Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին
 |
Ու՞ր է 88-ի ժողովուրդը2020թ. պատերազմում կրած պարտությունից հետո մենք բոլորս մեր վրա զարմացած ենք: Այսօր, երբ Արցախը լիակատար շրջափակման մեջ է՝ էթնիկ զտման և ցեղասպանության վտանգի առջև, երբ գոյաբանական սպառնալիքի առջև է Հայաստանի Հանրապետությունը, մարդիկ, կարծես, ապրում են բնականոն կյանքով: Ու՞ր է 88-ի ժողովուրդը: Զրուցում ենք վարքային հոգեբան Դավիթ Հայրապետյանի հետ: Զրույցը վարում է Աննա Սարգսյանը: |
 |
Ճեղքելով շրջափակման կարծրատիպը. ArtsakhXԱրցախի Հանրապետության կառավարությունը տեղեկացնում է, որ գործարկվել է ArtsakhX մեսենջեր հավելվածը՝ հատուկ Արցախում կայուն և անվտանգ հաղորդակցության համար: Հավելվածը ստեղծվել է «Զանգի» ընկերության կողմից՝ հատուկ արցախցիների համար: ArtsakhX-ը աշխարհում եզակի է: «Երրորդ հազարամյակի» տաղավարում ընկերության հիմնադիր տնօրեն Վահրամ Մարտիրոսյանն է: Զրույցը վարում է Աննա Սարգսյանը: |
 |
Ինչի՞ է պատրաստվում ԱդրբեջանըՈրո՞նք են ադրբեջանական պետության ռազմավարական ու տնտեսական պլանները։ Ի՞նչ դեր ունի դրանցում հայկական պետությունը: Քննարկում ենք Ադրբեջանի հարցերով փորձագետ, պատմական գիտությունների թեկնածու Տաթևիկ Հայրապետյանի հետ: Զրույցը վարում է Աննա Սարգսյանը: |
 |
Հետազոտելով հայկական և ադրբեջանական նարատիվները. մաս 2-րդ«Ռեգիոն» հետազոտական կենտրոնը հրապարակել է «Ոչ պատերազմ, ոչ խաղաղություն պատմույթի նոր շրջափուլը հայկական և ադրբեջանական մեդիա և սոցցանցային հարթակներում» ծավալուն հետազոտությունը։ Այն բաղկացած է վեց մասից՝ Լաչինի միջանցքի արգելափակում և Արցախի շրջափակում, Հայաստան-Ադրբեջան խաղաղության պայմանագիր, Նոր պատերազմի հավանականություն, Բանակցություններ Ադրբեջանի և ԼՂ-ի միջև, Փախստականներ և «Արևմտյան Ադրբեջան», Միջնորդներ և արտաքին դերակատարներ։ Կենտրոնի տնօրեն Լաուրա Բաղդասարյանի հետ հաղորդման երկրորդ հատվածում քննարկում ենք վերջին երեք թեմաների շուրջ հետազոտության արդյունքները։ Զրույցը վարում է Աննա Սարգսյանը: |
|
|
Հետազոտելով հայկական և ադրբեջանական նարատիվները. մաս 1-ին«Ռեգիոն» հետազոտական կենտրոնը հրապարակել է «Ոչ պատերազմ, ոչ խաղաղություն պատմույթի նոր շրջափուլը հայկական և ադրբեջանական մեդիա և սոցցանցային հարթակներում» ծավալուն հետազոտությունը։ Այն բաղկացած է վեց մասից՝ Լաչինի միջանցքի արգելափակում և Արցախի շրջափակում, Հայաստան-Ադրբեջան խաղաղության պայմանագիր, Նոր պատերազմի հավանականություն, Բանակցություններ Ադրբեջանի և ԼՂ-ի միջև, Փախստականներ և «Արևմտյան Ադրբեջան», Միջնորդներ և արտաքին դերակատարներ։ Կենտրոնի տնօրեն Լաուրա Բաղդասարյանի հետ հաղորդման առաջին հատվածում քննարկում ենք Արցախի շրջափակման և Խաղաղության պայմանագրի թեմաների շուրջ հետազոտության արդյունքները։ Զրույցը վարում է Աննա Սարգսյանը: |
 |
Արմենոֆոբիա. Ադրբեջանի պետական գաղափարախոսությունըԼույս է տեսել «Հայատյացությունը Ադրբեջանի պետական գաղափարախոսության հիմքում» մենագրությունը՝ հայերեն և անգլերեն լեզուներով: Մեր տաղավարում Ադրբեջանի հարցերով փորձագետ, «Արմենոֆոբիա» մենագրության հեղինակ Գառնիկ Դավթյանն է: Զրույցը վարում է Աննա Սարգսյանը: |
 |
Հայաստան-Արցախ-Սփյուռք եռանկյունին պատերազմից հետո2020 թ. պատերազմը փոխեց մեր հարաբերությունները ոչ միայն աշխարհի հետ, այլև՝ ինքներս մեզ հետ: Հնարավո՞ր է լուծել հայկական որևէ խնդիր, երբ հայերն իրար չեն վստահում: Ո՞ր կառույցները կարող են վերահաստատել Հայաստան-Արցախ-Սփյուռք եռանկյունու խարխլված կապերը: Մեր զրուցակիցն է միջազգայնագետ, Սփյուռքի հարցերով Արցախի Հանրապետության նախագահի խորհրդական Ազատուհի Սիմոնյանը: Զրույցը վարում է Աննա Սարգսյանը: |
 |
Ու՞մ քարտեզներով են գծվում Հայաստանի սահմանները1991թ. Ալմա-Աթայի հռչակագրի հիմքում ո՞ր քարտեզն է եղել, ինչու՞ չի հրապարակվում: Որտեղի՞ց է ծագել «ՀՀ 29 800 քառակուսի կմ տարածքային ամբողջականություն» արտահայտությունը: Արդյո՞ք այսօր Հայաստանի և Ադրբեջանի տարածքային ամբողջականության և «անկլավների» որոշման հարցում ԽՍՀՄ քարտեզների կիրառումը իրավաչափ է: Քննարկում ենք քարտեզագետ, ԳԱԱ պատվավոր դոկտոր Ռուբեն Գալչյանի հետ: Զրույցը վարում է Աննա Սարգսյանը: |
 |
Հանցագործություններ Արցախում. միջազգային իրավունքը և մշակութային ժառանգությունը2020թ. պատերազմից հետո Արցախի 193 բնիկ հայկական բնակավայր է անցել Ադրբեջանի վերահսկողության տակ: Հայ եկեղեցու Արցախի թեմի տվյալներով թեմի իրավասության տակ գտնվող 210 եկեղեցի ու վանք է օկուպացված: Իսկ եթե գույքագրենք բոլոր հուշարձանները, ապա դրանց թիվը, մասնագետների կարծիքով, կանցնի 10000-ը: Ինչպե՞ս է մշակութային արժեքների բռնայուրացումը ուղղակիորեն ոտնահարում մարդու հիմնարար իրավունքը: Ինչպե՞ս կարող է մշակութային իրավունքի պաշտպանությունը, այդ թվում՝ դատական ատյանների միջոցով, նպաստել Արցախի ինքնորոշման իրավունքի իրացմանը: Քննարկում ենք մշակութային ժառանգության փորձագետ Արմինե Տիգրանյանի հետ: Զրույցը վարում է Աննա Սարգսյանը: |
 |
Հայաստանի սահմաններըԻ՞նչ սահմաններ են ունեցել Հայաստանի առաջին, ապա՝ երկրորդ հանրապետությունները։ Ինչպե՞ս կարող են գծվել այսօր ՀՀ սահմանները, մասնավորապես, Ադրբեջանի հետ: «Երրորդ հազարամակի» տաղավարում հյուրընկալվել է պատմական գիտությունների թեկնածու Համո Սուքիասյանը: Զրույցը վարում է Աննա Սարգսյանը: |
 |
Իսկ եթե մեզ վաղը պարտադրեն իսլա՞մ հանուն խաղաղությանԻ՞նչ է աշխարհաքաղաքական ինքնությունը: Ո՞րն է Հայաստանի իշխանության պատասխանատվությունը զիջումների գնով խաղաղություն հաստատելու հարցում։ «Երրորդ հազարամակի» տաղավարում հյուրընկալվել է միջազգային հարաբերությունների մասնագետ, քաղաքական գիտությունների թեկնածու Գևորգ Մելիքյանը: Զրույցը վարում է Աննա Սարգսյանը: |
 |
Ինչպես ազատվել նվաստացումիցՈ՞րն է տապալված պետության և փոքր պետության տարբերությունը: Ինչու՞ է Հայաստանն այսօր համարվում փխրուն պետություն: Ինչպե՞ս թոթափել նվաստացման բեռը: «Երրորդ հազարամակի» տաղավարում հյուրընկալվել է քաղաքագետ Սուրեն Պետրոսյանը: Զրույցը վարում է Աննա Սարգսյանը: |
