ՕԳԳ

Կրաշենցի Հռիփսիմեն

«Ես սկսել եմ իմ գյուղից՝ Կրաշենից»,- ասում է տիկին Հռիփսիմեն: Տրակտոր ու բեռնատար է վարում, խաղահրապարակ և ավտոբուսի կանգառ է կառուցում, ծառատունկ և աղբահանություն է կազմակերպում: Ծրագիր ունի գյուղի կանանց համար չրանոց ստեղծելու: Վստահ է՝ եթե ամեն մեկն իր գյուղում մի բան անի, երկրում փոփոխություն կլինի:

Հայհաբ (Hihub)

Շաբաթը 7 օր, 24 ժամ ձեր առողջական խնդիրների մասին կարող է լսել և հրատապ արձագանքել «Հայհաբ» (Hihub) ընկերության բժիշկը: Օնլայն հարթակում ընկերության բժիշկները անվճար խորհրդատվություն են տամադրում, պատասխանում հարցերին, անգամ կարդում դեղատոմսի անընթեռնելի ձեռագիրը:

Էկո գրիչներ

Բնությունը պլաստիկով հնարավորինս քիչ աղտոտելու համար «Էլբակյան» ընկերությունը գրիչներն արտադրում է թղից, որը հեշտությամբ քայքայվում է հողում՝ դառնալով հումուս բույսերի համար: Թղթից պատրաստված մեկ այլ գրիչի տեսակի վրա պատիճով սերմեր են տեղադրում: Գրչի թանաքը վերջանալուց հետո գնորդն այն տնկում է սովորական հողի մեջ, խնամում ու բացահայտում՝ ինչ պտուղ է տվել իր գրիչը:

Խցաններով խճանկարներ

Գյումրիում երիտասարդները հավաքում են պլաստիկ շշերի թափոն-խցանները և դրանցով խճանկարներ պատրաստում:

Կիսիր ճանապարհդ, թեթևացրու երթևեկությունը

«Կիսիր ճանապարհդ, թեթևացրու երթևեկությունը» նախաձեռնությունը «Ֆեյսբուք» սոցիալական հարթակի միջոցով միավորում է կամավոր վարորդներին և ուղևորներին ինքնակազմակերպվել և թեթևացնել երթևեկությունը: Ինչպե՞ս. ներկայացնում են նախաձեռնության հեղինակները:  

«Արվեստ» խաղ

«Էյվա» արվեստների հիմնադրամն ստեղծել է խաղ: Ծանոթացեք կերպարվեստի հայ մեծերի գործերին ու նրանց մասին հետաքրքիր տեղեկություններ իմացեք՝ խաղալով «Արվեստ»:

«Ապագա» ընկերություն

Թուղթը աղբ չէ

«Թուղը աղբ չէ» նախաձեռնությունը աղբի տեսակավորման և վերամշակման մասին է: Առանց որևէ ֆինանսական միջոցների, ինքնակամ քաղաքացիները միացել են նախաձեռնությանը: Քաղաքի տարբեր անկյուններում կամավորների օգնությամբ տեսակավորվում են թուղը, ապակին և պլաստիկը, այնուհետև բեռնատարները դրանք տեղափոխում են վերամշակող գործարաններ: Թափոններից ստացված գումարը ուղղում են որևէ բարեգործական ընկերության: Նախատեսում են աջակցություն ստանալ քաղաքապետարանից և ավելի ինստիտուցիոնալ զբաղվել այս հարցով:

Ներառական փուռ-սրճարան Գյումրիում

Գյումրիի «Արեգակը» Հայաստանում առաջին ներառական փուռ-սրճարանն է, որտեղ աշխատում են հաշմանդամություն ունեցող երիտասարդներ: 

Մարզասրահ հաշմանդամների համար

2014թ.-ին մայոր Սարգիս Ստեփանյանն ընկերոջը փրկելիս ականային վիրավորում է ստանում, կորցնում ոտքերն ու աջ ձեռքը: Սակայն նա կարողանում է ոչ միայն ոտքի կանգնել, այլև դառնալ բազկամարտի աշխարհի և Եվրոպայի չեմպիոն: Իսկ այսօր Սարգիսն իր զինակից ընկերների հետ հիմնել է ներառական մարզասրահ, որտեղ կարող են մարզվել և կոփվել բոլոր ցանկացողները: Մարզասարքերը նախատեսված են նաև հաշմանդամություն ունեցողների համար: Կամավոր սկզբունքով աշխատող մարզիչներն անում են ամեն ինչ, որ Հայաստանում զարգանա հաշմանդամ մարդկանց սպորտը և Սարգիս Ստեփանյանի օրինակը վարակիչ լինի մարզասրահ հաճախող մարզիկների համար: