Շարքի հերոսը քահանան է, ում կերպարը ներկայացվում է ընտանիքի, մասնավորապես երեխաների հետ կապի ու հարաբերությունների միջոցով:
Համայնքի մտերիմ և հուսալի հովիվը նաև սիրված և վստահելի հայր է:
Պարբերականությունը՝ երկուշաբթի օրը, ժամը 21:00-ին
Կրկնությունը՝ երեքշաբթի օրը, ժամը 10:45-ին
 |
Տ. Ներսես քահանա ՌուշանյանՄեր նկարահանող խումբը Արտիմետ գյուղի հոգևոր հովիվ Տ. Ներսես քահանա Ռուշանյանի ընտանիքում է: Չորս որդիները տեր հոր լավագույն ընկերներն են, որոնք առաջին հերթին նրան համբերատարություն են սովորեցրել: |
 |
Տ. Ղևոնդ քահանա ԳափոյանՄեր նկարահանող խումբը Աշտարակի Սուրբ Կարմրավոր եկեղեցու հոգևոր հովիվ Ղևոնդ քահանա Գափոյանի տանն է: Տեր հայրը որդու՝ Հարությունի հետ ձկնորսության է գնում ու հող մշակում: Դուստրը՝ Սոնան, երազում է հոգեբան դառնալ, զբաղվել հաշմանդամություն ունեցող երեխաներով: «Երեխային պետք է որոշում կայացնելու և սեփական ուղին ընտրելու հնարավորություն տալ»,-ասում է տեր Ղևոնդը: |
 |
Տ. Համազասպ քահանա Գրիգորյան«Հայր լինելը բերկրանք է, դա Աստծո մեծագույն նվերն է մարդուն, դա փոքր-ինչ մասնակից դառնալ է արարաչագործություն ընթացքին»: Մեր նկարահանող խումբն այցելել է Տ. Համազասպ քահանա Գրիգորյանի ընտանիք: |
 |
Տեր Նշան քահանա Պանֆյորով
«Աստված ամեն զավակի հետ մի օրհնություն բերեց»: Նշան քահանա Պանֆյորովը ծառայում է Գյումրիի Ս. Գրիգոր Լուսավորիչ եկեղեցում, ողջ ընտանիքը ներգրավված է տեր հոր եկեղեցական ծառայության մեջ: Երեցկինն ու կրտսեր դուստրը երգչախմբում են երգում, որդին շապիկ է հագնում, խորան բարձրանում:
«Տեր հայրը կարողանում է շուրջը հավաքել մարդկանց, ուրախացնել, տրամադրություն բարձրացնել, բայց խստապահանջ է` առաջին հերթին իր նկատմամբ, հետո՝ մեր»,-խոստովանում է երեցկինը:
|
 |
Տ. Վրթանես քահանա Բաղալյան
«Հայրիկին այնքան են սիրում Օձունում, որ եթե որոշեն նրան Օձունից տեղափոխել ծառայության այլ վայր, գյուղացիները մեծ ցույց կկազմակերպեն»:
Մեր նկարահանող խումբն այցելել է Տ. Վարթանես քահանա Բաղալյանի ընտանիք:
|
 |
Տ. Շահե քահանա ՀայրապետյանՔչերը գիտեն, որ Երևանի Ս. Սարգիս եկեղեցու հոգևոր հովիվ Տ. Շահե քահանա Հայրապետյանը սիրելի հոգևորական լինելուց բացի, հինգ զավակների հայր է: Հայրս քահանա է» հաղորդաշարի հերթական թողարկումը պատմում է հոգևոր հովվի ու նրա ընտանիքի մասին: |
 |
Տեր Զաքարիա քահանա ԱվետիսյանՆոր էի ձեռնադրվել քահանա, քառասնօրյա ապաշխարության մեջ էի Սևանում, լուսադեմին զանգահարեցին՝ աչքդ լու~յս, հայրիկ ես դարձել, աղջիկ ես ունեցել: Չեմ կարող նկարագրել` ինչ զգացումներ էին...»-պատմում է Տ. Զաքարիա քահանա Ավետիսյանը: Տեր հոր առաջնեկ Անահիտն արդեն 14 տարեկան է, երազում է հայտնի դիզայներ դառնալ, որդին` Վաչեն, հայրիկի նման երգել է սիրում, երեքամյա Մանեն էլ ընտանիքի ուրախությունն է: |
