Եղիշե Չարենց. Գիրք ճանապարհի


«Տաղավարում՝ գրականության և արվեստի շուրջ» շարքի հերթական հաղորդման ընթացքում արձակագիր Հովհաննես Երանյանը պատմում է Եղիշե Չարենցի ճակատագրի վրա նրա Գիրք ճանապարհին ժողովածուի ազդեցության մասին, բանաստեղծի հալածանքների ու մահվան մասին:

Սուրեն Քոչարյան


Տաղավարում՝ գրականություն և արվեստ հաղորդմանը արձակագիր Հովհաննես Երանյանը պատմում է հայ և խորհրդային բեմարվեստի ամենաինքնատիպ ու տաղանդավոր արտիստներից մեկի՝ Սուրեն Քոչարյանի մասին:

Գրիգոր Արծրունի


Տաղավարում՝ գրականություն և արվեստ հաղորդմանը արձակագիր Հովհաննես Երանյանը պատմում է իր ժամանակին հսկայական ազդեցություն ունեցող, բայց հակասական մի գործչի՝ Գրիգոր Արծրունու մասին:

Գրող, դրամատուրգ, գեղանկարիչ և կինոռեժիսոր Աղասի Այվազյան


Տաղավարում՝ գրականություն և արվեստ հաղորդմանը արձակագիր Հովհաննես Երանյանը ներկայացնում է գրող, դրամատուրգ, գեղանկարիչ և կինոռեժիսոր Աղասի Այվազյանի «Սովորական մարդու գինը» պատմվածքի գրական ու գեղարվեստական բարձր արժանիքները։

Ակսել Բակունց


Ի՞նչ դեր է ունեցել «Զանգեզուր» ֆիլմը սցենարի հեղինակ Ակսել Բակունցի կյանում և ինչ ազդեցություն է ունեցել նրա ճակատագրի վրա։ Արձակագիր Հովհաննես Երանյանը պատմում է «Զանգեզուր» ֆիլմի և Ակսել Բակունցի մասին։

Հրաչյա Քոչար


Հրաչյա Քոչարը անցած դարի 50–60 ական թվականներին եղել է Խորհրդային Հայաստանի ամենազդեցիկ դեմքերից մեկը։ Ժողովուրդը Լուսակերտի նրա ամառանոցը կոչում էր Գերագույն խորհրդի նախագահության շենք։ Այստեղ գրողի հետ երկրի համար կարևոր խնդիրներ էին քննարկում հանրապետության ղեկավարները։ Արձակագիր Հովհաննես Երանյանը պատմում է Հրաչյա Քոչար գրողի ու հակասական մարդու կյանքի ուղու և թողած ժառանգության մասին։

Հակոբ Մանանդյան


Հակոբ Մանանդյանը մեկն էր այն մեծ գիտնականներից, որոնք դասավանդելով Գևորգյան հոգևոր ճեմարանում, այդ կրթարանը դարձրել էին աշխարհի խոշորագույն հայագիտական կենտրոնը։ Մանանդյանը տիրապետում էր տասից ավելի լեզուներ, ճեմարանում ինչպես պատմություն էր դասավանդում, այնպես էլ տարբեր լեզուներ։ Գրել է ավելի քան 150 գիտական աշխատություն՝ հայերեն, ռուսերեն, գերմաներեն։ Ճեմարանի փակվելուց հետո, երբ բացվում է առաջին պետական համալսարանը, Մանանդյանը դառնում է պատմության ամբիոնի վարիչը, այնուհետև ընտրվում համալսարանի ռեկտոր։ Գիտությունների ազգային ակադեմիայի հիմնադիր ակադեմիկոսներից մեկն է։ Երբ գիտնականին հիշեցնում էին իր մեծ վաստակի մասին, պատասխանում էր, թե այդ ամենը թող համարվի երախտագիտության տուրք ճեմարանին, որտեղ անցկացրել է իր լավագույն տարիները։

Օրիորդ Գայանե


«Տաղավարում. գրականության և արվեստի շուրջ» շարքի հերթական հաղորդումը նվիրված է հայ թատրոնի պատմության եզակի մի առեղծվածի՝ 19-րդ դարի թատրոնի մի դերասանուհու, որը հռչակվել էր՝ որպես Օրիորդ Գայանե: Մեծ համբավ ձեռք բերելուց հետո տարածվում է, որ նա իրականում ոչ թե կին է, այլ տղամարդ: Խաղացել է ընդամենը մեկ տարի, բեմ է բարձրացել ընդամենը չորս դերակատարումով ու հեռացել թատրոնից: Հաղորդումը փորձում է պատասխանել հարցին. իրականում կի՞ն էր այդ փայլուն դերասանուհին և խարդավանքի զոհ, թե՞ իսկապես տղամարդ էր:

Պարույր Սևակ


Շուրջ կես դար է անցել Պարույր Սևակի ողբերգական ավտովթարից: Մինչև այսօր դեռ չեն վերացել կասկածները, որ ավտովթարը գրողին սպանելու դիտավորություն էր: Արձակագիր Հովհաննես Երանյանը փորձում է պատասխանել հարցին. արդյո՞ք ավտովթարը պատահական էր, թե՞ կանխամտածված սպանություն:

Լեռ Կամսար


«Տաղավարում. գրականության և արվեստի շուրջ» շարքի հերթական հաղորդումը նվիրված է հայտնի երգիծաբան Լեռ Կամսարին: Արձակագիր Հովհաննես Երանյանը փորձում է պատասխանել հարցին, թե ինչու նրա ստեղծագործությունները և գրական ինքնությունը լայն ճանաչում ձեռք չեն բերում ընթերցողական շրջանակներում:

Հրանտ Մաթևոսյանը և հայ թատրոնը


Արձակագիր Հովհաննես Երանյանը պատմում է Հրանտ Մաթևոսյանի ստեղծագործությունների հիման վրա բեմադրված ներկայացումների մասին: Ինչո՞ւ գրողը վերապահ վերաբերմունք ուներ նույնիսկ այն ներկայացումների նկատմամբ, որոնք արժանացել էին հանդիսատեսի և քննադատների հիացումին:

Հրանտ Մաթևոսյանը և հայ կինոն


«Տաղավարում. գրականության և արվեստի շուրջ» շարքի առաջին հաղորդումը նվիրված է Հրանտ Մաթևոսյանի 90 -ամյակին։ Արձակագիր Հովհաննես Երանյանը պատմում է գրողի սցենարով նկարահանված ֆիլմերի մասին, և փորձում պատասխանել հարցին, թե ինչու Մաթևոսյանը չէր կիսում անգամ հաջողված կինոնկարների շուրջ հանրության ու քննադատության հիացական կարծիքներն ու վերաբերմունքը։