Ս. Ծննդյան հայրապետական պատարագ Մայր Աթոռ Ս. Էջմիածնում


Հունվարի 6-ին Առաքելական աշխարհը նշեց Հիսուս Քրիստոսի Ծննդյան և Աստվածհայտնության տոնը: Միածնաէջ մայր տաճարում պատարագիչը Ամենայն հայոց Գարեգին Բ կաթողիկոսն էր: Տեսանյութում ներկայացված է Հայրապետի քարոզն ամբողջությամբ:

Alt

Մշակութային 2013-ը, հյուրը՝ Հասմիկ Պողոսյան


Հոբելյաններ, երաժշտական, թատերական, կինո և գրական փառատոններ, վիճահարույց հարցեր, մշակութային բազմաբնույթ նախագծեր, նաև մտահոգություններ ու կորուստներ: 2013 թվականի մշակութային անցուդարձին Թեմա» հաղորդաշարը անդրադարձել է ողջ տարվա ընթացքում: Իսկ նոր տարվան ընդառաջ մշակութային 2013-ի նվաճումների, բացթողումների և նոր տարվա ակնկալիքների մասին Հայկ Համբարձումյանը զրուցել է ՀՀ մշակույթի նախարար Հասմիկ Պողոսյանի հետ:

Alt

Հրանտ Թոխատյան


Տ. Ռուբեն աբեղա Զարգարյանի հյուրը դերասան Հրանտ Թոխատյան է: Զրույցը հանրային կյանքում արվեստագետի այսօրվա առաքելության մասին է: Ո՞վ է արվեստագետն ու որքանո՞վ է իրավասու համախմբել և ուղղորդել: Այսօրվա թատրոնը սնվու՞մ է Սուրբ գրքից և որևէ կերպ փոխանցու՞մ է այն հանդիսատեսին: Ո՞րն է արդի թատրոնի լեզուն:
Զրույցը շոշափում է նաև մերօրյա հասարակական փոփոխությունների, ձևավորվող արժեհամակարգի ու ազգային տոների նկատմամբ վերաբերմունքի մասին հարցեր:

Արուս Ասրյան


Ժողովրդական արտիստուհի, հայ բեմի մեծանուն դերասանուհի Արուս Ասրյանի մասին սիրով ու ակնածանքով են հիշում Վ. Աճեմյանի աշակերտները՝ այսօր արդեն ավագ սերնդի արվեստագետներ: Տիկին Արուսը, որքան փոթորկալից էր բեմում, նույնքան լուռ ու անխոս կյանքում: Երվանդ Ղազանչյանի խոսքով՝ Արուս Ասրյանի հետ նույն բեմում խաղալը ավելի մեծ դպրոց էր, քան որևէ ԲՈՒՀ-ում սովորելը: Վահրամ Փափազյանը դերասանուհուն բնութագրել է այսպես. Արուս Ասրյանի արվեստին բնորոշ է ճկուն խաղը, ցայտուն ռիթմը և շեշտված դերապատկերների նախասիրությունը. հիանալի սուբրետ է և միևնույն ժամանակ՝ կատակերգու»:
Հաղորդումը նվիրվում է Արուս Ասրյանի ծննդյան 100-ամյակին:

Alt

Պետություն և լեզու, մաս 3-րդ


ԳԱԱ Պատմության ինստիտուտի տնօրեն Աշոտ Մելքոնյանը և ԳԱԱ Լեզվի ինստիտուտի տնօրեն Վիկտոր Կատվալյանը վստահ են, որ հայերենը կարգավիճակ ունեցող միակ լեզուն պետք է լինի ՀՀ-ում: Այլ լեզվի կարգավիճակ տալը անհիմն է և անհեռանկար:
Զրույցը վարում է Աննա Սարգսյանը:

Alt

Թատրոնը և ներկան, հյուրը` Ռուբեն Բաբայան


Թատրոն և արդիականություն: Որքանո՞վ է մեր թատրոնը համապատասխանում ներկայի պահանջներին, արտացոլում մեր իրականությունը: Ինչպիսի՞ն է թատրոն-դրամատուրգ-հանդիսատես կապը և ինչպես է այն նպաստում թատրոնի զարգացմանը: Այս թեմաների շուրջ Հայկ Համբարձումյանը զրուցել է Հովհ. Թումանյանի անվ. պետական տիկնիկային թատրոնի տնօրեն Ռուբեն Բաբայանի հետ:

Alt

Հայորդյաց տունը 20 տարեկան է


Մայր Աթոռ Ս. Էջմիածնի հովանու ներքո գործող հայորդյաց տները նշում են հիմնադրման 20 տարին: Նոյեմբերի 27-ին Սունդուկյանի անվան ազգային ակադեմիական թատրոնի բեմում հայորդյաց տան սաների տոնական համերգն էր: ճեմասրահում այցելուները ծանոթանում էին խեցեգործության, բատիկայի, մանրանկարչության, գեղանկարչության, գորգագործության դասարանների լավագույն աշխատանքներին:

Alt

Ավարտվեց Կինոաշուն 2013-ը


Հոկտեմբեր ամսին Հայաստանում կինոյի ամիս էր հայտարարված: Հայաստանի ազգային կինոկենտրոնն անցկացրեց ամենամյա Կինոաշուն նախագիծը: Այդ ընթացքում էր իրականացվում նաև Երևանն իմ քաղաքն է» կինոմրցույթը: Մոսկվա կինոթատրոնում պաշտոնապես եզրափակվեց Կինոաշուն 2013-ը:

Alt

Նարեկ Դուրյան


Դերասան Նարեկ Դուրյանի կարծիքով տգիտությունն ու անհանդուրժողականութունը մեզ հեռացնում են մշակույթից ու հոգևոր արժեքներից: Դերասանն այդ ամենի դեմ պայքարում է յուրովի` կատակերգական ներկայացումներով, որոնք հիմանակնում առօրյա կյանքից են և արդիական խնդիրներ են շոշափում:

Alt

Մեդիա կրթություն


Ի՞նչ է մեդիա կրթությունը: Ինչպե՞ս կողմնորոշվել ինֆորմացիոն հոսքերում, ինչպե՞ս ստուգել տեղեկատվությունը: Որքանո՞վ է մեդիա կրթությունը ներդրված արդի կրթական համակարգում: Թեման քննարկում են ԵՊԼՀ միջազգային լրագրության գիտա-ուսումնական կենտրոնի ղեկավար Տատյանա Հովհաննիսյանը և Մեդիա նախաձեռնությունների (նախկին Ինտերնյուս) կենտրոնի արտադրության բաժնի ղեկավար Հարություն Մանսուրյանը: Զրույցը վարում է Աննա Սարգսյանը:

Alt

Կրթություն և ինքնավարություն


Եթե կրթական համակարգը պետական կառավարման համակարգի մաս է, և եթե ԲՈՒՀ-ն էլ կրթական համակարգի մաս է, ապա ինչ է նշանակում ԲՈՒՀ-ի ինքնավարություն: Ո՞րն է դրա նպատակը: Ուսանողը, որպես կրթության սուբյեկտ, կարո՞ղ է նպաստել բուհական ինքնավարության ձևավորմանը: Թեման քննարկում են բարձրագույն կրթության փորձագետ Նվարդ Մանասյանը և Մարդու իրավունքներ, ժողովրդավարության ինստիտուտի փոխնախագահ Գոռ Հակոբյանը:
Զրույցը վարում է Աննա Սարգսյանը:

Alt

Կրթություն և թարգմանություն


Ինչու՞ է թարգմանությունը համարվում կրթության կարևոր գործիք: Որքանո՞վ ենք մենք շարունակում 5-րդ դարում ստեղծված հայ թարգմանական դպրոցի գործունեությունը: Ի՞նչ ենք թարգմանում և ինչու: Սարգիս Խաչենց» հրատարակչության գլխ. խմբագիր Սերգեյ Խաչիկօղլյանը և փիլ. գիտ. թեկնածու, Բրյուսովի անվան լեզվաբանական համալսարանի դասախոս Հակոբ Մադոյանը վերլուծում են կրթության և թարգմանության փոխառնչության թեման: Զրույցը վարում է Աննա Սարգսյանը: