Օպերատոր Գարեգին Պապոյան

Հնագիտությունն Արցախում

Հնագետներ Համլետ Պետրոսյանն ու Արտակ Գնունին զրուցում են Արցախում վերջին երկու տասնամյակում հնագիտական արշավախմբերի աշխատանքի մասին: Ի՞նչ գիտի գիտական հանրությունը ազատագրված տարածքների մասին, ի՞նչ վկայություններ կան Արցախում,  ինչպե՞ս են պահպանվում և ներկայացվում դրանք:    

«Գարնանային կառնավալ» կրթական ծրագիրը հրավիրում է դպրոցականներին

«Գաֆէսճեան» արվեստի կենտրոնի «Ռոբերտ Էլիբեկյան. արտացոլումներ» ցուցադրության շրջանակում կրթական ծրագիր է անցկացվում: Մեր նկարահանման օրը արվեստաբան Էլիզաբեթ Շիրինյանը էքսկուրս էր կատարում «Քվանտ» վարժարանի աշակերտների հետ:  

Ներկայացվել է Գարեգին Զաքոյանի վավերագրական ֆիլմը ստվերների «Այրոգի» թատրոնի մասին

Երևանի Տիկնիկային թատրոնում «Այրոգի» թատրոնի մասին ֆիլմը ներկայացվեց հանդիսատեսին և խտասկավառակներով բաժանվեց հյուրերին, որպեսզի ավելի շատ մարդիկ հնարավորություն ունենան ծանոթանալ արվեստի և ազգագրության միավորումով ստեղծված թատրոնի գործունեությանը: Գարեգին Զաքոյանի ֆիլմի ստեղծմանն աջակցել է «Հանգույց» հիմնադրամը: 

Ապրիլի 7-ը «Աբովյան» քրեակատարողական հիմնարկում աղոթքի օր էր

«Աբովյան» ՔԿՀ-ում, խաչքար-հուշարձանի մոտ կին դատապարտյալներն աղոթեցին հայ զինվորների խաղաղության և անվտանգության համար: Այդ օրը դատապարտյալների հետ էին նաև Գևորգյան հոգևոր ճեմարանի սաները: 

Արցախի հոգևոր գանձերի հանրահռչակումը

Արցախյան ազատամարտը հայերի համար նոր հնարավորություններ բացեց հայկական հոգևոր մշակույթի ուսումնասիրման համար, որն անխնա ոչնչացվում էր Ադրբեջանի կողմից: Մատենագրության մեջ խոսվում է Արցախի տարածքում գործած 5000 վանքի, եկեղեցու և ամրոցի, տասնյակ հազարավոր ձեռագրերի ու մշակութային այլ արժեքների մասին, որոնք մեծամասամբ ոչնչացրել է Խորհրդային Ադրբեջանը` հատկապես 1930-ականներին: Արցախի մշակույթն ուսումնասիրողները ժամանակ առ ժամանակ հրատարակում են իրենց աշխատությունները, որոնցում ներկայացնում են ինչպես լավ պահպանված, այնպես էլ ոչնչացված հայկական վաղ և ուշ միջնադարյան մշակույթի նմուշներ: Տաղավարում թեման քննարկում են Մաշտոցի անվան Մատենադարանի ավագ գիտաշխատող Թամար Մինասյանը և Մայր Աթոռի արխիվի ու թանգարանների տնօրեն Ասողիկ քահանա Կարապետյանը: 

Էջմիածնի հայորդյաց տան ասեղնագործության դասարան

Էջմիածնի հայորդյաց տան ասեղնագործության դասարանի աշխատանքները հաճախ շփոթում են գեղանկարչական կտավների հետ: Այստեղ սովորում են փոքր ասեղով մեծ հրաշքներ ասեղնագործել: Եվ շատ ուրախանում են, որ իրենց գործերը  զարդարում ու գունավորում են հայորդյաց տան պատերը: 

Մեկնարկել է ՀՀ նախագահի մրցանակի համար դասական երաժշտության մրցույթը

Դասական երաժշտության բնագավառում ՀՀ նախագահի մրցանակի համար մրցույթը երկու անվանակարգերում է՝ երգեցողություն և գործիքային կատարում: Եզրափակիչ փուլին մասնակցել է 9 երգիչ: Արդյունքները կամփոփվեն մայիսին:

Հայաստանի պետական կամերային երգչախմբի համերգը՝ նվիրված կանանց տոնին

Կամերային երգչախմբի այս տարվա անդրանիկ համերգը նվիրված էր կանանց տոնին: Հնչեցին դասական և ժամանակակից կոմպոզիտորների ստեղծագործություններ: 

Կարճամետրաժ ֆիլմերի մրցույթ երիտասարդ արվեստագետների համար

Ռետրոսպեկտիվ ցուցադրություն Հայաստանի նկարիչների միությունում

Հայաստանի նկարիչների միության ֆոնդերից դուրս են բերվել և ցուցադրության ներկայացվել անցած դարի 60- 80-ական թվականներին ստեղծագործող նկարիչների աշխատանքները` շուրջ 80 գեղանկար ու քանդակ: Ցուցահանդեսը գործելու է մինչև ապրիլի 2-ը: