Կայենի համախտանիշը՝ նախանձից բռնություն


Ըստ սուրբգրային տարբեր դրվագների ու կերպարների՝ ի՞նչ է ճգնաժամը, և ինչո՞ւ է Կայենի ու Աբելի պատմությունը համարվում ճգնաժամը չհաղթահարելու վառ օրինակ։ Ինչպե՞ս մեղքը խաթարեց մարդու կապը բնության ու Աստծո հետ, որո՞նք են Կայեն և Աբել անունների հոգևոր իմաստները, և ինչպիսի՞ զոհաբերություն է ընդունում Աստված։ Ինչո՞ւ Կայենը չլսեց Իր հետ խոսող Աստծո ձայնը, ինչը մղեց նրան եղբայրասպանության, և ինչո՞ւ է Աստծո կամքը ճանաչելը լավագույն դեղամիջոցը մարդկային ճգնաժամերը հաղթահարելու համար։ Մեկնում է Ռուբեն եպիսկոպոս Զարգարյանը։

 

Մարդը փոթորկի մեջ. Հովնան մարգարեի դասը


Հովնան մարգարեն ինչո՞ւ չի լսում Տիրոջ խոսքը և նավարկում հակառակ ուղղությամբ։ Այսօր մենք ինչպե՞ս և ինչո՞ւ ենք փախչում Տիրոջից ու մեզ բաժին հասած փորձություններից։ Ինչի՞ց է առաջանում մարդու ներքին անհուսությունը, և ինչպե՞ս է մեր առաքելությունից խուսափելը վտանգում շրջապատի կյանքը։ Ի վերջո, ինչպե՞ս հանձնվել սեփական ճգնաժամին, որպեսզի այն փոփոխություն առաջացնի մեր ներսում։ Ինչպե՞ս լսել Աստծո ձայնը։ Մեկնում է Տեր Ռուբեն եպիսկոպոս Զարգարյանը։

Հուղարկավորությու՞ն, թե՞ դիակիզում


Ի՞նչ դիրքորոշում ունի Հայոց եկեղեցին դիակիզման վերաբերյալ։ Ինչպե՞ս է քրիստոնեական ընկալմամբ մարդու մարմինն ու հոգին կազմում մեկ ամբողջություն, և ինչո՞ւ է հուղարկավորությունը դիտվում որպես հարության հույսի դրսևորում։ Որո՞նք են այն բացառիկ դեպքերը, երբ եկեղեցին իրականացնում է հուղարկավորության արարողությունը։ Մեկնում է Տեր Ռուբեն եպիսկոպոս Զարգարյանը։

 

Հովնան մարգարե՝ փախուստ առաքելությունից


Ինչպե՞ս է Հովնան մարգարեն կետի փորում 3 օր ապրում և ապա դեպի Տերը դառնում: Այդ դրվագը ապրում է առ այսօր։ մեկնաբանում է Տեր Ռուբեն եպիսկոպոս Զարգարյանը:

Ծուլությունը՝ մահացու մեղք


Ինչպե՞ս է Պողոս առաքյալը բնորոշում ծուլությունը, ինչո՞ւ է այն համարվում յոթ մահացու մեղքերից մեկը, Քրիստոսի՝ տաղանդի մասին պատմած առակում ինչպե՞ս է արտահայտվում ծուլությունը. մեկնաբանում է Տեր Ռուբեն եպիսկոպոս Զարգարյանը:

Պաշտամունքը՝ վեհագույն աշխատանք


Որքան մենք կախված ենք Տիրոջից, այնքան ավելի ազատ ենք և որքան հեռու՝ օտարացած ենք Աստծուց, այնքան ավելի մոտ ենք ստրկությանը։ Ի՞նչ զուգահեռներ ունի ծիսական պաշտամունքը աշխատանքի հետ. մեկնաբանում է Տեր Ռուբեն եպիսկոպոս Զարգարյանը:

Աշխատանք՝ ծառայությո՞ւն, թե՞ ստրկություն


Ինչո՞ւ է Աստվածաշնչում աշխատանքը մարդուն որպես կոչում և առաքելություն, նաև որպես օրհնություն տրվում. մեկնաբանում է Տեր Ռուբեն եպիսկոպոս Զարգարյանը:

Բաբելոն՝ հանրային մեղք


Ե՞րբ է ներկայացվում Բաբելոնի աշտարակաշինությունը, ո՞վ էր Նեմրովթը, ինչո՞ւ այդ շրջանում գոյություն ուներ մեկ լեզու, ինչպե՞ս է Աստված արձագանքում այդ շինությանը. մեկնաբանում է Տեր Ռուբեն եպիսկոպոս Զարգարյանը: