Խաչքարագործների նոր սերունդը շարունակում է ապրել և ստեղծագործել Երևանի սրտում


Երևանի Արամի 29 հասցեում խաչքարագործների երկրորդ սերունդն է ստեղծագործում: Դեռևս 90-ականներին նկարիչ-դիզայներ Վարազդատ Համբարձումյանը տան բակը մաքրելիս հին խաչքար է գտնում: Դրանից հետո խաչքարն ու վարպետն այլևս անբաժան են: Այսօր խաչքարագործության արվեստը շարունակում է նաև որդին՝ Համբարձում Համբարձումյանը:

Թավջութակահար Ալեքսանդր Ռամը՝ Արամ Խաչատրյանի անվան փառատոնին


Երևանում շարունակվում է Արամ Խաչատրյանի անվան 6-րդ միջազգային փառատոնը: Նոյեմբերի 7-ին Հայաստանի պետական սիմֆոնիկ նվագախումբը, դիրիժոր Հարություն Արզումանյանի ղեկավարությամբ, ներկայացրեց կոմպոզիտորի երեք ստեղծագործություն: Համերգի մենակատարը միջազգային մրցույթների դափնեկիր, թավջութակահար Ալեքսանդր Ռամն էր:  

Նարեկացու «Մատյան ողբերգության» ստեղծագործության քանդակի մրցույթ է հայտարարվել


«Վերածնունդ» մշակութային և ինտելեկտուալ հիմնադրամը նախաձեռնել է Նարեկացու «Մատյան ողբերգության» ստեղծագործության քանդակի մրցույթը, որին մասնակցության հայտ է ներկայացրել ավելի քան 70 քանդակագործ՝ աշխարհի ամենատարբեր անկյուններից՝ Իրան, Հայաստան, Ռուսատան, ԱՄՆ, Կանադա, Հնդկաստան, Իռլանդիա, Չինաստան:

Հայ եկեղեցու համաշխարհային երիտասարդաց միավորման բարեգործական ծրագերը


Հայ եկեղեցու համաշխարհային երիտասարդաց միավորումը 2018թ.-ի դրամահավաքի շրջանակում մոտ 3 միլիոն դրամ հավաքագրեց, որից 1-ական միլիոն դրամը փոխանցվել է հատուկ կարիքներ ունեցող անձանց խնամք իրականացնող «Սորս» հիմնադրամին, ապրիլյան պատերազմում զոհված 10 զինվորի ընտանիքի, և ևս մեկ միլիոն դրամ՝ «Փիփլ» խնամքի ծառայության շահառուներից 10 անապահով ընտանիքի: Նոյեմբերի 1-ին ՀԵՀԵՄ-ի հոգևոր պատասխանատու և ԱՄՆ հայոց արևմտյան թեմի առաջնորդ Հովնան արքեպիսկոպոս Տերտերյանը և Ռումինիայի հայոց թեմի առաջնորդ Տաթև եպիսկոպոս Հակոբյանը հանդիպեցին ծրագրի կազմակերպիչների և շահառու ընտանիքների հետ: 

ՀԵՀԵՄ պատասխանատու բարձրաստիճան հոգևորականների հանդիպումը ուսանողական խորհուրդների հետ


Նոյեմբերի 1-ին հայաստանյան տասը ԲՈՒՀ-երի ուսանողական խորհրդի ներկայացուցիչներ և ակտիվիստ-ուսանողներ հանդիպեցին Հայ եկեղեցու համաշխարհային երիտասարդական միավորման պատասխանատու բարձրաստիճան հոգևորոկանների հետ՝ համատեղ քննարկելու ուսանողության խնդիրներն ու հետագա անելիքները: 

Էջմիածնի հայորդյաց տան կարուձևի դասարան


Էջմիածնի հայորդյաց տան կարուձևի դասարանի աշակերտները պատմում են, թե ինչու ընտրեցին հենց այս մասնագիտությունը: Նրանցից ոմանք ուզում են հագուստի մոդելավորողներ դառնալ, ոմանք էլ կարուձևն ընտրել են զուտ իրենց համար յուրահատուկ հագուստներ կարելու նպատակով:

Թենգիզ Միկոյանցի անհատական ցուցադրությունը` «Սարգիս Մուրադյան» պատկերասրահում


«Սարգիս Մուրադյան» պատկերասրահում բացվել է վիրահայ նկարիչ Թենգիզ Միկոյանցի «Թիֆլիս, իմ փոքրիկ Փարիզ» խորագրով անհատական ցուցահանդեսը:

«Էօրնեկեան» դպրոցի և Կալկաթայի մարդասիարական ճեմարանի երգչախմբերի վիրտուալ հանդիպում-համերգը


Երևանի 2800-ամյակին երկու եկեղեցապատկան դպրոցների սաներ որոշել էին երաժշտական նվեր մատուցել քաղաքին. Մայր Աթոռի «Էօրնեկեան» դպրոցի և Կալկաթայի մարդասիրական ճեմարանի երգչախմբերը Հայաստանին ու Երևանին նվիրված երգերով շնորհավորեցին մայրաքաղաքի հոբելյանը: Երգչախմբերին իրարից բաժանող տարածությունը կրճատվել էր տեսազանգի օգնությամբ:  

Վիլյամ Սարոյանի՝ քչերին հայտնի երգերը


Քչերին է հայտնի, որ Վիլյամ Սարոյանը գրական գործունեությունից բացի նաև նկարել և երգեր է գրել: «Ռենեսանս» հիմնադրամը Սարոյանին ներկայացնում է նաև որպես երգերի հեղինակի:

Էջմիածնի հայորդյաց տան ուլունքագործության դասարան


Ուլունքի հետ աշխատելը Էջմիածնի հայորդյաց տան ուլունքագործության դասարանի սաներին սովորեցրել է կյանքում ուշադրություն դարձնել մանրուքներին: Բացի այդ, նրանք ցանկացած անպետք առարկայի՝ քար, չոր ճյուղեր և այլն, կարող են ուլունքով նոր տեսք ու նոր շունչ հաղորդել: 

Աշտարակի հայորդյաց տան երգչախմբի դասարան


Աշտարակի հայորդյաց տան երգչախմբի դասարանի սաները գիտեն թե՛ օտար լեզվով երգեր, թե՛ հայկական շարականներ: Ուսուցչուհին համոզված է, որ երաժշտությունը կարող է յուրօրինակ դեղամիջոց լինել շատերի համար:

Աշտարակի հայորդյաց տան նկարչության դասարան


Աշտարակի հայորդյաց տան նկարչության դասարանի սաները նորարար են, ուզում են ավելի գեղեցիկ դարձնել իրենց քաղաքը: