Տ. Վաչագան քահանա Գյուրջյան


Հեռուստադիտողների և օգտատերերի հարցերին պատասխանել է Տ. Վաչագան քահանա Գյուրջյանը: Գրեք ձեր հարցերը «Հարց ու պատասխան» ֆեյսբուքյան էջին:

Ինչո՞ւ խոստովանության կարգը պատարագի վերջում չի կատարվում:
Ու՞մ համար է նախատեսված «Հայսմավուրքը»:
Ի՞նչ է նշանակում հինանց շրջան:
Ո՞րն է Հուդայածառը:
Եկեղեցիների օծման ժամանակ ինչո՞ւ է գինի գործածվում:
Ինչո՞ւ չամուսնացած կինը չի կարող լինել կնքամայր:
 

Ամենայն Հայոց Կաթողիկոսն այցելել է Ուշիի Սուրբ Սարգիս վանական համալիր


Վանական համալիրը նորոգվում է Վարդանյան և Մկրտչյան ընտանիքների հովանավորությամբ։ Բարերարները նախատեսում են վերականգնել ամբողջ վանական համալիրի հոգևոր և աշխարհիկ կառույցները: Շինարարությունը հնարավոր է տևեն մինչև 10 տարի։ Առաջին փուլում կվերականգնվի վանական համալիրի Սուրբ Աստվածածին եկեղեցին, ապա՝ գավիթը։

 

Տ. Տիգրան քահանա Բադիրյան


Հեռուստադիտողների և օգտատերերի հարցերին պատասխանել է Տ. Տիգրան քահանա Բադիրյանը: Գրեք ձեր հարցերը «Հարց ու պատասխան» ֆեյսբուքյան էջին:

Տնօրհնեքի ժամանակ պարտադի՞ր է, որ քահանան իր հետ նշխար բերի:
Ինչպե՞ս հասկանալ, որ հանգուցյալի հոգին խաղաղության մեջ է:
«Հայր Մեր» աղոթքի մեջ ճիշտ է ասել՝ փրկեա զմեզ ի չարէ՞, թե՞՝ ի չարէն:
Ինչո՞ւ եկեղեցիներում չի վերահսկվում գլխաբաց կանանց մուտքը: 
Չափահաս մկրտվողը պատրատության ի՞նչ շրջան պետք է անցնի:
Խնդիրներ ունեցող երեխաներն արդյո՞ք եկեղեցական կյանքով ապրելու հավասար  հնարավորություններ ունեն.
 

Ազգային հերոսի կոչում ստացած բարերարի որդին այցելել է «Իզմիրլյան» ԲԿ


Ամենայն Հայոց Կաթողիկոսը մեծանուն բարերար Տիգրան Իզմիրլյանի որդու՝ Սարգիս Իզմիրլյանի և նրա կնոջ հետ այցելել է «Իզմիրլյան» բժշկական կենտրոն, որը 2012 թվականին է վերանվանվել բարերարի անունով։ Տիգրան Իզմիրլյանի ներդրումը հիվանդանոցի վերազինման գործում անգնահատելի է: Իզմիրլյան ամուսիններն այցելել են նաև Հրաչ և Սյուզան Թուֆայան հայորդաց տուն և «Էօրնեկեան» հանրակրթական դպրոց։

 

Տ. Ռուբեն վարդապետ Զարգարյան


Հեռուստադիտողների և օգտատերերի հարցերին պատասխանել Տ. Ռուբեն վարդապետ Զարգարյանը: Գրեք ձեր հարցերը «Հարց ու պատասխան» ֆեյսբուքյան էջին:

Ի՞նչ է նշանակում  «Հայտնության» գրքում նշված Եփրատի ցամաքելը, և ովքե՞ր են Արևելքի թագավորները:
Ինչու՞ է Աստված պատվիրում 6 օր աշխատել, իսկ 7-րդ օրը հանգստանալ:
«Հայր մեր» աղոթքը կարո՞ղ են այլ կրոնների հետեւորդներն արտասանել:
Զատկից հետո կիրակիների անվանումները որտեղի՞ց են գալիս:
Կլինիկական մահ ապրած մարդու հոգին հանդիպու՞մ է Աստծուն:
Ինչպե՞ս տարբերել Քրիստոսի անունից մարդկանց մոլորեցնողներին ու ճշմարիտ հավատ քարոզողներին։
 

Արցախի «Մենք ենք մեր սարերը» երգի-պարի համույթ


Արցախյան խումբը փորձում է նորից հավաքվել

Արցախից բռնի տեղահանությունից հետո «Մենք ենք մեր սարերը» երգի-պարի պետական համույթը փորձում է  նորից հավաքվել և շարունակել գործել Հայաստանում: Արդեն կարողացել են համերգ կազմակերպել, բայց ոչ ամբողջական կազմով: Նյութական միջոցների բացակայության պատճառով խմբի գործիքային մասը չկա, արցախցի երաժիշտները իրենց մշակույթը պահելու առաքելություն են ստանձնել և պատրաստ են անկախ դժվարությունների գործել:    
 

«Վանական» ռոք խումբ


«Վանականը» նոր երգ կթողարկի

«Վանական» ռոք խումբը առաջիկայում պատրաստվում է նոր երգ թողարկել և տեսահոլովակներ նկարահանել։ Խումբն ընդամենը մի քանի տարվա պատմություն ունի, բայց հասցրել է երկրպագուների բանակ ձեռք բերել։ «Վանական» խմբի անդամները զուգահեռ այլ տեղերում են աշխատում եւ իրենց վաստակած գումարները ներդնում խմբի զարգացման համար։
 

Ճակատեն


Մինչև 44-օրյա պատերազմը թշնամին Ճակատեն գյուղից հեռու էր ավելի քան 100 կլիլոմետր, հիմա գյուղի տներից մի քանի մետր հեռավորության վրա է։ Գյուղն ու գյուղ մտնող ճանապարհը թշնամու կողմից ամբողջությամբ դիտարկվում է։ Գյուղացիների պնդմամբ՝ թշնամին վերցրել է արոտավայրերի մոտ կեսը։

Շիկահող


Սյունիքի մարզի Շիկահող գյուղը, որը մինչեւ 44-օրյա պատերազմը սահմանամերձ չէր, այժմ Ադրբեջանի հետ 30 կմ սահման ունի։ Ադրբեջանցիների վերջին հարձակումից, դիրքերի եւ տարածքների գրավումից հետո դաշտերում աշխատելը անհնար է դարձել։ Ադրբեջանի թիրախում են հայտնվել գյուղի վարչական տարածքում գտնվող վարելահողերը։ Չկա հեռավորություն ու չեզոք գոտի։
Թշնամու թիրախում հայտնված Շիկահողում դիմակայելով բոլոր մարտահրավերներին, անտրտունջ ապրում է, շենացնում և արարում հայ գյուղացին։

Շուշիկի բենդ


«Շուշիկի» բենդը հանրայնացնում է Կոմիտասի երաժշտությունը

«Շուշիկի» բենդի աղջիկները ծանոթացել են Ջրվեժի սուրբ Կաթողիկե եկեղեցում։ Նրանք կատարում են հայկական ֆոլկ երաժշտություն, մարզերում իրականացնում են կրթական տարբեր ծրագրեր, հանրայնացնում են կոմիտասյան երաժշտությունը: Արդեն երկու տարի է բենդը մասնակցում է միջազգային փառատոնի։ Վերջին շրջանում հաճախ երաժշտական ծրագրեր են իրականացնում Տավուշի մարզում։
 

Հակոբ Մովսես․ Հարության խորհուրդը


Քրիստոնեության բուն էությունը հարությունն է։ Պատմության մեջ Քրիստոսից առաջ խաչվել են հարյուր հազարավոր մարդիկ, խաչելությունն ընդամենը պատժի ձեւ էր, բայց հարություն է առել միայն մեկը՝ Հիսուս Քրիստոսը։ Բանաստեղծ, թարգմանիչ Հակոբ Մովսեսը ներկայացնում է հարության խորհուրդի իր ընկալումը, կարդում այդ թեմայով գրված իր բանաստեղծությունները։

 

Ամենայն Հայոց Կաթողիկոս․ հայ ժողովուրդը կանգնած է գոյաբանական խնդրի առջև


Վեհարանում Ամենայն Հայոց Կաթողիկոսը հայտարարել է, որ Քրիստոսի Սուրբ Հարության տոնն այս տարի չի պարունակում նախորդ տարիների ուրախությունն ու ցնծությունը: Ժամանակները բարդ են և անկանխատեսելի զարգացումներով լեցուն հայ ժողովրդի և Հայաստանի համար: Միեւնույն ժամանակ Վեհափառ Հայրապետը նկատել է, որ Քրիստոսին հավատացող ժողովուրդը պատմության ընթացքում իր հավատքով կարողացել է հաղթահարել այսօրվա փորձություններից ոչ նվազ ծանր դժվարություններ։