Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին
 |
Արմենոֆոբիա. Ադրբեջանի պետական գաղափարախոսությունըԼույս է տեսել «Հայատյացությունը Ադրբեջանի պետական գաղափարախոսության հիմքում» մենագրությունը՝ հայերեն և անգլերեն լեզուներով: Մեր տաղավարում Ադրբեջանի հարցերով փորձագետ, «Արմենոֆոբիա» մենագրության հեղինակ Գառնիկ Դավթյանն է: Զրույցը վարում է Աննա Սարգսյանը: |
 |
Հայաստան-Արցախ-Սփյուռք եռանկյունին պատերազմից հետո2020 թ. պատերազմը փոխեց մեր հարաբերությունները ոչ միայն աշխարհի հետ, այլև՝ ինքներս մեզ հետ: Հնարավո՞ր է լուծել հայկական որևէ խնդիր, երբ հայերն իրար չեն վստահում: Ո՞ր կառույցները կարող են վերահաստատել Հայաստան-Արցախ-Սփյուռք եռանկյունու խարխլված կապերը: Մեր զրուցակիցն է միջազգայնագետ, Սփյուռքի հարցերով Արցախի Հանրապետության նախագահի խորհրդական Ազատուհի Սիմոնյանը: Զրույցը վարում է Աննա Սարգսյանը: |
 |
Ու՞մ քարտեզներով են գծվում Հայաստանի սահմանները1991թ. Ալմա-Աթայի հռչակագրի հիմքում ո՞ր քարտեզն է եղել, ինչու՞ չի հրապարակվում: Որտեղի՞ց է ծագել «ՀՀ 29 800 քառակուսի կմ տարածքային ամբողջականություն» արտահայտությունը: Արդյո՞ք այսօր Հայաստանի և Ադրբեջանի տարածքային ամբողջականության և «անկլավների» որոշման հարցում ԽՍՀՄ քարտեզների կիրառումը իրավաչափ է: Քննարկում ենք քարտեզագետ, ԳԱԱ պատվավոր դոկտոր Ռուբեն Գալչյանի հետ: Զրույցը վարում է Աննա Սարգսյանը: |
 |
Հանցագործություններ Արցախում. միջազգային իրավունքը և մշակութային ժառանգությունը2020թ. պատերազմից հետո Արցախի 193 բնիկ հայկական բնակավայր է անցել Ադրբեջանի վերահսկողության տակ: Հայ եկեղեցու Արցախի թեմի տվյալներով թեմի իրավասության տակ գտնվող 210 եկեղեցի ու վանք է օկուպացված: Իսկ եթե գույքագրենք բոլոր հուշարձանները, ապա դրանց թիվը, մասնագետների կարծիքով, կանցնի 10000-ը: Ինչպե՞ս է մշակութային արժեքների բռնայուրացումը ուղղակիորեն ոտնահարում մարդու հիմնարար իրավունքը: Ինչպե՞ս կարող է մշակութային իրավունքի պաշտպանությունը, այդ թվում՝ դատական ատյանների միջոցով, նպաստել Արցախի ինքնորոշման իրավունքի իրացմանը: Քննարկում ենք մշակութային ժառանգության փորձագետ Արմինե Տիգրանյանի հետ: Զրույցը վարում է Աննա Սարգսյանը: |
 |
Հայաստանի սահմաններըԻ՞նչ սահմաններ են ունեցել Հայաստանի առաջին, ապա՝ երկրորդ հանրապետությունները։ Ինչպե՞ս կարող են գծվել այսօր ՀՀ սահմանները, մասնավորապես, Ադրբեջանի հետ: «Երրորդ հազարամակի» տաղավարում հյուրընկալվել է պատմական գիտությունների թեկնածու Համո Սուքիասյանը: Զրույցը վարում է Աննա Սարգսյանը: |
 |
Իսկ եթե մեզ վաղը պարտադրեն իսլա՞մ հանուն խաղաղությանԻ՞նչ է աշխարհաքաղաքական ինքնությունը: Ո՞րն է Հայաստանի իշխանության պատասխանատվությունը զիջումների գնով խաղաղություն հաստատելու հարցում։ «Երրորդ հազարամակի» տաղավարում հյուրընկալվել է միջազգային հարաբերությունների մասնագետ, քաղաքական գիտությունների թեկնածու Գևորգ Մելիքյանը: Զրույցը վարում է Աննա Սարգսյանը: |
 |
Ինչպես ազատվել նվաստացումիցՈ՞րն է տապալված պետության և փոքր պետության տարբերությունը: Ինչու՞ է Հայաստանն այսօր համարվում փխրուն պետություն: Ինչպե՞ս թոթափել նվաստացման բեռը: «Երրորդ հազարամակի» տաղավարում հյուրընկալվել է քաղաքագետ Սուրեն Պետրոսյանը: Զրույցը վարում է Աննա Սարգսյանը: |
 |
Ո՞վ է խախտում Նոյեմբերի 9-ի հայտարարությունըՈ՞րն է այն ռացիոնալ հեռանկարը, որին հենվելով՝ կոչ ենք անում արցախցիներին դիմանալ շրջափակմանը և էթնիկ զտման վտանգին: Միգուցե պետք է պարզապես փրկե՞լ: «Երրորդ հազարամակ»-ում հյուրընկալվել է քաղաքագետ Ալեն Ղևոնդյանը: Զրույցը վարում է Աննա Սարգսյանը: |
 |
Փոփոխվող աշխարհակարգը, Արցախն ու ՀայաստանըԻ՞նչ գլոբալ փոփոխությունների միջավայրում են հայտնվել հայկական երկու պետությունները: Ինչպե՞ս է փոխվում աշխարհակարգը, ինչպե՞ս էր 2020թ. արցախյան պատերազմը կապված դրա հետ: «Երրորդ հազարամակ»-ում հյուրընկալվել է հանրային-քաղաքական գործիչ Սուրեն Սաֆարյանը: Զրույցը վարում է Աննա Սարգսյանը: |
 |
Արցախի համար պայքարն ունի՞ այլընտրանք. տեսազրույց Ռուբեն Վարդանյանի հետ2022թ. դեկտեմբերի 12-ից Արցախի Հանրապետությունը շրջափակման մեջ է: Մինչ մենք քննարկում ենք՝ ով ավելի շատ չի կատարում իր պարտավորությունը կամ որքան սրտառուչ է ներողություն խնդրում բացթողումների համար, 120 000 մեր հայրենակիցներ ցեղասպանության անմիջական վտանգի տակ են: Տեսակապ ենք հաստատել Արցախ, Ստեփանակերտից մեզ միացել է հասարակական, քաղաքական գործիչ, ԱՀ նախկին պետնախարար Ռուբեն Վարդանյանը: Զրույցը վարում է Աննա Սարգսյանը: Հաղորդումը տեսագրվել է 18.04.2023թ.-ին: |
 |
Էլիտաներ, հասարակություն և «նոր Սարդարապատ»«Ադրբեջանի կողմից նոր ագրեսիայի վտանգ կա և Հայաստանի և Արցախի դեմ: ԼՂ հայության համար կա իրական ցեղասպանության վտանգ»: Սա պաշոտնական տեղեկատվություն է մեր վիճակի մասին: Արդյո՞ք իրավիճակի այսպիսի արձանագրմանը անմիջապես չպիտի հետևի երկրում բոլոր ռեսուրսների մոբիլիզացիա: Զրուցում ենք վերլուծաբան, «Այլընտրանքային նախագծեր» խմբի հիմնադիր Վահե Հովհաննիսյանի հետ: Զրույցը վարում է Աննա Սարգսյանը: |
 |
Ինքնորոշման իրավունքՄարտի 21-ին Մայր Աթոռի Գերագույն հոգևոր խորհուրդը հանդես եկավ հայտարարությամբ՝ Բերձորի (Լաչինի) միջանցքի արգելափակման 100-րդ օրվա վերաբերյալ: Հայտարարության մեջ շեշտվում է, որ Հայ Եկեղեցին հետևողականորեն պաշտպանելու է Արցախի ժողովրդի ինքնորոշման իրավունքի իրագործումը՝ անկախություն հանուն փրկության ու անվտանգության սկզբունքով: Ի՞նչ էական տարբերություն կա Լեռնային Ղարաբաղում բնակվող «հայերի իրավունքներ» և «ինքնորոշման իրավունք» ձևակերպումների միջև: Արդյո՞ք դա հակասում է տարածքային ամբողջականության սկզբունքին: Ինչի՞ շուրջ կարող է լինել Ադրբեջանի և Հայաստանի միջև կնքվող խաղաղության պայմանգիրը: Պարզաբանում է իրավաբանական գիտությունների դոկտոր, ԳՀԽ անդամ Գևորգ Դանիելյանը: Զրույցը վարում է Աննա Սարգսյանը: |
