Եկեղեցական կյանք

Եկեղեցական կյանք 24.05.2013

Գարեգին Բ Ամենայն հայոց կաթողիկոսը շրջանավարտների օրհնության օրվա առիթով շնորհավորական ուղերձ է հղել:
Էօռնեկյան կրթահամալիրը տվեց առաջին շրջանավարտները: Կոնվերս բանկը նրանց հանձնեց բարերար Էդուարդո Էօռնեկյանի կողմից սահմանած ավանդները:
Մայր Աթոռ Սուրբ Էջմիածնում զինվորների հավաքական մկրտություն է տեղի ունեցել:
Վեհափառ Հայրապետը ընդունեց Հայաստան» Համահայկական Հիմնադրամի ներկայացուցիչներին:
Մայր Աթոռում նոր նշանակումներ են եղել:
Հայ միասնության խաչը» Գեղարքունիքի մարզի Գետիկ գյուղում գորգագործության ու կարպետագործության կենտրոն ունի, որտեղ գյուղաբնակ աղջիկներն ու կանայք գործում և վաճառում են էկոգորգեր:
Նախկին ճեմարանական Թովմաս Պողոսյանն իր աշուղական անսամբլի հետ ելույթ է ունեցել Գևորգյան հոգևոր ճեմարանում:
Նոր Նորքի հայորդյաց տան ժողովրդական պարերի դասարանը հանդես եկավ հաշվետու համերգով:
Հայ Առաքելական եկեղեցու տոնացույցում մայիսի 27-ից սկսվող շաբաթը հագեցած է եկեղեցական կարևոր տոներով:

Եկեղեցական կյանք 20.05.2013

Թանգարանային գիշեր» ակցիային այս տարի առաջին անգամ միացել էր նաև Մայր Աթոռ Սուրբ Էջմիածինը: Մայր Տաճարում, ի թիվս հին ցուցանմուշների, եղել են նաև նոր ցուցադրություններ:
Քոբայրի վանքի վերանորոգման աշխատանքները դադարել էին շինարարի նկատմամբ քրեական գործ հարուցելու պատճառով: Վանք այցելած ուխտավորներին ուրախացրել է լուրը, որ աշխատանքները շուտով կվերսկսվեն:
Հոգեգալուստի տոնը Հայ առաքելական եկեղեցում այս տարի նշվեց մայիսի 19-ին: Սուրբ Պատարագ Մայր Աթոռում:
Ամենայն հայոց հայրապետի տնօրինությամբ Հոգեգալստի տոնի օրը Սևանի Առաքելոց վանքի ուխտի օրն է: Այս տարի այնտեղ տարվել էին Սուրբ Անդրեաս առաքյալի մասունքները:
Էջմիածնի Սուրբ Շողակաթ վանքի զանգակատանը մեկ ամսից կկախվի երկու զանգ, որոնք եղել են Պարսկաստանի Շուրիշկան և Սանգիբարան գյուղերի եկեղեցիներինը: Դրանք իրենց հետ Հայաստան են բերել պարսկահայերը:
Մոսկվայի Պավել Սլոբոդկինի անվան համերգասրահում Արամ Խաչատրյանի ծննդյան 110-նամյակին նվիրված համերգ էր կազմակերպվել Նոր Նախիջևանի և Ռուսաստանի հայոց թեմի նախաձեռնությամբ:

Եկեղեցական կյանք 17.05.2013

Մայիսի 14-ին Գարեգին Բ կաթողիկոսն օծեց Աբովյանի Սուրբ Հովհաննես Մկրտիչ եկեղեցին:
Ամենայն Հայոց հայրապետն ընդունեց Ս. Հովհաննես Մկրտիչ եկեղեցու օծման առիթով Հայաստան ժամանած ռուս և ռումին ուղղափառ եկեղեցիների եպիսկոպոսներին:
Մոսկվայի հոգևոր ակադեմիայի և Գևորգյան հոգևոր ճեմարանի միջև համագործակցության պայմանագիր է ստորագրվել:
Երևանի Սուրբ Զորավոր եկեղեցին իր անունը ստացել է հրաշագործ ավետարանի պատվին: Այդ ավետարանը մայիսի 14-ին Մատենադարանից դուրս էր բերվել և տարվել Ս. Զորավոր եկեղեցի:
Հայոց Հայրապետը այցելել է Նագաշյան» մանուկների խնամքի տուն: Վեհափառին միացել են նաև Առաջին տիկին Ռիտա Սարգսյանը և Մշակույթի նախարար Հասմիկ Պողոսյանը:
Հայ եկեղեցու Ամերիկայի արևելյան թեմում նոր ատենապետ է ընտրվել:
Նոր Նորքի Հայորդյաց տանը երկար դադարից հետո վերսկսվեց Հայարփի» մրցույթը:

Եկեղեցական կյանք 13.05.2013

ԱՄՆ-ում, ազգային բարերարներ Նազար և Արտեմիս Նազարյաններին Գարեգին Բ Ամենայն հայոց Կաթողիկոսը Ս. Էջմիածնի Ասպետ» տիտղոս և հայրապետական շքանշան է շնորհել:
Վեհափառ Հայրապետի հանդիսապետությամբ Սբ. Հովհաննես Մկրտչից մասունք է տեղադրվել խաչ-մասունքարանում, որը կտեղափոխվի Աբովյանում կառուցված Սուրբ Հովհաննես եկեղեցի:
Եղնիկներ» կամավորական ջոկատի մարտիկները իրականացրել են մարտական զոհված ընկերոջ երազանքը` տեղադրել են Արցախի Երից Մանկանց վանքի գմբեթի խաչը:
Մայիսի 18-ին Թանգարանային գիշեր» ակցիային այս տարի առաջին անգամ կմիանա նաև Ս. Էջմիածնի Մայր տաճարի թանգարան-ավանդատունը:

Եկեղեցական կյանք 10.05.2013

Ամենայն հայոց Գարեգին Բ կաթողիկոսը Հաղթանակի տոնի և Շուշիի ազատագրման առիթով շնորհավորական ուղերձ է հղել:
Մայիսի 9-ին Հայ առաքելական եկեղեցին նշել է Քրիստոսի Համբարձման տոնը: Մայր Տաճարում Պատարագ է մատուցվել:
1441թ-ին Հայրապետական աթոռը Սսից տեղափոխվեց և վերահաստատվեց Ս. Էջմիածնում: Համբարձման տոնին հիշատակվում է նաև այդ իրադարձությունը:
Հայ եկեղեցու հոգևորականաց դասը Մայիսի 9-ին Հաղթանակ» զբոսայգում ծաղիկներ է դրել Անհայտ զինվորի» հուշակոթողին:
Էջմիածնի Հայորդյաց տան սաները Համբարձման տոնին նվիրված ներկայացում են բեմադրել:

Եկեղեցական կյանք 06.05.2013

Արատաշատի Ներքին Դվին գյուղ արդեն 13 տարի է աղանդավորական նոր հոսանքներ չեն թափանցում:

Երուսաղեմում Տիրոջ գերեզմանի մատուռից հայ և հույն հոգևորականները դուրս են բերել Սուրբ կրակը, որն ուղևորվել է ուղղափառ երկրների մայրաքաղաքներ: Այնտեղ նշում են Սուրբ Զատիկը:

Ջրվեժի Ս. Կաթողիկե եկեղեցու երիտասարդաց միության անդամներից Արթուրն ու Հերմինեն արդեն երեք զավակ ունեն:

Հառիճի ավագ դպրոցի 38 սաներից 12-ը այս տարի դիմումներ են ներկայացրել Գևորգյան հոգևոր ճեմարանում ուսումը շարունակելու համար:

Հոգեհանգստյան կարգ 1916թ-ի մայիսի 6-ին նահատակված արաբ ռահվիրաների հիշատակին` հայ-արաբական բարեկամության հուշարձանի մոտ: