝ Ամառային ընթերցանություն մանկապատանեկան ծրագրի շրջանակում:  

«Արամե» պատկերասրահի 15-ամյակին նվիրված ցուցահանդեսը


«Արամե» պատկերասրահը նորաբաց ցուցահանդեսով նշեց հիմնադրման 15-ամյակը:

Սուրբ Գեղարդի շուրջ առաջացած տարաբնույթ քննարկումներին անդրադարձել է Ասողիկ քահանա Կարապետյանը


Ամենայն հայոց կաթողիկոս Գարեգին Երկրորդի հրաժարականը պահանջող ցուցարարները ներխուժել էին Մայր Աթոռի դիվանատուն՝ պահանջելով ցույց տալ Քրիստոսին խոցած Սուրբ Գեղարդը, որը, ըստ նրանց, վաճառվել է: Սակայն Տ. Ասողիկ քահանա Կարապետյանը երեկ Մայր Աթոռի սրբազան պահոցից դուրս է բերել և լրատվամիջոցներին է ներկայացրել Տիրամուխ Գեղարդը: Տեր հայրը թեմային անդրադարձավ նաև այսօր: Փաստերով խոսեց քույր եկեղեցիների միջև նվերների փոխանակման ավանդույթի մասին՝ ևս մեկ անգամ ընդգծելով, որ սուրբ Գեղարդից մի փոքրիկ մասունք, արծաթյա կրկնօրինակի մեջ զետեղված, մեր եկեղեցին 2004 թվականին նվիրաբերել է ռուս ուղղափառ եկեղեցուն: Սակայն դրանից Գեղարդի ամբողաջականությունը չի խաթարվել:

Վարդավառի նախատոնակը՝ Երևանի մանկական զբոսայգում


5 տարի առաջ ձևավորվեց Վարդավառի նախատոնակը նշելու ուրախ ավանդույթը: Արարատյան հայրապետական թեմի երիտասարդաց միության անդամները, Երևանի քաղաքապետարանի աջակցությամբ քայլերթ են կազմակերպում դեպի Մանկական զբոսայգի՝ երգ ու պարով, ժողովրդական խաղիկներով: Այս տարի էլ տոնախմբությունը սկսվեց առաջնորդանիստ Ս. Սարգիս եկեղեցու բակից: Նախատոնակի մասնակիցները եկեղեցուց շարժվեցին դեպի Մանկական զբոսայգի` «Վարք հայոց» և «Վան» ազգագրական երգ ու պարի խմբերի նվագակցությամբ:

Պայծառակերպության տոնական պատարագ Մայր Աթոռ Ս. Էջմիածնում


Այսօր նշվում է Հայ առաքելական եկեղեցու հինգ տաղավար տոներից երրորդ՝ Պայծառակերպության կամ Վարդավառի տոնը: Մեր եկեղեցին այն նշում է Սուրբ Հարության տոնից 98 օր հետո, հունիսի 28-ից օգոստոսի 1-ն ընկած ժամանակահատվածում: Միածնաէջ Մայր տաճարում տոնական պատարագը մատուցեց Մայր Աթոռի միաբան Մինաս աբեղա Հախվերդյանը:
 

Առաջին անգամ Երևանում էր Դուեյն Դոպսին և «Զայդեկո Հելռեյզերս» խումբը


Հուլիսի 4-ին՝ Ամերիկայի Միացյալ Նահանգների անկախության տոնին, դեսպանատունը «Գաֆէսճյան» քանդակների պարտեզում տոնական համերգ էր կազմակերպել: Առաջին անգամ Երևանում ինքնատիպ կատարումներով հանդես եկան Դուեյն Դոպսին և «Զայդեկո Հելռեյզերս» խումբը:  

«Արմենիա» միջազգային փառատոնն ավարտվեց


Հուլիսի 2-6 Երևանում անցկացվեց «Արմենիա» միջազգային երաժշտական 2-րդ փառատոնը:

Տարբեր երկրների 14 երգչախմբերի կատարած հայկական խմբերգերը՝ մեկ ձայնասկավառակում


«Երաժշտության գանձեր-Հայաստան» ձայնասկավառակ. տարբեր երկրների 14 երգչախմբեր կատարել են տարբեր հայկական խմբերգեր։

Երևանի Ս. Երրորդություն եկեղեցում ուխտավորներին միացավ Ամենայն հայոց կաթողիկոսը


Քրիստոսի 12 առաքյալների և Ս. Պողոս  առաքյալի հիշատակության տոնին Երևանի Սուրբ Երրորդություն եկեղեցու հարկի տակ էին հավաքվել բազմաթիվ ուխտավորներ: Անսալով Գարեգին Երկրորդ Ամենայն հայոց կաթողիկոսի նախորդ օրվա հորդորին՝ Հայաստանի թեմերից ժամանած ուխտավորները Մայր Աթոռ Ս. Էջմիածնի փոխարեն հավաքվել էին Ս. Երրորդություն եկեղեցում՝ մասնակցելու երեկոյան ժամերգությանը: Անսպասելիորեն ուխտավորներին միացավ նաև Գարեգին Բ Ամենայն հայոց կաթողիկոսը: Իր քարոզում Վեհափառ հայրապետը խոսեց օրվա խորհրդի և բոլոր ժամանակներում ի Քրիստոս մեր ունեցած սիրո մասին:

Ավարտաճառերի պաշտպանություն Գևորգյան հոգևոր ճեմարանում


Գևորգյան հոգևոր ճեմարանում ավարտաճառերի պաշտպանություն էր: Այս տարի ճեմարանն ունեցավ 27 շրջանավարտ, որոնք գիտական թեզերը պաշտպանելուց հետո ծառայության կանցնեն Մայր Աթոռ Սուրբ Էջմիածնում, կամ աշխարհասփյուռ թեմերում:  Շրջանավարտներից ոմանք էլ արդեն ասպիրանտական կրթությունը շարունակելու դիմումներ են ներկայացրել: 

Թովմա քահանա Անդրեասյանի «Մայկոպյան օրագիր» գրքի շնորհանդեսը


«Ռուսական պանդոկ» բանաստեղծությամբ է բացվում Թովմա քահանա Անդրեասյանի «Մայկոպյան օրագիր»-ը, որի առաջին տողերն օգնում են պատկերացնել Մայկոպ և Պրոլետարսկի քաղաքների անցուդարձի, նիստուկացի մասին: Գրքում զետեղված բանաստեղծությունները հեղինակը գրել է Մայկոպի և Պրոլետարսկու եկեղեցիներում իր քահանայական ծառայության երեք տարիների ընթացքում։

ՀՀ ժող. արտիստ Արմեն Սանթրոսյանը նշում է ծննդյան 70 և բեմական գործունեության 50-ամյակները


ՀՀ ժողովրդական արտիստ Արմեն Սանթրոսյանը նշում է ծննդյան 70 և բեմական գործունեության 50 ամյակները: Այս առթիվ հոբելյանական երեկոյի ընթացքում ժողովրդական արտիստին շնորհվեց Պատանի հանդիսատեսի թատրոնի  90-ամյակի առթիվ պատրաստված առաջին ոսկե մեդալը, ինչպես նաև Թատրոնի և կինոյի պետական ինստիտուտի «Պատվավոր շրջանավարտ» հուշամեդալը: