Ռեժիսոր Լուսինե Բալյան

Գյումրու Սուրբ Ամենափրկիչը

Գյումրու խորհրդանիշներից մեկը համարվող Սուրբ Ամենափրկիչ եկեղեցին այս տարի տոնում է կառուցման 150 ամյակը։ Պատմում են, որ գյումրեցիները երազել են Աիի Մայր տաճարի նմանությամբ եկեղեցի ունենալ և 1850 ականներին կառուցման համար հանգանակություններ են սկսել։ 1873 թվականին մեծ դժվարություններով և սպասումներով կառուցված եկեղեցին 1930 ականներին խորհրդային իշխանությունների պարտադրանքով դադարել է գործել, իսկ 37 թվականին բոլշևիկները պայթեցրել են Զանգակատունը։ Սուրբ Ամենափրկչին վերջին հարվածը 1988 թվականի կործանարար երկրաշարժն է հասցրել, եկեղեցին խոնարհվել է: Երկար տարիների վերականգնումից հետո 2024 թվականին ավարտվեց Սուրբ Ամենափրկիչ եկեղեցու վերականգնումը և Ամենայան Հայոց Հայրապետի հանդիսապետությամբ վերաօծվեց:

«Մենք» հկ-ն ազգագրական պարեր է սովորեցնում

«Մենք» կրթամշակութային ՀԿ –ի կազմում ազգագրական պարի երեք խումբ է գործում՝ հիմնական, սիրողական և երեխաների: Նրանք տիրապետում են ոչ միայն ազգագրական պարերին, այլև քաջատեղյակ են դրանց իմաստաբանությանը և առաքելություն են ստանձնել տարածել ու սովորեցնել մեր պարերը՝ հեռավոր գյուղից մինչև մայրաքաղաք:

Մայր Տաճարի վերաօծման և մյուռոնօրհնության արարողությունների պատրաստություն

Մայր Տաճարի վերաօծման և մյուռոնօրհնության արարողությունների պատրաստություն

Սեպտեմբերի 28, 29 -ին կայանալիք Մայր Տաճարի վերաօծման և մյուռոնօրհնության արարողությունների համար հայկական զարդանախշերով ասեղնագործվում, կարվում են եկեղեցական տոնական նոր հանդերձներ։ Մայր Տաճարի եկեղեցական պարագաների, սպասքի վերականգնման աշխատանքները կատարում են լավագույն մասնագետները։ 

Մայր Տաճարի երգչախմբի առաքելությունը

Տասնամյակների հարուստ պատմություն ունեցող Մայր Տաճարի երգչախումբը պատրաստվում է սեպտեմբերի 28, 29 -ին կայանալիք համազգային կարևորագույն իրադարձություններին, որի ընթացքում երգչախումբը կարևոր մասնակցություն է ունենալու։ Նրանց երգեգեցողությամբ է վերաօծվելու Մայր Տաճարը և կատարվելու մյուռոնօրհնության արարողությունը։

Մաստարայի Սուրբ Հովհաննես եկեղեցի

Առանց սյուների առաջին հայկական եկեղեցին
Մաստարայի Սուրբ Հովհաննես Եկեղեցին զարմացնում է ճարտարապետական լուծումներով։ Սա Հայաստանում առաջին եկեղեցին է, որ կառուցվել է առանց սյուների։ Առավել ուշագրավ է լայնաթռիչք գմբեթը, որը շրջված զանգի են նմանեցնում։ Շատերը Սուրբ Հովհաննեսը ճանաչում են հենց Մաստարա անունով։

«Ոսկե սերունդ» ամառային ճամբար

Արցախից բռնի տեղահանված 63-79 տարեկան անձանց համար հունիսի 11-ից հուլիսի 7-ը «Միասին» ՀԿ-ն Ծաղկաձորում կազմակերպել է «Ոսկե սերունդ» սոցիալ-կրթական ամառային ճամբար: Ծրագրի նպատակն է հրավիրել հասարակության ուշադրությունը տարեցների խնդիրներին, ցուցաբերել սոցիալ-հոգեբանական աջակցություն, նպաստել նրանց առողջ ապրելակերպին, օգտակար և հետաքրքիր առօրյայի կազմակերպմանը։ Ծրագիրն իրականացվել է «Առաքելություն Հայաստան» բարեգործական հասարակական կազմակերպության միջոցով և ՄԱԿ-ի Փախստականների հարցերով գերագույն հանձնակատարի գրասենյակի ֆինանասավորմամբ։

Արցախի հեղինակային երգի ակումբի վերածնունդը

Արցախի հեղինակային երգի ակումբը հիմնել է Ջուլիետտա Առուստամյանը Շուշիում կիթառի դասարանի իր սաների հետ: Նրանք միասին մի քանի պատերազմ են անցել, տեղահանությունից հետո Հայաստանում փորձում են կրկին գործիքներ ձեռք բերել, ստեղծագործել, երազել Արցախ վերադառնալու մասին: Ակումբը այժմ գործում է «Բաց հարթակի» տարածքում, երաժիշտներին աջակցում է նաև հեղինակ կատարող Արեգ Նազարյանը:

ԳՀՃ քառաձայն արական երգչախմբի առաքելությունը

Գեւորգյան հոգեւոր ճեմարանի երգչախումբը աշխատում է, որպեսզի առաջիկայում մասնակցի միջազգային մրցույթների և թողարկի ձայնագրություններ։ Երգչախմբի նպատակն է տարածել ու ճանաչելի դարձնել հայ հոգևոր ու ժողովրդական երգը, լինել Կոմիտաս վարդապետի գործի կրողն ու շարունակողը։

«Ուրու» բենդ

«Ուրու» բենդի նոր երգերը շուտով կողողեն համացանցը

«Ուրու» բենդի երգերը շուտով հասանելի կդառնանա սոցիալական բոլոր հարթակներում: Բենդը ձևավորվել է անվանի ռոք երաժիշտ Արիկ Գրիգորյանի ղեկավարությամբ՝ Թումոյի աշխատարաններում: Վերջին մեկ տարում խումբը հանդես է գալիս համալրված կազմով և ընդլայնված երգացանկով: Մեկ գաղափարի շուրջ համախմբված ութ տարբեր անհատականություններ ստեղծագործում են հայերեն և երաժշտություն գրում հայ պոետների գործերով:
 

Լուսինե Զաքարյան

Նա առաջինն էր, որ հոգեւոր երգը, միջնադարյան տաղերը, շարականները ոչ միայն կատարեց, այլ նաեւ հնչեցրեց միջազգային բեմերից։ Նա ավելի քան 30 տարի մայր տաճարի երգչախմբի մեներգչուհին էր։ Ֆիլմը ներկայացնում է Լուսինե Զաքարյանի վաստակը և նրա անունը կրող տուն թանգարանի հինգամյա գործունեությունը: