Եպիսկոպոսների հայտարարությունը խեղաթյուրված է ներկայացնում հանձնախմբի աշխատանքը․ ԳՀԽ
Գերագույն Հոգեւոր խորհուրդն արձանագրել է, որ եպիսկոպոսների հայտարարության շարադրանքն ամբողջապես խեղաթյուրված է ներկայացնում Տեր Արշակ արքեպիսկոպոս Խաչատրյանի խնդրով ստեղծված հանձնախմբի աշխատանքը։ Հանձնախումբը որևէ նիստ չի գումարել և հնարավորություն չի ընձեռել Արշակ Սրբազանին հանդիպելու իր հետ, իսկ Ամենայն Հայոց Կաթողիկոսին ներկայացված եզրակացությունը պատշաճ ընթացակարգով չի կազմվել։ Բացի այդ, հանձնախմբի կողմից որևէ պաշտոնական դիմում չի կատարվել Քննչական կոմիտե՝ Սրբազանին վերագրվող տեսանյութի փորձաքննության համար, իսկ հանձնախմբի առանձին անդամի կողմից ստացված եզրակացությունը ձեռք է բերվել օրենքի ակնհայտ խախտումով, սպառիչ և լիարժեք չէ և չի կարող արժանահավատ նկատվել:
