 |
Վերականգնվել են Փարաքարի Սուրբ Հարություն եկեղեցու սրբապատկերներըՇառլ Ազնավուրի անվան մշակույթի և արվեստի պետական քոլեջի «Արվեստի ստեղծագործությունների վերականգնում, կոնսերվացում և պահպանում» բաժնի ուսանողները վերականգնել են Փարաքարի Սուրբ Հարություն եկեղեցու սրբապատկերները։ Նրանք քննել են վնասվածքների պատճառները, բացահայտել են խոնավության, ջերմաստիճանի, հպման, թե ժամանակի ազդեցությամբ են առաջացել փոփոխությունները, ապա անցել մաքրման և ամրացման աշխատանքին: Յուրաքանչյուր կտավի վրա աշխատանքը օրեր է տևում՝ կախված աղտոտվածության աստիճանից: |
 |
«Սրբազան պայքարի» գործով դատական նիստին պաշտպանները պահանջել են ԱԱԾ գաղտնալսման տվյալներըՊաշտպանական կողմը միջնորդություն է ներկայացրել դատարանին՝ ԱԱԾ-ից պահանջելու այն օպերատիվ տվյալները, որոնց հիման վրա շուրջ մեկ տարի գաղտնալսումներ են իրականացվել։ Փաստաբանները պնդում են՝ եթե այդ նյութերը չտրամադրվեն դատարանին, ապա գործով ձեռք բերված բոլոր ապացույցները պետք է ճանաչվեն ապօրինի՝ իրավական հիմքի բացակայության պատճառով։ Հանրային մեղադրողները պնդել են, որ ներկայացված միջնորդությունն այս փուլում պետք է մերժվի կամ հետաձգվի, քանի որ օպերատիվ-հետախուզական միջոցառումների արդյունքներին վերաբերող ապացույցները դեռևս չեն ստացվել։ |
 |
Հայ Առաքելական եկեղեցիներում կատարվել է Խավարման կարգԱվագ հինգշաբթի երեկոյան՝ Քրիստոսի մատնության և չարչարանքների հիշատակին, հայոց եկեղեցիներում կատարվում է խավարման կարգ, որն ավագ ուրբաթի խորհրդի մասն է: Հինգշաբթի երեկոյան Աստծո որդին ձերբակալվում է մատնությամբ, չարչարանքների, անարգանքի ենթարկվում, ապա մահվան դատապարտվում: Եկեղեցիներում խավարման և վշտի արարողությունը ձգվում է մինչև կեսգիշեր: Սուրբ խորանին 12 մոմ են վառվում, դրանք առաքյալների խորհրդանիշն են, կենտրոնում Քրիստոսին խորհրդանշող մեծ մոմն է, որովհետև Խավարման գիշերվա մթից ազատագրող լույսն է Քրիստոս: |
 |
Մայր Աթոռում ապաշխարողաց կարգ է կատարվելԱպաշխարության կարգը մեղքերից մաքրվելու հնարավորություն է: Այս կարգից հետո է, որ հավատացյալներն արժանի են դառնում սուրբ Հաղորդությանը։ Ովքեր ապաշխարությամբ են անցել Մեծ Պահքի շրջանը, վաղ առավոտյան՝ ժամը 7:30-ին գնում են եկեղեցի, որտեղ ժամերգության ավարտին կատարվում է ապաշխարողաց կարգ: Սաղմոսներով և շարականներով հարուստ այս գեղեցիկ արարողության ժամանակ հավատացյալներին արձակում է շնորհվում, որպեսզի քառասնօրյա պահեցողությունից հետո նրանք մոտենան սուրբ Հաղորդությանը: |
 |
Ավագ հինգշաբթին եկեղեցու ծիսակարգում ամենահագեցած օրն էՄայր Աթոռում առավոտյան ժամը 7:30-ին ժամերգություն և ապաշխարողաց արձակման կարգ է կատարվել, որից հետո սուրբ Պատարագ է մատուցել Հայր Դավիթը: Հենց ավագ հինգշաբթի Հիսուս հաստատեց սուրբ հաղորդության խորհուրդը։ Ավագ հինգշաբթին Մեծ պահքի այն եզակի օրերից է, երբ խորանի վարագույրը բացվում է, մատուցվում է բաց Պատարագ և հաղոր¬դու¬թյուն է տրվում: Հաղորդությունը Հայ առաքելական եկեղեցու գլխավոր խորհուրդներից է, քանի որ հենց դրա միջոցով են հաղորդվում Քրիստոսի մարմնին ու արյանը, ստանում կենդանարար սնունդ: |
 |
Ծաղկազարդի տոնի օրը՝ երեկոյան ժամերգության ընթացքում կատարվել է Դռնբացեքի արարողությունԱմենայն հայոց Հայրապետը Դռնբացեքի արարողության ժամանակ օրհնեց ներկաներին։ Արարողության ժամանակ տեղի է ունենում երկխոսություն փակ խորանի առջև ծնկած և վարագույրից այն կողմ գտնվող հոգևորականների միջև: Վարագուրված խորանը խորհրդանշում է երկնային արքայությունը: Մարդիկ վերապրում են աշխարհի վախճանին սպասվող այն իրադարձությունը, երբ պետք է բացվեն Աստծո արքայության դռներն ու արդարները պիտի մուտք գործեն այնտեղ: |
 |
Լույս է տեսել Մայր տաճարի նորոգությունների մասին արխիվային փաստաթղթերի ժողովածուՀատորը նվիրված է Մայր տաճարի վերաօծմանը և Գարեգին Երկրորդ Ամենայն Հայոց Կաթողիկոսի գահակալության 25-րդ տարեդարձին: Ժողովածուն կազմել են Ասողիկ աբեղա Կարապետյանը և պատմաբան Գոհար Ավագյանը: Հատորում ներառվել են 7-ից 21-րդ դարերի փաստաթղթեր Մաշտոցյան Մատենադարանից, Հայաստանի ազգային արխիվից և Մայր Աթոռի արխիվից: |
 |
Մայր Աթոռում Ծաղկազարդի տոնին նվիրված գեղանկարչության բաց դաս է անցկացվելՏեր Հարություն վարդապետ Կիրակոսյանի առաջնորդությամբ Էջմիածին են ժամանել Հայորդյաց տների սաները: Գեղանկարչությունից ու կավճանկարչությունից հետո Մայր Աթոռի տարածքում կայացել է տոնական համերգ, որտեղ հանդես են եկել հայորդյաց տների դհոլահարները, պարախմբերը, կրկեսի դպրոցի սաները: Հայորդյաց տների սաները հանդիպե են Գարեգին Երկրորդ Ամենայն Հայոց Կաթողիկոսին: Վեհափառ Հայրապետը օրհնել է երեխաներին: |
 |
Հայ Առաքելական Եկեղեցին տոնախմբեց Հիսուս Քրիստոսի Երուսաղեմ հաղթական մուտքի հիշատակը` ԾաղկազարդըԳարեգին Երկրորդ Ամենայն Հայոց Կաթողիկոսի օրհնությամբ Ծաղկազարդի տոնը հռչակվել է մանուկների օրհնության օր։ Մայր Աթոռում առավոտյան ժամերգությունից հետո Հայոց Հայրապետի հանդիսապետությամբ տեղի ունեցավ Անդաստանի արարողություն և մանուկների օրհնության կարգ: Գարեգին Երկրորդ Ամենայն Հայոց Կաթողիկոսն իր օրհնությունը բաշխեց մանուկներին, որից հետո Անդաստանի ընթացքում օրհնված ուռենու ճյուղերը բաժանեցին հավատացյալներին: Վեհափառ Հայրապետը երեխաներին խաչեր ընծայեց: Ամենայն Հայոց Կաթողիկոսի հանդիսապետությամբ մատուցվեց Սուրբ և Անմահ Պատարագ: |
 |
Օշականի Սուրբ Մեսրոպ Մաշտոց եկեղեցում Արագածոտնի թեմի հոգեւորականները մասնակցել են ժամերգությանԱրագածոտնի թեմի վարչական խորհրդի ատենապետ Տեր Շնորհք աբեղա Պալոյանի հանդիսապետությամբ Օշականի Սուրբ Մեսրոպ Մաշտոց եկեղեցում թեմի հոգևորականները, Ղազարավանի մենաստանի միանձնուհիները, վանականները, ուխտավորները միասնաբար մասնակցել են երեկոյան ժամերգության: Արարողության մասնակիցները խոնարհվելով Սուրբ Մեսրոպ Մաշտոցի շիրմին՝ խնդրեել են Սրբի բարեխոսությունը՝ փորձությունների այս օրերին իրենց հավատքն ավելի ամրացնելու համար: Աղոթել են սիրելի Առաջնորդ Մկրտիչ Սրբազանի, անազատության մեջ գտնվող հոգևորականների ու եկեղեցու զավակների, ապա՝ Հայրենիքի, Սուրբ Եկեղեցու և բոլորի համար։ |
 |
Դատարանը որոշել է «Սրբազան պայքարի» գործով հարցաքննել 34 վկայի«Սրբազան պայքարի» գործով դատական նիստին դատարանը ամբողջ ծավալով ընդունել է մեղադրող կողմի ներկայացրած գրավոր ապացույցները և որոշել հարցաքննել 34 վկայի։ Դատարանը նաև բավարարել է պաշտպանական կողմի միջնորդությունը՝ որպես վկա ներգրավել Գառնիկ Դանիելյանին և Հովհաննես Ավետիսյանին, սակայն միևնույն ժամանակ անընդունելի է համարել բարձրաստիճան պաշտոնյաներին՝ ՔԿ նախագահին ու Գլխավոր դատախազին հարցաքննելու պահանջը։ Պաշտպանական կողմը պնդում է, որ երկրի բարձրագույն ղեկավարությունը ամենաբարձր ամբիոններից հնչեցնում է գործին վերաբերող հրապարակային հայտարարություններ, որոնք բացակայում են քրեական վարույթի նյութերից։ |
 |
Արշակ արքեպիսկոպոսի պաշտպանների միջնորդությամբ դատավորը բացարկ է հայտնելՊաշտպանները բացարկ են հայտնեց դատավորին, որովհետեւ նա մտերմ է քննչական մարմինների ծառայողների հետ, որոնք ներգրավված են Սրբազանին վերագրվող գործում։ Դատավոր Գևորգ Մանուկյանը բավարարել է փաստաբանների միջնորդությունը։ Սրբազանին մեղադրանք է ներկայացվել, որ իբրև իր հանձնարարությամբ 2018 թ․ «Նոր Հայաստան, նոր հայրապետ» շարժման անդամի ուսապարկի մեջ թմրանյութ են դրել։ Այս գործի պատճառով Սրբազանը 3 ամիս գտնվել է անազատության մեջ։ |