Հեռուստատեսության գյուտից հետո բոլոր սերունդները լսել են էկրանից ծանոթ տատիկների, պապիկների, մորաքույրների հեքիաթներն ու հետո քնել:
«Շողակաթ» հեռուստաընկերությունը նույնպես չի մոռացել փոքրիկ հանդիսատեսին և ստեղծել է «Հին ու նոր հեքիաթներ» շարքը:
Այն մի շատ կարևոր բանով տարբերվում է մյուս «բարի գիշերներից»: Այստեղ հեքիաթը պատմում են փոքրիկները, և այնպես են պատմում, որ նրանց ուշադիր լսում են նաև մեծերը:
Պարբերականությունը՝ ամեն օր, ժամը 20:50-ին
 |
Կարմիր, կանաչ, դեղին գնացքըԳնացքի վագոնների միջեւ ճանապարհին վիճաբանություն է սկսվում, թե ո՞վ է նրանցից կարեւոր՝ կարմիրը, կանաչը, թե՞ դեղին։ Վիճաբանությանը միջամտում է գնացքավարը և նկատում, որ առանց իր հմուտ ղեկավարման վագոնները ոչ մի տեղ չեն գնա։ Վիճաբանությունն այնքան է թեժանում, որ գործին խառնվում է սլաքավարը։ |
 |
Դավիթը գյուղումԳյուղում ապրող տատիկին ու պապիկին հյուր գնացած անհամբեր թոռնիկն իսկական պատուհաս է դառնում։ Նա մեկ փչացնում է մածունը, մեկ թուխսի հավին է բարձրացնում ձվերի վրայից, մեկ ծաղիկի սածիլներն է արմատախիլ անում և բոլոր դեպքերում էլ պատճառը նույնն է՝ Դավիթն անհամբեր է։ Դավիթի շտապողականությունը հատկապես վտանգավոր է դառնում, երբ պապիկի հետ գնում են ուրց հավաքելու։ |
 |
Անտառի գազանիկներն ու նոր տարինԵրկարարտեւ պլաններով քուն մտած ոզնիերի քունը Տարեմուտի գիշերը անտառի գազանները խանգարում են աղմուկով։ Բոլորի հարցերը լուծելու վճառականությամբ որջից դուրս եկած ոզինին պարզում է, որ կենդանիները ոչ թե կռվում, այլ Ամանորն են նշում առանց տոնածառի ու աստղի։ Քիչ անց նա վերադառնում է իր որջ, որպեսզի արթնացնի նաեւ հարեւան ոզնուն։ Ինչի՞ են պատրաստ քնաթաթախ ոզնիները։ |
 |
Լուսէի տատիկի նվերըՏատիկին հյուր գնացած Լուսէն հանկարծ բացահայտում է, որ մի ամբողջ օր գյուղում անցկացրել է տատիկի հետ, բայց դեռ կեսօր է։ Նա նկատում է, որ տատիկի ժամացույցն էլ այն չէ։ Ո՞րն է գաղտնիքը։ Փոքրիկ «Շերլոք Հոլմսը» գրեթե մոտ է բացահայտմանը։ |
 |
Իշուկի անզգույշ կատակն ու խոզուկի նկատմամբ ծաղրըՄի օր իշուկը կավիճ է գտնում եւ ցանկապատին նկարում խոզուկին և գրում՝ փնթի խոզուկ։ Ապա հավաքվում են բոլոր կենդանիներն ու սկսում ծիծաղել։ Վիրավորված խոզուկը ինտելեկտուալ գրոհ է կազմակերպում կատակի հեղինակի ու նրան միացած մյուս կենդանիների համար։ |
 |
Կաչաղակի եւ խրտվիլակի կրիմինալ գործարքըԽորամանկ կաչաղակը բացահայտում է այգու խրտվիլակի անկարողությունը և առանց ավելորդ լարվածության նստում է խնձորենուն ու կծում խնձորի թուշը։ Բանակցություններից հետո կաչաղակն ու խրտվիլակը գալիս են հանցավոր համաձայնության եւ կաչաղակը ուղեւորվում է ֆերմերի բնակարան Խրտվիլակի համար հագուստ գողանալու։ Ավելի ուշ խրտվիլակի գլուխը զարդարվում են կաչախակի պոչի փետուրներով։ |
 |
Գետաձիու կլիմայական ճամպրուկըՀոգնած կենդանիները որոշում են գնալ հանգստանալու տաք երկիր։ Վերջին պահին նրանք հանկարծ նկատում են, որ իր պես հսկա ճամպրուկներով ինքնաթիռ է բարձրանում գետաձին։ Կրիան նկատում է, որ չնայած իր չափերին ինքն ու գետաձին նույնքան են վճարել տոմսի համար, կենգուորն՝ որպես մայր, վախենալով գետաձիու քաշից պահանջում է, որ նա այլ ինքնաթիռով թռչի։ Միայն օդաչուի համառ պահանջից հետո են կենդանիները համաձայնում գետաձիու թռիչքին, որն հետո փրկելու էր բոլորին։ |
 |
Արեգի կենդանաբանական այգինԱրեգը մրսում է եւ հիվանդանում։ Իր սենյակում պառկած մտածում է, թե ուր կգնար, եթե հիվանդ չլիներ։ Ապա պատի վրա իր մատների շողքով տեղափոխվում է կենդանաբանական այգի, որտեղ զարմանալիորեն սկսում է տեսնել ամենատարբեր կենդանիների։ |
 |
Արփին ու ԱյգինԱնձրեւից հետո Արփին իր մայրիկի ուղեկցությամբ գնում է այգում շրջելու։ Այդ ընթացքում նա հանդիպում է այգու բնակիչներին, զրուցում նրանց հետ ու շշմեցուցիչ նմանություններ գտնում իր ու նրանց միջեւ։ |
 |
Արամը, ծովն ու ձուկըԾովի մասին անդադար երազող Արամին մի օր հայրը խխունջ է նվիրում, որը դնելով ականջին նա սկսում է լսել ծովի ձայնը։ Արամը փակում է աչքերն ու տեսնում ծովը, ավազն ու մի ձուկ, որը նրա ականջին ինչ որ բան է շշնջում։ |
 |
Պանդայի քունըԱշխույժ ու չարաճճի պանդան օրվա ավարտին ոչ մի կերպ չի կարողանում քնել։ Նա գիշերն արթնանում է ու վազում փախչող քնի հետեւից։ Որքան ուժգին է վազում, քունն այնքան հեռու է փախչում։ Անճարությունից պանդան հրվիրում է կենդանիների ժողով։ |
 |
Մոռացված գրքերի խանութըԳրախանութի փակվելուց հետո մկների խումբը հայտնվում է ներսում ու մեծ խնջույք կազմակերպում։ Նրանք տոնում են անցած բոլոր տոներն ու ինչքան կարող են կրծում գրքերը։ Մկների խումբը չի նկատում, թե ինչպես է լույսը բացվում ու անսպասելի ներս է մտնում մի աղջիկ։ |
