Օպերատոր Արտաշես Մաթևոսյան

Հայկ Ղազարյան

«Հայաստանում հեշտ չէ աշխատելը, բայց հենց դա էլ ինձ ոգեշնչում է, ես սիրում եմ արդարացված ռիսկերի գնալ և վստահ եմ, որ հենց Հայաստանում է պետք դա անել»: Հայկ Ղազարյանը, 25 տարի Կանադայում ապրելուց հետո որոշել է վերադառնալ Հայաստան: Ընկերների հետ հիմնադրել է պլաստիկ շշերի վերամշակման «Ապագա» կազմակերպությունը: Հպարտ է, որ Կանադայում ստացած կրթությունն ու գիտելիքն այսօր կարողանում է օգտագործել իր բիզնեսում, Հայաստանում: 

Միքայել, Հուսիկ, Եղիշե քահանա Նուրիջանյաններ

«Իմ հովիվը» հաղորդաշարն այս անգամ հյուրընկալվել է Միքայել, Հուսիկ, Եղիշե քահանա Նուրիջանյաններին: Երեք եղբայրները ծառայում են տարբեր համայնքներում: 

Հրանտ. գրողն ու ժամանակը

Լույս է տեսել Գևորգ Տեր-Գաբրիելյանի «Հրանտ» հուշագրությունը-վիպակը, որտեղ Հրանտ Մանթևոսյան մարդն ու գրողը ներկայացվում է իր ժամանակի հասարակական-մշակութային հարաբերությունների լայն համապատկերում: Ի՞նչ ակունքներ ուներ Հր. Մաթևոսյանի ստեղծագործությունը, ի՞նչ հարաբերություններ՝ ժամանակի ու կինոյի հետ, ինչո՞ւ էր գրում Հրանտը և գնահատվա՞ծ էր արդյոք: Այս հարցերի մասին Հայկ Համբարձումյանը զրուցել է գրող, հրապարակախոս Գևորգ Տեր-Գաբրիելյանի հետ: 

Սոցաջակցության ծառայությունների վիճակը մարզերում

Սոցիալական աջակցության համայնքային ի՞նչ ծառայություններ կան Հայաստանի մարզերում, ովքե՞ր են մատուցում այդ ծառայությունները և ի՞նչ կարիքներ ունեն հաշմանդամություն ունեցող երեխաներն ու նրանց ընտանիքները։ 

Փրկված ձեռագործ գանձեր

Փրկված, ցեղասպանությունը վերապրած մշակութային արժեքների մասին խոսելիս սովորաբար նկատի ենք ունենում ձեռագիր մատյանները, սակայն հայ ժողովուրդը ստեղծել, փրկել և պահպանել է նաև կիրառական արվեստի նմուշներ՝ ասեղնագործ տարբեր իրեր: Ինչպե՞ս են պահպանվել ու մեզ հասել ձեռագործ իրերը, ի՞նչ արժեք ունեն, որքանո՞վ են հայ ասեղնագործության ինքնատիպ այդ նմուշներն այսօր հայտնի աշխարհին: Այս հարցերի մասին Հայկ Համբարձումյանը զրուցել է իրավաբան, հավաքորդ Նարեկ Վան Աշուղաթոյան հետ:

Ներառական կրթություն. «Զապորոժեցն» ու «Մերսեդեսը»

Երևանում գործող առնվազն չորս հատուկ դպրոցի շուրջ 130 երեխա 2019թ.-ի սեպտեմբերի 1-ից կտեղափոխվի հանրակրթական դպրոցներ: Ի՞նչ կառուցվածքային փոփոխություններ են ծրագրվում դպրոցներում և համայնքներում, ի՞նչ նոր ինստիտուտներ են ներդրվում և որո՞նք են դրանց գործառույթները: Ինչպե՞ս են համատեղվելու ներառական կրթության նպատակներն ու հայաստանյան իրողությունները:    

Ճրագալույցի պատարագից հետո տնօրհնեքի կարգ կատարվեց հին վեհարանում

Մատենդարանը որպես գիտական կենտրոն ու թանգարան

Գիտահետազոտական ու թանգարանային գործունեության ի՞նչ առաջնահերթություններ և խնդիրներ կան Երևանի մատենդարանում: Ինչպե՞ս է հնարավոր առավել արդյունավետ կազմակերպել աշխատանքները, ի՞նչ նոր ծրագրեր են իրականացվում մեր ձեռագրական հարուստ ժառանգության ուսումնասիրության և հանրահռչակման ուղղությամբ: Այս հարցերի մասին Հայկ Համբարձումյանը զրուցել է Մեսրոպ Մաշտոցի անվ. մատենադարանի տնօրեն Վահան Տեր-Ղևոնդյանի հետ:

Անցնցում ներառման սպասումով

Ըստ ՀՀ կառավարության գործողությունների ծրագրի, 2019թ-ին համընդհանուր ներառման կանցնեն Երևանը,  Շիրակը և Արագածոտնը։ Հատուկ դպրոցները կվերակազմակերպվեն որպես տարածքային մանկավարժահոգեբանական աջակցության կենտրոններ, իսկ այդ դպրոցներում կրթություն  և խնամք ստացող տարբեր խնդիրներով երեխաները կտեղափոխվեն  հանրակրթական դպրոցներ։ Թեև փոփոխությունները սպասելի էին, բայց դպրոցներում խուճապային տրամադրություններ են սկսվել։ Ակնհայտորեն անհանգստություն կա գործընթացի անցնցում ընթացքի վերաբերյալ։ 

Խորհրդային Հայաստանի երգիծական մամուլը. քարոզչություն և քննադատություն