Օպերատոր Գուրգեն Ջանիբեկյան

Կարեն Դերձյան

Հաղորդման հերոսը էկոբիզնեսմեն Կարեն Դերձյանն է: Էկո-փաբը» Երևանում բացված առաջին վայրն է, որտեղ արգելվում է ծխել և մատուցվում է էկոլոգիապես մաքուր սնունդ ու խմիչք: Մինչ էկոփաբ ստեղծելը, Կարենը Հայաստան էր ներմուծում նաև էկոլոգիապես մաքուր լուսային համակարգեր: Էկոբիզնեսմեն լինելուց բացի Կարենը նաև աուդիոգրքերի մեծ սիրահար է: Տեսնելով, որ Հայաստանում չկան որակյալ աուդիոգրքեր`ընկերների հետ միասին հիմնում է Աուդիոգիրք» ընկերությունը: Այս ընկերության շնորհիվ այսօր հնարավոր է ձեռք բերել Շիրվանզադեի Հրդեհ նավթագործարանում», Հակոբ Պարոնյանի Մեր օտարամոլությունը» և այլ ստեղծագործություններ:

Հաջորդ կայարանը` Բելառուս

Մշակութային հարևանություն

Թբիլիսիում հայկական հինգ եկեղեցի կվերականգնվի: Աշխատանքներին կմասնակցեն նաև հայ մասնգետներ: 2013թ մարտի 20-ին ՀՀ մշակույթի նախարարի պաշտոնական այցը Վրաստան շոշափելի արդյունքներ է տվել: Երկկողմ ծրագրերը կփրկեն շատ հուշարձաններ վերջնական ավիրումից, իսկ երկու երկրների մշակութային հարևանությունը նոր որակ կստանա:

Արարատ Սարգսյան

Նկարիչ-քանդակագործ Արարատ Սարգսյանի մանկությունն անցել է Լենինականում: Դպրոցից դեպի Պիոներական պալատ տանող ճանապարհն անցնում էր եկեղեցու կողքով, այդ խորհրդավոր շինությունը ներկա էր որպես ճարտարապետական հրաշալի կոթող, ավելին՝ պարզ չէր...: Արվեստագետը ուշ տարիքում սկսեց Աստվածաշունչ կարդալ: Դա թվաց խրթին մի գիրք, որ մի քիչ էլ հեքիաթի էր նման: Հետո, կամաց-կամաց իմ կյանքը սկսեց տեղափոխվել այդ կիսահեքիաթի մեջ»,- պատմում է Արարատ Սարգսյանը: Արվեստագետը կիսում է մտքերը անցած ճանապարհի, ինքնության և մարդկային էության իր բացահայտումների մասին:

Իմ առաջին գիրքը

Անտուան դը Սենտ Էկզյուպերին իր առաջին գիրքը գրել և նկարազարդել է քսանինը տարեկանում, Ջաննի Ռոդարին՝ քսանմեկ տարեկանում, Հովհաննես Թումանյանը՝ տասներկու: Արդեն պատրաստ է նաև մեր ժամանակակից Արամ Պետրոսյանի առաաջին պատկերազարդը:

Համալսարաններ. մաս 2-րդ

Հռոմեական կայսրության անկումից հետո հիմնովին փոխվում է Արևմտյան Եվրոպայի հասարակական-քաղաքական վիճակը: Անտիկ, քրիստոնեկան, իսլամական, բարբարոսական ավանդույթների բարդ փոխհարաբերությունների արդյունքում ձևավորվում է առանձնահատուկ գիտա-կրթական մշակույթ, որի հիման վրա առաջանում են արևմտաեվրոպական առաջին համալսարանները: Այս դպրոցները հասնում են մասնագիտական այնպիսի կատարելագործման, որ նրանց հիմքի վրա ստեղծվում են ներկա աշխարհում գործող ամենահեղինակավոր համալսարանները:

Ռոբերտ Մլքեյան

Աստված իմ մեջ, ասել է` ազնիվը իմ մեջ, մաքուրը իմ մեջ: Ասել է`քիչ մեղանչել կյանքում, եթե դա հանարավոր է...», -այսպիսի պարզ բանաձևով է ապրում ու ստեղծագործում Հայաստանի կամերային երգչախմբի գեղարվեստական ղեկավար Ռոբերտ Մլքեյանը:
2005 թվականից նա ղեկավարում է նաև Տիրամայր Հայաստանի» երգչախումբը: Գտնում է, որ յուրաքանչյուր ոք հոգևոր աշխարհում Աստծո կողմից տրված իր տեղն ունի: Իր համար նախանշված է հոգևոր երաժշտության ճանապարհը և երիցս երջանիկ է դրա համար:

Տիգրան Հեքեքյան

Ճանաչված խմբավար, Երևանի Կոմիտասի անվան պետական կոնսերվատորիայի պրոֆեսոր Տիգրան Հեքեքյանը մկրտվել է 32 տարեկանում` Երուսաղեմում: 43 տարեկանում ընտանիք է կազմել, այսօր չորս զավակի հայր է: Մաեստրոն պատմում է անկրկնելի տպավորությունների մասին, երբ առաջին անգամ ձեռքն է առել Աստվածաշունը, շփվել հոգևոր երգի հետ:

Նազարյաններ

Նազար և Արտեմիս Նազարյաններն Ազգային բարերար պատվանունն ունեն: Տասնամյակներ շարունակ Նազարյան ընտանիքը եղել են Հայ եկեղեցու կողքին, նպաստել Հայաստանի ու Սփյուռքի համայնքային, կրթական, սոցիալական ծրագրերին, եղել հայապահպանության ջատագովն ու քարոզիչը: Նազարյանների՝ հայաստանյան խոշոր ծրագրերից է Մայր Աթոռ Ս. Էջմիածնի դիվանատան շենքի կառուցումը, ԵՊԲՀ Ռադիոլոգիայի կենտրոնը, ՀԲԸՄ նոր գրասենյակի շենքը: Նազարյանների գործունեությունը բարձր գնահատանքի են արժանացրել անկախ Հայաստանի նախագահները, հոգևոր առաջնորդները: Բարեգործությունը քրիստոնեական ճշմարիտ հավատի արտահայտություն է: Այս գաղափարն է առաջնորդում Նազարյան տոհմիկ գերդաստանին: Նազարյանների մասին ֆիլմում գնահատանքի խոսք է հայտնում Գարեգին Բ Ամենայն Հայոց կաթողիկոսը, մասնակցում են նաև՝ ՀԲԸՄ տնօրեն (1991-2011) Աշոտ Ղազարյանը, Մայր Աթոռի դիվանապետ Արշակ եպիսկոպոս Խաչատրյանը, Մայր Աթոռի փոխդիվանապետ Տ. Պարթև աբեղա Բարսեղյանը, Նազարյանների անվան ռադիոլոգիայի կենտրոնի ռադիոլոգ Մարինա Մովսեսյանը, ՀԲԸՄ կենտրոնական վարչական ժողովի անդամ Վազգեն Յակուբյանը, ինչպես նաև Նազար և Արտեմիս Նազարյաններն ու նրանց թոռը՝ Մեթյու Նազարյանը:

Մուշեղը

Երիտասարդությունն ինքը պետք է հարթի իր ճանապարհը». վստահ է մեր հաղորդման հերոսը՝ Մուշեղ Հովսեփյանը:
Մուշեղի ցանկությունն է օգնել հաշմանդամություն ունեցող մարդկանց: Երևանը նաև իմ քաղաքն է» ծրագրի շրջանակում նա պատրաստել է ֆոտոշարք, որի միջոցով բարձրաձայնում է հաշմանդամություն ունեցող մարդկանց համար տրանսպորտի անհասանելիության խնդիրը: Չեմ կարծում, որ պետք է միայն մեր իրավունքների համար պայքարենք: Նրանք մեր ընկերներն են, մեր դասընկերներն են, մեր գործընկերներն են, նրանց խնդիրները նաև մերն են»: